影片
好钟意食呢间既蚝仔泡饭，汤够热啲蚝又够大只，有一两只咬落去会爆汁咬亲口，汤底我觉得好惹味wor，连埋啲肉碎吞超正，可能我重口味😂店员态度亲切，不过唔知点解系要用发泡胶不过好似年代久远啲果餐具，每次食都觉少少唔环保。客人要坐舖外对坐马路，接受到都几有风味既～但佢加价加得好快下，由上年5字头人食到衣家$68，但份量好似仲少左，我一个女仔食都唔太饱，考虑下加大份量la haha，加多啲饭比我食饱都好丫haha😂
继续阅读
119大口银针粉位置旺角山东街尽头，位置算偏僻，几难揾。餐牌就是贴于店铺外，选择不算多。厨房一眼看去，简单炉具，卫生还好。一睇价钱就觉得有点夸张，$63碗蚝仔泡饭。$39细银针，加底加$10。小店黎讲标价好高。心谂咁贵应该好食既，就决定试下。先讲下银针粉，配料偏多，味道好咸。味道感觉好多鸡粉咁，失望。蚝仔泡饭，价钱$63。蚝仔腥味，味道十分咸，都系好重鸡粉个种味。真系食左几啖就无食。其实好少咁失望，但价钱贵又味道如此。
继续阅读
之前听我个fd话旺角有间野食银针粉而且都ok , 因为细个时都几钟意食银针粉，所以想怀念下d味道，见今日得闲就走去揾下呢间野(位置都几难揾下)，后尾都终于揾到，咁坐低叫碗粉嘞。。。。食完之后俾钱，因我个fd之前同我讲廿几蚊碗，咁我就以为仲系28蚊，跟住俾钱，点知个老细话40蚊碗(其实都有d怪自己无睇清楚)，如果早知呢个价钱我就唔会食，因我个fd都系两，3个月前食，所以无谂到咁快加价，仲要加成7蚊咁多，即35蚊碗，仲要因为年尾呢d藉口加多5蚊，total收人40蚊碗，无野吖麻，你一加加到35蚊碗，我算，因为唔会有下次，仲要借d2加多人5蚊，真系有冇搞错，凭咩呀？而且应该要事前就要同人讲加多5蚊吖(况且又唔系新年假期间)，碗野又唔系真系好好食，只不过系普普通通，d什𩠌完全无味道，所有野只系配落一个鸡粉汤同大量麻油到，而且份量又少(𩠌料同粉都好少)，40蚊食碗咁既野，早知去食个饭好过~
继续阅读
记得小时候，银针粉是一样非常普遍的食材，到处都能见到它的踪影，炒银针粉亦是茶市的其中一款常见食品。但时至今日，银针粉竟已是难得一见了。早前听闻有间专卖此小吃的店子；怎料去到已关门歇业，认真失望顶透！当得悉新舖在山东街再次开业时已急不及待到访；回味一下儿时的味道。店舖非常细小；四四方方，就如图中所见，座位只有大约十个八个的分布于店子外围，内里便是厨房，再多人可能便要立食了。今晚人手只有两名，人龙却是不断；当中大部分都属外卖。原来今晚才是正式开业（之前属试业），所以只有少量食品可供选择。大口银针汤粉（＄28）～ 配料有银虾干、东菇、鱿鱼、鱼片、肉片及葱花，银虾的虾干香味非常浓郁，与东菇是无敌的组合。听店主说肉片是新鲜货，也的确吃得到肉的鲜味，可惜肉质有点过熟。今晚的主角银针粉，烟烟韧韧，很是滋味，惟吃着吃着便感到汤底有点过咸。神级炸云吞（＄36）～ 这道小吃确实当得起此称号，云吞皮薄而酥脆，猪肉及虾肉作馅料，味道出色，最后要每人一碟才够喉。上汤灼墨鱼胶、虾胶（＄45）～ 弹牙爽口，墨鱼味不是太浓郁，虾胶比较出色一点；汤底加入了麻油，虽然增添了香气，但墨鱼及虾肉味就有点儿被盖过了。星洲炒银针粉 ～ 意尤未尽，见餐牌有炒银针粉，想比较和汤银针粉的分别，但老板说材料不足，卖就无谓啦，倒是免费请我们试试顺便给点意见；如此盛意拳拳，我们当然却之不恭了。这炒银针粉，配料跟汤的相若；只是少了银虾干，炒过的银针粉，表层焦香脆口，个人而言，更喜这个炒的版本；加入少量辣椒丝，更添惹味！二叔婆香肉丝 ～ 老婆喜辣，老板特别拿出私伙给她品尝，辣中带香，果真不错。
继续阅读
第一次吃119大口银针粉。老板说山东街新店刚正式开业第二天。银针粉好味，𩠌好味(有肉片，鱼旦，冬菇，虾米，鱿鱼，芫茜䓤），汤都好好味，好足料，服务好。消夜好地方。好快会再帮趁。
继续阅读