55
3
0
港铁天水围站 A 出口, 步行约8分钟
继续阅读
付款方式
其他资料
当面支付
以上资料只供参考，请与餐厅确认详情
今日食評有✍🏻360餐廳試食指數⭐️⭐️店舖衛生⭐️⭐️⭐侍應態度⭐️⭐️⭐⭐⭐((每項5⭐️為滿分)) ·屋邨食店都有小驚喜😋我哋點咗兩份set lunch 及小食日式餃子豬骨湯拉麵配熱柚子蜜⭐️⭐️⭐/5圖中所見賣相一般餃子味道唔錯其他配料中規中矩·豚肉飯配熱咖啡⭐️⭐️⭐/5豚肉一般但汁好好味珍珠米飯底🍚讚·鰻魚小食⭐️⭐️⭐⭐/5呢個就係今餐驚喜😋好味，唔腥，汁都撈埋飯咁食·餐廳冇加一全部119·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講
继续阅读
今日同朋友來到360餐廳，一行入去，成個環境有個浪漫嘅氣息，安靜，咁尼間餐廳，又可以食扒有可以打個小邊爐嘅；今次我地就諗住打個邊爐嘅，於是我地各自點左一份日式壽喜燒啦，咁我算係第一次食壽喜燒啦，個煲入面嘅材料都係差唔多一樣嘅，咁我聽講食壽喜燒時不可缺少嘅就係生雞蛋，雖然我地無食到雞蛋，但係餐前嘅小甜品（泡芙）同醬汁，另我喜心。咁我地差唔多都係點左一個主食（麵/烏冬），各一份肥牛，加埋煲入面嘅食材，對於一個都幾大食嘅人來講，已經夠曬，量都幾多下嘅。肥牛肉質唔錯，成個煲散發出來嘅香味唔濃，啱啱好，都可以睇出煲入面嘅食材內在味道都係偏甜嘅，所以令個湯底都幾清甜。特別係果個醬汁，甜而不膩，香而不膩，好似有個芝麻嘅味道，配搭食材，會覺得好開胃。價錢ok，唔算貴，係想同朋友好好輕鬆下撐下檯腳打個小邊爐嘅好地方。
继续阅读
天氣咁凍，如果想食一人一鍋又點唔使去快餐店，呢間餐廳就啱晒我，一家大細嚟打邊爐就啱晒啦每人都可以揀返自己鍾意食嘅湯底打邊爐而且價錢仲好優惠，只需要$88或者$68，食完唔夠喉仲可以追加唔同嘅配料添，我同朋友就決定呢兩個湯底都試吓依家仲可以半價加配特飲添，呢個優惠當然唔可以錯過啦火鍋材料本身包左蟹柳、芝士竹輪（即係芝深獅子狗）、金菇、冬菇、鳴門卷、南瓜、粟米、豆腐，所以一嚟到成個煲都裝滿晒肥牛就兩個餐都有，不過叫海鮮嘅話就會多咗隻大蝦、青口同埋先魚柳最後幫佢哋影個全家福先，跟餐仲會有埋獨立包裝嘅讚岐烏冬同埋芝麻醬添蜆肉滾完之後都仲係好大隻，脹卜卜㗎我哋之後仲追加左以下嘅火鍋材料有大都冇朋友帆立貝$20、手工木耳香菇餃$10、芝士丸$9、蟹柳$10同埋蔬菜籃$15
继续阅读
冬天最啱打邊爐，唔洗去吉野家，黎到360餐廳都有一人火鍋食😋平平地$68已經包咗蟹捧、鳴門卷、豆腐、香菇、蔬菜，可以揀牛/豬/雞肉，又有出前一丁/烏冬/飯，仲包埋野飲同甜品（泡芙一粒）；如果你鐘意食海鮮，佢仲有個豆乳海鮮鍋都只係$88同朋友冇就住就住，想食幾多就照追加，最後兩個人加埋都係二百蚊就埋到單，超抵食🙈尤其鐘意食+$10就追加到既帆立貝，超大件好厚肉🤤呢間餐廳地點好方便，係西鐵站行幾分鐘就到，住大西北既各位得閒可以去試下🤪
继续阅读
冬天就硬係想打邊爐碌碌吓，但馬屋有少少同其他同類餐廳唔同，佢係做一人自私鍋嘅，想食好啲呢到有黑毛和牛同北海道豚肉揀，如果再想食靚啲佢仲有個set係特選牛$349，咁小妹我唔係食得多又想食好啲就揀左平少少$309個款-「日本產黑毛和牛&北海道夢之大地豚」，依個set嘅牛都已經好靚，佢有隻係多雪花啲嘅降霜牛，一隻就瘦啲嘅，再加肉嘅大家就要留意要邊隻喇😝個人就中意雪花多啲個隻降霜牛，雖然唔知佢係日本邊個地方所出產嘅黑毛和牛，但可以見到佢嘅紅肉同油花分佈均勻，入口牛味鮮濃，肉質纖維重，相當美味。 而瘦啲個隻牛相對較有口感彈牙，食個陣感受到肉質纖維細細一絲絲，牛味同樣鮮濃，食起上黎各有千秋🤤🤤豬都好正。.呢個啱哂食肉獸嚟，食得多又中意食肉嘅朋友嚟食實番到本抵哂🤤
继续阅读