5% Cafe

营业中

休息中

今日下午放假，同老公食個悠閒午餐，然後再去逛逛。呢幢大廈有好多樓上café，咁不如去睇睇。5% Café在二樓，地方幾大。門口位有擺左好多broad game，另外窗口位有好多公仔擺設。一大班人黎傾計、食嘢、打卡同玩遊戲，絕對唔會覺得悶。餐牌選擇都可以，我哋就揀左窩夫漢堡、意粉、兩杯特飲同甜品。5%黑椒手打牛肉窩夫漢堡配薯條：黑椒手打牛肉有牛味，軟熟唔易散。配料有生菜、蕃茄同芝士等，窩夫代替麵包皮幾特別，甜甜脆脆，味道好夾。旁邊薯條亦炸得夠熱，好脆，整體好好味。焗刁草芝士汁煙三文魚珍珠帶子意粉：剛剛焗起，非常之熱。煙三文魚幾大塊，珍珠帶子又多，芝士汁濃，調味剛好，幾好食。Chocolate Smoothie (Snow Style)：賣相好靚，杯邊有朱古力碎做點綴，朱古力味濃，口感滑，每啖都飲到朱古力碎，仲有棉花糖，夠甜好飲。Strawberry Milkshake：粉紅色一層一層夠搶眼，口感smooth，有層次感，淡淡士多啤梨味道，唔太甜，幾好。抹茶雪糕窩夫：份量大，好吸引。窩夫即叫即做，咬落好脆，熱熱地，甜甜地。cream唔會太甜，抹茶雪糕好重抹茶味，同窩夫一齊食，冷熱交溶，好好食

油麻地旺角交界嘅樓上cafe環境唔錯👍🏻而且坐得好舒服！原來平日12-16呢個時間餐牌有6折！而且包嘢飲上班族黎食lunch嘅話簡直係方便抵食焗刁草芝士汁煙三文魚珍珠帶子意粉 $118煙三文魚同珍珠帶子份量都唔少😍意粉軟硬適中啱啱好，而且撈埋汁一齊食唔會太鹹而且唔膩炭燒雞扒窩夫漢堡配薯條/沙律 $148窩夫外脆內軟🥹雞扒甜甜地而且唔會有雪藏味👏🏻整體食落甜甜地鹹鹹地咁幾夾😆沙律菜都十分新鮮😙抹茶雪糕窩夫 $88黎到聞到好香抹茶味🥹而且超大份啊！👏🏻配嘅cream好綿，抹茶雪糕甜度適中香濃窩夫一樣都係咁好食好鬆軟😍十分推薦呢間cafe嘅窩夫🧇🥹🥹🥹latte咖啡味濃郁而且唔會好甜蝶豆花茶嘅特飲帶少少柑桔味好解渴，而且佢嘅混色都好靚✨

最近我同朋友去咗位於旺角嘅 5% Cafe,真係非常愉快呀!先來講下佢哋嘅「焗刁草芝士汁煙三文魚珍珠帶子意粉」。意粉加埋上面鋪滿咗濃稠滑溜嘅芝士汁,。珍珠帶子都彈牙,煙三文魚幾夾，同其他材料好搭配, 但味道偏淡。再來講下佢哋個「炭燒雞扒窩夫漢堡」。呢個好正，推介一定要試👍👍👍。雞扒用咗炭燒料理,所以香味濃郁,肉質亦又嫩又厚實。配埋鬆軟可口嘅窩夫麵包,醬汁同包&雞扒好夾，真係完美組合。再加上一碟薯條,超有飽足感。至於佢哋嘅「Blue Hawaii」,真係又清涼又爽口。冰涼嘅雪葩同蘋果汁調和,冰涼，夏日最appropriate飲品啦!最後,我要講講佢哋嘅「玫瑰洛神花茶」。呢款茶飲色澤鮮艷,散發出幽香雅韻嘅花香,仲帶點微甜。有個火熱住，唔驚攤凍。總括嚟講,5% Cafe嘅菜式種類豐富,每一款都有自己嘅特色,而且有大量board game,物有所值。最特別係有隻天竺鼠！ 店員好好仲比咗新鮮菜我地喂。我真心推薦大家嚟試吓呢間café,相信一定會同我有一樣嘅感受!

