7E咖喱王

营业中

休息中

突然想食咖哩，便想起尖咀的重慶大廈 - 尖沙咀地鐵站D 出口步行5分鍾 ！ 宣傳單張中最吸引的是 《7E咖喱王》！ 人流挺多，很多外國也來一趟，這裡的食物也不錯 坐位就是單人座位，空間感不是很大，全是剛剛好 特色香料雞 HKD 78雞好滑，香料調得濃郁，不太辣。配薄餅食一流燴薯椰菜花 HKD 62 燴薯仔椰菜花很棯但不會一夾便散，而不是太辛辣，適人香港人口味。 香燒雞塊 外面看起來很乾身，但內裡很滑有肉汁。用了多種配料製作，口內很多層次 串燒免治牛肉卷 HKD 98 牛肉卷外硬內軟又有咬口 ，彈牙！ 醃牛肉味很重但不油膩。芝士薄餅 HKD 35 & 蒜蓉烤餅HKD 24很傳統的印度薄餅，烤得很乾身，份量也是剛好。每一口也有濃濃的芝士、蒜蓉，份外香脆！

鐘意食印度野既人未入過重慶大廈搵食點講得過去呢？次次經過重慶大廈都好好奇，好想入去試下，但又唔知邊間好，於是今次做好research ，搵到呢間7E咖哩王起樓下徘徊唔知點上去之際，就有位先生拎住個卡片帶我地上去！拿拿臨叫野食先！呢個卜卜脆好好味，個汁好fresh重點來了！我地叫左兩個咖哩，一牛一雞真係不得了咖哩濃得黎又唔會膩，加埋個nan點黎食，真係想飲埋d汁同埋呢個係唔辣既咖哩來的，啱晒我唔食辣又學人食咖哩既人 真係好中意食Nan，呢度既nan好有厚度，口感適中，仲有咖哩剩的話強烈建議再encore

好耐冇去重慶大廈食咖喱，咁啱朋友講開去過7E咖喱王食，覺得唔錯，所以今晚又去試吓～ 喺重慶大廈門外，已經有唔少印度人喺度拉客，見到有7E 嘅員工，佢哋就帶我地入去～ 店舖雖小，但坐得算舒服～ 店員都好有禮貌，一嚟已經俾我哋填表，送九折卡俾我哋，下次可以用～ 我哋叫咗三樣嘢食加兩個烤餅同飲品～ 每台都有的餐前小食，烤餅，味道唔錯，又薄又脆，醬料酸酸地，好開胃，小小辣～ 特色香料雞 $78香料味好特別，甜甜的，微辣，有奶油味，味道好好，令人忍唔住要再食下一啖😋 用嚟配薄餅真係好正👍🏻 而且雞肉好嫩滑，好入味，推介大家試吓👍🏻串燒免治牛肉卷併香燒雞塊上菜嘅時候，因為係鐵板上，所以熱辣辣，出晒煙😵 串燒免治牛肉卷，好重牛味，裏面有香草，味道特別，肉質比較實～ 香燒雞塊係雞脾肉，肉質唔錯，香料味好入味，大大件，啱晒食肉獸～ 燴薯椰菜花$62薯仔同椰菜花都煮得好腍，好入味，用咗印度香料，味道濃郁，我哋亦係用嚟配薄餅食，都非常唔錯～ 芝士薄餅$35好香芝士味，口感好好，就咁食都好好食，配咖喱汁食一流👍🏻蒜蓉烤餅$24亦係非常好味，好香蒜蓉味，又唔會好鹹，亦係配咖喱食非常夾😋 芒果乳酸$35我見在場食

