2派克雞排

营业中

休息中

好耐無去台灣, 好掛住台灣既大大塊炸雞排, 今次黎到紅磡, 試一試呢間台灣過江龍既2派克雞排!小店只做外賣, 但人流不乏, 所有食物都即叫即炸, 大約要等10幾分鐘~今次叫左3款小食, 炸雞腿排, 可以揀2款調味, 我揀左梅子X芥末, 雞排好大塊, 好香!!!番到香港雖然凍左少少, 不過外皮依然香脆, 點解凍左都可以咁好食架????????梅子X芥末既調味粉聽落好似唔夾, 但食落意外地MATCH, 梅子帶酸甜, 加埋芥末有少少甜辣感, 好好食!炸杏鮑菇我就揀左海苔粉, 大大舊非常多汁, 外皮香脆, 內裡有菇的水份~最後叫了一個甜點, 黃金香芋球, 入面包含咸蛋黃, 芋頭味很重很香, 好吃!總括來講, 係香港好耐無食過咁高質炸物, 絕對可以回頭!

放工經過，見都好多人排隊！原來係賣小食，仲要係即叫即炸！脆皮無骨雞排！（原味）勁香口！外皮好脆，炸粉一d 都吾厚！我拎返屋企都要行一段路，返到家食仲好脆！大推！而且雞扒份量十分大，有我手甘大！！脆皮杏鮑菇(辣)，一樣無令我失望，杏鮑菇吾會炸到乾哂，依然好juicy ！大大粒，食落好滿足！雞皮（梅子粉+芝士粉），必食，好好好脆口！食落一d 五覺得肥膩，梅子粉甜甜地，又有芝士味，好正！由於即叫即炸，所以都要等一陣，好似可以打電話叫定👍😁

2派克雞扒係台灣過江龍，主打即叫即炸既台式炸物，炸物款式多達十幾款。雖然我同朋友已經食咗晚餐，但見到咁吸引既炸雞扒都係忍唔到囗。每款炸物都可以揀調味粉，職員見到我哋咁迷惘，所以主動推介受歡迎嘅調味粉👍🏻- 脆皮無骨雞扒（咖哩）雞扒外皮炸到金黃色，炸粉完全唔厚，非常酥脆。肉質濕潤嫩滑，無骨真係好爽🥰。咖哩粉落得幾多，所以味道夠濃郁！- 甜薯地瓜條（梅子）每一條地瓜條都好粗身，外皮一如其他食物咁香脆，入面地瓜味道香甜，配上梅子粉簡直係天作之合😝- 脆皮百頁豆腐（芝士）一份至少有八件以上，百頁豆腐口感比想像中結實，炸粉好薄，外脆內軟。芝士粉味道比較輕盈，唔會搶走豆腐嘅清甜。以上每款炸物都好高水準，最重要係唔油膩😍

鸡扒外酥里嫩好好食距離地鐵口很近。找一會就到了！走一陣就看到了。只做外送的店做的非常好吃，雞排真的太好吃了。是台灣雞扒的口乾。店裡的小哥也很有耐心的甜不辣也好吃！推薦

今次同朋友去開紅磡，專登係Openrice Order二派克之後去攞，每樣主食會送四季豆/QQ oreo或者飲品。我地梗係落完單慢慢行去攞，時間岩岩好！每樣野拎到上手係熱辣辣。脆皮無骨雞扒超厚身，應該有成2cm咁厚，啖啖肉！ 脆皮雞腿扒就稍為薄d, 但係d肉超滑, 皮炸到非常之香脆，我就兩樣都鐘意😋調味粉仲可以兩溝。大推梅子粉😋食到最後都唔會膩，因為佢炸得好好。但係真係好大份！我地覺得完全可以當飯食，唔洗食其他野😂

啊～真香！又解鎖了一家推薦給做尖buddy的高蛋白菜單了（非清淡口味）試過就明解how come 熱㷫㷫坐馬路邊仍捧場客絡驛不斷即叫即炸誠意先搶分小小店面主打是台式的酥炸美食主食雞全部都係雞無骨雞排用雞胸最low fat 增磅的話就可以選雞腿排另外亦有nugget、wings與drumsticks 菜蔬與小食類貫徹Taiwanese style 杏鮑菇、金菇酥、百葉豆腐與地瓜條等都吸引個人最愛是杏鮑菇與金菇酥趁熱吃酥脆不油膩炸百葉豆腐是第一次吃外脆內軟超正desu！另外調味粉是自選口味我的推薦組合如下💁🏻‍♀️無骨雞排 x 椒鹽杏鮑菇 x 海苔百葉豆腐 x 梅子性價比高Overall 值得推介真葡萄這區的市民呢！

係澳門食唔到既台灣過江龍雞扒發現香港都開左雖然個位對我黎講都係隔涉啲，但其實澳門個位一樣咁隔涉我其實係summer holiday 前去，當時就算weekend 人都唔算多服務好好，可惜冇堂食區，係等得都有點耐，客唔多都至少等左15mins 但值得等待$38無骨雞扒/雞腿扒，超級大塊同厚身，炸粉唔厚，以台灣雞扒黎講算好薄粉我係食雞腿扒，肉嫩爆汁即炸超級熱，條街又超級熱果頭都好難搵個冷氣落腳點食除此之外真係無可挑剔

