616牛肉火鍋專門店 (白楊街) (已結業)

成日都想試呢間　今次終於可同兩個朋友嚟食。叫咗個鴛鴦青花椒牛骨湯$78，價錢一啲都唔貴，湯底好香好夠味。好欣賞呢度好多款不同部位的牛肉，每碟都係幾十蚊，而且份量，可以盡情去試。咁多款牛我不逐款講了，我講下我較為質賞的就是安格斯-橫隔肌，呢個有咬口，有牛味、澳洲朱古力和牛-牛腩心，呢個本人最喜歡，大家一定要食，和清湯牛筋腩，非常淋。總結：呢度牛嘅質素，跟性價平都幾高，咁多碟牛，沒有一碟我是覺得唔好食的，不過普遍來講牛味都唔算濃，整體質素包括肉質、口感和味道都絕對對得起呢個價錢有餘，推薦。

亞聖孟子在《孟子 梁惠王下》中的名句「獨樂樂不如眾樂樂」千古傳誦，人盡皆知。誠然，我同意一個人獨自欣賞音樂的快樂，有時的確不如眾人一起欣賞音樂那麼快樂。吃火鍋，要是一大班朋友一起邊吃邊談，既可以多吃一點，又可以談天說地，也的確比獨自一人吃火鍋來得開心，不過有時候當想吃火鍋，但又未能呼朋引伴的時候，要是有地方可以有一人火鍋吃，滿足自己即興想吃火鍋的願望，也著實不錯。最近良心火鍋店「616牛肉火鍋專門店」推出了午市限定，一星期七天都有得吃，由中午12時至下午4時供應的「獨樂樂小火鍋」（$78）就正好為這天中午想不到吃甚麼，忽然想吃火鍋的我提供了一個吃午餐的好選擇，讓我享受到獨樂樂的樂趣。這「獨樂樂小火鍋」有四款湯底可揀，分別是不辣的「理想點（鮮）」和「熔岩沙嗲湯底」及辣的「鮮牛油麻辣湯底」與「青花椒辣湯」。肉類就可在「俄羅斯封門柳」、「俄羅斯金花趾」、「牛駝峰」和「滑尾龍」中四選一。其他配料包括「牛丸」、「貢丸」、「帆立貝」、「蛋餃」、「蜂巢豆腐」、「金菇」和「娃娃菜」，有肉、有菜、有海鮮，都幾豐富。至於主食方面，就有「白飯」、「公仔麵」和「手打烏冬」可揀。不嗜辣的我這天選的是「理想點（鮮

食左幾次616 今次決定要寫返個寫評！第一個要講既係湯底：我哋㨂咗鴛鴦麻辣牛骨湯底。麻辣嘅辣我比三粒星，但係一啲都唔麻；反而牛骨湯底有驚喜 牛味重 仲足料 有至少四五舊牛腩喺裏面 清清哋中和返個麻辣至於醬料，就係自選嘅🌟平時喺火鍋店好少見到有青檸、牛油醬油，加埋少少醋好正！616專點牛，牛肋肉、吊龍伴、牛頸脊必叫至選。牛肋肉香又有肥膏 入口半溶👍🏼👍🏼 吊龍伴就偏瘦啲，但相當重牛味！除咗牛之餘，仲叫左黃喉、響鈴、魚皮，水準正常啦！不過要提下小食，我哋叫左拍黃瓜🥒、花雕醉件 一辣一唔辣！青瓜令胃口大開 少少辣 好過癮！醉雞件肉質唔夠嫩但個酒味好出！

