影片
以上资料只供参考，请与餐厅确认详情
有日行完山经过，见佢新开，睇店名似喺茶记，但门面贴咗好多泰菜相片，又标示话正宗泰式晚饭小菜，然而，上面嘅招牌又写住中式早餐、串烧，总之就好杂吓。不过，见佢话啲泰式午餐卖$50，包嘢饮，所以，揾次完咗主日两公婆就过嚟试试。 入到餐厅内，装修都喺好基本，木枱木櫈，胜在够光猛，墙上挂上印有大象嘅布帘，以及象头嘅挂灯，就算喺较有泰式嘅装饰。此外，虽然枱櫈摆得都阔落，但防疫措施就欠奉，因为客唔多，客人就自动走位坐开啲。实际上，成个午餐时段都无乜人。好似啲茶记咁，枱侧有个抽柜，餐具、饮管放晒入去，但望落就有啲杂乱无章，放得好随意。午市有午餐供应，全部都喺泰式食物，有廿多款，定价$50-$55，所谓包嘢饮，原来喺纸包饮品，转汽水加$3，转龙眼冰加$5，此外，就唔见话可以转其他嘢饮喇。 泰式青咖喱牛肉饭 $50 向来泰式嘅红咖喱、黄咖喱、青咖喱都颇有特色，所以，选咗个青咖喱，配牛肉（仲有猪肉或鸡肉可拣），好快就上枱，完全喺泰式碟头饭。份量都好足，除有牛肉，仲有青豆角同茄子。啲青咖喱几香，好重九层塔香味，且颇有辣劲，好彩有杯龙眼冰顶一顶，而啲牛肉比较削，相反，茄子就未腍，仲喺硬硬哋，感觉唔太OK。 泰式鸡肉炒金边粉 $50 睇番以前啲食评，发觉原来我哋食泰国菜时，都几经常拣泰式炒金边粉，近乎70%选佢，可能第一观感喺佢好有泰式风味。呢度啲碟头好大，碟金边粉都唔例外，啲金边粉炒得都够湿润，却唔会黐埋一嚿嚿，味道酸酸甜甜，又俾咗好多花生碎增添风味，个粉炒得唔错嘅，少少出事喺啲鸡肉，鸡肉嘅份量多，但老婆就话有阵阵雪藏味，可能小弟要求低，又唔喺好觉得啫！ 龙眼冰 +$5跟餐要咗包「维他」苹果绿茶，另外一杯转咗龙眼冰，个糖水底一般般，感觉总喺少咗阵纯香味，而龙眼一食就知罐头货色，因为无乜龙眼肉味，得朕甜味，而且，得三几粒咁大把。唯一够冻，帮我解辣，哈哈！ 附近都有其他泰式菜馆，且风评唔差，左右更有其他茶记，一样款多价钱平，所以，睇唔到「龙泰」有咩亮点，个人感觉恐怕都做唔长！老婆更加多句，绝对唔会有下次！
继续阅读
叫咗个炸猪排黄咖哩所谓猪排净系得2，3件肉片咖啡冇咖喱味下次唔会再食咁就50蚊 浪费我啲钱......。。。。。。。。。。。。。。。。。。。。。。。。。。。。。。
继续阅读