13 Thirteen (已搬遷) 新店位置

店舖面積比較細 只做外賣服務 午膳時間大排長龍 最好提前落定單 否則就要等比較耐少少午餐飯類嚟講舖頭嘅選擇唔多 配搭亦唔算多 主打大熱嘅係滑蛋蝦仁飯 試過兩次 encore咗黑松露滑蛋蝦仁飯($53)本身份量較少 比較食得嘅朋友最好嗌多飯可以另加小食： 法蘭克福腸，雞胸肉同腩肉片每樣都係$15 ，份量上分別有一條，同各4塊個黑松露滑蛋蝦仁飯嘅蝦仁大大粒同埋同其他餐廳比較算幾多下 有5隻 食落都有嚼頭而另外仲加咗豬腩片同腸 同同事各一半咁拼 味道OK 但加15蚊就唔太抵 但滑蛋就整得相當出色 十分綿滑同creamy 加埋佢個醬汁用嚟送飯一流 再加上幾香嘅黑松露味 令人好快不自覺咁一啖接一啖就食哂成個飯盒 都幾好奇佢個汁咩嚟 但係暫時都食唔出如果一定要加小食嘅話就建議加雞肉片 感覺比較抵食 雖然相較滑蛋之下就唔算太出色 係第一次食嘅時候就試過所以灣仔區嚟講$53嘅飯盒就呢個質素十分難得 難怪成日都排長龍值得一提嘅係個外賣盒都幾高質 洗乾淨的話可以重用 因為仲可以拎去用微波爐叮 而且十分硬淨

每日返工都會諗食咩早餐，search之下見到呢間黃店既蛋治好吸引，即試下了～！ 據聞早上會好多人排，決定返到公司大約10點到鼠出來買，因為過了返工時段唔太多人排，不過見到好多訂單。 見Menu好多蛋治都好吸引，除了蛋治仲有漢堡及牛角包等其他選擇，一於叫個芝蛋試下，＋＄6有埋飲品，必加了。 芝士炒蛋烘底治，$20。 麵包烘底脆脆地幾好味，好厚身的炒蛋，炒蛋滑有蛋香，再配合半溶的芝士好滋味。 熱咖啡﹐跟餐＋＄6，好醒神。食個好味的早餐，人都精神開心點，支持小店。

這間店無論早餐或午餐，總是大排長龍。今次終於有機會試一試，點了最受歡迎的滑蛋蝦仁飯，果然一試難忘！！滑蛋滑是基本，加上少量蔥花、本身炒過的蝦仁（有咬口）及飯底的甜醬油，好香，好好味！份量剛剛好，店員有禮，一定會再幫襯！

這間食店，店舖細少，但係入面可以見到4個大忙人準備早餐，店面有1人處理訂單和收錢，店外早上就好多人排隊等外賣。黑松露炒蛋三文治 (HK$24)第一次食時，點了這款。打開紙袋，好香的黑松露已經擁晒出嚟，超香！見到厚厚的黑松露炒蛋夾在脆口的烘底麵包，超好味😋炒蛋芝士烘底三文治(HK$20)Encore第二次，點了雙拼 - 炒蛋和芝士。一樣都係熱烘烘，脆口的2片烘底麵包，夾住綿滑厚身炒蛋和半溶芝士，正呀😋❗️提提你：唔想企喺度等，可以搭車返工時，提早同店家打電話或係ig dm 店舖訂購早餐，大約15分鐘之後就可以去到此店攞外賣，回到公司食喔。

每朝人龍最長就一定係佢，全因有心，有質素。黃店有時會伏，但佢係例外的。我必點的早餐係滑蛋咸牛肉多士 加芝士，肥但正。不過唯一希望係芝士可以用另一隻較咸的，佢呢隻係偏甜，好似冇咁夾。因為外賣店，多士佢包得好密實，變左有倒汗水，要想辨法改善哦！等候的時間也較長，多數要半小時。

今日下午茶食咗黑松露滑蛋牛角包+凍奶茶，牛角包夠大份兼好鬆化，滑蛋夠滑再加上黑松露，真係好香好好食，我都第一次試呢個組合，原來係咁正！加上呢間嘅奶茶真係好香滑又唔會加冰後好淡，所以我俾個👍🏻佢！估唔到小店都有咁嘅質素！下次試下其他先。

附近既早餐店一直都好大競爭 上年年尾開左間小店 新開 但係人流好多 經過總係見到一大班人等餐或者落單 所以就試一試佢既午餐叫左一個滑蛋蝦仁餐肉飯 再加左一個湯 同埋叫左一杯香矛青檸梳打 佢係不設堂食 要外賣自取 所以我就買返去office到食滑蛋真係炒得幾好唔會太熟 而且個豉油係炒過既 好香好好味 至於d蝦 睇相都睇得出 小店幫你挑哂d蝦腸 等你可以放心食 誠意之作個湯就似係慢慢煲出黎 有好多料係底 但係唔會話死咸 應該無落味精 Good飲品就無影底 裡會有好多薄荷葉 同埋小店會用香矛雪一舊冰 再用梳打水撞埋一齊 確保你唔會因爲溶冰而淡左無味 抵讚外賣小店

