101肉燥飯專門店 (厚福街) (已結業)

之前一直係旺角食開，但係結業左😥😥好彩尖沙咀都有分店！專登過黎食同埋行街😝😝其實最抵係佢下午茶！但係我超級鐘意食佢個個台灣香苗牛肉麵！超級大碗！有蘿蔔，三塊大牛肉，我轉左新竹米粉😋😋味道好正，藥材味道唔濃！😋其實選正價套餐都好抵！一份主食+一份小食+一杯飲料，我揀左香辣牛肉麵+拍青瓜+珍珠奶茶🧋超級大杯，咁多野加埋先💰70+😋😋仲叫左鹽酥雞，不過好似冇豪大大好吃😏😏😏所以，尼個都唔係好推薦😢😢

尖沙咀厚福街D餐廳基本上一年就會換一次.呢間101肉燥飯可以話係開得比較耐嘅餐廳. 至少呢幾年我都仲見佢未執.Lunch Time一個人唔想食大家樂,同等價錢嘅選擇不多. 所以來左呢度食.Lunch meun有好多選擇, 因有點餓所以點了P3 玉子豆腐雞排肉燥飯. 包埋涷珍奶都只係加$3.  實在抵食!肉燥正常,雞排都入味. 醬汁似係照燒雞汁.玉子豆腐係炸定所以係微溫. 飯量幾足可惜整體來講唔夠熱.珍奶淡而無味, 不過呢個價錢係厚福街真係已經好厚道.如果只求快而飽肚,不失為一個好選擇.如果係晚餐的話, 附近會有更好嘅餐廳.

今日一個人出去尖沙咀，午餐時間去厚褔街搵食，好耐無食台灣野，所以去左 101。睇左餐牌好耐，好多野想食，心大心細吾知揀咩好，最後貪心揀左個午餐set。入面有三隻雞翼，一碗雪菜肉絲新竹米粉，奶醬厚多士，珍珠奶茶。三隻雞翼：炸雞翼，坦白，質感正常，但完全無味，無任何調味。雪菜肉絲新竹米粉：米粉我都幾肯吾係新竹米粉，佢粗幼似香港既銀絲米粉(但銀絲米粉好食好多)。啲肉絲老過九十歲老人家啲肉，勁似啲湯渣。奶醬厚多士：我明明叫奶醬多，但我一路食，一路食到砂糖，係呀，一粒粒既砂糖，可能我對台灣食物既認知係錯。珍珠奶茶：我叫少甜，佢同我講自己加糖，係呀，自己落糖，我真係黑人問號？點解係自己落糖？嚟到個茶勁苦，無咩奶，珍珠無評論。以$49嚟講有甘多野食，係抵食既，但真係對吾住我個口同個胃。可能我對台灣食品嘅認知，一直都係錯。。。。。。

好耐無去過台灣，喺香港亦一段時間無食台灣野，今日嚟咗呢間101食個包埋小食、飲品嘅deluxe set！今次叫咗碗蕃茄牛肉麵、鹽酥雞同埋杯珍珠latte，整體而言中中挺挺吧，勝在多野食。先講蕃茄牛肉麵。上菜第一時間當然要先飲一啖湯底，呢個幾高質的，蕃茄嘅甜酸唔會搶咗本身湯底嘅滷水香味，而係更開胃，係會飲完一啖再一啖嘅程度。而牛肉就相對只係中規中矩，唔算好入味，質地偏乾，就突顯咗脂肪位嘅油膩感。麵質係微微有手工感嘅機製麵，算係比坊間材料好丁點，但如果用手作麵條，配埋咁靚嘅湯底絕對會係一大加分位。鹽酥雞比我想像嘅份量細份咗一兩舊，不過都還好，調味ok的，但都偏乾較少肉汁，食完一舊要飲啖湯。珍珠latte算係fusion一點嘅選項，latte正常發揮的，但珍珠嚟講，作為一間台式餐廳實在要進步一下。我唔會用茶飲店比較，唔使做到黑糖掛杯，始終一間餐廳的確唔使靠飲品嘅花巧生存，但珍珠呢項基本配料至少要煮軟，而呢杯嘅珍珠係未透而略為發漲。蕃茄牛肉麵賣相：⭐️⭐️⭐️⭐️味道：⭐️⭐️⭐️⭐️價錢：⭐️⭐️⭐️⭐️鹽酥雞賣相：⭐️⭐️⭐️⭐️味道：⭐️⭐️⭐️價錢：⭐️⭐️⭐️珍珠latte賣相：⭐️⭐️⭐️味道：⭐️⭐️價錢：⭐️⭐️⭐️一句總結，食物種類夠

