90s Lazy (山東街)

营业中

休息中

今日難得係旺角約左fd 食lunch，想去間cafe 坐下，就同朋友黎左呢間book mark 左好耐既cafe 試。見到餐廳有lunch menu 就揀左2 個lunch set，價錢都合理（加一）懶人包（all day breakfast）正常份量既一個all day breakfast，所有野食都中規中矩，如果想簡單食一個all day breakfast 都可以選擇。溫泉蛋肉醬寬條麵肉醬味道都濃郁既，寬條麵食落有口感，👀落份麵好細粉，食起上黎係飽肚既，唔係話好經驗但係都不失為一個唔錯既lunch setlced lattePS 餐紙幾得意

🤓 小編喺附近行完書店，開始入夜，就索性喺旺角食埋晚飯先返屋企，揀咗90s Lazy一試！［ 亂闖試飲試食 ］🍽 烤雞肉菠菜忌廉汁意大利飯 😋😋😋😋雞肉嘅表面煎得非常香脆，香口得嚟，雞肉亦嫩同有肉汁。☺️ 菠菜忌廉汁調味適中，唔會太鹹。🍚 意大利飯食落嘅口感唔似用歐洲米，偏軟身，似係亞洲米，整體都夾嘅。☕️ 柚子蜜 (熱) 😋😋😋😋由於夜晚唔想再飲咖啡，所以揀咗熱柚子蜜，味道不過不失。晚餐 💵💵💵 約港幣$150/人💁🏻‍♀️ 提提大家：餐廳只接受現金，大家去食之前，就記得㩒定現金啦！雖然個feel係悠閒，但有需要都係預定好啲，都會限時㗎！😆

-//位於旺角·由六位90後青年人開設嘅餐廳主打fusion 菜式，選擇都幾多，有全日早餐漢堡、扒類、飯、麵，沙律，樣樣都有啲🤣📍蘆筍大蝦黑松露意大利飯 $110個人好鐘意食Risotto，呢碟粒粒飯都充滿醬汁🤩仲有野菌 蔬菜粒做配料，食上嚟有咬口意大利飯既軟硬度適中，但份量就有啲少喇📍明太子蟹肉忌廉汁意大利粉 $128意粉味道唔錯，好Creamy每條粉都掛汁🤪鹹香十足，再加上大量紫菜碎，整體都唔錯📍碟豆花鮮奶 $ 21（跟餐半價）飲品勁多選擇🤩咖啡、奶昔、梳打、茶類等款款都勁吸引 賣相好靚🤣呢杯係顏色吸引我但飲落味道好淡🤣我諗真係For打卡only🤣📍熱情果梳打 $23（跟餐半價）梳打都係神奇地好淡味🤣自動幫你走甜🤣#旺角美食 #餐廳推介設加一服務費✔️抵食程度：🌝🌝🌗🌑🌑📍90s Lazy (山東街) (旺角)旺角山東街50號1-2樓

胃口麻麻的時候，就會想起all day breakfast，簡簡單單，又有蛋白質有纖維有澱粉🍳🥗🥓🧇。90sLazy應該是香港最抵食的all day breakfast之一，環境又舒服好坐，上一次光顧原來已是2020年，這次約了友人敘舊，才知道先施店已結業，要稍移玉步去山東街👣👣。比起亞皆老街車水馬龍，山東街店環境好得多，店面依舊明亮寬敞，以木色為主調，加綠植點綴，簡單舒適☺️。平日下午人流疏落，去到直入，又無限時，傾下傾下就2個鐘，算值回票價🤑。由於胃口奇差，便叫了份量較小的「你諗啦」ADB，和開胃的熱情果沙冰，另外加了炸魷魚圈小食，人均大約$150。ADB本身很難驚艷，所以期望不高，除了窩夫有點乾之外，都過得去🙆🏻‍♀️。熱情果沙冰反而有驚喜，酸酸甜甜很清爽😋，雖然價錢偏貴。

有朋友好有心咁介紹一啲靚靚餐廳比我，等我可以多啲題材寫野影下相。入到餐廳個感覺都好舒適，有日系既感覺，所有野都幾靚，連張紙巾都睇得出係用心設計過。我地兩個人，分別叫左一個主食同一杯野飲，以午餐嚟講都唔算好抵食，不過食物都還可以。黑松露帶子忌廉汁意大利飯 $118黑松露既味道好出，意大利飯既軟硬度適中，但帶子嘅質素就只係合格。懶人包 $128懶人包即係all day breakfast，值得推介一下，份量同食物種類都夠多，隻蛋炒得超滑，最重要係擺盤靚，岩晒打卡！薑汁鮮奶咖啡 $48薑汁鮮奶咖啡但就無薑味，而且隻豆既味我覺得一般，對唔住個價錢。柚子蜜 $32正正常常柚子蜜。

