8記車仔麵 (已結業)

講開車仔麵，個人認為元朗車仔麵首選合興、8記及永年（已按次序排列）。同上一篇寫合興車仔麵既食評一樣，都係揀相同既餸：魷魚、魚蛋、牛柏葉（唔通自己鐘意食咩餸會次次轉咩！？）。魷魚——有咬口，處理得唔錯魚蛋——辣味已經入晒味，好好食，所以每次黎都必食牛柏葉——份量太少，我懷疑唔係一個餸既份量湯底：秘制辣醬（小辣）——真係好辣，但幾香幾惹味至於排名點解咁排？好大原因在於服務方面，當另一間店殷勤相待，而呢一間無做到，比下去係理所當然。…查看更多

車仔麵我要求都不是太高, 以上環麵尊及元朗永年為首, 8 記只是一般水準。首先環境比較細, 多數車仔麵都是一樣, 但枱面的油, 代表負責人對清潔要求一般。另外服務, 基本車仔麵係無咩服務。但態度我覺得麻麻, 大家唔想比人吋就唔好去。食物就是正常不過的車仔麵, 要說好好味又不是。 基本質數囉！魚旦太無彈力, 鳳爪及雞翼只有兩件, 羅白豬皮幾好, 豬肚及豬腸入味。麵質有代改善, 湯底ok。如果大家食過之前講的兩間車仔麵, 可以不用去8記。…查看更多

車仔面來來去去都係咁既味道，見到呢間價錢唔算貴就入去試下。叫左個兩送米線，配豬軟骨，通菜，再加麻辣少少辣。飲左一啖個辣，真係辣到飛起，非常之麻，但個湯除左辣之外就唔算好濃味，d配料不過不失，但佢既清涼爽幾好飲，因為太辣既關係我飲左兩罐。…查看更多

叫左個三餸麵($36) 豬腸 蘿蔔 同埋沙嗲墨魚頭(+$4) 粗麵 沙嗲汁 +$6有埋凍豆漿 合共$46碗麵一黎到真係WOW一聲 面頭舖滿勁多沙嗲墨魚頭同墨魚腳s!! 食落口感冇魷魚咁爽脆 比較淋身 感覺彈下彈下好動L 都幾得意 可以一試XDDD 沙嗲味道就唔算太濃唔夠入味豬大腸比d墨魚頭遮住曬 有5大件 厚身大件好好咬 好入味好香口😍蘿蔔有4大舊 味道幾清甜 可惜其中一舊有少少渣😳沙嗲汁冇想像中咁濃稠咁重口味 偏淡 都ok既 冇咁邪惡應該都係好事😌粗麵都幾掛湯 好味!!…查看更多

久違了的車仔麵味道蟹柳：是蟹棒，不是蟹柳👍🏻👍🏻👍🏻蝴蝶腩（豬）：入味，顏色及樣子都很像牛腩一樣👍🏻👍🏻👍🏻鹵水雞翼尖： 鹵水汁味道不錯，很入味👍🏻👍🏻👍🏻👍🏻清湯蘿蔔: 夠腍，但味道偏淡👍🏻👍🏻👍🏻鹵水雞翼： 大隻，味道夠但肉沒有過老，好味👍🏻👍🏻👍🏻👍🏻👍🏻鹵水汁+湯油麵： 油麵粗幼比其他車仔麵的油麵幼一點，有點像拉麵，吸收湯的味道更好，讚👍🏻👍🏻👍🏻👍🏻消費：3餸1麵 $35 ，飲品另計總評：消失很久的美味，會再來的。…查看更多