每次唔知同朋友食啲咩，都好自然會嚟到旺角油麻地一帶，周圍搵吓唔同嘅Cafe😛呢間Cafe喺正油麻地站附近，我哋都算早食飯，人流未算話好多，見到餐廳入邊都可以借啲board game嚟玩，啱晒一班朋友淨係靜靜地嚟傾吓偈🫣我哋就簡簡單單叫咗兩個main同埋兩杯飲品👍🏻炭燒雞扒窩夫漢堡配薯條 $148聽聞係鎮店之作！喺熱香餅漢堡之前，就有呢一個窩夫漢堡！窩夫甜甜地比較煙靭，個人幾鍾意食落嘅口感，佢為中間嘅炭燒雞扒、生菜同埋蕃茄，成件事好和諧，同平時嘅漢堡無異！😎辣椒仔茄汁蝦仁炒意粉 $128整體食落都係甜甜辣辣，tabasco嘅味道比較出，有少少蓋過咗茄汁嘅味道🫣Various Flower Tea 玫瑰洛神花茶跟餐（+$26）非常足料！入邊有好多唔同種花，聽聞仲可以仲理氣解郁、調經止痛😂Honey Butterfly跟餐（+$23）啱晒打卡嘅一杯飲品！藍藍紫紫嘅蝶豆花茶，配埋金黃色嘅蜜糖，一定要攪勻先飲，否則會好甜🤣

同朋友喺旺角行完街，行過見到呢間Cafe好似都幾吸引就上去試試佢，我哋叫咗兩個主食兩杯嘢飲辣椒仔茄汁炒意粉，確實係有啲辣味，但係又唔會好辣，好夠汁食落去仲係al dente ，幾開胃幾啱夏天去食。我朋友揀咗個雞扒窩夫漢堡，一望都已經幾滿意，份量都幾大。雞扒都幾Juicy質素唔錯，薯條更加有驚喜，非常之脆！仲熱辣辣質素好高。嘢飲叫咗Chocolate smoothie唔會太甜，個朱古力味都幾濃，跟餐值得一嗌。朋友嗌honey Butterfly個樣好靚，打卡一流 朋友話飲落好清新今次我哋掛住傾偈冇玩board game, 臨走見到原來門口有超級多board game有波子棋狼人殺 Avalon下次約多幾個朋友一齊嚟玩吓先

本來見到評價好似吾錯, 如果可以比0星我會直接0星.....餐廳啲位又窄, D公仔好似從來唔洗咁勁髒, 感覺已經吾太好野食貴得泥又唔好食, 唔好貼錢買難受, 個意粉仲差過茶記. 叫咗意粉, 望落D料已經吾多, 食落仲要勁乾身, D汁勁稀仲慘過就咁用水煮... 份量其實都唔夠我食, 難得地因為佢難食所以覺得份量少係好事, 飲品就一杯普通另一杯就普通地難飲都係果句, 如果可以比0星我會0星, 吾好貼錢買難受

Fafafoodblog為食花太郎 5% Cafe 🍴chocolate smoothie snow style 68 蚊🍫出面個cream加埋 朱古力豆 好有口感 smoothie好夠凍 甜度適中 正🍴hot matcha mocha 62 蚊🍵中西fusion, 用綠茶溝奶茶 好夠香滑 茶味同咖啡味比例好好 . 大家唔會嗆到大家陣未 🍴炭燒雞扒窩夫漢堡配薯條 148 蚊🐥🍴焗刁草芝士汁煙三文魚珍珠帶子意粉128 蚊🍜意粉好爽口 刁草好香 芝士足料 半溶連埋意粉同三文魚帶子食 正#意粉 #三文魚 #帶子 #芝士 #綠茶 #雞扒 #窩夫 #朱古力 #薯條Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#5%cafe旺角彌敦道577 號 高氏大廈2 樓bc鋪~~~~~~~~~#fafafoodblog #為食花太郎 #fafafoodblog油麻地==

