8番拉麵 (已搬遷) 新店位置

價錢好抵食,不過都係一分錢就一分貨!!全碟鰻魚炒飯,只有3粒鰻魚............!!真係少左dd喎炒飯係用日本米,外型肥嘟嘟,夠煙韌香口,炒飯味道略淡,如果炒飯加多點鰻魚汁會更好,全碟飯都唔夠"熱"!!沙律比例簡單,都夠新鮮爽脆,食飽飽飲杯玄米茶,都算滿足了~

由於太肚餓既關係,加上同枱另一個 set 太差既關係....呢碗拉麵,凍左,淋左都好好味由於要等,正對面果間"匠xxx吉"個燒餅 set, 等足 20 分鐘,回到 foodcourt 坐位,呢碗堪憐堪忟既可愛 8 字拉麵已經放涼左...好彩日式拉麵淋左 d..都唔會好似上海麵咁,淋左唔食得....係叉燒豬骨湯拉麵:塊 8 字魚蛋真係十分可愛...增加食慾有三塊日式叉燒...瘦肉同肥肉比例係 7/3...係黃金比例...入口滿是油香+肉香,兼且唔'鞋',唔 'long 牙'...罕有地食鬼哂 d 餸先至開始食 d 麵....湯底雖然涼哂...都唔會太咸...(個人感覺係,任何食物,熱既時候,咸味感覺無凍左咁明顯)如果唔係俾對面間燒餅害...相信呢碗拉麵會更加好食...

叫左42$ 中華拉麵-一塊肉 無乜味道,很薄的,,中間一個8字形唔知乜水,又係無乜味,,拉麵有d黏埋一舊,,口感又差,,湯底好有味精feel,,吃多幾啖回想起 入後一丁隻豬骨湯底一樣味..只係更濃郁,,有隻蛋..好過食其他算有返d口感..送兩粒泡芙..雪糕內裡..雪藏的無乜特別..仲有碗迷你無肉既咖哩飯,,一般般.,..但都好過個麵..整體好想講 8蚊拉麵....名不虛傳服務見位小姐無精神..放杯可樂未蓋實個蓋好明顯就照放係台,,

今日路經新城市..去左八番食lunch叫左個招牌八番野菜拉麵餐($43)好失望....呀...八番野菜拉麵: 個麵身煮得太腍..同湯底好油膩(唔明野菜拉麵都可以咁油!?)北海道粟米薯餅: 好味..好香脆相信不會有下次了早知去隔離買漢堡包

好耐未食過8番垃麵,其實此店拉麵是有水準的,但今次真是失望,用咗$33買中華拉麵唔算貴,睇相片是OK,但食落口就唔開心,首先講豬骨湯底味淡又不夠熱,拉麵又淋而麵身唔熱,好似滾定咗等有柯打即輸出,最嚴重就是果塊豚肉為何比以前薄咗同茨片冇麥分別,我覺得8番拉麵是退步

天氣開始凍，想食D又飽肚又暖胃嘅嘢，於是食左呢間D拉麵。本來想食豬扒拉麵，但見到粟米拉麵有隻溏心蛋好吸引，於是就轉軚了。拉麵麵質一般，偏諗唔夠爽滑，口感一般；湯底都算夠濃，但唔知點解豬骨湯底會有魚味；由於本人唔鍾意吃肥肉，所以覺得D叉燒偏肥，仲有太薄同太細塊；最值得一讚是那隻溏心蛋，真係幾溏心，至於其他配料都OK，以三十幾蚊來講，呢碗都算合格。本人覺得係香港食日式拉麵，只會吃到香港式的日式拉麵，就算係好出名嗰D都只不過係較為似。由於係FOOD COURT關係，所以冇服務可言，但我哋坐係佢哋隔離專用2個高椅位就好似有D怪，因為有好多人係背後行來行去，好唔自然。

尋晚與好友o黎o左一田food court食dinner食厭了Mos Burgerso... 決定試o下依間八番拉麵~ 吉列豬排豬骨湯拉麵先講塊吉列豬排又幾脆身~ 入面又唔硬~ 合格!!附送o左個source~ 酸酸o既照燒醬!??本人覺得太酸了~ 唔點醬食o的豬排好食好多~而個拉麵都夠水準~ gd!!最欣賞o既就係個豬骨湯底~ 好好飲~我不自控地飲o左大半碗lei~下次再o黎, 可以考慮再encore~