今日去開紅磡做嘢，路經呢間小食店就俾佢嘅香味吸引着買咗少少嘢食嚟食！🔥脆皮無骨雞扒（辣味粉）：雞肉外層炸至金黃酥脆，內部保持著嫩滑多汁的質感。辣味粉的調味讓整道菜更加有層次感，帶來一種辛辣的風味。這款菜式適合喜歡辣味的人，給人一種刺激味蕾的享受。🔥甜薯地瓜條（梅子粉）：甜薯地瓜條經過炸至酥脆，外層金黃，內部柔軟。而梅子粉的酸甜調味則為整道菜增添了獨特風味，帶來一種酸甜交織的口感饗宴。梅子粉與甜薯地瓜的搭配使得菜品口感豐富。🔥脆皮花枝丸（椒鹽粉）：嚐一口這道脆皮花枝丸，你會被它的香鹹風味所征服！外層酥脆的花枝丸散發著誘人的金黃色澤，每一口都讓你感受到爽脆的口感。而椒鹽粉的獨特調味則在口中爆發出令人垂涎欲滴的鹹香滋味。

今次試嘅係位於紅磡由台灣過江龍嘅炸雞店，所有炸物都係即叫即炸，保證新鮮👍🏻🍗脆皮無骨雞扒 (少辣) $38超級大塊嘅雞扒，拎上手已經feel到好重😂有8款調味料選擇，中意食小小辣嘅我就簡左小辣，我覺得真係簡得好好，因為辣粉令到雞扒 更加惹味。 炸皮又薄又脆，裏面嘅肉雖然係用雞胸肉，但係食落都係好嫩滑，一定會encore 😍😍🍄脆皮杏鮑菇 (梅子粉) $22好掛住台灣夜市嘅炸杏鮑菇，所以就叫咗呢個，呢個都一樣有8款調味料選擇， 炸物配上梅子粉就無咁油膩， 食落感覺清爽啲， 杏鮑菇每一舊都好大舊，而且咬落去超多汁，好jeng😍🍪QQ Oreo $10超級好奇Oreo炸完係會係咩味道， 原來食落就係多咗一層炸皮嘅Oreo🤣🤣都幾得意~~📍蕪湖街123號海德豪苑地下及1樓C號舖

去何文田試下呢個過江龍台灣小食~小店最近人氣亦相當火爆！同以往嘅炸雞店唔同，款式有好多! 連蔬菜都有得炸🤣甚至連調味料都有好多選擇，完全可以用「踩過界」形容🤓▪️脆皮無骨雞扒($38)🐥調味料揀左海苔芝士，雞排size好似塊面咁大😧雞排肉好厚而肉質就好結實👍🏻芝士味濃郁及滿滿的海苔粉，每啖都好滿足✨▪️金菇酥($12)🍄調味料揀左芥末，外型好似一把扇，金菇炸到十分香口，食起嚟好似薯片，而食落又保持到有菇嘅味道。價錢都十分平民呢😍▪️脆皮翠玉瓜($14)💚呢個係最新推出嘅小食！調味料揀左麻辣，第一啖入口先係麻辣嘅味道，然後就會係厚身翠玉瓜嘅鮮甜，咀嚼嘅時候汁水會佈滿你嘅口腔，十分juicy！.✍🏻整體:選擇繁多！又有雞又有蔬菜~食物味道又十分多選擇，吸引咗好多人慕名而來~而小店亦提供電話落單，所以想試嘅可以早啲電話落單🌟.📍2派克雞排紅磡蕪湖街123號海德豪苑地下及1樓C號舖📞電話:2811 1008

好味雞扒+梅子粉當接過手的時候，是熱辣辣的！香氣撲鼻，令人食欲頓開，我們拍來拍去拍照的時間都有十分鐘，卻依然脆卜卜！雞扒加上梅子粉的搭配，炸得唔會乾身，估唔到梅子味的調味粉很惹味，出乎意料之外的特別滋味芝士甜薯地瓜條好粗身的地瓜條，甜度足夠，外表松脆內里綿軟細膩Q彈，即叫即炸很難不好吃海苔百頁豆腐鹵水的百頁豆腐吃過很多次，第一次試炸百頁豆腐，感覺就像一個平凡的百頁豆腐,炸好裹上海苔後，就變成一道鮮美的佳肴了!📍店里的調味粉有多種選擇，可以和店員溝通雙拼，拼出大家自己最喜愛的調味，因為我自己不太能吃辣，所以沒有嘗試麻辣味的，但相信麻辣味一定更吸引！💡只做外賣自取, 不做堂食大家可以打電話先下單再過去領取喔