呢間係公司附近嘅外賣店已經幫襯過幾次～♥店員都好好禮貌好nice雖然價錢略貴 但最緊要有質素👍🏻舖仔細細門口位置擺左個食物櫃有沙律、樽仔奶茶、樽仔華田⋯唔想等太耐都可以試下呢啲輕食😬每次lunch都排長龍所以都會提早20分鐘打去落order到夠鐘食飯去到拎飯就啱啱好～🍳滑蛋蝦仁併餐肉飯滑蛋炒得唔錯，而啲蝦同埋餐肉份量好夠，特別係大大隻蝦，一啲都唔姑寒😋🍵宇治鮮奶抹茶雖然要加錢，但好少見到會有呢啲飲品，所以都想試下。果然冇令我失望，好香嘅抹茶味，又唔會好似出面個啲太過甜，呢種甜度係啱啱好👍🏻建議大家可以打電話去叫定先，咁就唔怕等太耐啦🥳

日日黃店今日都唔例外。係ig見到佢個滑蛋三文治好似好好食， 咁啱今日喺灣仔附近，就緊係要試一次啦！Lunch menu，好多都係跟滑蛋，第一次食緊係食拒推介嘅黑來松露滑蛋蝦仁飯。個人嚟講呢，覺得滑蛋係一樣唔可以跟飯嘅食物， 就咁食先食到蛋有幾滑，跟飯加埋飯嘅口感好似有啲浪費咗隻蛋， 但我個人就係犯賤， 想試下有冇一啲好食嘅滑蛋飯，係呢頭先過一間覺得麻麻，加上中午食飯先會飽咁叫咗個試下。份量唔大份啱啱好女仔的話，一打開有少少黑松露香，食落有蛋汁，味道還好，對我嚟講偏淡。

📍13takeaway⠀🔸鹹牛肉炒蛋芝士三文治(烘底) ⠀⠀⠀💲hkd 20(+3hkd 芝士) ⠀⠀⠀🔺⠀炒蛋好嫩滑～還保留蛋汁😍 好肥但是很好吃！鹹牛肉份量，反而不算太多～私心覺得如果可以加入更多就好了🙈 芝士沒有很多啦畢竟是額外加的～配上鹹牛肉，這配搭本來就不會出錯呀～⠀所有東西都是即叫即整，所以都需要等一段時間喔！ 好新鮮啊！多士烘到脆一脆，天氣咁凍食，真系感覺非常幸福 🤣🤣🤣以後經過也會幫襯的！

最近，在灣仔區找到一間頗有誠意的外賣店「13」，鋪位小小，前枱是收銀及食物櫃，後面已是廚房重地，價格略為高少少，但質素不錯，亦會定期轉餐牌。前後光顧了3次，每次都試不同的食物及飲品。🔸 餐肉炒蛋三文治 + 好立克恐龍（凍）新鮮即製三文治，炒蛋很滑，餐肉雖然不是厚切，但不是很咸很肥那種；飲品選了特飲-好立克恐龍，味道很濃（內裡加了cream），面層鋪了滿滿的好立克粉，雖然加了冰（凍飲嘛），但冰溶了都沒有影響味道。🔸 芝士炒蛋三文治 + 滑嘟嘟朱古力（熱）厚滑蛋配芝士，咬下去有拉絲的口感，麵包有烘過，熱辣辣，唯三文治用紙包着，有倒汗水落咗麵包，令麵包變淋；飲品選了特飲滑嘟嘟朱古力，覺得與一般朱古力分別不大，只是比較濃，這款特飲略嫌不值。🔸 熱狗 + 煙煙芝蛋堡 + 樽仔濃田（凍）熱狗選了混醬（蜜糖芥末+是拉差），甜甜辣辣幾惹美；煙煙芝蛋堡，餡料是double煙肉配芝士及煎蛋，喜歡這款漢堡包類的包（無芝麻响面），夠軟熟；飲品選了樽仔濃田，濃味柯華田，沖好後雪凍，無須加冰，不怕冰溶了令味道變淡。雖然小店有電話可提早落單，但早餐時段門口大姐未必有空接聽，都係親自到店排隊購買。

本身唔太肚餓，但lunch hour又唔可以唔食，見到有米豬蓮認證就試下。此店有賣午飯，價錢係同區算便宜，但唔餓所以叫左推介既蟹肉沙律牛角包，真係幾好食，牛角包好鬆脆，蟹肉份量剛好，無偷工減料，食完仲有啖啖牛油香留係口，物超所值。收錢姐姐好有禮貌，不過都幾多人，可能要預10分鐘去等取餐。