我之前未試過食616，同事極力推薦 我最後都去左試 因為我比較嘴刁 唔係間間邊爐都會覺得好食 所以我總結係 牛肉，牛筋丸，豆腐串 好食！除左試唔同部位既牛肉之外 我非常推薦‘手打牛筋丸’ 咬落去口感一流 仲有好濃既牛肉味 真係未食過咁正既牛丸‘油豆腐串’ 好多人打邊爐淨係會食軟豆腐 但係我偏好淥油豆腐串 當佢索哂湯底 你一啖咬落去 d湯汁瞬間會滿瀉係你個口入面好可惜，如果湯底可以改良下，會更加好。同埋，因為人流好多 所以要限時90分鐘食得有少少急🤧

呢間616火鍋店成日聽人講話唔錯第一次去食全牛既火鍋，我地仲揀咗個牛雜湯底，湯底裏面真係有牛雜喺入面湯底好濃郁牛雜都唔少幾抵食，另外做叫咗一個麻辣鍋叫咗小辣個人認為辣味啱啱好，牛肉款式好多樣樣細細碟就算小人食都唔怕食唔到好多款，我最欣賞佢嘅係滑蛋醉牛肉酒味香濃灼一陣間食好滑，真心正，其實好多款都唔錯嫁，不過多款食到自己都唔記得咗食咗啲乜嘢部位落肚😂

一人食左三百幾蚊，同其他打邊爐店價錢差唔多，但牛肉多種有特色，飲品除了一般汽水，還有玫瑰花汁、莓汁等選擇，而且係好味！牛我推介有隻蛋既滑牛，真係好滑，牛味濃。橫隔膜、澳洲和牛都正。醬汁除了一般蒽呀之外，仲有祕製牛肉汁同青檸，幾好味。湯底選了鴛鴦，個沙茶湯果邊幾正。唯一係限100分鐘堅唔夠，食得好急，多30分鐘會開心好多，我建議616可予客人加多啲啲錢加30分鐘，如此類推，如果有得加多幾十蚊可以食多陣唔洗而家咁狼吞虎嚥我會比囉。

一直想食616好耐 可惜武肺影響 只係去過食set lunch而家終於可以一試了 (無book等位等左超耐..)等位時見到有鮮牛油麻辣湯底偶爾都會掛住中國味既我即刻扑槌不過佢真心同中國味係唔同既無佢地嗰種牛油香同香料加埋既濃味(或者只係無加不同化學劑🤭)想食返中國味就無啦 不過辣味都夠既 而且頗有後勁🔥🌻去得616當然要食牛佢有好多款唔同肉 太多選擇我都係亂咁點48-68蚊一碟得少少 望落少貴但佢呢到真係一分錢一分貨唔同既肉食得出有唔同口感或味道我個人今次鍾意食澳洲五花趾、吊龍伴(相中最下兩碟)有啲油花又唔會好肥膩 牛味濃又淋滑😋牛上肋我本人未必encore 實在太肥😭至於其他配料就不過不失咁鴨血唔太啱口味 太實了😫

呢間火鍋店相信好多人都唔會陌生主打食牛既唔同部位🥩啲牛既價錢都係ard $48-68所以喪叫都得🤣 又可以試多幾個部位早陣子食既時候每人會比一個膠口罩套 可以拎走👍🏻🥢沙嗲湯底🍲係我每次必點既湯底😍 超濃郁既沙嗲味 我啲fd個個食完都話正😋 不過唔同分店會有啲少少唔同 之前食過tst個間就咸咗啲🥢滑尾龍牛味較濃 同生雞蛋拌勻之後好似滑牛咁🥢牛肉餃好重牛味 一咬開好多肉汁😋🥢各種牛🤣其實我都唔記得左我地叫左啲咩牛 大部分都好正🥰🥢響鈴 烏冬 公仔麵呢三樣都係叫沙嗲湯底必食😍 平時打邊爐我都唔會突登叫麵食 但索晒d沙嗲湯真係超推薦😋😋🧊菊花桂圓露🧊玫瑰洛神花茶打邊爐飲一流 冇咁熱氣😛醬料區都有好多配料揀 比較特別既係柑桔 同埋佢地既秘製牛肉汁😋

