龍門大酒樓 (已結業)

頻撲的一天, 又要到中環又要到灣仔. 頻完上午, 身在灣仔春園街, 時期將近一點. 行過龍門, 一位老侍應在門口招生意. 而且入場者, 有不少只是單人行. 好就決定入黎, 心裡, 又是叉燒飯.找了位子坐低, 看看menu, 燒味飯的念頭即時取消了, 有個叫大肚婆炒飯, 想問問這是什麼東東之時, 推車仔的親切大嬸, 推著盅頭飯. 問了有鳳爪排骨飯, 就來個一盅兩件午餐吧. 阿嬸倒了一碗好大碗既甜豉油俾我, 我說夠了....她說, 一定唔夠架, 個豉油好甜架..........(之後在遠處聽到同樣聲音, 原來佢個個客都有咁講.) 說明叫一盅兩件, 另一味, 當然是一籠點心, 燒賣一籠.同場, 不少都是一班中年人士. 不時聽到他們在想當年, 例如以前部 34寸賣成萬幾銀.....&#%&. 以前一部錄影機要二千幾銀 ....&#%&. 那一檯客人, 個個係度細說香江. 他們有說有笑有粗口, 留意看一看他們, 原來一人一壺茶, 一人一張單. 而我自己的一檯, 四個男人, 四個陌路人, 四壺茶, 四張單, 四個飯. 說回食物, 推車仔阿嬸繼續周圍說甜豉油好甜. 我亦開始食我的大盅飯. 排骨幾好肉

因為男朋友想同我搵好野食,特別去左一間勁老字號的酒樓.嘩,一入到去,已經有伙記大聲講:小姐,幾位呀?埋邊坐,飲咩茶?感覺好新鮮伙記放低左張點心紙之後,我地就自己行出門口位置攞野食,我地攞左燒賣,叉燒飽,粉果,糥米包等.......嘩,樣樣都勁熱,勁熱,真係好好味.特別係~燒賣,竟然一粒燒賣有兩隻蝦架.西利!西利!仲有呀,佢d茶係勁熱果隻,小心熱呀~

一心想到這間慕名已久的老牌酒樓, 品嚐它的叉燒. 是日就要了叉燒燒肉飯. 叉燒, ohno, 咁瘦的?! 叉燒瘦的, 又好味的, 係我記憶中係絶無僅有. 呢個也不例外, 雖不至於痴牙, 乾爭爭, 但稱不上上乘. 反而燒肉, yummy~ 皮脆肉嫩. 配芥末, 好好味喎! 總算不枉此行!

前天星期日才去完這飲茶食點心, 昨晚又去食晚飯。 3個人點了下列菜:炭火燒鵝蒜蓉炒豆苗蜆芥牛肉煲千島龍鳳球燒鵝正 - 皮夠香口! 但香港已無活鵝, 鵝味始終差D。 所以算屬質素好出品我真係好回味新鮮鵝做的燒鵝!! 現在只可以去大陸先有....... 蒜蓉炒豆苗 - 夠鑊氣呀! 蜆芥牛肉煲 - 惹味! 但同大圍楓林的鐵板蜆芥牛肉比, 差了一點點。 因為唔夠乾身, 同埋人家仲要更惹味囉。 千島龍鳳球 - 是我點的菜, 亦是唯一的敗筆.....我要向同我一齊食晚的兩位重要人士致歉其實D蝦同雞應該油泡來煮, 但是他們用粉撈後炸..... D油無換有"油益"味。 所以唔好食!! 在舊中式酒樓食晚, 真係唔好叫呢D少少fusion野食好了其實有好多菜都想點, 奈何某君好多野都唔食, 人又少.....無法啦! 有砵仔焗魚腸, 魽魚, 蒜蓉炸子雞.......想起又開始流口水。 至於服務兩個字 - 親切囉!! 地方大不用等位.....合晒我要求呀!!

星期日，從外國回來的如真話口痕想飲茶，所以就和他打的來龍門。入到來，侍應就問我們想坐那兒，我問可否坐上層？可惜上層在打麻雀。。。剛坐下來就有姨姨問我們吃甚麼，兩個傻瓜還以為會有紙仔剔哩。。。我們姍姍來遲，所以可以選的就寥寥無幾啦。起初只選了燒賣，牛肉，翅餃，還有如真選的咖哩XX？（沒問，也沒吃）姨姨好有耐心的話有甚麼甚麼吃，好哩。回到桌上，吃點心。燒賣有冬菇，好好吃！！牛肉沒醬汁也好吃呢。如真說翅餃不錯，但珠玉在前，它就被比下去了。我們要了多兩碟燒賣和牛肉，吃到一半兩人只顧看書，點心都涼了，但仍然好吃！吃飽飽，坐了一回，兩個傻瓜胡亂影相，聽侍應與街坊閒話家常，外邊只傳來電車聲作配樂，這一種安寧，非外間茶樓所能比美；這一種風味，非外間茶樓所能模仿。吃了八碟，加一承惠78元，十分超值。下回品茗，定必再來-----嚐那弛名叉燒蝦餃，看那古董收金銀機。