因慶祝開張一週佃, 有coupon wor, 就試吓la.叫了個粟米拉麵(豬骨湯底), 湯底頗濃, 麵質都唔錯, 滑而有咬口' 特別欣賞那只溏心蛋, 應用了麵豉浸過, 蛋白外層甜甜的, 也做到了流心. 同埋可能物以罕為貴, 那唯一一片重要薄如紙的义燒顯得異常美味啊, 層層肥瘦相間, 油香超濃, 粟米份量亦不少呢.不過平日食$39一碗肉都冇多件的拉麵的確唔抵, 幸而今次有餃子送, 好脆呢!!!!忘了有多久沒有食豬骨拉麵, 今次算是治了心癮

野菜拉麵+6隻餃子+汽水要豬骨湯底,拉麵明明係粗的,但感覺林林的,不夠彈牙.豬骨湯底幾濃味,配落d麵都幾夾,冇醬油咁重味.配料都幾新鮮.餃子比一般的細,但尚算新鮮熱辣,是即制的...平均來說$52都算唔錯(比平日平左10蚊),可以再食

星期六下午，難得和女友行沙田，兩點幾左右想食下午茶，於是帶女友去西田（一田）food court。行左一個圈，女友想食拉麵，所以係八番買左碗栗米珍寶拉麵($36)。先飲湯底，淡而無味，再食拉麵，又淋又唔好食，如果唔計配料的話，這碗麵和煮出來的日式公仔麵沒有分別！還好的是配料尚可，栗米幾甜，叉燒更是全碗麵最好食的，可惜祇得一塊。

粟米豬骨湯拉麵　：　ＨＫＤ３６ 担担麵面豉湯底　：　ＨＫＤ　３５ ＋（ＨＫＤ　１２）　餃子３隻　＆飲品 ＋（ＨＫＤ　２０）　炸雞３件　＆飲品　＆綠茶豆腐布丁 共　ＨＫＤ　１０３　 多謝　ＯＰＥＮ　ＲＩＣＥ　ＣＯＵＰＯＮ　ＨＫＤ１００　＋多　ＨＫＤ　３ 麵好一般，面豉湯底好咸，餃子急凍，炸雞一般，飲品（Ｄ汽水好過ＩＫＥＡ） Ｄ食物好行，毫無誠意，全部現成食物 唯一係個綠茶豆腐布丁幾特別，好有豆腐味，食到半路都要影番幅相留念 多謝ＯＰＥＮ RICE

多謝openrice的100蚊cash coupon今日同妹妹+媽媽黎食lunch我要野菜拉麵,$37賣相已經唔多吸引食落更加覺得冇特別!有一塊日式叉燒 但係肥肉佔大多數野菜份量亦不多 不太夠好彩麵ok妹要吉列豬扒拉麵 $38麵佢話ok豬扒就食淨左 係咪唔好味就唔知啦~媽要粟米拉麵 $36佢明明話勁飽 但係又食得最快禾佢話ok啦...總括3人評語k啦....

剛買完秀吉大判燒，跟住過對面八番買佢做緊promotion ge 寒天爽(= 日式jelly)。寒天爽原本有peach & pineapple 味，但peach 賣晒，同個fd 每人要了一杯pineapple.寒天爽係已整好的飲品，不像happy lemon 那些是即整的。收完錢，不消一秒即遞上飲品一杯和straw 一枝。size 不算大，是taiwan product~好夠凍，寒天爽, 仲有椰果。感覺清新非常，又唔會過甜，很可口，都幾解渴ge~

粟米珍寶拉麵--豬骨湯底唔夠香濃,麵質唔算爽口,配料是來貨野,唔好食野菜义燒拉麵--兩個麵味道一樣,係多左D蔬菜

上完堂, 回老家途中到沙田行下剛改名的一田, 行到有點口痕, 食Burger又似乎太Full, 見到有日式餃子, 雖然要我行我$22, 自己為食吧, 叫了一客六隻.食落, 相信餃子只是行貨餃子, 很是一般. 入去買了一支黑豆漿, 但回去拿餃子時, 原來搭一杯綠茶. 找位子難, 食完快快走, 為了避人潮, 行到偉華, 後悔唔去食小食亭腸粉. 再到百X, 拮多幾寸野食.