🍽 2派克雞排 (紅磡)📍 紅磡蕪湖街123號海德豪苑地下及1樓C號舖✨細個喺紅磡住過一排，耐唔耐都會返嚟呢度搵食😋😋 紅磡呢個地方，懷舊嘅地方有，小食店都有唔少。今次介紹嘅係一間台灣人嘅過江龍炸雞專門店。已經有唔少人介紹過，終於嚟試一試😋😋😋🍽脆皮無骨雞扒 $38好欣賞佢哋係即叫即炸，令客人品嚐到雞扒最脆最鮮嫩嘅moment！係成塊大大嘅雞扒，仲要揸到外脆內軟架！行返上朋友屋企，短短幾分鐘，但係雞扒都仲係熱辣辣！我揀咗麻辣口味，因為我真係無辣不歡🤣 果然係台灣過江龍，喺台灣炸雞行業競爭咁大都可以突圍而出，甚至衝出香港，就知佢咩料啦！🍽脆皮杏鮑菇 $ 22脆皮做到，杏鮑菇多汁鮮甜！😋😋😋😋真係會忍唔住一啖接一啖😋😋😋🍽脆脆雞皮 $20平時食開嘅雞皮都係零食，仲要勁貴，期待脆脆雞皮！果然冇令我失望，佢比起零食嘅雞皮多一份真！仲要係熱辣辣，新鮮炸好嘅雞皮，有新鮮感得嚟，同零食嘅雞皮係冇得比！💓原本諗住叫二人餐，但係因為已經食咗少少嘢，就淨係叫咗少少。不過下次都會試吓二人餐，$99好抵食！💓要讚嘅位仲有，因為佢係即叫即炸，都需要時間去製作，天氣又咁熱，店主好細心咁搬咗啲摺凳你等緊嘅客座。我忍

2派克雞排 (紅磡)每次經過呢間台灣過江龍炸雞扒都排晒長龍，今次終於試咗啦！所有嘢都係即叫即炸，全部都熱辣辣好脆口！脆皮無骨雞扒（$38）每款雞扒都可以加最多兩個調味粉，今次就加咗梅粉+芝士粉，雞扒炸得非常之酥脆，亦非常有肉汁，梅粉嘅味道比較突出，酸酸甜甜溶喺熱辣辣嘅雞皮表面，超級邪惡😝😝脆皮杏鮑菇（$22）杏鮑菇就加咗海苔粉，一份嘅份量都幾多，杏鮑菇咬落爆汁，好juicy🤣脆皮花枝丸（$18）花枝丸今次就嗌咗小辣，本身以為係平時食開嘅花枝丸，但咬落彈牙，有驚喜，再加埋小辣，好惹味！📍紅磡蕪湖街123號海德豪苑地下及1樓C號舖

台灣人氣炸雞排店早前嚟到香港開分店，成日都話好想試吓，然後次次都好多人排隊。今次早少少嚟到，前面已經有幾個人排緊，但都無阻要食嘅決心！😂 脆皮無骨雞排好大塊雞排😆本身以為係雞髀，原來係要嗌雞腿排😂雖然唔係雞脾肉，但食落一啲都唔乾唔柴！外皮炸得酥脆，一絲一絲嘅雞肉好juicy。 脆皮杏鮑菇酥炸外皮包住杏鮑菇，滿有空氣感。杏鮑菇好多汁，新鮮炸起熱辣辣好正😙 炸翠玉瓜新出嘅翠玉瓜，梗係要試吓！薄薄哋一層炸粉，裹住翠玉瓜，好鮮甜。而且係厚切，有咬口得嚟唔會整到腍啤啤。 2派克有多達八款調味粉以供選擇，可以一樣食物配兩款調味粉，增加味道層次。而且所有食物都係即叫即整，新鮮炸起👍🏻

台灣具高知名度嘅2派克脆皮雞排專門店原來係紅磡開咗全港首間加盟店！2派克主打雞排外皮相當酥脆，標榜「完美鎖住微甜的肉汁」，今日放工就順便去買！2派克出名炸物，最出名就係雞排，我哋買咗3款炸物，而每款可以揀兩種調味粉配搭，非常體貼。有別於其他炸雞店，2派克每樣出品都係新鮮即叫即炸，所以我哋都等咗10分鐘，但完全值得！等候期間見倒其他客人一早係OpenRice落定單，預啱時間嚟攞就可以省卻等候時間。🍴脆皮杏鮑菇 (海苔、芝士)皮炸得香脆，而且炸粉完全唔厚。杏鮑菇多汁彈牙，而且舊舊都好大舊。海苔配搭芝士粉有粟米湯嘅味道，好有驚喜🍴脆皮無骨雞排(梅子)雞扒炸得非常香口juicy、肉質嫩滑，唔會鞋口。唔係好似其他雞扒雖然大塊但好薄，2派克出品係原塊厚厚嘅雞排，冇被壓/揼過。另外由於唔係翻炸，所以炸皮好薄，出色！高度推介配梅子粉，好解膩！🍴甜不辣(麻辣)好似手指咁粗，咬落口感煙韌，配上又薄又脆嘅炸皮，好有飽足感！沿途行返屋企，已經食咗一大半。好滿足！下次想食又懶惰可以用外賣平台啊！