影片
朋友自外国回来，当然要一聚，冇嘢好得过饮茶，可以慢慢食，慢慢倾。十二点几坐到三点几，冇人赶我哋走，哈哈……！食得高兴，倾得尽情，好满意。服务几好呀，食物质素都满意。起码埋咗单，我哋仲倾咗成个钟，都冇人黑面，仲好乐意帮我哋影合照。
继续阅读
超离谱的早茶。无下次。想贴钱买烂受,请多帮衬。不知所谓。未试过啲布拉肠咁难食 。同街市买十蚊十条冇分别啲。waiter串过你仲要完全冇服务,,从来未食过咁难食嘅虾饺。D虾饺皮系酸嘅。
继续阅读
之前只系中午饮茶，今次大姐订位竟然系食套餐（咩咩乳鸽套餐）套餐除了乳鸽、有翅仲有燕窝，算抵食。食物质素尚可以，但服务就待改善。今次被大姐突然请客，同埋挂住倾计，没影食第相，只系第一道和最后甜品才有影。
继续阅读
今日下午放假，黎到湾仔合和龙皇叹番个下午茶。虽然话系下午茶，但依然人头涌涌，等左差唔多15分钟先入到去。龙皇既点心选择唔算特别多，但胜在够特别同精致。我地二人叫左4个点心加一碟粉面，食到劲满足。点心叫左怀旧虾多士，沙巴海虾饺，松露野菌饺和松脆麻花。至于粉面就叫左豉椒排骨炒河。虾多士(3件)卖相非常精细，有一只大虾系块多士上面，最重要系冇油腻感同埋唔多酒楼有虾多士食。一个字:正! 虾饺就皮薄涵靓，只虾饺好有虾味，而且够大只，啱哂我呢d爱虾之人。 野菌饺内面，有翠玉瓜同野菌，最重要系食到佢个一阵黑松露味，将成个普通既素菜饺成个level提升哂。 至于脆麻花，香脆可口，唔油腻，令到我愈来愈想食。 碟排骨炒河火喉十足， d 椒超甜，一d都唔苦。埋单就170蚊，走既时候仲见到翅哥，真系happy friday 😂。
继续阅读
今天饮茶点了虾饺，虾多士，斋粉果，牛肚和鼓椒排骨炒河。食物要等很耐。虾饺正常，虾够大只但不太爽，皮的厚度也适中。虾多士非常普通，但也不算太油，感觉炸过龙了，比较干。斋粉果不好食，里面用的食材不太配，感觉怪怪的，味道不佳。牛肚普通，萝卜不入味，本身有点苦味。鼓椒排骨炒河等了35分钟，差点想取消。河粉份量很够但有点糊，排骨份量小，不好吃。由于伙记人手不够，个个都做得很悔气，口黑面黑，其中一位很瘦样子像马骝穿黑色西装的男部长更是故意扮听不到客人叫他，态度极之恶劣，一定不会再光顾。
继续阅读