影片
佢的环境几好嫁，行出少少就睇到个海。日落时仲好靓添呀。咸蛋黄好靓呀。最紧要系佢既嘢食。鸡中翼同叉烧都好好味。烧完唔会干。而且仲原汁原味添，鸡中翼好嘢咪呀。好过西贡要百几蚊位个o的添。佢都只系70蚊左右。真系物超所直。去完会再去。
继续阅读
招牌菜
上个星期日我, 男朋友同一班朋友去任食BBQ, 每人$78免开炉费, 送一支水+一罐饮品, 有埋碟、叉、烧烤叉、炭、蜜糖、手套、厕纸, 价最都算合理, 都几好食又多种类, 有多春鱼、金沙骨、蜜汁鸡扒(好入味, 值得推介)、粟米、番薯、鸡全翼(好大只)、黑椒鸡中翼(都几辣架不过好味)、猪扒、牛扒、肠仔、什丸、鸡肾、青椒、冬菇、茄子、蒜茸包、面包、狮子狗卷、司华力肠、肠仔、芝士肠、烟肉、叉烧粒等等.......虽然食物几好, 但某d人既服务态度真系差啰! 我d朋友攞左一盆全部都系肉既野食返嚟, 一粒丸都冇, 所以想再攞d丸, 点知行到去, 个师奶话唔得, 叫我地比个盆佢, 佢先比我地, 我地都冇多个盆啦! 又点比佢呀! 我男朋友就话佢, 你比晒d肉我地一d丸都冇点得呀! 佢先死死气比我地 我地有两个炉但得一碗蜜糖, 我问阿婆攞多碗, 佢又话叫我攞个碗嚟自己加, 我话唔系要加, 系想要多一碗呀! 佢又话冇, 又话大把蜜糖系度, 自己攞个碗嚟自己加 我话唔系呀! 我地咁多个人得一碗唔够, 想要多一碗蜜糖啫 真系激死我, 九唔搭八, 态度又劲差, 点知转个头我男朋友去问阿婆, 佢又比㖞, 男朋友话行到去叫佢比碗蜜糖我, 佢就比啦! 分明玩我啦! 态度差食物几好食都系假, 又要受佢气㖞! 下次我唔会再去呀!
继续阅读
早几日, 我同男友&一大班人去左呢度BBQ. 每位$68任食, 价钱合理. 食物方便, 有人话种类唔够多, 但佢都唔算少, 普通既丸, 扒佢都会有, 而且味道腌得几好, 蜜汁鸡扒似乎最受我地欢迎. 佢有D细电视, 坐得前既话, 可以一边睇电视, 一边烧野食. 我地去果日, 可能因为唔系星期六日, 只系D学生假期, 所以冇咩人, 成个场几乎我地玩晒. 系就系唔通风, 但又未至于焗, 而且冬天咁冻, 暖暖地都几好. 服务, 无咩特别啦, 但D人感觉令人几舒服. 起码我地行去拎野饮, 佢地本身睇电视, 但见到我地, 都会即刻行入去拎野饮畀我地, 唔使我地叫. 整体来说算是不过不失. 如果有机会同男友两个人去BBQ, 我应该会提议再黎呢度.
继续阅读
$78包开炉加任食就几方便, 冇靓景...唔紧要, 电视又细又有雪花...唔紧要, 人少但地方依然迫夹...好热好辛苦,最唔掂系呢度服务超差!!!!!俾都唔会再去呢档!首先, 一去到俾$后用"飞仔"攞o野食同o野饮, 饮品柜前面个亚婆语气及态度唔好都算...但负责开炉o个位高瘦四眼哥哥仔态度超级差, 个场放咁多枱同炉好迫, 成个场都好热好焗, 个场顶又封住d烟散唔到, 咁冇乜客人时都应该考虑下客人o既感受, 佢将d炉开o系另一枱人o既背脊, 莫讲话坐, 真系企都冇位企, 两班人都觉得好迫, 冇可能坐到, 大家好声好气叫佢将个炉开过少少, 如果唔系真系烧住人地背脊, 佢态度超差话: 唔得wor! 系咁set架喇! 最后, 佢都系唔肯set开d个炉就走左去!如果想受气记住去呢间!
继续阅读
天气唔太冻又唔太热,最好就系烧鸡翼啦!每次嚟龙鼓滩都系嚟呢间,觉得啲食物味道OK,所以都无试过其他!至于SERVICE就真系麻麻哋,由门口收钱至到买野饮果度啲人,"笑容""多谢"皆欠奉,呢次仲好鬼激气TIM,我用佢哋啲换饮品飞加钱换野饮,柜面得个阿婆喺度,佢竟然话唔知加几多钱,叫我睇下柜外面张纸写住加几钱,我睇完之后发觉只系写住每支几钱,根本就无写低换购价,我同佢讲"无写WOR",但系佢坚持话有,仲叫我"睇下啦你";我再睇完话"真系无WOR",点知佢一句唔该都无,仲加重语气咁话"哼,叫你睇又唔睇",哗...乜野事先?好似我做错野咁;跟住个阿婆叫埋隔离负责夹野食俾人嘅师奶帮手,个师奶仲衰,一开口就大声话"阿婆嚟架,你算啦你..."(我真系好诡异,点解可以咁嘅服务态度啰!)明明系自己唔清楚啲价钱,又搅错以为外面有写,做错野之后一句唔好意思都无;其实附近真系仲有好多选择,价钱又差唔多,无必要再帮衬佢啰!P.S.之前有好好味嘅猪颈肉,巳经无供应几个月架喇,但系唔知点解个食物牌就仍然仲摆出嚟>.<
继续阅读