101肉燥飯專門店 (河傍街) (已結業)

101肉燥都有好幾間分店，而且價錢街坊價，仲好大份早餐超值，肉燥雪菜肉𢇁新竹米最正，肉燥好香，吾會太肥，配新竹米口感最好凍咖啡走甜都夠甜，健康D總括cp值係高嘅

隨便去到呢個地方諗住食個普通下午茶，平時都絕少去呢個地方食，因為店員成日指指點點坐邊個位都冇自由，食完就好似好想趕你走咁， 基本上係唔歡迎你繼續留喺度。今日去到諗住叫個普通下午茶有一份豬扒嘅，上嚟成嚿豬扒好似肥豬膏咁基本上係冇肉的， 廚房竟然連呢啲咁嘅肉都上得上嚟畀客人。我知道啲豬扒係貴，但係都唔使俾垃圾人食。 所以我奉勸各位如果嚟食嘢嘅，睇清楚啲食物質素先好落肚，如果有啲人係接受唔到嘅我驚食完之後係會唔舒服的。

又入屯門，行咗陣巿鎮公園，就過去新墟睇下食咩好，行完商場涼冷氣，都無咩心水，所以就去咗依間101肉燥飯店鋪裝修比較舊，燈光昏暗，坐位都比較迫店員態度幾好，奉上餐牌時都有幾句計傾下叫咗個東巴牛肉瑞士汁葱油撈麵，麵質相信係大光麵，煮得幾爽口，東巴牛肉辣辣地，炆得幾入味，但有少少柴口，瑞士汁葱油撈埋，偏咸姨生仔叫咗豬軟骨肉燥飯，份量十足，豬軟骨炆得夠軟，肉燥份量剛好，可以食曬成碗飯整體嚟講分數有85分，下次可以再食

之前食過旺角個間分店，諗住呢間應該水準都唔差，點知太失望啦。一入去，坐左角落位，見到地下有小強，之後轉左去第二度坐。點左餐之後，食物好快送到，打算拎餐具之際，發現好幾隻叉都有食物殘渣。幾經辛苦揾到一隻比較乾淨，可以開始進食。 食物既質素實在太不像樣，肉燥飯只有小量肉碎， 玉子亦好似無炸過一樣。 塊雞扒亦都好細舊，食完都唔飽。另外個豬軟骨公仔麵， 啲豬軟骨都同我期望有好大落差。 勉強填飽肚之後覺得好似影響左周末既心情。 永不錄用。

行完山諗住去睇戲，未夠鐘入場想食個下午茶，就入去醫下個肚仔啦大約下午3點，我同老婆入到呢間餐廳見到最少有4張吉台，求其坐一張台！未坐落去果時，已經比店舖兩位侍應勸阻！叫我同老婆搭台，侍應表示稍後會好多人入黎光顧！但我同老婆兩個背囊，坐到咁迫食野會好唔舒服，就同侍應理論！我同侍應好客氣咁講，如果真係多客既我先搭台得唔得點知職員堅決話唔得 唔好令佢地難做咁算啦，唯有搭台啦，食物到齊後，食到一半發現只有一位女仕入黎光顧，該女仕入黎後 隨便坐上一張四人既吉台，侍應見到冇勸阻，仲幫佢落單咁我當然同侍應講 想轉吉台啦，點知侍應仲串，講左句，先生，你都就黎食完啦！我當堂呆左 即係點？🤔個女人就係人 我同老婆唔係人嗎？食物整體質素唔差，但由於侍應態度十分差劣，我唔想評論佢既食物到我食完出去賣單 都冇其他人再入黎光顧，成間舖有大約10張台，得3張係有人！我指住兩個侍應罵，邊度有人丫，你點做侍應丫，咁對d客人都有得既，有冇搞錯！個侍應答左我一句：先生，賣完單請你離開啦！嘩……即係點？咁既服務態度 想我下次再幫襯都幾難！

平時早餐多數都係出街食普通一個粉面加杯飲品都要$35經過見到呢間平少少又有人等位就去試下等左5分鐘左就有位入得呢間餐廳的早餐份量同一價位黎計算係大份成個餐只係$32價錢合理性價比高食物質素係同普通茶餐廳差不多出餐速度快唔會話坐係度等好耐都未有得食不過勝在塊包有烘底湯底有得揀轉蕃茄湯唔洗加錢米粉係用新竹米粉感覺較高質要留意嘅係店舖座位有限會較迫要人齊先可以入座就算朋友一分鐘內轉個彎就到你想入去坐住先都唔得

平時落開屯門都會食早餐、下午茶，確實廉價得泥都好食既！不過下午茶不斷加價已經甚少食啦！所以直到食dinner啦！試左個鹽酥雞，其實又無咩特別！而且有點淡，吾咸。不過新鮮熱辣！之後嗌左個玉子豆腐肉燥雞排飯個玉子豆腐真係very good個皮好酥脆。每次都會嗌呢個餐，因為為左個玉子豆腐之後都試左豬頸肉肉燥飯，都係無咩特別！肉質有些少硬整體而言，肉燥依舊好食個人認為都係配雞排先最合適！不過另外一提，朱古力非常好飲，好多次去飲都覺得夜晚沖得最濃早上反而偏淡！

