龍門樓 - 志蓮素齋

营业中

休息中

昨晚中秋夜，家人突然想去志蓮淨苑食齋菜順便欣賞月光。到場後侍應不斷建議食一個$888的四人套餐，但由於家人都覺得未必食得曬套餐的食物結果決定散叫，此鋪講明每個顧客最少需消費$150元，咁我地就先叫幾樣食物，食物種類請參考所上載的圖片。單從食物的賣相大家可能會覺得有點吸引，但我想說的是味道超差超難食，由於要叫夠個額，我們無奈要再叫其他野食，但就連甜品薑汁膏都可以整到「淋芝芝」好難食。從未試過去一間鋪order 的食物係無一樣野好食，慶幸沒有叫$888的四人套餐，要做要碟碟都唔好食其實都幾高難度。再者，鋪内的侍應態度亦不好，想請佢幫忙拍一張合照，但收到的回復是「我們不會幫客人揸機的。」如此高情操的食店,如果佢所提供的食物品質好的話,我會覺得佢好型，可惜的是食物質素和服務態度都差勁👎🏻 ！本人從未在open rice 發表過食評，今次確實忍唔住要出手係因為感覺實在太差，而且唔止我們覺得難食，亦親耳聽到其他食客在離開鋪頭時講「呢間野係又貴又難食」！希望睇到食評的朋友三思而後行。真心希望龍門樓的老闆、廚師、職員能看到此篇食評而作出改善，地蓮淨苑的環境非常優美，但如此難食的店鋪身在其中是一個污點。

呢間隱世餐廳位於南蓮園池入邊，環境一流，餐廳外面仲有流水做裝飾，好好意境。由於餐廳唔係好多人，所以可以坐耐啲都冇問題。但係記住佢收得比較早，八點幾就last order,九點就關門。齋菜比街邊嘅齋舖價錢稍為貴，但係質素有保證，招牌嘅八寶湯羹同炆伊面就比較淡口，不過食齋菜淡口啲都可以理解。質素真係唔錯👍🏼

平日一班老友每月都要禪一下，今次專程去咗志蓮淨苑內的志蓮素齋一龍門樓，因為是假期關係，所以一早已訂了枱，因時間未到關係，所以我們一班人，在淨苑四周逛咗一陣，來感受一處環境清靜，建設古色古香，帶著襌的味道，令人心境平靜和諧，就好像 吃了第一道菜。我們進入店內，每桌已坐滿人，友人點了四人套餐，內包含醬燒菌、香麻羊肚耳青瓜苗，我第一次食青瓜苗口感好特別，酥炸南瓜拼酥炸丹松、非常香脆而不油膩，而翡翠百福袋入口香菇撲鼻，因我們五人關係可以加一客百福袋，令我們各人都可品嚐，地衣牛肝菌炒飯令我肚子充實咗，最後溫馨提示：店內職員手則是不能 給（幫助）客人拍照。

當晚訂咗檯，首先逛咗一陣志蓮淨苑，第一次嚟，估唔到原來香港有一個咁禪既地方。感覺好似京都夜晚，值得一去㗎～雖然訂咗檯，但都等咗大概十分鐘先有得入座。食到咁上下，就嚟last order，我地就即刻嗌埋甜品。原來餐廳都好早收，無得慢慢坐。講翻食物，整體質素唔錯，所有嘢熱辣辣，同埋都有d特色。有個牛油果芝士春捲，好好味，不過炸南瓜就無咩特別。頭盤都幾特別，有粉皮、紅菜頭同唔知係咩既綠色植物：P黑松露手打麵好creamy，不過真係......carbs，全部都係carbs！糖醋魚就炸到好脆，個人覺得有d太熱氣。整體嚟講，齋鋪嚟講質素唔錯，環境就100分！所以嚟食一定要喺附近行下先。

龍門樓– 志蓮素齋，位於南蓮園池的東北角，環境清幽，公園仿照唐代園林風格而設計，沿南蓮園池入口步行至志蓮素齋約5分鐘，不少松木、山石和池水風景映入眼簾，在繁囂中頓覺心竟平靜了下來，可能是環境淨化了心寧吧！進入到餐廰，環境更覺幽雅，除本地客人外，亦有不少遊客慕名而來，我今天選了舞茸蒸飯套餐，配素羹(芙蓉銀耳羹)及時菜，合共HK$137，以遊客區而言，價錢尚算合理。餸菜賣相很精緻，素羹、蒸飯味度很清淡，應該沒有味精，但菜油份多了少許。

