2 Good Bakery

营业中

休息中

今日星期一，剛剛做完最後一次天灸，行行下，見到呢間門面清新既蛋糕店，店員開始擺放各式既件裝蛋糕門口既廚櫃裡。我感覺我的腿累累的，便隨興入內坐坐，看看餐牌，叫了一杯熱熱烏龍茶 ，店員推薦了我，她親手製作既巴士克蛋糕，上面放了幾粒爆汁提子裝飾，灑上點點糖霜，芝士口味濃濃，估唔到會幾微甜，岩晒女仔口味。呢間蛋糕店環境整潔，門口播放輕鬆音樂，閒時可以黎坐下，食下甜點，打下咭，休息一下，都幾好喎。（原本呢間鋪係那店員一瞓踢，除了門市，網上蛋糕訂購都受歡迎，值得試試這小店)

星期四下午，我本來準備光顧位於「佐敦」的食店，看看那間食店晚餐裡面有沒有提供「牛腩」食品，可惜食店原來有中場休息，我需要慢慢等候食店黃昏時間才開門營業。於是我趁食店還未到晚市開門營業之前，看看附近有沒有咖啡店或者甜品店，結果我在「白加士街」找到了「2good Bakery」。「2good Bakery」集合了「甜品店」跟「咖啡店」兩者優點於一身。「2good Bakery」裡面廚房的甜品，主要是西式甜品為主，包括有「芝士蛋糕」和「拿破崙」在內。於是我點了一客「檸檬芝士蛋糕」下午茶，下午茶飲品配一杯凍的「朱古力」「摩卡咖啡」。由於「2good Bakery」的「芝士蛋糕」一早已經預先製造完成，再放在冷凍櫥櫃裡面備用，所以基本上我很快就嚐試到「檸檬芝士蛋糕」，反而「摩卡咖啡」還需要時間去等候。「2good Bakery」製造的「檸檬芝士蛋糕」裡面有非常濃厚的「檸檬」酸味，但是「芝士蛋糕」的實際味道卻又出乎意料地不太酸，所以「檸檬」和「芝士蛋糕」合而為一之後，蛋糕實際味道沒有酸得讓我接受不了。至於「檸檬芝士蛋糕」的實際口感，蛋糕雖然擺放在冷凍櫥櫃裡面，但是「檸檬芝士蛋糕」實際質感卻沒有被雪藏

喺ig搵到呢間小店，蛋糕款式又靚又人手整，唔會過甜好健康。適逢2妹生日，所以同屋企人過黎試下，價錢相宜，店主勁好人!! 知道我話妹妹生日就幫我加左支蠟燭，我本身自備左生日牌，然後店主好有心播埋生日歌!!氣氛好好，我媽媽同3妹都叫左2件蛋糕，又因為感謝祭店主再送多杯好香既手沖咖啡! 我3妹同媽媽都係咖啡愛好者，佢地都讚口不絕!!壽星2妹都大讚蛋糕香而不膩，有機會會再幫襯!!圖就淨係影左有生日牌既蛋糕，呢個係芋泥芝士蛋糕黎，另外仲有叫左分別1件檸檬芝士蛋糕同埋1件黑芝麻芝士蛋糕，仲有杯咖啡，不過冇影到。

午飯時路過，見到啲cake 幾吸引就入去試下。首先印象加分係老闆娘的態度，十分好且有禮貌。叫咗件芝士芋香蛋糕。細細件 有芋泥味 亦有芝士味 啱晒我依個芝士控。 我喜歡佢不太甜唔會覺得好“濟”再加多個 伯爵茶拿破崙。餅底鬆脆唔油膩，加上伯爵茶香味 簡直一流熱鐵觀音茶。 我稍為覺得淡咗啲。如果濃茶配蛋糕會更好。餐廳乾潔舒服 下次要試下茶香雞翼 睇食評好似唔錯

朋友唔講真係唔知呢到有間蛋糕店，所有蛋糕都係新鮮手工製造，仲可以訂購卡通公仔，好可愛🥰甜品方面有古早味蛋糕、三色芋圓、水晶芋泥蛋糕等等，唔食甜品都有其他小食，可以叫雞翼share食都冇問題，仲有多款茶飲品，價錢唔貴，都係20蚊左右👍🏻－－－－－－芋泥芝士蛋糕 $45唔好以為芝士加芋泥一定等於膩，兩者比例接近1:1，面層仲有最近好流行既Basque Burnt🥰蛋糕口感比想像中輕盈，芋泥綿密厚實、芝士不膩口，今個星期先推出，可以原個買或者散買都得🤤

