8鍋臭臭鍋 (金巴利道) (已結業)

今次係第二次黎幫襯，上次黎食都成一年前，週末6:30黎到即刻可以入座， 如果遲多小小就要開始排隊等位。坐低落單等左15分鐘就食等。坐低叫左個台式麻辣鍋，辣度就嗌左中辣，啲材料仍然都係非常足夠，雖然成個湯好紅，但又唔算非常辣，對我黎講岩岩好，不過覺得係香辣而唔係麻辣。材料非常豐富，肯定夠飽，以呢個價錢黎講都幾抵食。但係個火好細，好難滾，而且好快就熄左。

經過金巴利道呢條佈滿韓國餐廳嘅路上面 見到呢間食一人一鍋嘅餐廳，感覺應該幾唔錯，一於入去試下啦。呢間午市仲有set，88蚊包一個鍋，一杯飲料，一碗白飯或粉絲，份量十分之足夠。一人鍋仲有好多選擇，今次試左藥膳羊肉鍋同黑麻油雞鍋。羊肉鍋嘅湯底有少少藥材味，越煲越香甜，感覺好補身。雞鍋就好香麻油味。鍋裡面嘅材料就個個鍋都唔一樣，而食落d食材都好新鮮。今次我地仲加左12蚊將碗白飯升級做滷肉飯。滷肉飯比我想像中好食好多，完全係意料之外，滷肉煮得唔油膩但又好香濃，食完一啖又一啖。呢度嘅醬料都好特別，佢會教你點樣調較沙茶醬嘅比例。除左個鍋之外，我地另外仲點左一份安格斯肥牛片同蛋餃。肥牛片價錢略貴，份量亦唔係好多，但味道還可。蛋餃就都幾特別。

今日lunch time同朋友經過尖沙咀，我地見到呢間食一人一鍋既火鍋店，就比佢吸引左啦。平時打邊爐都要多啲人食先抵，先可以叫到唔同既餸食，但呢度一個鍋已經有齊唔同既料，勁豐富，仲有成8種唔同既口味，有啲味道仲好特別添！中午套餐包括一個鍋、飯同埋野飲，只需要$88，好抵食啊！有幾款醬料可以自己調！我揀左藥膳羊肉鍋，入面既材料好豐富，除左有好多羊肉之外，仲有貢丸、椎山、油豆腐等等。呢個鍋湯底有濃濃既藥膳味，感覺好養生！跟餐可以加7蚊配原價30蚊既野飲，我就加配左盆栽奶茶，佢係朱古力奶茶加orea碎。朋友就叫左黑糖薑母茶。朋友既鍋係黑麻油雞鍋，同樣都係好多料，真係食到好飽！我地仲加左12蚊約將白飯轉左魯肉飯，魯肉飯好惹味！

今日12點左右去食8鍋，岩岩開門，唔洗等位即時入得。Total 有9種鍋揀，午餐menu$66可以有個迷你鍋，每日都有指定口味或者臭臭鍋，今日星期五係麻辣味，朋友揀左，而我揀左新出既咖喱奶蓋味$88。咖哩味濃，加左奶蓋撈埋好似中和左，幾夾。黎到發現其實迷你鍋既份量都好多，每鍋都有有多配料， 而且牛肉量都好多，下次lunch 都係叫番午餐set,感覺好抵。每個鍋配白飯或粉絲，粉絲索曬湯底既味好正。每餐可以配紅茶/綠茶，或加$7揀$30以下飲品，我揀左檸檬冬瓜茶原價$28，想解下油膩同消濟。 味道好清新，最緊要係唔會太多糖太甜，打邊爐飲就最岩。朋友試果杯係多多綠茶，原價都係$28。另外有調味料，但我地覺得湯底好夠味好入味，如果唔食辣就唔需要加調味已經夠。整體黎講，呢個價食到咁豐富既邊爐真係超值，性價比夠高。

今星期又開始轉涼，還霧着細雨，乍暖還寒，決定暖暖身，來過一人一鍋，正！餐店落地玻璃門口，清楚看到客人暖笠笠的樣子。馬上走進內裏，場面熱鬧，設有多張二至四人枱，每枱都一人一鍋，打得火熱。除了有九款一人鍋套餐外，還有很多加點食材、幾款小食和飲品。套餐是鍋加飯或粉絲，揀乜好呢？****************************今晚想開胃啲，就要蕃茄白豚鍋 Tomato Pork Hot Soup($112)，酸咪咪可以吃多啲，哈！一滾起便聞到陣陣酸香，茄酸味濃郁，酸香美味，很討我喜歡。鍋料相當豐富，數數看，足足有十五款，包括有娃娃菜、白豚肉、豆乾、蓮藕、蕃茄、椎山、香菇、粟米、凍豆腐、青豆角、金針菇、炸枝竹、粉絲、鳴門卷和木耳，各食材都越滾越入味，越滾越滋味。白豚肉份量不少，夾雜些肥膏，肉質紮實；凍豆腐和豆乾也不錯；娃娃菜和蕃茄都好嫩；粉絲滑嘟嘟，吸收晒蕃茄湯，很美味！但最喜歡還是粟米，極之爽甜，一件真的不夠喉，馬上追加一碟粟米Sweet Corn（$30），色澤鮮黃，好新鮮，同樣非常甜美，好味！****************************另點了杯熱香芋奶茶 Taro Mi