之前媽媽想食素齋，約同一家人遊鑽石山志蓮靜苑一天遊，入到裡面有有個南蓮園池，又有小賣部，周圍環保好寧靜好舒服，係市區嚟講真係好少有地方，冇諗過係志蓮靜苑有現代素齋菜，味道不過不失。

同媽咪嚟食齋,竟然無訂位都可以坐到窗口位 五福拼盤:1) 紅菜頭沙律: 甜得嚟好清新,似西式沙律,好味到會追住食!!2) 醬燒菌: 有芝麻,甜甜嘅,好和式風味,燒菌爽得嚟有咬口!!3) 紫甘藍醋粉皮: 有柚子醋同芥末杍,本身無味嘅粉皮食落變得好有層次!4) 香麻羊肚耳青瓜花苗: 我第一次食青瓜花苗,好清爽,比青瓜好食好多倍!! 5) 香麻海苔麵根: 呢個都好食,但就無以上4款咁特別.翡翠百福袋: 𥚃面有紅椒丶馬蹄丶西蘭花丶金菇,好爽口,一啲都唔膩 松露忌廉香草手趕麵: 一上枱超香松露味!! 可能因為個麵係曲曲嘅,個忌廉汁好掛麵,超好味! 雖然價錢唔平,但食材同味道真係無得彈!! 難怪成日都滿坐

我對齋理念係清淡，無味為主，但嚟過呢道一次，我改觀，呢間係野味啲，而且好多特別嘅齋菜，雖然價錢係貴啲，但環境同服務都算唔錯，我平日去都好多日，2個人食咗$573，下次都會嚟，腰果桃膠合桃露，唔甜又好滑，我好鍾意。嘢飲我唔記得個名，但都好好飲，酸酸地，腐皮都好好食，好夠味，後加多個炒烏冬，呢個我覺得就油份多咗啲，因為我哋叫1個，一人餐再後加其他嘢食，可以試多啲嘢食，芝士卷都好好味，每樣食物都夠味，又唔會太鹹

這天相約家人來到志蓮淨苑祈福，順道嚐一下志蓮素齋—龍門樓的素食。 初一十五會比較多人，建議預先訂位，平常週末日一般排隊等位就可以。訂位的時候順帶查詢只消費滿200元， 可享停車場兩小時免費泊車。 我們從停車場泊好車後，從旁邊的門口 進入南蓮園池，沿路一邊欣賞風景，一邊往前走，經過唐風小築， 直到看見這木屋池塘小瀑，後面就是志蓮素齋一龍門樓的所在地。 志蓮素齋龍門樓有午市、下午茶及晚市供應，每時段均設有每位最低消費，午市$120下午茶$50及晚市$150，不設加一。 個人認為， 地下一層的環境最為舒適，不但可以－面用餐，還可以一面欣賞外面瀑布風景。 假日餐牌從前菜、湯羹、假日精選推介、粉麵飯、假日點心及甜品，一應俱全。 此外，亦備有假日套餐，有2人份量至10人份量以供選擇，價格從2人份量$400起，價格略貴，勝在套餐有多款菜式，挺豐富的。 還有以每位計$120四道素菜的四季平安及$150五道素菜的五福臨門亦是非常受歡迎的，不但有齊湯、飯/粥及時果，而且價錢剛好是最低消費，不想散點的話，這的確是不錯選擇。 五福拼盤(小) $115我們選擇了散點，從紅菜頭沙律、醬燒菌、紫甘藍醋粉皮、風味碧玉

尋日同媽咪去志蓮淨苑行下，原來香港都有一個咁靚嘅地方，真係好建議大家去下！行行吓有啲肚餓，園內嘅職員介紹我哋去龍門樓食齋，一行到去，已經feel到好安靜嘅氣氛，真係同出面嘅餐廳好唔同！服務態度亦都非常之好！一入到去見到個景已經好靚後面係一個風車流水景，可以望住咁靚嘅風景食飯真係好正啊！我哋最咪就揀咗一個一人套餐同埋一個小食拼盤！日日套餐包左一個湯一個飯同埋兩款齋菜！個湯好清甜，無肉嘅湯估唔到咁好飲！一飲落去就有一種好清嘅感覺！個飯亦都好好食，佢用咗唔同嘅齋菜去咗佢哋嘅精華擺落去個飯度，食落個感覺就好似鹹魚肉餅飯咁，但個感覺無咁油膩，但佢可以做到每一粒飯都有味，真係好勁啊！小菜方面有個勝瓜同雜菌，個味道都十分之好架！仲有個小息鍵盤佢有幾款嘅齋菜，但係未到就冇套餐嘅齋菜咁好食，建議大家揀其他款嘅齋菜！