呢個一人Dressert Set，賣相非常靚，味適中唔太甜，價錢合理，而且店主非常親切，係一間用心製作的甜品小食店，值得推介！🥰🥰🥰🥰🥰🥰食完個Dressert set充滿正能量💪💪💪💪💪店舖內環境整潔而且在店內用餐十分舒服，除此有甜品、cake選擇外，仲有小食及沙律供應🥰店舖仲可以訂購蛋糕（例如：生日或紀念日之類）款式好特別，可以follow呢間店舖！🥰🥰🥰🥰🥰🥰

清新既田園沙律配蜜茶雞中翼，沙律菜非常新鮮配搭日本雞蛋比外面食到既沙律更有蛋味，仲配有兩片蒜蓉多士令口感更豐富，蜜茶雞中翼用鐵觀音烹調令雞翼中的茶味更出更清新，中午食完飽肚唔油膩，正！！！

夏日炎炎，見完客行到身水身汗，經過一間小鋪頭，以前經常走去食串燒地方，原來變咗間全手工甜品小店，望一望，環境整潔舒適，就行咗入去透下熱飲杯野，點咗杯凍綠茶解渴同店員推介嘅芒果腸粉，店員和藹可親，果份芒果腸粉簡直好食夾大碟，芒果好新鮮，腸粉仲滑過我囡囡的肌膚😂😂食完好滿足😋😋誠意推介👍👍👍

環境不錯，甜品精緻。平民化中的高級甜品👍，健康的甜品適合任何人士。最鐘意食雞亦，真的好好食，連茶葉都食得。仲有新出的榴蓮班戟，都係好推介，呢度既榴蓮用左正宗的貓山王，好香濃的榴蓮味，一口就可以食一個。仲有一個芒果腸粉，呢個都好推介，係夏天之選，腸粉好爽口，加埋芒果，酸酸甜甜，好夾，食完一個吳夠仲可以外賣有時候可以近距離睇到甜品師製作蛋糕，好難得。甜品師感覺好親切有時都會傾下計，一個吳錯的休閒地方。

父親節訂咗個朱古力mousse蛋糕，好好味，唔會太甜，隔咗兩日喺雪櫃攞番出嚟仲好soft店主服務好好，訂蛋糕期間我問咗好多問題，佢都冇嫌我煩，逐一解答，仲幫我揀埋適合小朋友嘅口味，very nice

檸檬芝士，豆腐芝士蛋糕 ，芋泥蛋糕 都好好味 最鍾意佢所有嘢做到少甜 令我可以食到原材料嘅味道， 食多啲都冇咁罪惡感 店主仲有親自煲啲養生健康茶，我試過美人茶同潤肺茶， 配搭蛋糕一齊食都唔錯仲有外賣包裝得好精緻，值得一讚

爸爸生日，見到呢間蛋糕店幾ok，之前已聽過蛋糕唔會太甜，岩晒我，就去訂過送比爸爸。店主比d公仔同建議我選擇，我託店主幫我整得靚靚，擺枝酒辦落去，真係飲得架 😂爸爸同其他人見到蛋糕好開心，大家都覺得唔會太甜，豆腐味都香。值得推介 🥰🥰

起貨"快", 真唔好意思，只得3日時間要起貨。決定"狠", 完全沒有idea 嘅我，店主可以幫我設計和品道相當合意的女皇蛋糕。味道"準", 唔太甜，味道夠，軟硬程度適中。人人食過都話正。下次會再encore

今次吾知第幾次訂生日蛋糕（因為多到我都吾記得），我之所以訂甘多次，一定有我既原因。。。。就系蛋糕好岩小朋友食，真心好食得黎吾甜，勁岩小朋友食今次我又特別要求整左個雙面蛋糕，店主又有新挑戰，出到黎既效果都好好，小朋友都鐘意

今日去到佐敦，發掘到一間自家手工甜品店，老闆仲好talk得，旺中帶靜，地方乾淨闊落，靜靜地思考下人生。。。一流！😆😆今日老闆介紹我食左個「芒果腸粉」P.S希望我無記錯個名啦😅eeeee....個賣相幾靚仔喎，同我一樣😎真係白雪雪滑捋捋，重點係D芒果真係甜過初戀，一試難忘，炎炎夏日，消暑佳品！老闆無介紹錯👍🏻👍🏻已經唸定左下次食乜🤐老闆仲話不定時有新産品喎🤤🤤🤤🤤🤤🤤🤤