365炸雞 (好順利大廈) (已結業)

兩個九龍人今日新界一日遊，好似咩都好新奇咁😂 我地係元朗行完商場想搵元朗大馬路點去，開住google map 經過呢間炸物店有啲餓，所以決定買少少野食下😋 我地order 左個中size鹽酥雞，落完單之後我地就問下店員元朗大馬路點去，幾位店員都好有耐心詳細解答🥰👍🏼🙏🏼等左5-10 分鐘左右，我地既鹽酥雞就有啦～ 店員今次仲開埋個google map 再詳細解釋多次點去大馬路比我地知😂 真係好nice🤗 我地既中size 鹽酥雞份量都合理👍🏼 即叫即炸熱辣辣，肉質都好嫩滑，不過表面就有別於一般鹽酥雞，比較似一般炸雞，不過都好食既👍🏼😊

叫左炸雞粒同炸雞髀菇，買完唔記得自己加調味粉，店員亦沒有提示我們要不要加調味粉，於是就吃了原汁原味的炸物😂 雞粒依然外脆內嫩，炸菇的內裡也juicy, 但沒有調味粉，真的差好遠。值得讚嘅係外賣蓋會剪個三角△洞，可以俾炸物透氣 不至於令外皮淋曬。

呢一間外賣嘅炸雞店真係好吸引，而且呢度除咗有招牌嘅Oreo西多士之外，我今次另外仲叫咗一份炸雞！呢一度嘅Oreo西多士真係好好食，賣相真係好靚同埋好特別，上面有好多Oreo說，而且呢度嘅西多士入面嘅煉奶好香！西多士嘅外皮揸到金黃鬆脆，真係好食都食完一啖有一啖

朋友推薦炸雞要食呢間，咁啱見到買滿$88仲送利是封💛 於是就叫多幾樣試下😋脆炸雞軟骨 $32大力推薦呢個！外層炸得酥脆，軟骨好有咬感，非常香口，屋企人一致認同呢個好好食💯鹽酥雞粒 $25/小雖然揀咗最細嘅份量，但都比得唔少㗎👍🏻 肉質飽滿，脆皮唔會太厚，而且調味唔會太鹹幾好。一口一粒好過癮🤩Shake Shake 雞髀肉 $22/小呢個適合懶人，因為係預先切好嘅雞髀肉～ 肉質好嫩滑，原汁原味唔點Shake Shake粉都無得輸🙌🏻花生西多士 $22一睇就知好邪惡😈 價錢比連鎖快餐店平啲，但味道更高質，而且切開見到滿滿嘅花生餡🤤因為係即叫即炸，所以攞到上手係feel到熱氣騰騰，而且隔住口罩都聞到好香🤤 男職員態度好好👍🏻 下次想試埋芝士雞扒‼️

又到禁晚市堂食嘅日子，反正都要食Take away，就試下呢間新開嘅外賣店 - 365炸雞🍗招 牌 炸 雞 髀 ($32)比起其他炸雞店，呢間鋪頭炸得薄身得黎夠juicy，雞脾亦好滑身啖啖肉，有點喜出望外！而調味方面，大家可以跟據喜好自己加調味粉，今次我就加左少少四川麻辣，更加惹味🌶Oreo 西 多 士 ($26)店鋪熱銷之一嘅人氣小食，邊個會諗到西多士同Oreo會成為combo😂我見其他分店有落煉奶但呢份無，所以另外on side再加左流心芝士醬，唔會過甜之餘食落又好夾😆司 華 力 腸 ($12)切粒上嘅司華力腸真係令人回憶起德國Currywurst，所以我係上面灑上咖喱粉，點埋茄汁同蜜糖芥辣醬，又有另一番風味😋脆 薯 餅 ($10)晚餐都有薯餅食😚比起M字頭的大1.5倍！香脆得黎唔會太乾。韮 菜 餅 ($25)略嫌個皮有啲厚，不過都幾煙韌，而且爆餡又juicy，令人食唔停口😜