大年初一媽咪生日，每年第一餐必食素。今年又再來到志蓮淨苑，要吃精緻素齋沒有其他更好的選擇。環境清幽雅致，亭台樓閣全部以唐朝歷史設計，將置身日本京都餐廳內每圍枱夠哂寬敞，舒適度十足。每碟菜式設計精緻，像fusion菜，中西合璧！味道更不可以挑剔！

鬧市中的一片靜土 (不過好多遊客同大媽🙄)打理得好好的庭園中有個小瀑布瀑布後就是齋舖💁🏻‍♀️相比其他齋舖 這裡的齋菜都較為特別餐單上一半的食材我都唔識🤯都是較為少見尤其是菌類簡直係聞所未聞🤷🏻‍♀️五福拼盤 | $125 (細)拼盤價錢略貴 但一次過可以試到5款前菜紅菜頭沙津較為西式 普普通通醬燒菌好惹味 菌非常爽脆紫甘藍柚子醋粉皮非常出色 柚子醋味道好芳香 酸得來不會過搶BB青瓜既得意又爽口 有少許麻油吊味好食香麻海苔麵根 有點似平時食的滷牛𦟌的感覺菠蘿咕嚕麥纖 | $98必食招牌菜❗️素版咕嚕肉並不新鮮但這裡並沒有用到慣常的麵根扮肉而脆炸了麥纖 做到外脆內韌的口感 超好食！加上咕嚕肉必備的甜酸醬真係好惹味翡翠百福袋 | $75 (2件)小小的福袋 油揚做袋裡面有馬蹄、金菇、紅椒口感豐富爽脆 芡汁香濃好味豉油皇脆柳 | $98脆柳這個菜名真的有點誤導 以為係素魚其實是豉油皇炒麵但用菇代替麵但這個海藻菇又真係好爽口好好食金菇菜苗餃 | $38 午市有幾款點心 試了這個素餃餃皮薄餡料多 而且菜苗好爽口亦有淡香地衣牛肝菌白玉炒飯 | $88 (half)地衣藻是什麼呢？答案是我食完都唔知😂只知

平時喺外面食得多，都會想食下清淡啲，你一間位於鑽石山嘅志蓮素齋就係一個好好嘅選擇，😊😊位置好方便，就喺鑽石山地鐵站嘅附緊，地點就係志蓮淨苑嘅入邊，一行入去已經有一種好清心嘅感覺，好似一個世外桃源咁，🥳🥳呢一間餐廳出邊仲有一個瀑布，真係好靚，好似將大自然融為一體咁，講返食物，係清淡嘅一餐，但係環境同食物，都會令到你有一種特別嘅感覺，同媽媽都食得好開心，😍😍食完想再去，完之後外邊仲有好多植物可以觀賞，真係可以玩成日㗎🥰

屋企人話想食齋 跟著就嚟左南蓮園池間齋鋪 晏就先打電話去book 話人均最低消費$150 個時諗 $150應該可以食好多野 🧐 夜晚行入去有d燈都幾靚 不過真係好大風好凍 .星期日嘅晚上 去到仲有好多位 唔算人多 望出去有個瀑布仔 環境唔錯 不過水聲好嘈 .野食方面 整體味道唔錯 比較特別係個五色拼盤 綠色嘅係青瓜仔花 好好味好得意 其他菜式都普通 齋嘅變化都唔算多 不過真係好細碟 食極都唔飽咁 叫左好多樣送 價錢都偏貴 間唔中陪屋企人食下齋清清地都幾好丫

【地點】香港鑽石山志蓮淨苑龍門樓。【菜品】有最低消費，大概110HKD左右。需要提前訂位置，尤其是節假日期間。如果想要坐在窗前欣賞瀑布更是需要提早訂位❕❕❕味道不能說非常好吃，畢竟純食肉動物，吃素齋總是不對勁，就算做成肉的味道，也不是肉啊哈哈哈.😅😅😅吃了有三次了，裡面的菜味道吃來吃去都差不多。總結來說就是裝B，請客，熏陶自己，龍門樓適合你。