81番 (已結業)

好久冇去遠東搵食。4、5年前轉去金鐘返工，人生路不熟，最簡單就係去遠東找食。好快開始熟絡環境＆同事，冇再一條友黎搵食！今日中午飯局湊不成，所以就承機去一趟遠東。本來係一心幫襯一間賣健康粥、三文治、果汁等既小店，但原來星期六唔開，無奈地我就轉去81 Deli。以前都係尖沙咀同沙田既Bologne食過晚飯，水準有保證，見81 Deli係屬佢既另一條路線，所以就直接行去收銀落柯打果然冇負我所托，簡簡單單叫咗份菠菜滑蛋意大利麵套餐，星期六中區冇乜上班族，大把座位同空間，可以好好享受，感覺好滿足！佢所有餐都會配一塊烘過既丹麥麵包，雖然知道頗肥，但係真係堅好味，甜甜地帶住牛油既酥香！意粉有嚼囗就必然，佢既蛋炒得好嫩滑，中間除了菠菜，仲有磨菇。清新惹味。唯獨杯咖啡就比較淡咗少少，希望會有改變

3月18日（星期五）與同事到81番吃午餐。金鐘的午飯時間真的很熱鬧。在任何餐廳找個位子也難。我們最後是坐在面對窗戶的單人高腳椅。不算是舒適的座椅。而且，午飯時間不算充裕，要盡快吃完食物，不能好好享受。閒談的時間也不多。餐廳的意粉只有西班牙菠菜炒蛋意粉（$52，連飲品）是素食。有兩片丹麥方包。（同事還給我多一片……看我的胃口有多大！）這裡的丹麥方包是有名的。充滿了牛油味道。質感鬆軟。炒蛋是碎蛋。真的很細碎。意粉是長圓條狀的那一種。意粉煮得比較久，所以沒有韌度。西班牙菠菜質感軟滑。蘑菇如是。因此，整個主菜都是偏軟的口感。口感不夠豐富。味道沒有特別。邊快速吃完邊談話，也令我對它的味道遺忘了。印象中是偏淡的。

前晚試完M記嘅紫薯新地筒之後，尋日又畀我發現咗呢個超多餡，真材實料嘅紫薯包！最初見到佢叫價$19蚊，真係猶豫咗好耐……但紫薯控嘅我，最後都係抵抗唔到誘惑……$19就 $19啦，我相信佢係值嘅。其實，直至食之前嗰一刻，我都擔心係畀佢呃咗。好緊張……咬一啖，已經食到紫薯餡，拎開睇下，嘩～勁多！成個都係紫薯蓉呀，好感動呢！ 除咗餡多之餘，包都幾軟熟，紫薯都有甜味。不過，就好似加咗糖或者奶，食到最後幾啖就覺得有啲甜喇～大圍嗰個花形充滿曬紫薯嘅包賣$33（好似係），呢個就賣$19，雖然唔知有無大圍嗰個咁好食，但未食到嗰個之前，食住呢個都可以止下相思之苦！值得一提嘅係，佢面頭個塊嘢，其實都係蕃薯肉嚟架，所以呢個真係全個都係蕃薯包！！哈哈 !呢間其實唔係麵包店，而係日式西餐廳，係博洛尼亞個集團嚟嘅。唔怪得啲包咁足料啦～呢一刻，突然間覺得，其實方包夾紫薯都會好好食XDDD

星期六中午時份在金鐘，本想去食碗平平地嘅越南粉，去到遠東金融中心，個menu換左，比平時貴左，於是走上一層逛逛睇下有冇乜抵食，見到呢間$5O一$6O就可以埋單兼包野飲，仲有一排落地玻璃位，夠晒開揚，裝潢也簡約舒服，一於同朋友去試下。我叫了份溫泉旦牛肉飯🍛，賣相討好，比餐牌照片更好，飯有一碗份量，夠軟熟夠綿，上面有小小野菜只供做裝飾，沒有味道也沒有香味的，咬落就出事....飯是涼的... 😖 天呀，天氣轉涼了，誰要一口冷飯?我不是叫飯團呀！ 溫泉旦是早早做好的，咬落旦黃是有旦味，卻也是個「凍旦」...😖, 再試牛肉，幸好牛肉雖然不是熱騰騰，但也尚是微暖，然且多汁，夠餸冷飯，汁略為甜了少許，我快快把尚暖的牛肉汁与飯和旦混在一起送入嘴巴。再飲番杯熱奶茶☕，總想暖和一下吧～呷一啖....酸的....😖, 似印度茶，加包糖看看，糖卻再進一步吊起茶的酸味😖, 叫朋友試試，結果一樣，要求換一杯，侍應話他們的茶是帶酸味的😱,天呀！那會有酸的茶?! 結果只好要求換杯咖啡，咖啡總算是正常味道。朋友叫滑旦豬排飯🍲，滑旦變成了蒸水旦狀，豬排過得去，而飯是熱騰騰有蒸氣冒出的，我既妒忌又羨慕。再望望人地的咖哩豬排

試過中環、尖沙咀、沙田、金鐘的BOLOGNE還是覺得中環的是最好吃 而這次我點了最喜歡吃雞扒包拼傻條 傻條 加$11 , 傻條佔了半隻碟, 哈哈!太多了吧~麵包夾著雞扒, 這店做的雞扒沒那麼juicy, 汁不夠多, 雞扒肉質不夠滑呢~傻條比起M記是幼一點, 不夠鹽而這家還有外賣lunch set$45 呢

