龍鳳祥餃子館 (已結業)

去政府合署整完野，見西九中心係隔離，天氣又熱唔想行黎行去，就入左商場搵下野食。見到呢個裝修有啲心思既餐廳，就試試佢。古色古香既地方食餃子😀覺得室內裝潢有心思 枱櫈連牆上掛牌都有特別設計過選擇都幾多 ，有餃子有麵 。我都揀左一段時間又想試呢樣又想試個樣 但餃子又係一樣好飽既野😂我最後揀左雞絲粉皮 (小份)都幾大份量。花生醬好濃厚好香，加埋青瓜同粉皮，唔會太漏之餘又夠味我自己一個竟然食曬醬料充足 ，攪混之後全陪材料都有花生醬之後因為我真係想試幾樣野，所以叫左肉三鮮連麵轉牛犇湯底無諗到牛犇係咁淋同入口充滿牛牛味，之前未食過呢個幾驚喜肉三鮮有好大粒鮮蝦新鮮大粒配合埋韮菜豬肉，好夾同香。餃子皮最緊要皮薄，呢到做到湯底好濃郁，其實係真係幾重牛肉味，足料感高最後配番杯豆漿，就完美兼真係好飽覺得抵食得黎有質素下次再黎一定試試佢個煎餃

今天經過西九龍中心找食，一見到有餃子店，就決定一試一試！我叫了三鮮淨水餃，見佢講個湯底係特色湯底，就加$5 作蕃茄湯底。餃子對比起太子幾間食過的精細，但都幾多肉汁！至於湯底係令我失望，就像只是有點蕃茄味的紅色生粉水。。。 完全唔想飲。。。失望，人地的湯餃，個湯係堅想加多啲來飲。。可能我叫錯他們的拿手菜色掛。。。$5 加湯我係俾得不甘心，飲豆漿可能仲好。。。但我相信佢其他麵食應該不錯，都多人叫麵。下次有機會都可一試！

幾百年無黎過西九 今日黎深水埗買完電話卡黎覓食經過以為呢間係買銀器既鋪頭😂直至見到店面幾個姐姐捧住碟餃子成間餐廳半開放式 啲檯既擺位好似好近但又有一定距離 價錢合理親民蕃茄湯底九菜餃😌湯底係開胃既 飲得出無落味精 而且相對比較結身有啲湯羹既感覺 用新鮮蕃茄熬製 多份鮮味主角菜餃很突出 肉汁可以完全鎖住 做到皮薄多汁既境界👏🏻👏🏻招牌牛犇麵麵底彈牙 牛腩做到稔身得黎又有𡁻勁 都好入味 湯底就甜甜地 同啲牛腩好match😽千層豬耳味道濃郁 小小辛辣但好易入口 千層效果令整體口感更爽脆 份量仲要好多雞絲粉皮粉皮做到好滑 雞有雞味 唔係平時啲凍肉底層仲有厚厚青瓜絲 很有層次😉樣樣野水準都有哦👍👍👍臨走見到姐姐們同廚娘都同檯食飯 場面溫馨非常

深水埗的西九龍商場裡面，有一間別俱風味的餐廳，名字之有氣派，叫「龍鳳祥餃子館」餐廳裡面好乾淨企理，令人坐得都舒服。以木製為主的家具，甚有中國特色，屏風給了食客私隱。餐牌裡面有辣有唔辣，可以謂川味食物為主，價錢都好合理。除了有餃子外，也有小食和麵食、飯類等，適合不同人仕雖要。千層醬豬耳$25小的話份量也夠兩人食呢。口感特別似凍糕，不太辣，可以說是微辣，平時不吃辣的也絕對接受得來。酸辣黃瓜條$18酸酸甜甜好開胃。秘製牛犇麵$46牛犇？我都要問問職員是什麼，原來跟牛腩差不多。牛肉量多，肉質嫩口鬆化！湯頭甜美，麵質爽口，十分推介。以這個價錢食到一碗量多而高水準牛肉麵，抵呢。京蔥羊肉餃$56粒粒都好飽滿，餃子外皮煎到非常之脆身！咬下卜卜聲。肉裡羊肉嫩口得來又保持了肉的水分，沒有煎乾實在難得。金黃色外皮吸引，一碟十粒也是非常飽肚！

