影片
以上资料只供参考，请与餐厅确认详情
来帮衬过几次，今日带埋个仔嚟试下，叫咗鸡扒餐同埋牛扒餐，份量足够，味道都唔错，感觉到系用心制作。问咗服务员先知原来老细就系厨师，所以食物水准有保证。可以试一试，下次会再来。阿仔都话抵食，会带D大食同学仔来。
继续阅读
之前已经试过，觉得几好，所以再食。但今次真系好差好差。首先，我叫既系冻柠水，但畀咗冻柠茶。咁算啦，饮咗一啖，系又苦又涩，完全入唔到口。跟住餐汤，系味精一碗。猪扒意粉，油多到吓死你，而且劲喊。最后唯一所以食到嘅系伴菜粟米。透过外卖平台order，承惠$96.8
继续阅读
午餐跟朋友去呢间食，佢地话性价比高，咁就试下啦。🧆叫左椒香厚切牛脷 $62 洋葱汁，配薯菜 。仲有火腿扒，太阳蛋，烟肉片，昆布肠，汉堡扒5选1，啱晒食肉兽😆虽然得2块牛脷，但真系好厚切，而且好淋，又冇筋，煎得好香，真系焦香。餐牌写椒香，我又唔觉有椒，其实系咪焦香？🤣🍝卡邦尼车打芝士意粉 $58碟细细，但深，睇落唔多，但食落又好似同平时份量差不多。面头有芝士粉，白汁浓稠包住意粉，汁中带有芝士味，唔系一般嘅白汁扮卡邦尼味，烟肉都唔少，唔错。餐汤有红白选，红汤好重蕃茄味，好多料，除左薯仔，萝卜呢啲蔬菜，仲有牛肉，有啲黑磨椒辣。白汤就系怀旧西餐果啲白汤底，有打碎嘅粟米。蒜蓉包好香脆，好好食，不过唔热😅餐茶都系果啲，冻饮+$2🌟整体嚟讲呢个价钱午餐，免加一可以，系传统西餐厅口味。
继续阅读
今日去试新开餐厅, 估唔到晚餐有惊喜。之前食过外面啲肉眼扒, 都唔多咬得入, 但系依间啲肉眼又新鲜又"林"。同一旧肉眼, 有软硬口感, 肉汁丰富, 仲大大件。另外试左佢个三文鱼意粉, 佢个芝士汁味浓得黎唔腻, 意粉干爽, 软硬度好适中, 加埋足料嘅香草, 露荀, 唔会觉得滞。老板娘服务好细心, 而且好好咁仲请我地试下奶冻。细细地, 奶味浓, 又香又滑, 作为甜品岩岩好, 唔太饱。虽然唔系成日撞岩有, 但如果有一定会再试。诚意推介🌷
继续阅读
系网上有人推介呢一间新餐厅同老公去试下。餐厅唔算难揾喺西铁站行落嚟几分钟就到。我哋叫咗铁板餐肉眼扒同羊架。餐跟汤同蒜蓉包，罗宋汤足料但太杰。老公叫左忌廉汤正常嘢。可以配薯菜、饭或者意粉。肉眼扒抵食大件，餐送到面前先淋汁，羊架就差d好似冇乜点腌过同埋有臊味，我自己好怕有臊味所以觉得麻麻地。餐厅里枱小坐得舒服😌但系可能系当晚第一枱客餐厅里面唔系好够冷气。餐厅出边有咪表位方便泊车，出边有公园可以俾比小朋友玩下。
继续阅读