草根風味元朗工作午餐，同事想食車仔麵，去到睇出裝飾有落過心機，外牆係外國車牌，店內行草根feel，木紋摺枱摺櫈，加啲舊收音機📻同喇叭📣！每人劃一張落餐紙，食物好快到！這三餸麵（$35）豬腸、咖哩豬皮、蘿蔔、粗麵，豬腸無壓味，炆得入味，彈牙好味，蘿蔔無渣，味道清甜，豬皮爽口，咖哩味入味！粗麵掛湯唔錯，腩汁湯味濃，鹹香惹味！辣醬辣而不嗆喉！好味涼粉爽（跟餐$5）罐裝飲品選擇多！涼粉爽呢類比較少見嘅飲品都有淨生菜（$10）腩汁浸生菜，生菜爽脆，腩汁鹹香女店員有禮，因為第一次幫襯，所以問佢係落單比錢定係食完比錢！佢有笑容咁答我！服務幾好！同事食：沙嗲汁牛坑腩魚皮餃蘿蔔油麵（$39）沙嗲汁豬腸豬紅牛丸河粉（$35）男女共用廁所🚾雖然舊，乾淨企理，又有齊廁紙！幾好！…查看更多

夜媽媽10點幾肚餓想食車仔麵，咁啱揸車經過見到「8記車仔麵」，睇門面已經覺得好特別，小小的店外牆用左好多外國車牌做裝飾，好得意。入到去就叫左個3餸車仔麵拎走食，叫左豬腸、蘿白、魚腐、油麵腩汁底。出面速度快，好快就有得攞👍🏻👍🏻攞左上車即食，先食豬腸，好好食！厚身、乾淨、入味、有口感，好好食呀！跟住夾左注麵食，唔。。又係好好味，哈，好滿足呀！蘿蔔有5大舊，又甜、軟硬適中，好好味！魚腐新鮮又大塊，太好，食得好開心，食完飽晒，仲飲左幾啖腩汁湯，個湯底濃而不膩，又唔油！呢碗麵真係今日最好嘅結尾，好有誠意嘅車仔麵店！ 好耐無食過咁好味嘅車仔麵，之後一定會再回頭試埋其他餸。…查看更多

今次叫外賣試試 早排收到佢地的外賣紙 勁開心 知道有開新嘢食 終於有多一個選擇！洪水橋真係冇嘢好食㗎。。。冇我鍾意既嘢食 ！天氣炎熱 費事出街啦 。外賣速度勁快，相信係老細親自送貨，態度好好，又靚仔窩，哈哈！碗麵份量多啦，勁飽，男仔都絕對飽！都幾好味！辣方面都唔求其，如果食得辣，我推介腩汁/沙爹 加麻辣 中辣 同出邊求其辣味唔同 真心可以試試！！D送方面選擇都唔少，滿足的一餐 唔使成日食D X記，咩心！！！哈哈哈哈哈哈哈哈…查看更多

每次去洪水橋都只係食茶餐廳，今次偶爾發現隔離巷有間車仔麵。第一下俾個裝修吸引我入去，同一般車仔麵唔同，大大個燈箱招牌加埋玩vintage既裝修真係幾特別。以為得個外表冇內涵啦⋯點知又一驚喜叫左幾個餸，當然唔少得豬腸蘿蔔豬腸夠入味蘿蔔夠林叫左咁多餸連埋杯豆漿$50都唔洗另外特別要讚，有款叫墨魚頭小食真係要試下食過返尋味…查看更多

今次是第一次食8記車仔麵，裝修有心思和食物有水準的小店，特別顏色和裝飾如七、八十年代的感覺，門外可以擺放單車方便客人，是日和老公點了如下：豬紅大腸冬菇米 -值得一提是豬紅很滑，完全沒有散開，推介！另外米粉亦是亮點之一因爲是幼身和彈牙:)，（不是粗身和塑膠感的！）自家制辣椒醬勁到十足，小妹只要小辣已經夠噴火支竹肥牛豬紅油麵 - 肥牛份量多，油麵不錯湯底不油，老公叫了腩汁湯，幾乎渴完全碗，事後沒有口渴會下次再來支持小店😃😃…查看更多