影片
营业时间
今日营业
11:00 - 21:30
星期一至日
11:00 - 21:30
公众假期
11:00 - 21:30
以上资料只供参考，请与餐厅确认详情
相关文章
之前嚟Café&Meal MUJI都系饮咖啡、食甜品，未试过食正餐，主因系觉得佢份量细、唔抵食。今次朋友提议嚟呢度晚餐，先有机会坐低正式用餐。点咗三品素食料理套餐，$88，自选2款冷盘、1款热盘，再选配16谷饭 / 白饭/ 面包 /盐曲烤蔬菜。拣咗盐曲烤蔬菜(小份)，额外+$25点多1客大份。芝麻酱拌菠菜冬菇：冷盘；做法非常简单，完全可自家复制，味淡，无特色；菠菜自身唔够鲜味，喺缺乏酱汁助力下，食落好寡，唔推介罗马蕃茄配柚子柠檬汁：冷盘；用小玻璃碗装，视觉、味觉透心凉；呢个蕃茄品种多汁但茄味淡，幸好有酸甜柚子柠檬汁，建议将蕃茄整细件再捞汁食昆布味噌节瓜：热盘，但上菜时只系微暖；1小件节瓜，面铺有本菇、杞子；以味噌及昆布调制的酱汁浓稠、鲜味，丰富咗整体味道的层次盐曲烤蔬菜：主菜；比冷、热盘更出色；配料多，有双色椰菜花、丝瓜、豆角、鸡枞菌等；烤过的配菜有咬口，盐曲提升蔬菜同菇菌的味道，带咸香；由于额外多购1客大份，所以好㩒食无糖豆浆：正常三品配面豉汤，落单时店员表示面豉汤有鲣鱼成分，改为冷/热豆浆，无形中由汤品变饮品，更合胃口；豆浆无糖，健康、有黄豆味，好饮整体嚟讲，环境一般，台椅排列稍逼，附近有几台家庭用餐，有大人、有细路，如果想喺一个清静的环境用餐就唔太适合，胜在唔限时；价格：食物份量极细，如凉拌菠菜只得2啖，唔够食，只系食物睇落丰富、精致，性价比一般，另有好处系自助免加一（朋友黯点正常三品，有肉、海鲜，就觉得够饱）品；服务：店员会上餐，而斟水要自助，食完晒亦冇人主动执台（可能因为冇限时，冇翻台压力）。试完Muji的正餐冇失望，但唔会主动再嚟，因为细份唔抵食，不过佢的菜式的确清淡、健康，以外食嚟讲，系一大卖点。
继续阅读
虽然奥海城都有好多餐厅，不过好喜欢喺呢间食。特别系如果唔想食得太饱，呢度就啱晒啦。今日叫咗3品料理，拣咗黑醋蜜糖猪仔脾、粟米枝豆马铃薯蛋沙律同埋芝麻酱拌菠菜冬菇，另外仲送咗碗汤，今日唔想食饭就拣咗盐曲烤蔬菜，加多$10就有杯青森苹果汁添。佢啲𩠌份量适中唔会太多，材料好新鲜，调味唔会太重，最好嘅就系碗饭都可以转埋做蔬菜，食完感觉特别健康有益。朋友就嗌咗日本蛋沙律三文治，面包都好新鲜软熟，仲有沙律菜同薯条伴碟。除咗食物质素好，呢度啲位空间都好阔落，坐得好舒服。
继续阅读
第一次帮衬，叫咗以下食物及饮品：1. 黑松露蘑菇包- 略嫌唔太够味，有点淡口，啱晒追求健康人士2. 香印提子挞- 好味道，虽然略贵（$48/件），不过都算值，推介👍3. 本和香糖面包- 这个包麻麻地，冇乜味，唔太推荐4. 冻Latte- 好饮5. 冻香橙蜜柑椰果特饮- 好饮，蜜柑好食（带少少酸），椰果够甜，推介👍坐位及环境亦算舒适，服务态度良好，可以有下一次再帮衬😋😋
继续阅读
见到下午茶Menu都几多甜品选择好吸引就入咗去坐低。叫咗宇治抹茶红豆芝士蛋糕同香印提子挞，提子有成七粒都几足料。不过亮点系有好多茶选择：全部都好特别，拣咗琉球桂花玫瑰红茶同琉球洋甘菊薄荷红茶。咁啱呢个礼拜用Muji Passport仲有九折，好抵～
继续阅读
今次买咗两款面包嚟试，两款都好食😋伯爵红茶忌廉芝士鲜奶球 $15面包质地软熟，面层甜甜地，但冇鲜奶球应有嘅脆皮口感。一食落口都有伯爵茶味，唔系特浓茶味，但个人觉得ok。最正嘅系佢有好大嚿cream cheese，有半个包咁大，好足料！石臼小麦粉无花果西梅法包 $20面包拎上手都几重，口感湿润烟韧，唔会又硬又干。呢个包又系好足料，果干好大块，又唔会太甜，唔错👍🏻大家下次经过Muji Cafe都可以试下佢地啲面包，价钱唔算贵，性价比唔错，值得一试！
继续阅读