收工想打個邊爐 間野係男朋友搵 本身睇食評同youtube推介都麻麻 入到間鋪無好新淨張枱仲有小小痴立立🤨 點餐係掃QR code都幾方便 有好多唔同嘅部位可以試喎😍😍湯底嗌左個鴛鴦湯 牛肉湯鮮甜 沙嗲好濃超正🥜每碟牛都係細細碟 五六十蚊唔貴 兩個人食都可以嗌多幾款 牛肉新鮮味濃每款都唔同口感 好食喎 🥩滑尾龍加埋隻多名符其實好滑🥩五花趾比較爽口🥩牛上肋味最濃又林🥩So far 啲肉都好食喎 無啲人講到咁差 最後黎多個公仔面加落沙嗲湯到 🍜完美❤️❤️

【黃店推介 - 超多部位嘅新鮮牛肉邊爐店 - 616🐂】🐷🐷🐷🐷：嘩卡卡！呢晚我地4隻豬出動去左打邊爐啊！嚟到呢間出名食牛嘅專門店！試左好多唔同牛嘅部位！每個部位都各有特色！但共同點係佢地全部都好新鮮！鐘意食牛嘅你地一定要嚟試下！唔好下下都食啲急凍肥牛咁悶啦😆🔸#滑尾龍 $48- 牛嘅後腿肉- 屬脂肪較少部位- 溝左生雞蛋🥚後幫助鬆化肉質纖維- 入口滑、肉味濃郁🔸#匙柄 $48- 牛嘅肩腹肉一部分- 因肉中間有一條明顯肉筋紋路，好似鑰匙柄一樣而命名- 入口柔軟🔸#牛駝峰 $48- 牛背近頸脊位置- 脂肪比例平均- 入口甘香鮮味🔸安格斯 - #橫隔肌 $48- 靠近牛背部嘅牛橫隔膜- 油花分佈平均- 肉味濃🔸澳洲和牛 - #內裙肉 $48- 包覆住橫隔膜嘅裙肉- 口感軟嫩、有嚼勁🔸美國天然 - #肩胛翼板 $48- 牛肩胛較軟部位- 多筋絡同油花- 鮮嫩適中🔸澳洲#五花趾 $68- 牛後大腿內側嘅兩小條牛腿肌腱- 筋多，紋路明顯- 彈牙筋肉感🔸澳洲和牛 - #牛頸脊 $68- 牛頸同肩胛之間- 牛運動量最多

616你個大名聽就聽咗好耐，但食咗真係未食過，見屋企附近有間分店，但唔知食乜好，就決定試吓。見佢閂兩點咁夜，我哋就book咗夜晚10:30 ，點知店員打嚟話今晚12:00閂門，我諗應該關疫情事啦，所以要去食嘅朋友記得打去問清楚。因為第一次嚟嘅關係，細佬按返佢嘅推薦佢點牛嘅部位，包括叫咗牛隔肌，牛胸肉，胸口膀，匙柄，滑尾龍同埋牛朴肉，同埋菊花茶酸梅湯。咁多個牛嘅部位比較特別就係胸口膀同埋滑尾龍，胸口膀類似一舊牛嘅脂肪但係硬身嘅，根據返佢嘅建議食法，就要夾返比較淋身既匙柄食，食落口係幾特別嘅，有少少似自製牛腩。而滑尾龍有少少似滑牛，同其他部位唔同，佢本身已經醃製咗，上菜嘅時候會俾埋隻蛋你攪勻佢一齊囉，食落好滑身，醃料嘅味都好好。至於其他牛嘅部位，雖然每一樣食落去都好好食，佢哋之間都有差別，但如果你唔係對照住佢哋個名去食嘅話呢，其實個差異唔係真係大到咁最後因為係夜晚9:30後入座嘅關係，全單八五折，大約四百零蚊兩個人，個價錢都算公道最後想宅宅嘅係服務員嘅態度非常好，好耐冇見過