💖2022新一年用我最鐘意嘅炸雞🍗開始🤤！365炸雞係港九新界都有分店，幾時想食都咁方便。我今日去元朗分店食，決定跟佢地嘅必食推薦嗌，實唔會出錯！1️⃣Shake shake 雞髀肉🍗 (大) $35💖必食！雞肉炸皮薄脆香口，肉質keep住多汁軟嫩。有椒鹽、海苔、麻辣🌶️、咖喱🍛等十幾種shake shake粉，自己揀、任加！全部都好吸引，店員見我選擇困難🤣，好nice比左細盒仔我，可以揀多幾款！我最後要左蜂蜜🍯牛油🧈、芝士🧀同蒜香🧄。個人覺得蜂蜜牛油味道最香甜濃郁，芝士都幾好味。2️⃣手作韭菜餅3件🫓 $25💖大大件，夠足料。皮薄、唔會好油膩，入面有韭菜🥬同豬肉碎🐷。韭菜份量多，味道濃郁，餡料豐富。3️⃣脆炸魷魚🦑 (小) $32💖炸皮香酥脆口，粉漿唔厚重，油香味重，好邪惡🤤。魷魚Q彈、有嚼勁，口感爽脆唔韌。味道鹹香🧂，可以試下落椒鹽調味粉，就變成椒鹽魷魚！4⃣️曲薯🍟 $18💖好抵食，份量多！夠曬足料，薯仔味🥔濃。外皮香脆，入面粉嫩。記住用佢地嘅雞肉shake shake粉調味！💖見到佢地招牌炸雞髀大大隻都好吸引🤩，除左炸物仲有西多🥪等食物，選擇幾多，黎元朗掃街唔可以錯過。

聖誕節留港消費行街街，在元朗YOHO行到又累又餓，行出外面鳳攸南街尋找特色平價美食﹗見到呢間365炸雞，俾香濃炸物味吸引住，點左少少餐牌上必食推介來食﹗店家好貼心包裝package，每盒邊開左一小角可以用來透氣，以免焗到淋身。韮菜餅$25/3: 手工製韮菜餅，入面好多韮菜料，食落香濃惹味，糯米釀雞翼$26/2: 入面糯米入味，食落方便，惹味又飽肚﹗Oreo西多士$26:表面撒上Oreo碎，西多士表面炸到金黃色，食落香脆，入面保持到白麵包軟綿口感﹗Shake shake雞批肉$22小:不少醬料同調味擺在枱面供客人倒落去雞批自行發揮創意調味，雞批肉切到細細粒，外面香脆，內裡保持嫰滑﹗

元朗食街小店多，今晚行過見到有間叫365炸雞好，門面好得意，有個射燈射個logo落地下，就俾佢吸引住。我叫咗四樣小食，分別係韭菜餅、Shake Shake雞髀肉、脆炸雞軟骨、同麻辣雞粒。我叫左三件韭菜餅，外層脆，裡面韭菜餡好多，鍾意食辣嘅我，再加埋佢嘅辣椒油，更加好味！雞髀肉好林，皮又夠脆，調味粉放喺自助枱上面，任由大家隨便落。我加咗兩款口味，分別係麻辣味同孜然味，唔同嘅調味粉可以任你配搭，好正啊呀！佢嘅雞軟骨份量都好多，每舊都好大件，咬口十足。麻辣雞粒亦都好香口，少少辣，如果鍾意食辣嘅話亦都可以再加多啲調味粉。