尖沙咀餐廳都幾多,無乜錢嘅我想食平啲,經過見到呢度嘅下午茶相當平入到舖頭無乜人,揀左個下午茶餐肉燥飯走肉燥,仲有杯珍珠奶茶跟餐,我就走埋佢啲奶變左珍珠奶茶走奶肉燥飯嘅汁似瑞士雞翼汁,餐具幾靚食落心情都好啲,但最愛呢個飯嘅地方係佢嘅炸豆腐,炸衣做到好薄,薄得黎非常酥脆茶好濃,珍珠都夠煙韌,不過不失成餐加埋四十蚊都唔洗,以呢個價錢黎講都算OK嘅,但就無乜想下次再黎食嘅衝動,因為服務方面一般般,初頭入去個女職員都唔係好想理我咁,係到食完埋單時先有個殷勤嘅男職員放完飯出返黎,但對呢間餐廳嘅第一印象已經改變唔到了

某日經過尖沙咀食街--厚福街--搵食凍凍地想打邊爐，就去左101 肉燥飯專門店之前喺青衣食過都覺得唔錯，不過見兩間餐廳名有少少唔同但餐牌選擇大致上都係一樣嘅尖沙咀都有一人邊爐選擇，我自己覺得價錢黎講都算抵食！我哋試咗台灣古早牛肉火鍋，番茄濃湯雞脾肉火鍋，配料選擇款款都有少少唔同，而肉類質素大致上都幾好，尤其係雞脾肉，分量一啲都唔吝嗇，而且好滑。湯底都有濃有清淡，所以總會揀到啱心水嘅口味！除咗火鍋仲會配一份主食，可以揀飯，手工麵，新竹米粉等等，所以一定夠飽!之前試過其他麵食，例如牛肉麵同埋手工湯麵，我自己就覺得一般，唔推介。可以優惠價追可台式飲品，珍珠奶茶或者台式果茶，味道都唔錯算幾抵飲。

天氣咁凍最啱就打邊爐😆 即興打邊爐好多地方都full booking，就試吓呢間台式餐廳，入面有得揀台式食物同邊爐😆 同行者唔想打邊爐都可以一人一個餐～蟲草花養生鍋雞肉嫩滑，醃料及酒味道較濃，同個湯底唔係好夾。雞肉好大件而且配料豐富，搭新竹米粉都飽肚。湯底嚟講就正常發揮無咩特別驚喜🤔酸菜白肉鍋成日見到台灣藝人都推薦酸菜白肉，就令我呢個唔鐘意食酸菜嘅都心郁郁想試😂 一開始試就覺得有浸酸宿味咁，但滾耐咗啲湯入曬味，真係好正！有種同酸辣粉異曲同工之感😂 愈食愈驚喜，新竹米粉沾滿湯汁真係酸貼開胃，唔洗食配料我就食曬啲粉了😂連同行一開始排斥我揀酸菜湯都俾佢深深吸引住😆 真係值得再試！呢兩個鍋大約$70蚊 包台式飲品，性價比超高！不過都要排隊等入坐，而且尖沙咀分店環境好迫，坐得唔舒服，可以去其他分店試下😂飲品嚟講，今次想試新飲品就叫咗啲冷門嘅😂我覺得可以唔試啦😂

行經過厚福街見到8蚊既外賣珍珠奶茶 就因為貪平比佢吸引試下 結果... 一分錢一分貨佢啲奶茶係可以接受唔太差 口感都有奶茶滑滑既味道 但啲珍珠完全唔得 完全冇口感唔爽口又唔入味 好似食緊粒膠狀物體咁 超級普通 但8蚊就都抵既 始終一分錢一分貨算係咁啦🤪 8蚊既份量係14oz 嫌細杯仲可以加3蚊變大杯裝22oz 除左珍珠奶茶仲可以選擇蜂蜜綠茶、水蜜桃紅茶、柑橘檸檬、檸檬綠茶、愛文芒果 感覺呢個價錢經過見口渴飲返啲甜野係ok既

厚福街成日經過，有好多餐廳，不過好多間都未試。呢日想食平野，最好$100樓下啦。睇哂咁多間Menu價錢，呢間邊爐真係超級抵！一個鍋再加一個主食。我地叫左K2同N7。其實就咁睇個鍋我會覺得佢用勁多菜墊底，我真係撥開去睇，菜係有，但堅呢個鍋好足料。牛肉份量正常，雞嗰個鍋就咁睇都好吸引，佢嘅湯底做得好唔錯。男朋友係好大食，佢都話好full，我自己都食唔哂唔好話主食。下次食可以唔要主食都得。想打邊爐，但又唔想任食咁可以試下呢間。