十一點正我買的外賣十一點五先拎到外賣不是廚房出餐問題 而是員工把我的外賣給了不知道遲來多少的客人 讓我一直站著大新年的 做錯事一句道歉也沒有！一直都喜歡吃這家東西的 以後不會再來！

琴晚同朋友搵食去左近屯門站的一間台式店食野、入到去點左兩個一人套餐、先上碟的係沙律、有少少胡麻醬、食落味道清新、唔會太濃味然後再上的是台式塩 鹽酥雞 味道外脆內嫩好好味 食到入口仲有啲肉汁感覺好好 然後再食嘅就係 台式豬軟骨 肉燥飯豬軟骨好入味 啲肉燥同啲飯 夾埋簡直絕配 我完全可以食多幾碗飯 好開胃 再嚟呀 就係台式嘅雞扒飯 個雞扒幾林 個皮脆脆地 但份量就少咗啲 如果可以改善下呢一點 就真係好抵食 總結嚟講 成餐百一蚊 都算抵食 值得再來 真係食得幾飽㗎 仲包埋兩杯嘢飲添

係屯門巴倫紐睇完戲通常都會呢間餐廳食下野。無食一排水準差咗好多，不過一個飯$3x 無咩可以要求。豬頸肉肉燥飯，大大碗，平平無奇。鴨胸芝士撈丁，個蛋好一般。芝士薯角。算好食完全不好飲的珍珠奶茶

喺對面睇完戲就走嚟試下下午茶當晚餐，既然係肉燥飯店，我就當然要食肉燥飯，我的“醬汁玉子肉燥飯(小)”，哩個下午茶size真係啱哂我兩公婆的細食胃，當晚餐食啱啱好，味道一般，應該係正宗的做法，不過玉子豆腐好似有輕微炸過的樣子，未試過食咁樣的玉子，都幾特別，老公就話佢份“芝士鴨胸撈公仔麵”好味，我冇食所以不能評分，而極熱的特級朱古力，絕對不是特級味道啦XD 而是普通茶餐廳的朱奶味XD 兩個人$57埋計，都算抵食了!!

朝早考完試返到屯門都過左lunch time，係新墟附近想搵下午茶食，就食101台式野，好多人食，成間餐廳坐滿人，可能太忙啦，D侍應姨姨態度唔太友善，仲見到另一枱明明係兩人一齊入，夾硬分開佢地坐背對背嘅兩張枱肚餓喇，揀野食先，下午茶都有幾多選擇。我地叫左兩個餐第一份係我叫嘅台式肉躁新竹米粉，有d油同偏鹹。同一份餐，跟左一件奶醬多，食落仲係熱，都脆嘅，醬嘅份量如圖適中啦第二份就係腿蛋多士，正常水準啦。平平地，想填飽肚都係區內唔錯嘅選擇。

昨晚係屯門分店外賣左2盒飯，板燒雞柳日式章魚餅肉燥飯及巴東牛肉肉燥飯，加珍珠奶茶，超難食，簡直係乾吞，雞肉又乾又硬，牛肉最離譜，乾過牛肉乾，完全食吾到，咬到要吐出來，吞吾落，飯又小，珍珠奶茶完全無茶味，從未食過咁難食嘅野，本人不是饞嘴，我同朋友都話食吾到，2個飯盒只可用一塊章魚餅，雞蛋同生菜來餸飯，雖然價錢係平，但你地開咁多分店，仲要話係專門店，點可以整到咁難食，求其揾間買肉燥飯都好食過你，吾會再食！

推介大家食佢下午茶or宵夜嘅小食二串一☺️有時唔係好想食飯都會嚟食我最鍾意叫雞翼配西多士👍🏻有時會轉鮮油奶多 好邪惡但係好好味☺️可以加幾蚊要多個火腿通粉👍🏻埋單都係30幾蚊👍🏻

難得仔仔放假肯陪母親大人我買餸當然要餵飽佢先有力氣幫我拎餸啦近近哋就揀街市附近呢間101，一碗粉麵加一杯凍熱飲品都喺二十五元邊度搵呀，真心抵食㗎餐牌仔仔點咗蕃茄濃湯配沙爹牛肉新竹米粉跟凍珍珠奶茶蕃茄濃湯唔算太濃，但食得出新鮮蕃茄的甜味沒有添加茄膏，沙爹醬唔夠香帶少許微辣，牛肉夠冧無雪味，米粉喺新竹米粉幼身好食，奶茶就略嫌甜咗啲記得要叫少甜，珍珠就一般貨式，整體嚟講咁嘅價錢有咁嘅質素真喺超值我就點咗蕃茄濃湯配鴨胸新竹米粉跟凍檸檬茶鴨胸肉夠冧但無乜煙燻味，檸檬茶個人認為就要叫多甜，甜度先剛剛好