自從莊士頓突然停業，大家便顯得彷徨，好幾個星期不得吃得好。就這當兒，某人想起龍門，就找了個晚上去試菜。一行十多人，滿滿坐了一桌，近晚上十時，不能大吃大喝，便粗略點了十道菜。咕嚕肉必點，當試出菜館水準，是晚雖不用枚肉亦有甘香，芡下得不兀突，是合格之作。最欣賞腩肉炒韮菜芽菜，十分爽脆，汁少一點更好。其他菜不過不失，可以不提。碟頭還可以，埋單每人才六十多塊是不錯了，在灣仔吃飯這個價錢不可謂不公道。

真正傳統茶樓都摺得七七八八，龍門都算頂得耐喇！今次 (13 Sep 2008) 下午去左飲茶，D 樓面真係好老，但都好肯做，呢點可見老闆對伙計o既心係點。收錢處旁提示樓面用詞係伙伴而唔係同事，幾溫馨下！食完幾個點心就走，唔可以話好唔好食，因為太傳統未必有人會欣賞，只能講話好懷舊！另外，上樓轉角就見到佢………好舊o既收銀機！

早兩天食壽司, 才聲大大話冇乜 feel, 但估不到, 今天和媽去的餐廳, 會令到我有 d feel!唔知道點解, 突然好想去龍門.有朋友係 4 am 出門口做野的, 早上6點已然接近做起第一倫的工作, 都好多時會到這裡食點心.兩位都異口同聲話要食雞絲粉卷, 及蝦餃, 咁點解要食呢?"因為好味o羅".又唔講有咩咁特別, 唔緊要, 今日我和媽試吓先.當然, 龍門很出名的, 還有燒味, 特別係义燒, 及燒鵝.已唔會再批炭爐牌, 全港只有兩個剩, 就係龍門及 鏞記.但因今日主要係食點心, 下次才食燒味啦.呀, 都未講為何會對龍門有感覺, 係因為當年我第一本 "龍珠" 漫畫係响度買架.可能你會覺得好無聊, 但我相信有好多人都係看這漫畫大的, 也狂追過都唔出奇, 所以當我見到樓下的報攤, 印象係好深刻的. 1987年既事呢....但是入內, 又真的有點20年不變 feel. 看看吊燈, 收銀, 牆紙, 全都係和當年無異.但我和媽都老左20年o羅....一坐下馬上出去攞雞絲粉卷及蝦餃, 係 mission priority 嘛.另也攞了潮州粉菓, 菜肉餃.雞絲粉卷都好大條, 條肉好像大媽媽腸咁粗

中秋節一家人來晚飯﹐好彩之前留左檯﹐呢日超多人﹐全部坐滿了人。不過無他噶﹐呢間酒樓D野食真係好有水準﹐從未失手的菜餚﹐所以係首選。之前來食八珍扒大鴨﹐以前呢道菜要之前一兩日預約先有得食咖﹐不過係呢道到食得到。而且如此傳統的菜其實好多鋪都友已經失傳咖喇﹐呢度竟然重有﹐而且好入未﹐料又足。今次點的菜有﹕一隻薑蔥雞﹐想唔到他們係感上菜﹐好大隻﹐不過唔多肥膏﹐肉身好劃﹐有雞香﹐配埋薑蔥﹐真係一流。另外點了一條老虎斑﹐條魚吾係好大條 (點解?因為其他魚都賣曬啦﹐剩返呢一條咋) 呢度蒸魚真係好得﹐蒸得剛剛好﹐一上檯﹐配薑蔥食真係美味。其他有小菜帶子炒西蘭花﹐真係足料咖窩﹐帶子好多啊。炒了碟蒜蓉菜心﹐都好好味。今晚的湯係霸黃花煲豬骨﹐好正啊﹐真係好香豬骨味。是次吃飯買單$800 ++ ( 6位) 抵啊點解話抵﹐因為他們唔收開酒錢﹐同切餅錢。我地開了3支酒﹐他們仲送埋冰筒比我冰起支冰酒添。服務態度簡直一流啊﹐超有禮貌同好脾氣﹐有時連我自己都覺得吾好意思添啊。環境雖然有點舊的酒樓﹐不過如果除呢樣以外﹐我相信我會再光顧。

話說剛慘烈地遇上無味"殺手"，弄至心靈上暫時性空虛。不過命運總是弄人，在你最"失意"之時，往往會有好事情發生。事緣打算從街市慢慢步行回公司，但是在經過這酒家的燒腊部前，看到那一碟色澤深沉的"東西"(請看上圖)，本來已有九成飽的感覺瞬間消失，完完全全喚醒了自己的"小宇宙"食力~ 再加上，鹵水味的"東東"，實在很久沒嚐過了﹔馬上一個快步進去要了一隻半邊開的，再帶回去公司慢慢品嚐。雖然說出爐後一段時候的鹵水"東東"，味道一定會受到影響，但是在整體性上，基本上還是能夠食得出原來的味道。在打開盒子時，那陣陳年鹵水才有的甘甜香味，四散至整個茶水間。這隻乳鴿的身形算是中等大小，肉質雖然變得有點嚡口，不過其腿部位置的肉質卻異常嫩滑。所以可以想像到如果是剛出爐的話，這隻鴿的水準是絕對不錯的。 鹵水的甘甜香味，完全滲透了乳鴿的每個部位，對於這一個"小食"，感在十分滿意。塞翁失馬，焉知非卜。有時候即時感到不快，也可以只是維持一瞬間而已~