下午茶 小食二串一 $34板燒雞柳、奶醬厚多士熱珍珠奶茶板燒雞柳有油香，完全不乾身熱辣辣的，比想像中抵食。奶醬厚多士就是正常食開的奶醬厚多士。我自己比較喜歡有粗粒的花生醬。喜歡他們的熱珍珠奶茶本身是沒有甜味的自己加糖，我沒有加糖也不會覺得澀。

原本就唔肚餓，但想坐下就食個下午茶，點知就叫左一個好heavy既下午茶。芝士滑蛋撈麵個芝士都好味既，但覺得似鹹鹹地既白汁咁，送公仔麵就好似白汁意粉咁，不過不失。滑蛋都滑架，仲加左d herb係表面，herb既味都幾重，可惜令到蛋同芝士汁有種分離既感覺。望落去，份量都唔細，但會不經不覺就食晒。呢個下午茶係冇野飲，但只要加三蚊就可以有珍珠奶茶。而我就貪心d，加左7蚊要特飲。因為跟餐有野飲既餐都係要加7蚊先叫到呢d特飲。我就叫左凍朱古力with脆脆。朱古力味好濃，但就唔係好滑，脆脆都比想像中少。

星期六下午，同朋友仔喺附近行街後，肚餓經過見到有下午茶餐就去試吓. 唔洗等位，安排咗二人檯俾我哋. 店舖人數唔算多，大概坐滿左七八成. 我哋叫咗兩個下午茶餐，一個喺沙嗲牛麵加奶醬多，珍珠奶茶；一個係雪菜肉絲米加奶醬多，紅茶. 嘢食方面喺正常茶餐廳，味道唔錯，加上$70/2位，尖沙咀嚟講幾抵食. 但係落餐就有待改善，例如叫下午茶F喺沙嗲牛肉麵，喺唔可以轉通粉；轉通粉就無得跟奶醬多，要散叫. 同埋好搞笑喺，我哋2個跟餐都喺奶醬多，但喺1個有飛邊1個無. 整體都ok，食個下午茶餐都可以一試.

今日午餐0係尖沙咀搵食見呢個肉燥飯幾吸引咁一於試下啦點左~肉燥豬軟骨新竹米粉肉燥幾香又多米粉索晒濃湯好夠味米粉質感亦都幾好唔會過淋又有少少口感而且個份量好大好大食晒真係會好飽豬軟骨就正常呀

在尖沙咀找吃，遊去厚福街看看，兜了一圈，大人突閃去排隊，星期日午餐時段，以為吃甚麼呢！是台灣食品，麵條與米飯套餐，咪即係台式茶餐廳，又好，看看與港式的分別。我起初選了沙爹牛常餐，改吃米粉，原來所有餐已訂好，不能更改，結果選了（厚多，炒蛋，沙律，雪菜肉滷肉山竹米粉$48） 這個比沙爹牛餐更抵，只加3元便多了沙律菜與滷肉，厚多的牛油夠油，炒蛋頗嫩，沙律菜配芝麻醬，肉絲夠粗條，滷肉甘香，台灣米粉又幼細，就是喜歡這種米粉的質感。飲品點了（熱檸檬柑桔），正正常常，其實凍熱像品不雖附加費，而且可以選珍珠奶茶，下次試。（香辣牛肉麵）$57選了午餐經濟一點，正常組合餐價格貴些，但是飲品是大杯庄，還有份小食，我們看到旁邊其他客人享用時才發覺。牛肉頗腍，少肥，肉味略淡，可能肉味已散佈於湯中，湯頭牛味頗香濃，粗身麵條夠煙韌，小辣可增加食慾，整碗麵也可以。特濃朱古力（另加$7 ）濃渡合格，面上的脆脆最理想是盡快飲啦，放久了變腍，失去脆口的效果。

有位架！間舖唔多人架！但唔齊人唔俾入，我話3個，佢話等你齊人先啦！我話我已經可以直接嗌3個餐！但女店員都係堅持齊人先入得。我唔係想死霸你個位，而係知你上菜耐，嗌定先，朋友入嚟就即刻食得！最後我轉身走，女店員話一直都有位架，你入去坐低等丫，無問題，嗌定嘢食都得架，我就頭也不回，都費事睬佢！永久Black List！時間係17:30，未到晚餐時段，門口唔洗排隊，見你有3、4張吉枱！