365炸雞在元朗開了新分店，有食肉獸最愛的炸雞髀，和我喜歡的煎炸小食，今晚就買外賣試試。招牌炸雞髀$32, 有一隻手掌般大， 啖啖肉，吃得很過癮，可以學娟姐來個手撕雞髀！小心熱，因為是即叫即炸，外層雞皮炸得很脆，雞肉熟度剛好， 未食已經聞到香味，性價比高。韭菜餅$25/3件，一向喜歡吃韭菜餃和韭菜餅，竟然在炸雞餐廳有韭菜餅賣，開心大發現！味道不錯，外層煎得金黃色，不會太油膩，裏面韭菜極多，肉餡相對少，突出韭菜香，咬下有爽口又煙韌的感覺，真的皮薄餡靚。Shake Shake雞髀肉$22/小，食肉獸最愛啖啖肉，這款雞髀肉無骨，可以自己加喜愛的調味粉，搖勻後才吃，食肉獸大讚炸得香脆，非常好吃，跟炸雞髀有異曲同工之妙。今次只下了蒜蓉粉，增添蒜蓉香，味道也不會太咸；由於調味粉有很多款選擇，要待下次才試其他味道了。花生西多士$22, 作為最後的甜品。喜歡這裏以粒粒花生醬製作夾層，用料足，啖啖都有花生醬香，而且食到花生口感更滿足；煉奶香甜，方包軟綿綿，口感佳，很有水準呢！四款食物共$101, 2人分享也夠飽，食物味道不錯，而且價錢也不貴，會再光顧。

最近又開始又提起食宵夜嘅習慣 元朗雞地開咗一間專係食炸嘢嘅小店 店內提供林林總總炸物小吃走到店舖的門前 已經聽到食客的好評 有位先生同友人說:這裏的炸魷魚好吃！餐牌上面部分食物可以選擇份量(大/中/小)，亦有兩張長枱可供堂食(是露天的)，不過我比較喜愛外賣回家 慢慢歎。Shake shake雞髀肉(小)$22 個概念有啲似麥當勞嘅shake shake薯條 門外長枱上面放咗多種調味粉 隨個人口味自己調配 有辣有唔辣任君選擇雞髀肉斬到細細舊 完全冇骨 食落啖啖肉 肉質夠滑 帶有水份 外皮炸到金黃香脆 加埋調味粉 非常惹味紫心薯餅4件$22 超好味呀呢個紫心薯餅 一定要趁熱食 熱辣辣暖笠笠 真係有外脆內軟嘅效果 紫薯蓉香甜可口 是真實的紫薯味道 顏色仲好靚添Oreo西多士$26 店內的人氣小吃 夠曬創意 又有諗頭 西多士配oreo 就是一個可以當甜點的小吃 原來oreo同西多士係可以咁夾 食嘅時候咬到粒粒餅碎 口感層次大增 比普通嘅西多士好吃多了唐揚魷魚鬚(小)$32 外層粉漿夠薄 唔會食到成口粉 魷魚鬚彈牙鮮味 一條一條接著吃 本人貪心加咗啲shake粉"紫菜味" 估唔到又幾好味喎

聖誕節🎄去食炸雞🍗 食物種類好多，好彩有寫邊啲係人氣同埋必食嘅，跟住黎嗌就冇問題✌🏻招牌炸雞髀 $32真係好大隻🤯 外層嘅雞皮炸得酥脆香口，連平日唔食雞皮嘅我都忍唔住要食😈 內裡嘅雞肉肉質嫩滑，啖啖肉🤤 雞髀係放係黃色袋入面，內層可以保溫。Shake Shake 雞髀肉 $22/小唔想食有骨嘅肉，可以揀呢個，仲可以自己任加調味粉，選擇好多。我揀咗蜂蜜牛油、椒鹽、海苔、粟米濃湯，全部都唔錯，尤其蜂蜜牛油同粟米濃湯嘅香味好出👍🏻 雞肉同樣係外脆內嫩，肉質緊實彈牙😋Oreo 西多士 $26西多士金黃香脆🤩 面頭灑上Oreo碎，甜甜地又有咬口，係除咗炸雞之外另一個必食嘅item！炸蟹柳 $18/6件蟹柳質感爽口彈牙，帶有鮮味。外皮輕微炸一炸，邪惡但更香口。食物係即叫即製，所以攞上手係新鮮滾熱辣🥰職員態度幾好💯 見到外賣盒嘅蓋會剪個窿，以免有水蒸氣搞到啲皮腍晒👍🏻