629雞蛋仔 (已搬遷) 新店位置

629雞蛋仔隱身於新蒲崗舊工廠區附近，估唔到呢啲地方都出到咁嘅美食。呢度嘅雞蛋仔即叫即整，冇話一餅餅放晒嚮度等人嚟買，所以會夠熱夠脆夠新鮮。其出色之處在於：一)夠脆，而且粒粒都脆，二)夠味，蛋奶香俱備，三)外脆內軟，脆皮之下有少少空心，故成其脆，而空心之餘又有軟處，質感算係洽到好處。值得推薦！

最近每個週末都會帶小友到新蒲崗區內的工廈內上興趣班。中間的間場時候一個人在附近四處逛，逛逛下給我發現了這間專賣雞蛋仔及格仔餅的店子....喵到經常性在門外有人排隊買。愛吃的我當然也不會執輸，跟著大隊排埋一份....在這兩種食品中，個人較喜歡格仔餅多一些。最大的原因固之然是那以大量煉奶、牛油、砂糖及花生醬混合起來弄成的醬料帶來的吸引力....要吃好的格仔餅，有耐性是必要有的條件。等個五至十分鐘左右的時間換來一份珍味，絕對是值得花的光蔭....格仔餅看上去相當的夠件頭，厚度我小看也有一至兩吋多。嗅起來滿有蛋香的；接著用雙手拿著餅用囗咬，醬料便馬上從手指夾縫漏了出來.....格餅是要這樣吃才過癮的嘛....不要看那餅好像很厚實，咬下去卻是外脆而內軟綿；蛋的香味亦一如嗅到的頗為濃烈；而甜度也調得不會太輕也未覺太濃厚。配合起那偏甜的醬料來一起吃，對我來說是至高無上的享受....許多人說在筲箕灣港鐵站旁的那間小店做出來的格仔餅很好吃。小弟當然也試過....但對我而言，這裡的餅的水準是比這名店高出一皮也不止....下次來時，一定要試它的雞蛋仔了....

難得放假，當然要食番啲自己平時好少食既野啦！上次食完雞蛋仔，今日就食番底格仔餅先！佢地既格仔餅比起平時食既有啲唔同，佢地既格仔餅係超厚！！！！而且湊熱食仲好脆！！醬料落得剛剛好，唔會太多漏晒出來，又唔會太少令到塊餅淡而無味！真係厚到個口都唔夠大去食！熱食仲係好脆的，但如果凍咗就會開始變淋。就會好似同平時食個啲無咩分別，只係厚啲咁解。

下午茶時段想食小小野，想到格仔餅一定會選擇629雞蛋仔。這裡的格仔餅是厚身版，格仔大，嘴細d都咬唔晒！格仔餅$15，即叫即整，大約等3－4分鐘，外脆內軟，醬料份量也適中。個人認為這間在新蒲崗算是最好味的格仔餅！

記得上次食個陣，依間店仲係開係冷行。好少人行，好少人經過，可是，他們的雞蛋仔卻令我一食難忘！……今天終於可以再食到依間既雞蛋仔，他們已經搬到大街，小巴站附近。其實，由細到大也對朱古力雞蛋仔麻麻，何解？因為苦囉！我也不知道為什麼會那麽苦……但！！！！！！！！！！這間的朱古力雞蛋仔不但不苦！還有朱古力的香！原來他們是選用某牌子的朱古力粉，仲要即叫既混，調較得十分好！而且雞蛋仔弄得十分好吃，外脆內軟，比例剛好。制作也非常之用心，不會為了趕快打發客人，而把剛弄好的雞蛋仔/格仔餅入袋比客人，反而會為了食物的味道質料，會把它們吹冷些，令它們脆口才會比客人，客人又不會擔心燙手。他們是一間良心企業，賺錢之如，也不忘為社會出力！大家記得要支持下！

老闆真系好用心做架. 有好多唔同味道, 有椰絲啦, 有朱古力啦, 有蒜香啦, 有花生啦, 真系好多唔同味道, D花生仲系你落ORDER時先加入去, 粒粒好有口感. 仲唔系細細粒個隻, 今次試咗原味, 原味好有雞蛋香味, 聽老闆講落咗好多雞蛋, 又唔會太甜. 個黑白芝麻都系落ORDER時先加入去, 真系一匙匙你睇住加入去的. 嘩! 焗出來好香芝麻味但又食到雞蛋仔味道. 價錢都算OK, 我食過有D話幾出名的雞蛋仔仲要系原味個隻又貴又唔好食. 另外見到有格仔餅, 旁邊有人食緊. 嘩!又大又厚真抵食, 旁邊個人話好好食. 下次我都要試下.