呢日等男朋友放工後就黎到食臭臭鍋。係社交平台見到好多朋友食，呢日就一於試下。我地差唔多三點先黎但都有唔少人。Menu 有幾款鍋簡，一個價錢包咗一個鍋、一碗飯/粉絲、一杯台式茶。我地今次要咗兩款鍋！招牌臭臭鍋 一個鍋有超多料，內面有齊我鍾意既台式食品。有米血糕、大腸、丸同臭豆腐。個鍋個味聞落幾濃臭豆腐味，不過食落啱啱好唔會太濃味。入面仲有沙白！好足料藥膳羊肉鍋呢個入內又係好足料，大大鍋滿足多個願望。個湯底好有藥膳味！啲藥膳味同啲羊肉好夾！粉絲/白飯個人推介白飯，個飯係似珍珠米，仲要煮得啱啱好，好食！紅茶跟餐既野飲，係台式紅茶味道入面已經有糖～加幾蚊有得轉其他野飲，呢個係金桔檸檬soda，幾重金桔檸檬味，幾好夠清新～

今晚約了大頭仔到了尖沙咀的8鍋，其實之前都和朋友來過一次，相對上質素其實都沒有怎樣變呢。點了2個鍋:招牌臭臭鍋娃娃菜、台灣豚肉、臭豆腐、台灣貢丸、米血榚、大腸、豬紅、沙白、鵪𪂹蛋、蕃茄、榨菜絲、韭菜、金針菇、嗚門卷、炸支竹、粉絲。味道真的比較上臭的，而且材料也十分足，一個人吃也很滿足！黑麻油雞鍋米酒、老薑、娃娃菜、雞肉、炸枝竹、枸杞、金菇、洋菇、淮山、肉丸、、牛丸、米血榚、嗚門卷、沙白、玉子豆腐、粟米、台灣麵線。第一次吃這款鍋，原來有台灣麵線！好好吃呢！

晚上食火鍋，朋友說這個主意不錯👍🏻，有時候不一定去食西餐。重點開心已經足夠。第一次來這間叫8鍋餐廳，人吾算太多，要等5張枱一日到店就已經聞到鍋物香味。我㸃了一個台式麻辣火鍋，再加羊肉同腐竹二人食一定夠🥰🥰🥰先到的是台式麻辣火鍋🌶🌶🌶我點了中辣，味道還不錯👍🏻火鍋配料也算多，兩人份量都可以，比較特別的是米血糕，麻辣餃。正在品嚐火鍋時，怱然沒有火，吃不到。於是我們叫店員幫我們於是我們叫店員幫我們處理，但是叫了三次不同的店員都很忙，並沒有上前跟進，我明白店內人手不足，難免需要一些時間，但太久會影響服務質素。結果等了比較長時間先可以吃。🌶🌶🌶希望下次再來的時候可以改進人手的問題。

約咗喺尖沙咀做嘢嘅朋友食飯，趁天氣仲係凍凍哋，兩個人走去8鍋臭臭鍋打邊爐。估唔到臭臭鍋都好受歡迎，六點幾已經好多客人喺到烚下烚下🍲🍲。 推門而入，完全聞吾到打邊爐嘅臭味。臭臭鍋有九種不同口味濃湯底， 有麻辣、有吾辣同藥膳，梗有一款啱你口味！而每個鍋嘅材料都有寫出來，價錢就一律112蚊加一服務費。喜歡嘅你，有四款口感任你調出個人味道。 加12蚊可將飯或粉絲升級為滷肉飯，香蒜牛肉鍋當臭臭鍋滾熱時，已陣陣蒜香撲鼻。鍋內有娃娃菜、牛肉片、炸枝竹、蟹籽丸、粟米、金針菇、粉絲、沙白、凍豆腐、蕃茄、牛丸、甜不辣、 翡翠魚豆腐、嗚門卷十多種豐富材，盡吸收湯底濃濃蒜香味。就算吾點醬，已經好好好入味！ 咖哩奶蓋鍋加入牛奶後，令咖哩湯底嘅香甜度大大提升。金菇、娃娃菜同支竹等吸收咖哩奶蓋濃湯，非常入味。沙葛代替白蘿蔔又有另一番新口味。總結：一人一鍋，可以揀自己鍾意嘅湯底同材料，湯底特別香濃惹味，而肉類、蔬菜、魚蛋等材料份量十足。價錢親民，年輕侍應們服務貼心。會再次來品嘗其他臭臭鍋！