呢間Cafe環境好舒服😌店員服務態度又好 食物又高質 真係好推介✨個鵝肝牛肝菌意大利飯好食😋risotto口感煙韌 牛肝菌味仲好濃郁😍面頭有一大嚿煎到外脆內creamy嘅鵝肝 超足料呀！

-位於山東街呢間 “90後懶惰餐廳” 😂😂其實知道呢間嘢已經開咗一排 成日都係食完飯先經過今次終於去食飯 餐廳環境舒服 出餐都幾快🫶🏻 全部都大大份⋯價錢亦都好合理.🔹安格斯牛肉芝士漢堡 $108🔹蘆筍大蝦黑松露意大利飯 $110🔹明太子蟹肉忌廉汁意粉 $138🔹啤酒薯條配黑松露醬 $55

呢排同同事做嘢做得好辛苦⋯⋯⋯ 所以話去cafe食吓好嘢開心吓！想試呢間90’s lazy好耐～去果個時間已經係兩點幾三點，但佢Lunch menu係由12:00-17:00所以我哋去到有兩個menu可選，多唔少選擇！🤩Lunch set A 懶人包Signature Lazy Breakfast Set $72係好食嘅，份量都唔少(最後唔太食得晒)，薯餅好食，蛋都滑，一般全日早餐，略欠驚喜🙈Lunch Set C 溫泉蛋肉醬闊條麵Bolognese fettuccine w/ soft boiled egg $75呢個比較失望嘅，因為個蕃茄味太勁(或者可以落咗好多茄膏？)我覺得都幾酸，我個人嚟講唔太受到咁酸⋯⋯⋯⋯ 所以食嘅時候都少少辛苦…（撈咗溫泉蛋都救唔返🥲)Lunch Set H 安格斯牛肉漢堡Angus Beef Cheese Burger $82都係正常操作，但薯條調味調得唔錯，所以三樣食物入面最喜歡係呢樣！👍🏻最估唔到係 原來嘢飲先係驚喜位！OMG 淨係個賣樣已經開心咗好耐，影咗勁耐相🤣 飲落都係好飲，所以我奉獻了我卡路里quota🐷總結：奉勸大家食嘢嘅話就唔好抱太大期望

平日放假，lunch緊係要搵啲好野食，喺旺角想搵個地方靜靜地，記得之前同朋友嚟過呢間90s Lazy，幾啱我呢啲想忙裏lazy下嘅人🤣叫左懶人包 signature all day breakfast($72)，包一杯飲品。本身都糾結緊其他all day breakfast選項，但無奈貴啲嘅又好似多得滯，所以唯有都係揀lunch set呢個。都係standard all day breakfast配置，最出色嘅我想揀薯餅，要知道唔係間間嘅薯餅都可以做到脆，食all day breakfast食到唔脆嘅薯餅真係會令人好嬲😠 其他食物我都會話不過不失，蛋而家質地偏硬，如果可以做到更加軟綿綿就好了🥺$72買到個空間坐下攤抖下，唔算多人，夠清靜，都係唔錯嘅me time選擇☺️

間舖頭個名就係90後•懶，見到佢哋員工嘅T恤寫住冗員同唔捱得，真係好gag👍🏻但佢哋呢間Cafe一啲都冇偷懶同求其，食物唔貴之餘好食又有夠份量，服務仲要好貼心，職員都好有禮貌，見到飲完嘢飲都會主動俾兩杯水，俾我哋慢慢坐低食又唔會趕客走😌🍴 水牛城雞翼 $68 (8/10)雞翼有炸香過，外皮都脆脆地，加上水牛城汁係酸酸地，但唔係好辣，幾香幾惹味，都好食嘅！🍴 白酒煮青口 $78 (4/10)有成六隻青口，真係用咗白酒，蕃茄仔，洋蔥，菇去煮，個汁好香白酒味鹹鹹地，青口嘅肉質都OK嘅，但略嫌有少少腥😂個調味唔錯，但青口嘅腥味真係頂唔住😂不過呢個價錢就算啦。🍴 鵝肝牛肝菌意大利飯 $148 (8/10)真係有一塊完整嘅鵝肝，外脆內軟，煎得啱啱好，鵝肝好香濃，意大利飯唔會太硬身，粒粒飽滿，都有口感，用咗洋蔥同埋菇去煮，好足料，牛肝菌味好香好出，調味啱啱好，真心好食！🍴 明太子蟹肉忌廉汁意大利粉 $138 (8/10)意粉煮得啱啱好，唔會太硬太淋，真係用咗忌廉去煮，食得出有奶香，明太子鹹鹹香香但少少帶少辣味，撈意粉真係好香好好食！食到有蟹子，但蟹肉就唔係好食到，入面有好多洋蔥同埋菇，仲有紫菜，好有

