24H-食品有限公司 (已結業)

冬至当日订$1388 长脚蟹餐加羊腩煲，另有6人份嘅杏汁猪肺汤。订6:30pm 送餐，结果7:45pm先到，要自己落楼拎。冬至多单加塞车，都可以理解。拎到只蟹上手，心谂点解可以轻成咁，又话有四斤？上楼拆开磅一磅，结果得2斤。当然，生蟹秤煮熟之后就预咗，但系得返一半就真系有啲夸张。再试个白肺汤，份量确实唔少，可惜一入口就系杏仁精味⋯⋯全家人一致认为差过大家乐嘅例汤，不过盛惠$195。羊腩煲算系最出色，如果当佢$288都值嘅。当日向负责人投诉下啲质素，结果当然系彩我呢个老亲都傻啦!最后唯有走落街买外卖饭盒加𩠌同屋企人过冬！…查看更多

有日放工，想食下蟹冲喜下。以前会呼朋唤类既，但疫情后都惯左简单既宁静，一个人可以想食就食。呢间店可门市取蟹，但在荃湾工厦，我唔想去攞啊~ 老板娘话先payme佢，我叫车后通知佢，佢地有人送落楼俾司机，直达我屋企。我叫左一皇二后，返到屋企打开系三后 😅 告知老板娘搅错单，佢二话不说 what's app 我，记低下次会送返一只六両公俾我！ $68一只四両蟹后, 我谂系成个FB最平架喇。 有一只淡黄膏部分好特别，似滑蛋白🥚。另外两只，都 Full Loaded 👍🏻…查看更多

7人价钱，10人份量同朋友庆祝生日，先黎头盘小食，三款各有特色，腰豆出其好食。浓鸡煲翅汤，炖足十二小时，清甜而不油，足料！炸豆腐好滑，唔会厚脆浆。一蟹二食，长脚蟹啖啖肉，新鲜，之后用蟹膏蒸鸡，食足成只蟹 。去到呢度，已经开始饱⋯⋯但系冇理由唔试呢度招牌菜新派咕噜肉，当初以为”新派” 只系外面做咗拔丝香蕉个d效果，原来唔系，师傅用猪腩片一层一层卷住一只大虾，之后用脆浆包住去炸。入口冇成口脆浆既感觉，反而成个狮子球咁大既咕噜肉一个女仔未必食得唒。另一招牌菜，糯米鸡，不得了，师傅将原只鸡去骨走肉再将腊味糯米饭镶入只鸡里面，饭里有荷叶香，鸡油香同腊味香。可惜食到呢度已经好饱食唔到好多饭，唯有将半只鸡同糖水包番屋企。…查看更多

私房菜我食过无数, 排头几位必选呢间。点解, 好简单, 话明私房菜, 菜就梗系至重要架啦, 系咪先?! 呢度既菜式, 重点系唔会将货就价, 重点系可以食出厨师s的用心, 重点系你想食咩都可以同佢地倾, 重点系一个地方属于你地自己的, 点玩都唔怕, 哈哈。(岩晒我呢d嘈喧巴闭既人)同十几个朋友黎到, 食左一餐, 要我将d菜排位置, 真系好难, 因为碟碟都好好味, 碟碟都咁正,  碟碟都咁赞。真系架, 呢个厨师唔系流, 坚系煮到好多撚手小菜及大菜, 同佢吹左两句, 佢话越有难度越高兴添 (傻的吗??!!)位置方面, 就喺南丰纱厂后面，都算方便。至于价钱, 丰俭尤人, 你自己可以同佢地倾掂数啦!! …查看更多

同朋友去咗试食呢间私房菜，位置系荃湾沙咀道，都算易揾。环境方面实而不华，简简单单，但干净企理。职员态度亲切，有宾至如归嘅感觉。食物方面，先从卖相讲起，每道菜的吸精程度真系唔识点形容。睇得出大厨花咗好多心思去设计菜单同烹调。食材新鲜唔在讲，菜式仲好有创意。大大只长脚蟹两吃真系好鲜味，份量十足。我最钟意就系碟菠萝咕噜球，从未食过咁非一般嘅咕噜球，真系无得输。当大家饱到一个点嘅时候，成盆起砂甜西瓜上枱，真系完美嘅晚餐。8𩠌一汤真系超值，诚意推介俾大家。…查看更多