來到重慶大廈，難免有種令人戰戰兢兢的感覺，但又好想食正宗印度咖哩。一大伙兒食係入重慶的第一步，之後就選定目標餐廳。千萬不要自行走入大廈內！可以係門外搵搵7E職員帶領入內，或者打電話call 7E接送。安全抵達就可以安心進餐啦！必叫烤餅，好多味道選擇。咖哩都有唔同口味，雞、牛、魚、蝦、雜菜和豆豆。仲有烤雞，好入味。皮厚左d,但呢d叫正宗！香脆咖哩角！芒果乳酪清喉嚨，正！仲有樣野無影相，一試難忘。就係餐牌內唯一甜品！想知咩味道....留言話你知！朋友作客，埋單唔知幾錢。但單睇餐牌，價錢合理！

「食咖喱一定係去重慶大廈！」唔少朋友都咁講，今日就去試試朋友推薦嘅7E印度餐廳必然之選！採用鮮芒，乳酪酸得嚟好有奶脂香。夠杰身，足料！本身就幾鍾意印式咖喱角。夠皮比港式厚，食落似餅乾。欣賞呢度炸得乾身唔油膩，油溫夠高。眼見已知香料十足, 漲卜卜之餘仲有唔同香料薄荷醬有好多香料渣，比平時食嘅更清新，先係微酸，再係一股涼意Chicken Takki外層燒得乾身入味，入面就好嫩沿自南印度嘅咖喱，色澤偏紅。比較重香料味，冇咁多椰奶 Nan好黏韌，咬完仲識漲返～底層烘得好脆，平時食嘅兩面都係面包feel重慶大廈其實幾安全，餐廳職員仲好nice帶我哋落樓

老豆鍾意食辣，但又唔鍾意油膩嘢食， 所以對麻辣火鍋,川菜嗰啲興趣不大， 呢日諗起可以帶佢食印度菜， 所以呢日就特意來到重慶大廈7樓呢間好多人推薦過嘅餐廳-7E咖哩王 ( 餐廳名即系地址7樓E室， 包你唔會去錯地點👍😆)一坐低老闆就送上一客威化胡椒餅， 塊餅又薄又香脆， 胡椒味頗突出， 鹹鹹地好開胃😁兩個不太了解印度菜的傻瓜望著餐牌良久仍未能決定吃什麼， 旁邊嘅老闆決定出手， 好好笑容咁行過嚟問我哋有咩特別想食， 我哋就反問有咩推介😆， 佢話既然係咁一於幫我哋叫個前菜, 一個羊肉同雞肉咖哩，加一個薄餅， 額外每人一杯飲品， 聽落就知有幾豐富🍻🙌🙌前菜- 印度咖哩角✨喺我腦海中咖哩角同春卷差唔多， 都係炸脆咗個皮， 裏面包住啲有咖哩醬嘅雜菜絲... 估唔到印度咖哩卷個皮係香脆咁多， 外面餅皮比一般春卷厚實， 但由於新鮮炸好，輕易就能咬開， 外皮亦比我想像中"輕盈"， 一點也不油膩👍外皮冇咩咖哩味本身有啲失望， 原來咖哩嘅精華在餡料之中！ 裏面包住有咖哩香的薯仔和青豆， 完全有內脆內軟嘅效果， 食到裏面熱到冒著煙，又香軟嘅薯仔蓉，好滿足💕💕 老闆仲特意提醒我哋可以點啲薄荷醬食， 估唔到又幾清

同男朋友好中意食咖哩加薄餅，所以經常到會去搵餐廳食知道尖沙咀重慶大廈，一向到出名有地道印度咖哩食！今日同男朋友行完街就上左去試試7樓E室咖喱王上到去係感覺到個種氣色坐底店員到擺底左個小食比我地先呢個小食係好正宗，由其係個醬，辣辣地脆卜卜然後就睇睇餐牌呢到有多款烤餅！叫烤餅前當然要配返最正宗既咖哩雞啦！雞肉吾會鞋口，咖哩吾太辣，配埋d香料，好正！！牛油烤餅-好有口感，而且新鮮熱辣辣，加上牛油又好香兩樣夾埋無得輸啊咖啡真係好親薄餅店員推介-芝士菠菜，菠菜加芝士完全打混，加薄餅亦係不錯！入口好香！內裡還有豆腐粒，素食者到岩食感覺好有營養！最後，飲品-芒果乳酸同青檸梳打。超濃感覺！好好飲總結，食得好滿足，好滋味