想搵個地好坐嘅地方，見依間樓上Cafe 環境唔錯，同評價都唔錯，今晚同朋友黎傾住食, 試下依度推介嘅窩夫漢堡🐰🐰🐰😳😳😳👉🏻 炭燒雞扒窩夫漢堡配薯條：炭燒雞扒外脆內嫩，夾喺香軟嘅窩夫入面，仲 芝士蕃茄同埋蔬菜，好fresh🐰🐰🐰搭配脆口嘅薯條都好多，大滿足🐰👉🏻 焗刁草芝士汁煙三文魚珍珠帶子意粉：煙三文魚同珍珠帶子焗得剛剛好，表面金黃香脆，配上濃郁嘅刁草芝士汁，每一口都充滿咗海鮮嘅鮮味🐰🐰🐰👉🏻 Blue Hawaii 檸檬菠蘿梳打：呢杯清涼開胃嘅特飲有好清新嘅檸檬同菠蘿味，酸甜冰爽，好解渴👍🏻👍🏻👍🏻👉🏻 Honey Butterfly 蝶豆花茶：呢杯特飲顏色夢幻，蝶豆花嘅花香同蜜糖嘅甜味交織喺一齊，好滋潤👍🏻👍🏻👍🏻整體餐廳好好坐，都有好多party games俾客人，仲好多好得意嘅公仔俾大家打卡📸📸📸

今日同朋友竟然發現到一個唔錯嘅旺角落腳地📍5% Cafe (旺角)旺角彌敦道577號高氏大樓2樓BC號舖一入門口就見到有好多board game，直去通道就見到窗邊放咗唔同公仔，仲有一個打卡位！🔻1. 5%黑松露手打牛肉芝士漢堡配薯條✨十分之推去介！一上枱就已經嚇親，大大個漢堡包，用料滿瀉晒。牛肉係店員親自手打，軟綿綿、肉汁滿滿，配埋芝士嘅黑香，簡直係一流！❤️‍🔥值得一提，呢度啲薯條無敵，酥炸香脆，每一條都黃金色，即使食到放耐咗食落都咁香口❤️‍🔥🔻2. 千島海鮮窩夫薄餅（8吋）✨窩夫薄餅唔係度度都食到，千島醬海鮮配窩夫就好似食緊鹹嘅格仔餅咁，每一啖都好滋味！🔻3. Chocolate Smoothie (Snow Style) ✨朱古力奶冰濃郁幼滑，杯邊有脆脆朱古力碎，兩種口感好夾🔻4. Strawberry Milkshake ✨士多啤梨奶昔陣陣清香5. 雜鮮莓雪糕窩夫✨好食到….Menu:

最近我同朋友終於有時間出黎見面, 搵左間樓上café, 諗住坐得舒服D, 可以慢慢update 大家~我地叫左以下既食物, 2樣都係以waffle 為主既, 因為本身我好中意食~雞扒窩夫漢堡配沙拉:雞扒煎得恰到好處，外皮酥脆，內裡鮮嫩多汁。調味適中，帶有淡淡的香料味。窩夫鬆軟香甜，與雞扒的鹹香形成完美的對比。窩夫的口感非常好，外脆內軟。千島海鮮窩夫薄餅:窩夫薄餅的餅皮薄脆，口感非常好。上面都有好多既配料, 係一個新鮮既組合~巧克力冰沙 (Chocolate Smoothie):巧克力冰沙濃郁香滑，巧克力味道非常濃厚，甜度適中!草莓奶昔 (Strawberry Milkshake):草莓奶昔香甜可口，草莓味道非常濃郁，奶香四溢。入面仲有好多唔同既board game 比大家選擇, 又有得食又有得玩, 仲好過去party room! 一大班人過黎就岩哂啦~

今日同朋友黎到旺角呢間5% Cafe～係彌敦道潮流特區斜對面高氏大廈2樓～Cafe座位好舒服～～～呢到既侍應們服務都好好好多Board Game!!未食野之前同朋友拎左d game黎玩左陣~我地order左炭燒雞扒窩夫漢堡配薯條好特別～ 佢地用窩夫代替咗麵包做成窩夫Burger 又幾夾wo!! 雞扒都好嫩好juicy~另外就點左焗芝士汁煙三文魚珍珠帶子意粉有煙花三文同帶子 好足料～意粉上面係滿滿的芝士～岩晒我呢個芝士控～意粉掛汁好creamy我呢杯係chocolate smoothie好濃既朱古力奶冰～重咬到d朱古力碎碎杯邊加左朱古力脆脆～朱古力控大愛朋友呢杯係staryberry milkshake佢話好好飲、重飲到士多啤梨果肉~