上海麵食好去處 2018/06/20 沉日20:00係深埗的西九龍中心特地去試下依間餐廳嘅麵食，兩個家姐都推薦店中嘅麵食而且讚不絕口。幸好到達店舖時仲有三至四張枱空置，唔洗等位，我地三姊妹order咗兩個麵一個煎餃，一碟蒜蓉拍青瓜及一杯豆漿。🐂紅燒肉麵（$44），整碗肥肉居多，但肥肉入口即溶，滷得非常入味，加上麵條粗身又彈牙，醬汁麵條同肉非常配合，下次光顧都要endcall依個。四川擔擔麵($38)，整個湯底有濃厚既麻醬味，麵條幼細易掛湯，湯底咸甜得宜👍還帶有一絲微辣非常野味😙。蒜蓉青瓜($15)，咸味太重😵，配白飯可能會不錯，但味道上冇咩驚喜，只令人好想飲水，說實的讓人失望，但可能選第二個醬汁會更可口，嘅不香口，蒜味亦不濃厚。而且係冷盤可能有所影響，但份量黎講算非常抵食👌。煎韮菜豬肉餃（$48），一上碟時賣相非常吸引，但皮身比較厚😲，冇想像中薄脆，厚實得黎也算是香脆，有好多肉汁流出🐖，可能是上海餃子皮與平日自家製嘅有所不同，但我地一致認為🙇🙇🙇此店嘅麵食比起餃子更出色。豆漿（$5跟麵配），甜甜的豆漿，豆味香濃👍，但都比較甜膩。建議店主可考慮，唔叫餃子館而改為傳統麵家類似嘅名字🙆🙆

一直好想試呢間啲餃子 終於有機會一嘗先講下餃子上網見到好多人推介煎餃，可惜生咗粒大痱滋，唯有試住水餃先分別叫咗白菜豬肉同肉三鮮白菜豬肉餃味道比較淡，可能因為食咗炸醬麵先，唔點醋嘅情況下，幾乎食唔到咩味。。。肉三鮮其實就係韭菜豬肉餃加粒蝦，因為韭菜味道本身比較濃，同白菜豬肉餃對比下比較出色，味道中規中矩，下次都會再點見到隔離枱點嘅炸醬麵賣相唔錯，所以都點左一碗試吓味道甜甜地，加埋啲青瓜，食落好開胃呢碗炸醬麵比起餃子更加吸引下次一定會再叫最後就係呢碗東北打鹵麵令人最失望就係呢碗麵唔建議點湯底淡而無味，似係水加小小鹽，印象中搵唔到番茄相反，雞蛋同蝦就好鹹。。。整體食落去淡嘅淡 鹹嘅鹹而啲麵都偏腍同碎，唔係我鍾意嘅口感總括而言，價錢平民偶爾過尼食Lunch或者下午茶都係唔錯嘅選擇

難得放工第日放假就去咗深水埗搵食，上網睇到食評話呢間野唔錯，於是就想去試吓，一入到去客人未算好多，就已經要搭枱，我哋兩個人搭落另一pair人旁邊，果兩個女仔都即刻望住，啲手袋唔知擺邊，餐廳張凳冇位放袋，4個人被逼要攬住個袋坐，跟住發覺真係幾唔舒服，於是就問咗可唔可以坐係隔離張空枱，姐姐話OK，隔離啲女仔即刻放返個手袋落張凳，大家都鬆動好多。跟住我哋就點餐，點知隔2分鐘就有另外兩位客人入到黎，本身仲有好多其他兩人位，諗住我哋講過話唔舒服，個姐姐會安排佢地坐去第到，點知又一野搭落嚟我哋張枱，但由於我哋已經點左餐，唯有焗住食。因為坐得唔舒服，成個心情影響晒，叫咗個麻辣豬耳同埋牛犇面，味道可以，都符合價錢。牛犇面有好多牛肉，都算足料，面底就普普通通，個湯係有少少甜味，有少少似甜豉油嘅感覺。麻辣豬耳幾清爽，底下有少少青瓜絲。呢個番茄炒蛋煎餃好似喺呢度特別嘅菜式，就係專程為咗試佢而來，煎餃都算幾香脆，個皮都幾薄，只係因為可能番茄炒蛋冇左酸酸甜甜既汁會唔夠好味，所以加左係餃子都只可以算係OK，唔算話驚為天人。Overall都OK，但係呢個價錢我寧願坐得舒服啲食飯，特別係員工極唔細心，後期有兩個情侶孭