【🍃青醬蘆筍野菌意粉】($62)---👉🏻 套餐配送熱餐飲一杯～～～📍評分：9.5/10～～～⏩ 呢間位於旺角山東街既樓上cafe好啱三五知己黎食下野hea下😝，環境真係簡約舒適🏞，90s Lazy's 們絕對要黎😏！～～～上枱見到咁大既碟、咁靚既藍色星空擺盤😍，心入面已經好加分‼️勁多勁濃既青醬啊😈，啱灑重口味既你們，羅勒香、蒜泥香同松子既香滑🤤，口感非常之creamy，加埋碟面既香草碎🌿，味道夠香口濃濃濃👅！掛滿灑喺意粉上面🍝，意粉係扁意粉，口感好煙韌😚，撈埋青醬食唔會好乾！而且好足料，有好多蘆筍、鴻喜菇、杏鮑菇🍄，蘆筍好爽口清甜，菇菌亦多汁鮮甜！～～～✅ 整體黎講，呢碟意粉幾夠惹味😛，份量都足夠👌🏻，而且價錢都抵食！加埋成個環境氛圍，大推介各位黎呢間cafe 輕鬆一下💦！～～～*另收加一服務費*～～～性價比：4.5/5回頭度：4.5/5賣相：4.5/5環境衛生：4.5/5服務態度：4/5

個名幾特別的餐廳，好適合我呢啲無時無刻都想偷偷Lazy的小夥伴～叫了兩個漢堡餐。第一個是安格斯牛肉芝士漢堡 （$108）我另外加了煙肉$10。漢堡材料有牛肉、芝士、三大塊蔬菜、番茄、煙肉。肉眼可見，薯條非常非常之多，旁邊另外有一份沙律，有茄汁。薯條其實唔需要點茄汁，因為佢落咗一啲調味粉，比出面的shake shake粉更加好食。第二個係照燒雞肉漢堡($88)，加雞蛋($10)。雞蛋煎得好靚，雞扒有汁唔會乾，唔錯，其餘材料一樣，亦同樣好大份好多薯條。凍特濃朱古力，HKD 42凍檸茶走甜，HKD 32

明太子蟹肉忌廉汁扁意粉$138紅棗茶+$4好味指數：😋😋😋😋抵食指數：💲💲💲💲環境舒適：😌😌😌😌環境衛生：🧹🧹🧹🧹🧹服務質素：💁🏼‍♀️💁🏼‍♀️💁🏼‍♀️推介原因：黃店。現在大家想變低調一點，有放連登豬/Pepe 的店越來越少。但這間cafe放了一排連登豬在門口位附近，而且收據🧾仍會寫上一些字句。感謝你們的堅持！是次用餐🍽平日6時多去，人不多，所以感覺好舒適，是一個在鬧市中，讓人靜靜地chill 一下的好地方。明太子蟹肉忌廉汁扁意粉🍝好creamy，如果明太子可以再多點會更好。蟹🦀️肉都算多。加了點雜菇，整體口感更佳。最近去過一些店，紫菜有點梅，當我今次見到眼前的紫菜也有點陰影。慶幸這裡的紫菜絲是脆口的😮‍💨喜歡飲品方面有紅棗茶這個選擇，感覺好養生。

2022年5月19日 晴90s Lazy (山東街)旺角山東街50號1-2樓收工同男朋友出旺角買野, 揀左間男朋友一直想試ge 餐廳因為覺得佢套餐都唔係咁抵, 所以都係散叫餐廳每人最低消費$100, 入坐有時間限制Soft-shell crab & garden salad 軟殼蟹田園沙律 $98軟殼蟹好大隻, 仲有膏！好香好好食😍 沙律菜應該用左油醋汁, 好味, 而家都好多菜呢French fries w/ black truffle sauce 啤酒薯條配黑松露醬 $55薯條炸到好香脆！好食到食唔停！🫣Spaghetti alle vongole 香辣蒜片蜆肉意大利粉 $95個意粉都真係辣, 唔食得辣ge 朋友要小心。不過入口好香, 蜆肉份量都ok, 仲有菇, 好味😋最後餐廳環境都坐得幾舒服, 枱與枱之間都唔會好貼, 唔錯

作為一個肉食主義者，間唔中都會食吓素。所以當我喺佢個menu見到有素食item，就諗都冇諗、即刻叫咗個「素食懶人包」。「素食懶人包」係一個素食all day breakfast：淨係睇個燒蕃茄已經攞滿分、焦香得嚟不失清爽，絕對唔似坊間嗰啲係咁意焫一焫但個心仲凍冰冰的九流貨色；牛油果畀足一個，飽腹感十足；多士粟米蘑菇同菠菜就正常發揮；炒蛋就係蛋包飯既做法，畀足心機去整而非求其炒埋一劈就上碟。唯一唔滿意係「素食懶人包」不在set menu上，特色嘢飲唔多，酒類選擇又唔多（本身想飲somersby，但冇）。環境：舒服、乾淨，絕對唔係九流樓上cafe可以比較。良心小店，值得支持。