放工約了Yan去食近期流行的"日本雪糕菠蘿包",即係雪糕蜜瓜包,係金鐘近近地有得食,太好了!平日的7:00多,冇乜人。目標就是Melon bread。蜜瓜包配瑞士草莓雪糕,$28,堂食,用微熱的平底鑊盛載。雪糕是Movenpick牌子的,好感度加1,有三款口味選擇,草莓、朱古力及雲呢拿,要了草莓,不過cream好似少左點,蜜瓜包面層好多糖,口感脆脆地,味道香甜,濃郁草莓味的雪糕同cream混和在一起,味道豐富,都不俗呀。濃滑卡邦尼汁煙肉芝士意粉,$48,除了甜品,都食下熟食,醬汁濃郁,意粉有彈性,不過配料較少,多士幾好味呀。整體水準不俗,雖然個蜜瓜包不是想像中咁好食,冇咁滿足呢,但都值得一試呀。

這天做Treatment前有點肚餓，之後又約左人吃飯，所以想吃少少嘢！見到這𥚃有湯跟麵包的簡餐便一試！湯是粟米忌廉湯！好有日式味道，但好明顯是開粉的 丹麥圏還可以接受 但這樣要＄38就不值了

一個悠閒既星期五，行完街就順便去附近食個下午茶。呢度人流好少，所以完全唔需要排隊等位，店入面人客都唔多。一個女仔，叫一個餐就剛剛好。餐牌選擇都算多，而且仲有每日推介既食物提供比三心兩意既人客做參考。偏愛食意粉，但又對牛同海鮮敏感既我，選擇左大路又安全既明太子意粉。意粉配一個麵包，加個飲品，都幾足夠。麵包好軟，暖暖地易入口，讚!但個意粉就味道唔太出，如果加多點明太子相信會更出色吧！食完慢慢打埋食評都唔會有人趕你走，真寫意。

恰巧！當日有公事出開金鐘，正好是午飯時間，一於在金鐘找地方食飯吧！可是，我不熟悉金鐘區，唯有走來走去找餐廳！ 印象中，位於金鐘廊隔離的遠東金融中心有些食肆，即管兜個圈看看有沒有合心水的餐廳啦！由金鐘廊走入去那層，餐廳的選擇包括: 越南菜、日本菜、快餐店，記得在商場中間位置有間北海道牧場餐廳，食物價錢合理，去幫襯吧！走到這裡，原來已轉了另一間新餐廳 <81番>！ 這是博洛尼亞集團經營，怪不知紙杯上印有博洛尼亞的英文店名！門面總算不錯，看似 cafe 格局，走入去才得知是自助形式，食客先到 counter 落單付款，然後，等待螢幕上顯示的單號取食物！當時，已是 1:30 後，就算一個人找個座位也很容易！店子以白色為主調，配以綠色圖案，感覺清新！除了2人桌，4人桌之外，還有靠窗的吧枱，起初！我還擔心穿上短裙會否走光?  店方在玻璃已貼上磨紗膠紙，相當貼心又週到！雖然是自助形式，店員不用為食客落單及送餐，服務亦相當有禮不錯！日式咖哩牛舌蘿蔔飯 $50薄切牛舌連叉子也叉不進，心知不妙！ 入口是挑戰牙力的牛舌，沒想到是如此韌勁！ 要慢慢咀嚼！而日式咖哩汁是甜辣而濃稠，拌上白飯已經

眾所周知平日午市時段金鐘超難搵位 是日約附近返工既朋友試吓呢間81番，等咗一陣就有位了呢度lunch set $4x到$7x不等，金鐘黎講價錢算係相宜。採取自助形式，先去收銀處點餐，再去廚房等攞食物。叫咗個carbonara意粉配熱咖啡所有意粉餐都會跟個餐包，係熱辣辣既意大利包，不過冇碗湯好似硬係爭d咁carbonara既意粉煮得唔錯，少少al dante，唔會太淋～醬汁香濃，配料種類多（洋蔥、雜菌、煙肉）但份量稍少。overall份量係足夠既，因為又有粉又有包。熱咖啡聞落似普通茶記咖啡，不過一飲就知係典型日式咖啡，有少少炭燒味，而且似係落cream而唔係落奶。從此金鐘午膳又多個好去處喇

平日多數係屋企食早餐. 星期日都要返工  緊係想早餐食好啲.大快活唔係好想食. 上次幫襯, 通粉唔夠熱, 腸仔又凍.今次去咗 81番, 食好少少.見門口 Danish Bread 咁熟口面, 原來佢係 Bologne Cafe (中環, 希慎有分店, 餐廳) 第一間做快餐店.Order 咗一份早餐. 有橄欖油炒蛋, 香腸, 火腿, 仲有麵包. 去度 Bologne, 緊係要食佢哋最出名既 Danish bread. 加 $8 轉包.呢份早餐合格, 所有食品都夠熱. 唔係暖暖地. 如果 Danish bread 再烘多少少, 香口啲更加多. 真係外脆內軟, 牛油香味濃. 好好味呢. 不過趕住返工, 冇叫廚房再烘.熱咖啡就一般快餐店質素. 不過不失. 可接受. (如果想要高質素既咖啡, 我緊係幫襯 Coffee shop 啦.)希望佢哋 keep 住水準.

今日去咗金鐘，來到遠東金融中心，見到博洛尼亞餐廳，新開既快餐店，之前已在海港城品嘗過意粉丹麥麵包套餐，見到人少少，買外賣返去回味，點知排隊既人吾多，諗住找店員推介食品，去到caisher，猶疑左陣，見到店員（j)小姐，準備想點選食物之制，佢可能嫌我太慢，叫我行埋一便，我當堂用眼神怒視她，又話收下1位小姐，我心諗（系咪想吾做我生意）之後忍若間，聽到佢話*玩野咩，咁忙，仲左住矖，好左旁邊的店員，即時幫佢補獲，吾該該店員，學學其他店員，服務態度,語氣説話，整體，其他人ok,食物ok,