今日同朋友去了旺角行街，行完便去了這間cafe吃晚餐。這碟芝士汁煙三文魚珍珠帶子意粉真是美味無比！意粉的口感非常細緻，搭配濃郁的芝士汁和煙三文魚的鹹香味道，味道相得益彰。珍珠帶子的鮮甜更增添了整道菜的層次感。份量十足，是個很值得推薦的意粉菜式！另外點了炭燒雞扒窩夫漢堡配薯條，整體感覺非常美味！漢堡的炭燒雞扒肉質鮮嫩多汁，配上特製的醬汁和蔬菜，口感豐富且清爽。窩夫的鬆軟和濕潤，完美地襯托了雞扒的風味。薯條則炸得酥脆金黃，外皮酥脆內裡軟綿，非常好吃。整體來說，這道炭燒雞扒窩夫漢堡配薯條給人的味蕾享受非常高，是一道非常值得推薦的美食。如果你喜歡吃漢堡和薯條，這絕對是一個不錯的選擇！Chocolate smoothie: 唔會太甜，朱古力味好夠香。Hot matcha mocha: 抹茶味幾香，好好飲。

在繁忙的工作一天後,來到九龍旺角的5%Cafe享受輕鬆時光,實在是再適合不過了。這家餐廳位於彌敦道577號高氏大廈2樓B,C舖,環境優雅舒適,播放著令人放鬆的音樂。⭐首先,我點一份頗受歡迎的雞扒窩夫漢堡沙律~$148。雞扒窩夫漢堡沙律包括香脆可口的雞扒、營養豐富的沙律菜,再配以窩夫漢堡,既飽腹又健康。⭐餐廳貼心地選用元朗水耕有機蔬菜作為食材,每天新鮮送達,確保菜色新鮮美味。⭐如果想來點飲品,只需加$26就能選擇一杯冰涼的朱古力特飲。⭐另一道特色菜式是辣椒仔茄汁炒意粉~$128。這道粉麵色澤誘人,配以爽脆的辣椒仔和濃郁的茄汁,別有風味。🌟總的來說,來到5%Cafe用餐,不僅能品嚐美味可口的佳餚,更可以在舒適的環境下放鬆心情,度過一個愉快的夜晚。這裡絕對是忙碌工作後的理想之選。

位於旺角樓上嘅「5%」Café，有其獨特之處，有heart自家製窩夫亦好舒適，可以三五知己一齊黎上樓坐坐傾吓偈呢。首先推介嘅「黑松露醬手打牛肉芝士漢堡配薯條」,絕對係必試之選。漢堡肉餅鮮嫩多汁,配合濃郁芳香嘅黑松露醬,口感豐富層次分明。薯條方面,外酥內軟,既有咬勁又不會太乾，實在是完美。另一大必試,就係「千島海鮮窩夫薄餅」。窩夫薄脆香脆,內餡滿溢着新鮮海鮮,每一口都能感受到海洋嘅鮮美。最後必試嘅「士多啤梨藍莓雪糕自家製窩夫」,絕對係甜品控嘅不二之選。雪糕濃郁滑順,配合窩夫酥脆香甜,加上新鮮水果點綴,更是令人垂涎三尺。講到特飲,「5%」Café嘅「焦糖Cappuccino」與「Blue Hawaii」同樣值得一試。前者香濃醇厚,後者清新怡人,各具特色,定能切合不同客人嘅品味。

平時最鍾意去cafe ，今次決定黎朋友介紹嘅5% cafe chill下～一入到去就覺得好闊落，柔和嘅燈光加上啲抒情音樂，俾人感覺好舒服😌食物嘅款式都非常多，除咗有傳統嘅意粉、沙律、漢堡之外，仲有唔同小食選擇😋，最特別嘅一定係佢地嘅窩夫薄餅同窩夫漢堡，諗都冇諗過原來可以將窩夫融入去呢兩樣食物到，真係夠曬創意同特別呀！😆🔅焗刁草芝士汁煙三文魚珍珠帶子意粉： 舊三文魚一擺落口就食到好重嘅煙燻味🥹，好耐冇食過煙燻味咁足嘅三文魚喇，真係好正呀!! 芝士味都好夠濃，意粉嘅軟硬度都拿捏得好好👍🏻🔅炭燒雞扒窩夫漢堡配薯條：舊雞扒嘅炭燒味好出，同窩夫嘅味道意外地夾！😆啲薯條薯角全部都炸得熱辣辣，香脆可口！🔅Chocolate smoothie （snow style）：杯smoothie雖然係朱古力味，但又唔會太甜太膩，而且啲cream俾得好足料🤣好香滑！🔅Strawberry milkshake：士多啤梨味酸酸甜甜，而且仲有啲果肉係入面，開胃好飲！