龍鳳冰室 (已結業)

跟上述那位食評家一樣, 本人也是在灣仔上班. 就在上星期見它新開張及名星仔開嘅, 嗰朝早咪即管試下早餐囉. 普通早餐已比一般茶仔貴 ($28, 如轉波蘿包仲要另加$8) . 點知惡夢開始了 1) 杯奶茶得八成滿, 好小家相 , 但算啦 ! 杯子油淋淋, 都算! 賣相一睇知唔掂, 飲埋更慘烈, "澀" 口又稀, 完全唔滑 ! (2) 塊厚多士又凍, 又硬, 牛油楂到好嘔心. 總之係硬到整唔開, 忍唔住叫換 ! 唉....(3) 所謂"招牌千層炒蛋" 扮卓頭, 其實不知所謂 ! 老蛋硬實實, 又唔係即炒, 頂多暖暖哋....唉(4) 大家想象下囗感似橡膠嘅通粉會係點嘅 ?!實在令我太嬲了! 你賺到我$28又有何用呢? 往後想找人光臨也難了, 起碼我已傳遍同事此經驗. 真無奈, 因本人視早餐是很重要的. 從未試過早餐可以食淨咁大份, 激氣到不得了. 好釆當時剛坐低的兩母女, 見我食淨咁大份早餐時, 仲識問我係咪唔好食? 本來, 那位媽媽預備叫$48嗰個早餐比自己. 最後, 嚇到走人. 因我說行前少少嗰間 "牛XX" 或街市附近的好吃過它多多倍. 總算幫咗呢兩位客.家陣個個名星都話進軍飲食

同事介紹這家店是由藝人林子善開，身在灣仔上班的我當然要湊湊熱鬧。進到冰室，裝修不算是很特別，地方亦不算大，在左方有一塊藝人的簽名版。不過可能是新開張，到了三點三這段時間，人人享用下午茶時我卻是吃午飯，餐廳亦尚算多人。坐下看看餐牌，款式選擇適中，有快餐、茶餐和小食。但看了價錢，相對鄰近的其他餐廳比較貴，不過，我仍然對食物充滿期望。最後選了龍鳳豬扒飯和凍檸茶。不過失望隨之而來，首先，相比其他茶餐廳，這家的飲品只是裝滿了八成的容量 (抱歉未有相片提供)，而熱飲的份量因用細杯，顯得更加少。在清潔方面亦有不足之處，店員首先向我們致歉未有盛杯碟，因為未及洗淨，喝熱飲便有影響。而我的杯身卻是比較油淋淋，印象分已大打折扣。未知道是否同行三位同事都叫這個餐，令他們工作量大增，食物遲遲未上，有可能當時廚房當時只是一個人負責，而且豬扒也是即煎，進度很慢，我等了半小時才可以進食。而店員亦沒有留意落單的先後次序，有一份竟然給遲來的客人，令我的同事等了40分鐘才有得吃，我們唯有取笑不及她有姿色。(也實在是靚女！)說回食物，龍鳳豬扒飯有兩塊不同製法的豬扒，普通煎的味道不錯，豬肉味新鮮，但另一個卻不知道特色是否想炸，

久聞藝人林子善於大坑開左間龍鳳冰室, 又話說老闆專誠學炒滑蛋同沖奶茶云云. 一直未有機會試, 適逢龍鳳冰室開分店, 卒之有機會試下~此店位於春園街中間位置, 在本身已經有很多食店既春園街而言, 由莊士敦道望入去毫不顯眼. 要行入少少先會見到佢既icon - 大大個龍鳳冰室既招牌. 幸好本身招牌底色是紅色, 注目度提高了不少.未入到門口, 已有伙計來招乎再安排坐位. 不錯.內裡裝潢方面, 秉承大坑店既風格, 燈光光猛, 彩色磚牆配大大塊簽名板, 簽名板上盡是名人簽名. 店面不大, 全店大概可坐40人. 繁忙時間應該要等位吧? 是次試左招牌特餐 - 厚多士配炒滑蛋+秘製雞翼通粉+熱奶茶. ($48)一黎到, 我塊厚多士個樣唔太靚仔, 牛油搽得唔渾. 不過眼見友人o個一塊又ok, 可能我o個塊係"特別版"掛~ 多士上檯仲係熱既, 烤得剛剛好, 連皮都係脆的! 好驚喜 滑蛋賣相亦不俗, 上桌時仲見到d蛋汁"浪下浪下". 食落滑係好滑, 但欠缺蛋味, 是加太多牛奶了嗎?最令人大喜的原來係個通粉~!! 雞翼夠大隻, 亦好入味, 但又唔會滷到淋哂~! 通粉仲有彈性唔會太淋~呢一點好多茶餐廳都做

昨日下午2:00左右,又係放飯時間.....:bowl由於我的工作時間比較有彈性,所以我出街搵食都會避0左午膳0既尖峰時間(12:00noon-2:00pm)當日落到街,見到有間茶記新開張,但係見門口好多人,本來咁多人0既餐廳,一向not my cup of tea,0係門口企0左一陣,都要諗諗入唔入去突然聽到把好熟0既聲......."小姐,請問幾多位呀?"(抬頭一望......吓!米佐治?即係藝員----林子善),我心諗呢個小老闆自己落場招呼,仲要有禮貎,無架子,ok 就support吓啦,睇一睇店內環境,有個大大0既藝員簽名板....雖然要搭枱,不過灣仔搵食,人多出0左名,都無所謂啦......望一望前後左右order 0左d咩食,見到隻瑞士雞翼賣相ok喎,再睇一睇個menu.......哦,原來係特餐(有瑞士雞翼湯意粉and厚多士加炒滑蛋,仲配0野飲.......ok,咁就特餐一個,order多杯凍奶茶啦因為人多,要等出餐都預0左比正常出餐時間耐少少(不過都可以接受0既,話哂首日開業,正常0既^^)過0左一陣奶茶到(茶味ok,如果茶味再重少少就會好d,不過只係個人問題)之後到雞