今日貪新鮮 走左入去重慶大慶搵野食！因為我真係好鐘意食印度薄餅！係一個典型既面粉控😍入到去reception 問人 會即刻有人帶路！吾怕迷路啊 上到去 其他都係賓館 得佢一間餐廳！叫左芝士菠菜 馬拉醬燴雞 蒜茸薄餅 同埋叫左d串燒！服務超好 平時去果d都係逐碟逐碟上今次係一次過上哂d醬同薄餅！ 可以慢慢點黎食！！個芝士菠菜入面有肉 但我食吾出係咩😂只係覺得同個薄餅好夾！個雞超香！ 咬落好軟熟！ 香口同野味！一個人都可以食哂 個份量吾算大！😂😂個薄餅好香 油油地又未黑哂🙌🏻完全係岩哂我😍個五香雞件好似平時大陸燒烤果隻味！ 可配埋檸檬汁！ 上碟用鐵板 仲熱辣辣架！ 超香！！ 芒果乳酸都好正！ 超新鮮！見琴張張台都有叫啊！ 飲一啖食一啖 真係覺得自己身處印度

一坐低佢就比左前菜比我地，呢個脆餅加個薄荷醬好開胃，同埋我好中意佢個薄荷醬辣辣地但又好清新叫左咖哩王特式雞同芝士菠菜。咖哩王辣辣地，奶油味都好出我係好期待食芝士菠菜，果然冇令我失望，好惹味呢間簿餅款有好多牛油簿餅幾特別，外脆內軟，層油係好香好出味最中意係蒜蓉薄餅，超香!!!唔點任何醬就咁食都得 我見好多人都叫左香辣雞拼免治牛肉卷黎食，所以就叫左黎食，係燒左ge雞，相比起有汁果D雞佢係有D乾，但唔'鞋'，同埋佢斬開左一件件，方便食~

嚟到重慶大廈點可以唔食正宗印度咖哩呢！咁多間我食過都係覺得7e最好食！一開始佢地會送上胡椒脆餅，點上青醬食好開胃😋之後就有最鐘意嘅鐵板雞同鴨卷！雞件嫩口又惹味，鴨卷口感幾有趣，但偏咸🤷🏻‍♀️咖哩比較鐘意嗌瑪莎雞，奶味重，偏甜嘅，雞都幾多件，亦係好嫩滑🥘🥘另外今日仲嗌左個咖哩秋葵🥒幾得意個口感，小小辣！食咖哩梗係要叫nann lar!! Cheese nann & garlic nann are both my favourite❤️ 點咖哩食一流👍🏻

對上一次黎重慶大廈食咖哩已經係7年前，7年前既中學同學而家已經各散東西。今次踏入呢座大廈既時候，諗起以前既趣事，會心微笑既同時難免會有啲黯然。今次朋友介紹左呢間7E咖哩，佢話呢間夠正宗又唔辣，點知佢最後放左我地飛機...一去到門口，見到只招侍會員，都怯左怯唔知入唔入得，因為係我個飛機fd訂的枱。我地點左D熱門既小食，咖哩同烤餅。第一樣黎既係燒雞同燒牛，有小小孜然粉既味，食落都幾香口。之後有咖哩王特色雞，芝士波菜同芝士烤餅。咖哩雞雖然其貌不揚，但係好香！ 佢應該落左好多地道既香料，配合之士烤餅中和左咖哩既重口咪，感覺更正。而且入面既雞肉都好嫩滑， 不愧為7E既招牌菜。芝士菠菜除左好香芝士味之外，佢仲收埋左一粒粒芝士係入面，我就好鐘意，但我朋友就麻麻地菠菜隻味。最後食到好飽，埋單都係二百幾，絕對係抵食。