好難得跟大學好友攪聚會。原本是要去一向響往的筲箕灣權發，但因突發事件，變成來了這裏。這當然不打緊，因自己一直都想一嘗這兒的炭爐燒味...一坐低，馬上來個义鴨雙併。未吃先嗅一下件义燒，感覺不到炭燒味，後再吃一口，炭焦味是有一點點；肉質不太韌，但蜜味又不夠濃。總體來說只是一般水準，有點below expectation。不過，若果可以吃到半肥瘦的，印象可能會好一點...鴨不算太肥，不過同樣吃不到很濃的炭焦香....其餘小菜的水平也只是很一般。桶蠔炸粉太厚，濃濃的"粉"味完完全全地將蠔味遮蓋；就算用煲上都吃不到熱騰騰的感覺；冬菇蝦乾粉絲浸時蔬入面的蝦乾有一點霉味，咬落質地太散，劣等貨是也；蒸細鱗的火喉倒是還可以...白飯是以砵仔上的，但吃落感覺跟平常用碗乘的沒有任何分別，一吃便知並不是原砵蒸的。我想，若果旁邊有一碗豬油及頭抽，那就不可同日而語了...雖然食物質素一般，但能與良朋相聚，實如願足矣....

今天午飯前剛好要到灣仔一趟，想起有食友曾提起龍門的燒味十分美味，既然近水樓台，就去買一盒例牌叉燒來試試吧。在我購買的時候，看到在面前的燒乳豬十分"對辦"，可惜早已下了單，不然便立即改為雙拼。回到公司後，準備好便開餐。一咬下去，聞到一陣強烈的炭燒味道，這份氣味在入口後仍然存在。而叉燒肉質不嚡口，但未至於像再興般的腍，咬下去頗有嚼頭的。以蜜汁來算，這裡的叉燒不算有太多，但如果以香味的話，龍門的叉燒絕對在合格之上。下次有機會一定要去試試乳豬的虛實~

食完再興過來，剛好下午茶時間無乜人。記得年少在附近學打鼓時，常經過這裡，但總是沒有入黎試過。牛柏葉 - 一定係蒸左好耐而好稔，味道唔錯但個汁杰左少少。鯪魚球 - 三大粒，香陳皮味，稔滑而唔彈牙，老婆話可能要就返老人家無乜牙力。懷舊酒樓，食物一般但服務殷勤而沒有壓迫感。如果下次黎，要試下炭燒鴨先！

小弟次次在灣仔行過大門口, 一直都想試下入面的燒味飯 , 因為書上同網上的食評都有很高評價。終於昨天有很多時間在灣仔 .... 可以舒舒服服慢慢享受一下舊式酒樓的風味。其實本人未入出之前已決定了吃什麼東西 , 入去坐下後看了一看菜牌 , 油雞比飯一碟要 $35 大元 , 無所謂啦 .... 難得一次 , 就叫了一個。等了二分鐘 , 拿了一碟給我 , 看看 ... 嘩 , 點解 D雞皮甘深色 , 橙得來很黑 ..... 吃了一口 , 簡直想吐出來 .... D雞乾到一點肉汁都沒有 ... 唔通寫錯單 ? 看看單上寫著 "油雞比飯一碟" 。 D 雞我可以用風乾雞來形容 .... 以前在飲食男女仲話 D 油雞飯有雞油香 .... 是的 , 影出來果碟咪有囉 ...... 騙人的 , 不知所謂 ! 埋單仲要成 $46 大元 .... 貴了 $11 茶錢 ! 本人實在永遠也不會再來 ..... 也在此寫出來給大家了解下 !

今日跑完"奧運歡樂跑"之後, 來左呢間聽講會結束o既懷舊老店醫肚. 可能時間尚早關係 (早上十一點幾), 入到去人不多, 只有半滿. 由於有人好肚餓, 所以第一時間出去拿點心. 食左:燒賣 - ok好食鮮蝦粉果 - 好多料, 有蝦同芹菜等, 不過覺得麻麻义燒飽 - 好多义燒, 不過比較碎, 都唔錯义燒腸粉 - 好少义燒, 一般糯米飽 - 好大個, 又多料, 好食! 咖哩魷魚 - 好多粉, 唔得!鳳爪排骨飯 - 冇咩餸又唔香, 好似係就咁將鳳爪排骨鋪上飯面, 排骨好肥, 唔得!!水仙茶都幾香又冇澀味, 老侍應都好手快, 而且都好懷舊feel. 見隔離枱叫义燒同燒肉, 睇落都幾好食, 下次有機會會試下义燒!