360鮮迴轉壽司 (已結業)

碟碟8蚊其實幾吸引當然咩價錢 咩貨唔可以太高要求我自己就覺得ok了食得飽 個人就like 3文, 吞拿, 劍魚, 燒芝士3文食過幾次 唔洗等位, 有1次就要我多數8點-9點左右過去佢有d貴d既sushi but唔會叫 如海膽, 吞拿腩講真 去得果度都係貪平店員態度好好希望佢地做得住

我地都係睇到係新開張,所以在仔仔生日當天同佢一行4人去試下,果時都係下午4點幾,入面不是太多人,但個女仔都要我地等位,無所謂啦,點知等到15分鐘,我媽媽覺得唔對路,就走入去問佢地幾時先有位,點知比票我地的女仔話唔好意思,忘記左替我地比位...已經好嬲,點知入到佢,仲嬲,佢地比左個位只有2個位係有迴轉的,其他的2個位係無,我問其中一個男仔,哥哥仔,請問可唔可以轉第二個位呀,有2個係攞唔到野食架wo,點知個男仔答我地,你要食米叫攞到果2位攞比你地食lo...嘩..火都離,之後都算,我地坐底,睇真的,點知原來迴轉上面係無咩壽司的,咁我仔仔話,可能要寫order紙呢,咁我米問個女仔,有無order紙呀,但個女仔答,唔好意思,我地係無order紙的,咁我問,請問食咩呢,你地好似都唔出壽司咁,咁少,佢地話,係呀,唔好意思,呢段時間係咁的..唉..最後..我地米走lo,去左金太朗食,真係比鬼都唔去呀...

我都覺得呢間野吾係好掂, 開頭諗住平平地食下, 但點知原來都吾係好平, 佢話碟碟8元, 其實有D都係每碟得一件, 係一件8元, 其他店都差吾多, 什至平過佢,, 還有D野吾係咁新鮮, D飯又細舊, 轉來轉去D款式都差不多, 無咩野好食, 我和男友食左9碟就走, 見無咩食,我有5碟係食三文魚, 還有D茶沒有茶香味, 講真, 呢間都係一TAKE過, 無下次。

前幾日,九點幾左右,同男朋友係旺角搵食,見到依間話自己碟碟壽司都係8蚊.好似OK, 咪去試下去到要等位, 係門口見到佢整緊條炸蝦軍艦卷, D炸蝦一早炸定, 仲要切開六份, 一份一碟, 一條要$48??? 入到去坐低, 見到同枱食得好興奮,唸住應該OK既,跟住攞咗碟熟蝦壽司,見到個蝦背黃黃地的,係咪撞瘀咗?見到原來隻隻蝦都係咁 唔理咁多, 食左先講 D味怪怪地~~食完後,望住條輸送帶,點解碟碟都一件既?甜蝦壽司一件一碟,帆立貝又係,咁咪即係8蚊一件?依個價錢,係好多壽司鋪都食到啦,洗鬼食佢咩.跟住我食咗個蟹杍壽司,味道又係怪怪的.坐咗入去,等咗差唔多20分鐘,終於見到壽司的靈魂--三文魚壽司,但味道又係唔得既!!食到果時,己經覺得浪費時間,所以問個WAITER有無MINIMUM CHARGE ,好彩無,如果唔係更加唔掂.最後我地食多兩碟,44蚊走人.食完當然唔飽啦,結困要KFC填肚.奉勸各位想去試下的朋友,停一停,唸一唸,因為困度D野食唔係太好食,選擇唔多,最重要的,真係唔係想像的平,試想想,一件甜蝦壽司8蚊,即係兩件16蚊?真係好多鋪頭都平過依個價錢啦!!

早幾日.行行下街,見到一間叫360鮮既日本料理,見到8蚊一碟,咪諗住試下囉....點知一入到去見到一條好長既迴轉帶,我一口氣就食左20碟!款式真係好多食既野都唔係好似我所諗咁(平野無好)仲覺得好好食...FACEBOOK果然無介紹錯..下次一定要同班朋友再去個先....360加油呀^^...又平又好食一定支持