影片
相关文章
因为太钟意食蛋卷嘅关系🙈喺社交平台入咗个蛋卷group 入边啲人系咁介绍龙记嘅蛋卷🤔而且龙记蛋卷系唔使排队👍🏻啱晒我呢啲懒人 不过龙记都系难买嘅😮💨，因为佢哋每个月都会喺唔同地方摆市集，你要喺每个月之前去佢哋嘅官方fb 睇清楚order 蛋卷嘅google form 开放日子同时间，入去提交订购表，之后仲要等几日龙记确认，你先至收到订单编号然后去你拣咗嘅日子同市集地方度拎🫣 收唔到确认就即系订唔到🥲订咗两次今次终于成功订到难得订到买咗一盒咖啡味同一盒原味试吓，听闻咖啡味系比较难订到同埋成日冇货😌原味 $88一盒有24条，一打开已经闻到好香蛋香味🤤龙记嘅包装都好有诚意，有牛油纸同埋有bubble纸包住，蛋卷非常酥脆，亦都好松化，同埋都几厚身😳，唔会得一层咁好冇口感，甜度适中唔会死甜，有啲似食紧澳门鸡蛋饼嘅味道🥳，因为蛋香好足👍🏻👍🏻咖啡味 $90咖啡味比原味贵两蚊，一样有24条，咖啡味比原味更加冇咁甜☕️，因为佢多咗一阵咖啡香味，咖啡嘅香味好浓郁😌，有少少咖啡𠮶种甘甘地苦苦地香味🤪 适合钟意饮咖啡嘅人士
继续阅读
⭐️原味蛋卷原味蛋卷 唔算好脆身 比较松化 层次唔算好丰富 有淡淡蛋香 味道偏甜 整体黎讲可以⭐️咖啡蛋卷咖啡蛋卷 咖啡味闻落去几烘焙咖啡香 但食落唔算好香浓 味道带焦香微甘 略嫌偏甜 冇乜蛋香 口感比原味脆身少少 都算松化层次一样唔算好丰富 整体味道可以 有啲名过其实呢间近期都算人气 但令人几失望购买方式有少少复杂 要先预订后取货唔系好明点解买几盒蛋卷都搞到咁复杂重点系复杂完 又唔觉真系有成效或效率提升服务都算唔错 价钱可以 试过一次就算 个人都系钟意北角蛋卷店多啲
继续阅读
今日初一，所以开一盒老友之前早上8点排队排到11点开门至保证买到的蛋卷，因为佢之前一日经过排长龙，而且听讲每日有限定数量，一阵就卖晒。所以真系多谢老友咁辛苦排队重要送比我打开罐盖，里面有两层大泡泡胶，所以打开真系一条都无断到。视觉上睇到表面好多气孔，横切面睇落以为好厚，但原来真系吓亲，松到无朋友，大力D都会碎。嗅觉上，打开盒盖吾算香味觉上，蛋味吾够，甜味吾算重。总括来说，以手制蛋卷来讲，-绝对应该支持本地企业-品质绝对系比好多卖品牌，包装的好好多-价钱$83亦系比很多手制和机制性价比高很多。
继续阅读
话说上次就食咗龙记蛋卷嘅原味，食完之后，虽然就觉得甜咗少少，但个口感真系好好，所以就想试吓佢嘅咖啡味蛋卷，睇吓系咪都系咁好食。攀山涉水由将军澳搭屯马线去到屯门，来来回回经历咗成百几公里。打开个蛋卷盒面头第一个盖，啲咖啡味已经散发出嚟，好香咖啡味，搞到我都未开过盖先兴奋。好可惜，期望越大，反差越大。呢只蛋卷嘅口感依旧，但系个味道就真系唔得。闻落嘅香味远比食落嘅香味重，感觉就有啲似好平好平𠮶只即冲雀巢咖啡，一蚊包𠮶只，你冲完之后，咖啡嘅香味散发出黎可以令到成个Office都好香，但饮落就平平无奇。呢只蛋卷都系一样，如果用平平无奇黎形容佢，其实都几客气。真心讲句，如果我第一次食依个牌子嘅蛋卷系食依只味，我很肯定唔会翻兜。佢嘅味道系炒㶶咗嘅咖啡味，你调转个角度谂，可能佢系想sell炭烧咖啡味呢，但好可惜，我食落仲系有啲苦涩嘅味道，可能咖啡系咁嘅味？唉。想点呀，山长水又远，俾啲咁嘅质素我，失望，我都系食返德成号算。仲有成盒点算，唉。Mcmug综合评分：2/10，两分系比个口感，因为真系足料。
继续阅读
蛋卷关注组朋友，请举手 🙋🏻♀️ 小妹自小爱吃富香港地道特色的蛋卷，不同牌子都会买来试试看，每隔一段时间家里就会出现一盒蛋卷，然后不消几天又会突然消失于空气中 😂 前阵子在网上认识到这家店的蛋卷，价钱相宜，口碑看似不错，虽然本店位于屯门区比较偏远，但它定时会在不同地区设pop-up store (详情可留意IG更新)，所以机缘巧合下我买了一罐回来试，个人就相当喜欢；后来知道他们亦有地铁站送货服务安排，购买各式蛋卷或其他小食产品满$200可加$10送货，满$300免运费，店家服务殷勤，在whatsapp落单后隔几天就可收货喇！👏🏻话说回来，龙记蛋卷能讨小妹欢心全因其松化度一流，咬下去除了香脆，口感入口即化又带点手造蜂巢的沙沙质感，甜度方面适中，牛油味香浓，吃后又不会感觉太腻，唯独鸡蛋味个人觉得可再努力改进 💪🏻 整体来说，算是有相当水准之作 👍🏻
继续阅读