影片
放假终于都可以周围行下,午饭时间呢度经过门口看见冇人等位, 我好快找了一个梳化位就坐底坐低叫左个咖哩牛腩饭等了10分钟左右，终于有得食喇饭同牛腩份量都几多，汁也够多，都无令我失望而强差人意无乜咖哩味至于热奶茶还算不错，因为够热也够甘美总结店员落单快，收钱快，不过不失，一试无妨
继续阅读
新蒲岗有一间默默耕耘嘅隐世小店，名叫41B。41B系一间充满人情味，有老香港冰室感觉嘅茶餐厅。我细细个就食佢，十几年嚟依旧好食，而价钱亦十分相宜。可惜嘅系好多介绍小店嘅报章杂志电视节目都冇访问过佢。可能呢件系一件好事，因为有啲舖头一出名业主就加租然后就要执。亦有可能个舖位系老板嘅所以唔忧做哈哈！冇谋体介绍唔代表佢食物质素唔好。相反，41B嘅野食系比好多连锁快餐店都好。我最钟意食佢嘅沙嗲牛肉煎蛋面（蛋牛面），豉汁豆腐蒸鲩鱼饭，同冻柠茶。呢度嘅蛋牛面有别于一般嘅茶餐厅出品。出面嘅沙嗲牛肉好多跟面上嘅时候都会配以一pat沙嗲酱，彷佛系要用𠮶pat酱去掩盖牛肉嘅唔新鲜。至于41B，佢地嘅沙嗲牛腌得够时间就唔使跟面𠮶阵用酱去俾味。牛肉够味而不咸，食得出牛肉依然有鲜味。面嘅汤底有煮牛肉嘅牛肉味同沙嗲味，有别于一般嘅普通汤然后自己用pat酱捞个沙嗲汤底。41B嘅蛋牛面一定系全香港最好食嘅其中一间。除左蛋牛面，佢地午餐嘅有𩠌饭亦都好好食。其中我推介豉汁豆腐蒸鲩鱼饭。𩠌同饭系分开，唔要例汤可以转野饮。即使本身嘅份量已经好够，但系饭唔够亦可以添，人情味十足。豆腐滑而不散，鲩鱼好滑而唔腥，配以蒸鱼豉油饿起上嚟真系可以食三碗饭！冻柠茶亦都系一间茶餐厅嘅灵魂。感觉上好多茶餐厅嘅冻柠茶都系冰比较多柠檬较少，而41B嘅冻柠茶柠檬同茶同冰比例适中。值得一提嘅系佢地嘅茶涩得嚟唔苦，沟出嚟嘅比例亦唔会好水，我形容为有重量嘅冻柠茶。41B系一间唔起眼但估佢唔到咁好食嘅舖头。今时今日三十蚊以下食到一餐嘅餐厅真系唔多，而好似41B呢种平得嘅个水准又高嘅就真系少之有少。讲真我有时都怀疑佢到底有冇钱赚。我文笔唔好，可能有错字，请见谅。不过希望大家睇完呢篇食评之后可以支持下默默耕耘嘅小店，去下41B，感受下香港买少见少嘅人情味。
继续阅读
要考试了, 所以又重回新蒲岗呢一个旧社区. 一早到达, 到图书馆作最后努力, 时间到12点半, 早一点去食饭好, 同数量有限既学生争食好过同工厂区的工人争地方. 以前都有search过新蒲岗有什么食肆. 所以边度多茶餐厅, 脑海内仍然浮有印象. 不过, 够旧既茶餐厅, 仿佛都试过哂了. 脑里, 记起一间名字特别的, 于是行去德龙那一边找, 经过德龙门口, 再行多4、5个铺位, 找到了, 41B.......看看门牌是康强街7号, 41B点来的, 唔知, 亦觉得知黎做咩. 因为最重要, 是呢度既食物, 好唔好食.时间不多, 就来一个最快趣既ABCDE餐. 是日的Dog餐, 是牛腩饭. 见冇乜其他野可拣就干脆食牛腩. 再加上一杯热饮. 30元有找. 应真抵食.茶餐厅最重要是人丁旺, 中午的两个小时, 当然想尽量做多几转. 速度之快, 好让大家20分钟内完成午餐找数. 即叫的牛腩饭同奶茶, 真的转过头就到. 牛腩, 未食已经感觉到佢非常之香浓. 先捞一捞饭, 让浓浓的腩汁均匀的渗满每一粒饭. 牛腩味道浓香, 连萝卜都充满腩汁味. 小小茶餐厅, 看似普通, 原来佢既牛腩做得几出色. 开心的没有入错黑店.我真的20分钟内完事, 行返去考试局....努力3小时.
继续阅读