影片
3月5日, 102周月快乐!今晚呀菲放学之后, 我地一路行去旺角方向, 谂住揾宵夜寿司食, 不过经过金水好多人, 再去兆万楼上嘅藏户概念馆又系水泄不通… 退而求其次去咗楼下几层嘅16安锯扒, 原来佢地都有9点半后特价扒, 不过人就真系好少…::: 铁板西冷 ::: $48 + $2先黎一个超级咸嘅忌廉汤! 味道唔止系浓, 直头落咗好多味精, 咸到好难接受~ 跟汤仲有一小件蒜蓉包, 咁薄一件好难唔脆, 味道普通, 冇乜蒜蓉味…主菜上场, 即淋上黑椒汁, 喳喳声好大烟, 感觉到块铁板系超热, 不过所有材料都应该系整好晒先放上铁板, 下面嘅蔬菜不消一会已经㶶咗, 唔食得… 西冷扒算大块, 不过肉味麻麻, 似系未解够冻, 肉质都偏韧… 跟餐嘅意粉都只系”霎”熟, 炒都冇炒过, 淋pat pat咁…::: 铁板镬仔牛柳 ::: $48 + $2又铁板又镬仔咁嘅牛柳… 最后都系用铁板上~ 仲以为系切晒一粒粒嘅一口牛柳添… 个铁板一样系好热, 下面嘅蔬菜看似只系用黎垫底隔热. 牛柳都算有牛味, 但太嫩, 嫩到有d烂, 显然系用得过量松肉粉之故… 伴菜嘅薯条ok, 炸得好脆, 可惜无乜薯仔味~完全明白点解咁少人食, 虽然宵夜仲平d~ 但系都吸引唔到人黎, 加上d呀姐侍应服务真系麻麻, 一定唔会再黎食…
继续阅读