影片
寻晚又系无饭开既日子，上次嚟过食lunch，啲食物都ok，所以再次光临。原来dinner仲抵食过lunch，汤+头盘(4选1)+主菜(饭/意粉/薯菜)+咖啡/茶都系大约50元。寻晚叫左,,,罗宋汤跟蒜蓉多士(汤够味道，片多士仲热)芝士焗西兰花(一般啦~~~)芦笋配龙利鱼卷跟薯菜(上到枱时先知系配烧汁，如果系白汁就好啲，个鱼卷味道好清淡，中间卷左条蟹柳，个人认为卷蔬菜会仲好味)食物对于我呢个有点要求既人都叫可接受，但佢地真系要好好谂下d服务啰！首先，毫无逻辑，隔离枱个汤差不多饮完先上多士；我地就上左多士一阵先上汤；跟住，上头盘时就咁摆低，压住只羮都唔理；上主菜时张枱位置所限，唔够位摆，揸住碟望下我(喂，我无责任帮你移位架！)；埋单时仲衰，我以为个侍应系哑架，唔讲几钱、唔讲多谢，你估我好好眼力睇你张单咩！哎，点解唔可以提升下d服务质素，怪不知硬系唔系咁多人帮衬啦！
继续阅读
食记 (8)
很久之前食过午餐，好像唔系西餐，记得当时食咗个东荫公汤面，都几好味．睇咗其他食评先知道原来佢转咗做西餐，Honey之前食过，佢话好抵食，又其推介烧猪肋骨．上个星期六去咗食晚餐，大约7点半都唔驶等位．叫咗一个２人套餐和两个set dinner．𠮶２人套餐有２个汤，两个小食，一个pizza和两杯嘢饮．𠮶小食叫咗个猪脾仔，有４件都烧得几香，不过较为咸咗d．𠮶pizza都有成６件，都算大个．另外叫咗一个羊脾排和一个烧菠萝牛排，𠮶set都几抵食，有汤、小食、主菜和饮品，平均$50-$60，最抵系个小食，叫咗烧猪肋骨，都几大件和几入味．最初以为𠮶羊脾系一只上，点知原来系切到一片片，虽然多不过唔系几有羊味，如果唔系自己叫，都唔知道系食紧羊。质素一般般，但服务都好好，以这个价钱当然不能有太高嘅期望。
继续阅读
之前做泰越菜的，味道不错想再帮衬时，已做西菜。那天是星期日下午，那种价钱不如去美心或大家乐吃好了。其实将军澳很少泰越菜馆，佢转了之后有D可惜，我很难再帮衬下去了
继续阅读
年28,决定自己一家去食团年饭,唔食中式,去到坑口,见此店,环境OK,晚餐价钱$50至60,叫了两个排餐(牛及杂(鸡及猪))及一个天使面,有烧物,汤,饮品及雪榚甜品,伙记问牛排多少成熟,但来到系全熟,味道都OK, 亦见每款食物有心思摆好,唔系一堆野咁,觉得有诚意。2个大人,2个小朋友都食唔晒,埋单唔驶$180.00
继续阅读
最近o系度食过2次dinner...头一次同bf去食,佢叫o左个羊扒,而我就叫o左个T骨扒...我觉得bf点ge羊扒好味d~~可能因为比较少食羊扒o卦,我ge T骨扒都唔错...个set dinner仲有小食,我o地要o左鸡翼(3只)同埋猪肋骨(2件)...另外有餐饮,餐包,餐汤,埋单$123我觉得抵过扒王...另一次系圣诞夜晚,选择变得少o左...而且价钱差唔多系平日ge 2倍...跟餐ge龙虾汤好咸,圣诞特饮系士多啤梨汁,几特别...呢次试o左羊架同猪肋骨...个猪肋骨虽然睇落好大件,但系唔抵食...因为大部份都系骨o黎...其他都ok la...埋单$210,算la!圣诞揾笨餐ar ma...哈~
继续阅读