“加啲韮菜更好味  伴著大蒜香   衝，再快衝，衝進   餃子靚皮裡面   火柱高升千呎   熊熊烈焰裡穿越   接得好”店內環境設計走懷舊風，乾淨企理，令人食得非常放心。坐下先叫了一碟細雞絲拌粉皮，雞絲份量十足，青瓜及粉皮爽口，配上濃郁的芝麻醬，好味。之後叫了一碗白菜豬肉餃子幼麵配秘製牛犇湯底，牛犇湯底清甜美甜，就像平時台灣牛肉麵的湯底，還特別加上少許牛肉粒在湯內；餃子皮滑料多，隻隻都脹卜卜的；幼麵也爽滑不糊。另一碗叫了韮菜豬肉餃子粗麵配麻辣湯底，麻辣湯底第一口喝下感覺都幾辣，但再嘗幾口就習慣，但始終麻辣湯底較油，有點罪惡感；餃子依然皮滑料多，隻隻都脹卜卜的，韮菜配上豬肉好平衡；粗麵也爽滑彈牙。最後叫了白菜豬肉淨餃配上酸辣湯底，酸辣湯底出息，酸辣度都合適配上豐富的木耳絲，荀絲，蛋絲，最後整碗湯喝到一滴不留；餃子依然皮滑料多，隻隻都脹卜卜的，白菜配上豬肉好味；加$5就可以由普通湯底變成特式湯底(秘製牛犇湯底、麻辣湯底、酸辣湯底)，又足料，又美味，抵讚。

餐廳的裝潢簡單，但麵有簡單的中國式佈置，例如會將餸名以令牌一般掛著，容易讓食客看到。話明餃子館，當然係食餃子為主啦！餃子有分湯餃或煎餃的。而且款式有好多，而除左餃子之外，亦都有涼拌及上海麵，所以都好豐富呀！先點了一份小食，千層醬豬耳。坦白說是吃不出什麼是千層醬，但有小小辣小小咸，非常夾味。而且豬耳亦都好多，份量非常足，真係好正呀！主食方面點了我最愛的炸醬麵，炸醬麵有一半是青瓜絲，另一半當然是肉醬啦！看似是平平無無奇的，但份量非常大。攪拌後發現肉醬真係超多，平時食有時會擔心唔夠醬，但呢碗拌完介有好多肉碎，而且味道唔會好咸，肉碎亦非常多。另外，朋友點了一碗麻辣涼拌牛展。配菜很多，麻辣汁是另上的，相信係俾人選擇落幾多麻辣醬，不過牛展份量可以再多少少。驚喜係無諗過會有蛋呀！朋友是蛋控，一見蛋就會瘋狂的。麻辣醬拌好後完全感受到香辣嘅香，而且亦因為配菜好多，所以令到份量都好大。餃子館又怎能不吃餃呢？平時都會食下豬肉餃、牛肉餃等，今次一於試下餐廳推介的蕃茄蛋煎餃。咬了一口見到入面超多餡料的，蕃茄及蛋都擠到滿滿的，而且味道都好好，岩晒唔食肉的朋友。

今日去深水埗，午餐時間食餃子。間餃子店不是很大，設計都幾中式。餃子係鋪頭自己包，一邊食，一邊睇住店員包餃子。點左幾款餃子，覺得淨水餃最原汁原味，所以要左淨水餃，其實加$5就有湯餃，要煎餃又得，仲可以配麵。白菜豬肉餃主要用白色部分，綠色菜葉反而無用到，配上豬肉碎，清清淡淡，可以加下醋提下味。韮菜豬肉餃因爲有韮菜，味道比較濃少少，但唔會覺得太油膩。肉三鮮有韮菜、豬肉，仲有蝦，蝦係原隻包，爽爽地，唔錯。仲要左個蒜蓉拍黃瓜，充滿蒜香。

