100米台式餐廳 (已結業)

食過幾次、午餐晚餐都食過！第一次食到一肚氣！嗌個員工、條友慢步咁行黎唔緊要、「外賣盒要比一蚊喎」、個語氣同面口真係差到嚇親！改完單唔拎返過黎都唔緊要、我點都要行出去比架啦！點之我問佢比幾錢佢搭我125蚊！唔叫佢比單我睇都唔知真正既答案係120蚊囉！咁食物幾好味都無用啦！

大元熟食平台經過重新裝修後這裡的餐廳已經大換血只有少數舊小店有留底這間餐廳係新加入的我個人比較喜歡台式餐廳因為帶肉燥飯我係無米落肚唔得既人這間店我已經光顧了數遍每次都是點同樣的雞扒肉燥飯沒有辦法小妹大愛雞肉燥飯大大碗雞扒就比之前縮左水但仍然嫩滑飯粒就有點乾～餐點附送餐飲 忘記了拍照因為在家附近沒有什麼好吃所以相信我都會再來 雖然水準一般但不錯吃 價錢公道

晨早入大埔有活動，梗係食飽飽先。以前嘅大元熟食出名平、靚、正，想食乜都有，後來裝修完一輪，食店改頭換面後第一次嚟。店名叫100米幾得意，貪佢係台式style。叫咗雞扒+朱古力醬厚多士+鮮牛肉米粉+凍奶茶見到餐牌都覺得好豐富，又雞、又牛😁食飽先有力玩架嘛⋯⋯朱古力厚多士，good，如果多d朱古力醬就好。厚多士好脆口，正！雞扒比想像中厚，煎得亦香脆，少少燶皮燶邊，我鍾意呀。鮮牛肉米，估佢唔到米粉內有牛肉，而唔係平時既火腿、餐肉，即刻升呢哂。食完全餐，好飽，好味道

差不多全平台最多人嘅一間餐廳我覺得因為價錢最平食物質素一般但合格環境都唔錯不過選擇就少咗啲我叫左個一人晚餐首先有個滷水三拼加肉燥飯有兩隻雞翼豆腐同埋一隻蛋滷水蛋好香花椒八角味仲有個小食我就揀咗鹽酥雞但個小食比較差一粒粒碎上炸粉多過肉口感不佳餐飲叫咗杯凍咖啡淡而無味下次可以試吓加錢台式飲品

近幾年蜜糖吐司的甜品都大受歡迎，想不到在100米都享受到。餐廳內裡簡約，以木為主，感覺空間大而舒適。吐司新鮮即造，非常香脆每口有甜蜜蜜的蜜糖漿和朱古力漿的襯托，非常美味，配上香濃朱古力味雪糕和新鮮帶少酸甜士多啤梨，每口都能享受到不同的香甜味道，口感非常豐富，而且賣相一流

今日去左大元邨街市上既平台 100米食早餐叫左個煎雞扒米線早餐個雞扒黎到 又碎又凍既 可能凍左既原因雞皮又硬又un ，個米線係熱既 但辣椒油唔係好辣，跟餐有塊多士 我叫左椰香味都幾好食，但凍檸茶小冰變左小甜 荼味唔濃幾個月前食都可以 估唔到幾個月食返會咁差

成日都經過今日終於行入嚟試下嗌咗個肉燥飯 配炸豆腐 熱奶茶個肉燥飯 啲肉燥係台灣嘅味！！ 但係...比得兩湯羹嘅肉燥飯就有一大碗。豬頸肉好硬好韌 炸豆腐得三舊我覺得呢個價錢唔值得 話晒係大埔禮拜日好少人 咁貴唔怪得啦 唉可惜

之前見午餐的食評唔差，打算試下，點知太晏去到，已經係下午茶時段，唯有下次外賣午餐。下午茶粉麵飯都只係三十幾蚊左右，2個人叫了沙爹牛肚米線，鹽穌雞柳配魯肉飯，珍珠奶茶，熱奶茶。沙爹牛肚米線：牛肚好入味，可惜得4、5件。鹽穌雞柳配魯肉飯：個飯同鹽穌雞柳份量超大，鹽穌雞柳炸得夠乾身，魯肉飯略嫌汁太少。珍珠奶茶：唔夠茶香熱奶茶：茶味濃，可惜用膠杯裝，好快凍。附上：麻辣口水雞外賣圖，因為懶得再寫另一篇食評。雞的份量好多，肉質滑，可惜味淡，但以四十幾蚊一個午餐則很扺！

Mr Mo話要布帶我去食大大大碗拉麵 !原來係大元街市平台新開嘅台式餐廳 新裝潢感覺舒適~睇完menu, 我地冇食到特大拉麵，而試左 1)豬扒肉臊飯(2)鹵水雞亦大腸拉麵我的...豬扒肉臊飯肉臊味道不夠濃郁，吃下不油膩~好想吃正宗的美味台灣肉臊飯 豬扒冇驚喜，味道不過不失 Mr Mo 的...鹵水雞亦大腸拉麵麵份量少，吃不飽 鹵水雞亦大腸味道OK珍珠奶茶一飲，好味道丫 !　意想不到地出色~葡萄蘆葦乳酸Mr Mo 表示麻麻地~

大元街市平台美食廣場重開了，之前美食廣場關閉了一段時間，最近路經發現終於有新食肆開張！今次見到有兩間食肆同時試業，連招牌都用紅紙遮蓋未除，左台灣、右韓國，兩間鋪頭面積都唔係好大，大概只有40個座位，今次小弟先試一試台灣美食.....一坐低樓面伙計就介紹午市套餐，望一望餐牌都幾多選擇。今日口淡淡，一於辣一辣個口先，叫咗一個麻辣口水滑滑雞套餐配肉燥飯，開頭諗住四十零蚊個套餐，碟頭都唔會多得去邊！但當食物上枱時，真係嚇咗一跳，肉燥飯係湯碗上，仲有半隻滷水蛋加小棠菜，剩係碗飯外面都賣緊2x幾蚊，食落肉燥有小小偏鹹，好在同白飯又可以配合倒喎！可能正宗台灣菜比較重口味，但滷水蛋嘅味道就啱啱好，有滷水味之餘又唔會太鹹，口水雞嘅份量都唔小，差唔多有四分一隻雞，咁嘅價錢，大家都知道係冰鮮雞，但食落啲肉又冇霉，台式麻辣同川式麻辣嘅分別係冇咁辣同麻，唔會食到變孖潤腸同冇晒感覺。個餐仲有餐茶跟，如果加錢仲可以試埋台式特飲添！