三大人一小孩Order 咗1.咖哩雜菜 2.芝士菠菜3.咖哩魚4.咖哩角(雜菜)5.plain naan x26. Roti7.胡椒脆餅 香草醬 *feee!8.燒雞塊9. 2cups of mango lassi10.1can of coke 由於本人唔食肉，所以對食菜有好多經驗同食得出到底係咪好菜。呢度嘅咖哩雜菜冇得頂，最鐘意佢眼雜豆，好味，加博roti一流！No.2我就鐘意個芝士菠菜，本來以前係用mozzarella cheese 但竟然係一舊舊類似豆腐乾嘅cheese ，淡味嘅，岩哂唔食得肥膩嘢嘅我❤️而dad and mom 就鐘意食個naan同燒雞塊，佢地話雞好入面，估計係用咗好多香料來整嘅！Waiters 好nice 嘢食都好快到 唯獨我感覺杯mango lassi麻麻地，但我媽就order咗兩杯，真搞笑！😂佢好鐘意喎。Total 都係$442，免加一，都幾抵

原來很多人仍然怕入重慶大廈，於是我帶路！雖然是我帶路，但其實在門口有很多識講廣東話的印度人向我們推銷，我一見到7E的傳單，就立時指了一指，那位印度哥哥就帶路，而同一時間，其他餐廳的「推銷員」就散開了😜餐前每枱也有的是一個脆薄餅，淡淡的辣味，我覺得是等食的好零食😋好似話印度用乳酪製的飲品有解辣的作用，所以我就點了杯Mango Lassi。酸酸甜甜的，幾好味，但略嫌太細杯。Samosa 咖哩角是我食印度食品必點的，愛吃薯仔的我通常會點素食的，但其實這裡還有牛肉咖哩角可供選擇。其實我食印度餐，最愛的是其naan bread，因此每次都會點咖哩，貪有汁。這個鑊仔羊肉屬於中辣級，當然用了印度的香料，很好味。因為我愛吃薯仔，所以點了薯仔薄餅，其實點原味的已足夠😝朋友說食咖哩一定要有飯，但薑黃飯已售罄，所以我們點了白飯，幾大碟，share食剛好。

重慶大廈出名多印度人，相信咖哩必定正宗，所以與友人到訪一試。一坐下，侍應遞上前菜，胡椒脆餅配上薄荷醬，幾清新開胃。咖哩雞，雞件去左皮好嫩滑，咖哩味好香，椰汁味好重，另外亦點了咖哩蝦，果然是濃汁，夠辣好惹味！配菜選了印度薄餅，芝士薄餅必點！！份量好多有四件，而且芝士味好重，還點了蒜香薄餅，就咁食已經好好味，撈埋咖哩汁真是食唔停！飲品是mango lassi,酸酸甜甜，消膩解濟，不錯。唯一一樣要挑剔是服務，希望下次花顧能友善些，多點微笑吧。

重慶大廈比我覺得都幾可怕，入面都好似一個迷宮而又神秘，但原來大廈入面隱藏住林林種種既好餐廳，所以為左美食就鼓起勇氣去下重慶大廈，而7e咖哩王一直都有好多好評咁就去食下喇。我地叫左牛同羊既咖哩，仲有牛油同芝士naan，兩款有唔同既感覺，首先講左牛個個先啦，牛個個岩岩食既感覺唔係好重香料反而係好香椰香味係唔辣既咖哩，食下食下d後勁就出黎啦有香料味，而且d牛一d都韌好林加埋D naan一齊食好好味。之後羊個個完全相反，好重香料味辣辣地，有點羊騷味，但同個汁配合又岩岩好肉嫩，唔會食擦子膠咁👍🏻而芝士味既naan軟綿綿味道十足有芝士味咸咸地配咖哩真係好好味。絕對係出面搵唔到既風味 ，好正宗鐘意食咖哩既一定要試下！提提大家係入口有好多人爭生意建議最好搵到7e既人帶你地上去，咁其他人就唔會纏住你又唔會迷路～