好耐冇黎過深水埗喇~去完黃金買電腦野見餓餓地就去左西九龍搵野食見到間評價唔錯又想食餃子所以就入左去喇餐廳裝修都以中國風為主 仲會有D木牌掛係牆身添我最後叫左蓄茄白菜水餃拉麵本身好期待但係見到湯底咁既色食開蓄茄湯底既人一定已經預計到個味道....飲落係完全無蕃茄味的再食個白菜水餃完全食唔到有白菜咬開一半再望 要好仔細先見到D菜對於一間以水餃做招牌既食市竟然水餃係咁既質素真係好失望而朋友就叫左一個牛犇麵顏色望落好似好濃味但飲落都係無咩味而且甜味比較濃牛筋方面 都炆得好夠火喉食落都好林反而小食就表現出色好多味道同份量都不錯雞絲粉皮醬汁都好足夠肉質唔錯個千層豬耳真係好薄身疊到好似千層既效果好入味底下既青瓜絲剛剛好可以中和豬耳既濃味希望啲水餃多返啲菜喇

認識這間食店是被其蕃茄蛋餃子吸引。是次一行三人，叫了三款餃子：蕃茄蛋、肉鮮餃及京葱羊肉餃。最出色當然是特色蕃茄蛋餃子。選了煎餃形色，最能帶出餃子美味。精心煎煮讓餃子兩面整齊地煎香，美觀外，煎香的外皮有效地提升餃子的味道。另外，分別放酸辣湯及牛犇湯。酸辣湯搶去肉鮮餃中鮮蝦的鮮味，牛犇湯的濃味也搶去了羊肉的鮮味。餃子還是煎香放醋為上。雖然，牛犇湯搶味，但其香甜味，放麵將為絕配。最重要是，湯雖濃，但卻不會食後口渴，相信是因為沒有添加味精。另外，叫了京色酢醬麵，香甜酢醬配大量青瓜絲，讓整碗酢醬麵，濃而不膩。雖然已經大飽，但仍對餐牌上其他食物感興趣：蕃茄冷麵、紅燒肉麵、麻辣豬手、打滷麵，真是多姿多彩。

星期日下午茶時間，食客不多，自由選位，二人點了炸醬撈麵$36和煎素餃子$50，飲品點了凍豆漿$5和一罐忌廉$8.炸醬撈麵，味道不重，不會太鹹和太油，吃後沒有口渴感，份量大大碗，青瓜絲切得幼絲唔自私，麵入口彈牙，一個人吃下一碗會很飽飽呢！煎素餃子，饀料有木耳，甘筍，菜，切饀料的師父一定好有心機，因可見餃子內的料切得幼細，煎餃的廚師也好有心機，煎得金黃色，讚！$5杯豆漿已經好少見了！有點愛上深水埗！哈哈！總括來說: 環境舒服，食物不錯, 價錢接受，會再到訪。

已經有多年無黎過西九龍中心喇，知道頂層有個美食廣場，本來想上去睇下有咩食，就係搭電梯既時候，比間招牌幾光猛既餃子館吸引住，心血來潮決定食餃子都好喎有7款餃子可以揀，有蒸、有煎、亦都有跟湯底，亦可配麵湯又可以配酸辣湯、蕃茄湯、牛犇湯！選擇配搭都好彈性我地叫左個雞絲粉皮（大），好耐無食過青瓜絲同雞絲份量都幾多，麻醬同粉既比例好配合個粉食落好滑，配麻醬真係非常好味牛犇麵（讀音：犇=奔）湯底清甜得黎好夠味，牛既份量一點都唔吝嗇，夠淋又夠入味蕃茄雞蛋餃配蕃茄湯底餃子粒粒都包得好扎實皮薄餡多，成粒餃都係餡，無得輸不過，最深得我心，最令我回味係呢碟肉三鮮煎餃新鮮熱辣辣就緊喇，呢道既餃都係皮薄餡多足料型；隻餃好juicy唔乾、蝦又爽脆、配埋豬肉韭菜口感好豐富好滿意既一餐

平時食飯時間呢間餃子專門店都要排長龍，今日路過見唔洗排隊就入去店內都頗為寬敞，侍應安排左我哋2個人坐卡位，坐得幾舒適，侍應態度殷勤韭菜豬肉煎餃每隻餃都好飽滿，韭菜同豬肉比例啱啱好，韭菜亦都夠香，而且係即叫即煎，外面煎得夠香脆，入面亦都保持到有肉汁麻辣豬手伴麵豬手炆得夠腍，唔肥，食落口感夠「膠」，補返啲骨膠原。另一方面，麻辣亦做得好平衡，唔會其中一樣搶左出黎，有麻又有辣醉雞酒香味夠，雞件份量十足，仲要係有雞脾，食落去雞肉入口鮮嫩帶酒香