聽聞616嘅經營模式係一個新界西嘅牛肉批發大老闆同一啲其他唔同嘅人夾份開嘅火鍋店，所以成日會見到呢間舖頭嘅分店會有唔同嘅主題(例如手工啤)，但係就正因為呢一個做牛肉批發嘅大老闆，所以傳說616嘅牛肉質素有一定嘅保證，不過我今次幫襯嘅呢一間似乎就唔係咁樣。我唔係話佢啲牛唔好，不過我都幾肯定佢嘅牛唔算得上靚，唔係特別出色嗰隻，雖然價錢只係中上，未算超貴嗰隻，不過就性價比唔高，我只可以話比咁嘅價錢就係食到啲咁樣嘅嘢，但係佢嘅缺點就係除咗牛之外，其他嘅配料都係麻麻哋，正常普通火鍋店食到嗰啲行貨，例如今次叫咗嘅其他配料包括貢丸、雲吞、竹笙，質素一般，不過價錢就略高，所以如果唔係主力食牛，純粹搵間野打邊爐，個人建議就唔好揀呢一間。

讚1. 部位多，呢樣仍然係做得到2. 價錢平得黎，仍然有水準，吊龍、白肉呢啲位都有水準，細細份一碟咁，可以試多幾款野食，牛肉餃都足餡2. 醬料既牛肉汁係幾甜身下，唔同平時食開既醬油彈1. 湯底的確係比以前淡左2. 爐具唔夠力，比起距外幾間以前食過，入檯既電爐，呢間用Gas爐真係唔夠火

見616開咗咁多分店 決定happy friday晚餐去試下本身上網book尖沙咀分店嘅 但full booking咁唯有轉場book太子呢間啦 一book就有位首先讚下呢間餐廳啲牛好有牛味 有好多特別既部位可以食價錢唔算貴除咗有牛食 仲有墨魚滑、魷魚、牛肉餃等等不過飲品選擇就好少 得以下4款讚完啲野食就講下環境方面啦原來太子呢間同其他分店嘅環境差好遠呢間餐廳有兩層 我今次就被安排係二樓用餐地下個層環境ok舒服，但一上到二樓竟然好似去咗平行時空咁完全無裝修，明明上網睇其他分店都唔係咁醬料同埋水係自助拎嘅（醬料每位$10）個位置好污糟 牆上面有污漬加上啲waiter係晒一樓 你係二樓想搵人加湯,換Gas簡直係叫天不應 叫地不聞雖然佢個App有叫人服務 但我叫咗兩次 等好耐先有人黎serve我如果俾我再揀多次 我一定唔好幫襯太子呢間明明其他分店價錢一樣 坐得舒服啲又靚咁多點解仲要食呢間呢？

其實今次打邊爐係一個意外，第一係限聚令嘅緣故，所以唔敢叫太多人出嚟覓食，第二係原本book咗嗰間冇開門，所以我哋一行三人再次嚟打邊爐🍲今年各行各業，我諗除咗政府公務員或者醫療用品口罩藥廠之外，都無一幸免⋯⋯所以如果有能力的話，都希望可以幫襯多啲食肆，最慘係賣珍珠奶茶、果汁嘅舖頭，個個戴住😷口罩自然會少咗買杯野飲糸街度啜，所以我返到屋企附近都盡量買一杯拎返屋企飲，幫得幾多得幾多啦🥺講返616先，今次一樣冇令我失望， 5:30去到，已經有兩枱食緊，點解仲可以早過我哋嘅😅唔理咁多，叫嘢食先😋其實已經第三次食依間火鍋，今次帶咗依個豆腐串，索晒啲牛肉湯，梗係好味啦😂今次叫咗依個唔記得咗叫咩名嘅小食，有啲牛肚、青瓜、花生，切成一塊塊嘅應該係牛肝，餐前小食非常唔錯👍🏻👍🏻