聽聞臭臭鍋lunchset好抵食 就同朋友去左尖沙咀一試😚😚😚可能lunchtime無咩人想打邊爐 入到去客人吾太多 lunchset有好多鍋揀 仲配埋飯同野飲🤩🤩🤩我一向都中意食羊肉 就揀左藥膳羊肉鍋😋 個鍋好快上嚟 入面有羊肉片 油豆腐 貢丸 魚丸 金針菇 鴨肉丸 椎山 沙白 海量的娃娃菜🤤🤤 湯底藥膳味吾會好濃 怕藥味的朋友都可以試下👻 但羊肉片就好靭。。 好難咬 其他材料都幾正常 分量好多 我最後都食吾曬😂 仲試左朋友個臭臭鍋 臭豆腐味好濃 吸曬湯汁🤪 推薦:⭐️⭐️⭐️

放工約左個friend食lunch，話想食台灣野，一於食下咁高評分既臭臭鍋！下午成2點幾都坐左成十枱客，可見人氣幾高。今次2個人叫左2個鍋，再加多份炸花枝丸，其中一杯飲品轉左奶蓋烏龍茶。藥膳羊肉鍋好似好高級都係$88睇落都幾多餸，有粟米，魚豆腐，豆卜，菇類等等，湯底真係幾有藥膳味，羊肉夠羶色，非常唔錯，主食要左粉絲，吸埋湯汁超正。另外朋友叫左招牌臭臭鍋，好似臭豆腐湯底咁，幾好味又多料。炸花枝丸超級大推！新鮮炸起，丸質軟滑彈牙唔係麵粉質地

呢幾日都係咁落雨, 又濕又凍嘅天氣搞到好想食麻辣火鍋, 今日做完gym等埋阿媽放工就去咗尖沙咀食呢間8鍋臭臭鍋🤣阿媽去完台灣食過一次臭臭鍋之後就係咁話好想再食, 所以佢就叫左一個臭臭鍋, 可以揀辣度, 咁就要左少辣。另外我就要左一個麻辣鍋, $88一個餐會跟飯/粉絲, 同埋一杯嘢飲, 加$7可以轉第二款飲品。跟餐嘅綠茶都幾好飲,甘甘地唔係太甜,而且另外個杯巨峰提子梳打都唔錯。麻辣鍋嘅小辣都幾辣下, 尤其是啲配料索晒啲辣汁真係幾惹味, 佢入邊嘅配菜都有幾多, 我最鍾意麻辣鍋入邊嘅甜不辣, 同埋肉嘅份量都有幾多喎！另外臭臭鍋阿媽就更加讚不絕口, 佢話仲好食過台灣喎, 入邊嗰舊臭豆腐真係幾臭, 好食果隻臭😂Lunch $88都幾抵食, 同埋佢有成八款唔同嘅鍋, 下次想試埋佢其他鍋🤣🤣

橫風橫兩去食臭臭鍋, 果然沒有令我失望一位舊同事約食飯, 就約到這裡來HKD66 迷你鍋午餐優惠, 超值 昨天星期三. 藥膳羊肉鍋及酸辣羊肉鍋各叫了一個, 還加了一個芝士牛奶鍋除一個滿滿的鍋還有一杯飲品,及粉絲或米飯一定夠飽, 

其實我和朋友都很喜歡吃台灣的臭臭鍋。終於可以試到香港的臭臭鍋，不用去到台灣。臭臭鍋的湯底非常多選擇，可以根據自己嘅口味選擇喜愛的湯底。配料亦都新鮮，份量都幾大。

夜晚約咗朋友飲嘢，所以要早早食晚餐先。朋友介紹一間臭臭鍋，係一人一鍋嘅食物， 有好多款選擇。五點半就食晚餐，所以店內無乜人，任揀位，好輕鬆!芝士牛奶鍋我唔食辣，原本想試招牌臭臭鍋，不過又驚食到個人好臭，哈，其實未必會。。。所以就食芝士牛奶鍋，聽個名都好純。好香牛奶味，芝士就好似無乜，不過湯好好味， 好似飲牛奶湯咁。配料好多，蔬菜份量都多，肉嘅份量都ok, 一個人吃是完全足夠的!泰式麻辣鍋朋友食辣嘅，佢話好味!黑糖珍珠奶茶好飲，對比幾十蚊一杯嘅，呢杯當然普通，不過如果係跟餐嘅話，算係唔錯!無乜人，包塲一樣，哈幾款醬料，其實個鍋已經好夠味，我都無用到 醬料