龍門冰室 (已結業)

由於好近我屋企所以我成日都同屋企人落尼食lunch 佢既叉燒通係最好食 配埋toast 同自選配料十分飽肚另外呢間冰室時不時會update新菜式 令人好有期待 下次都會再尼食

除咗喺屯門市中心，原來喺附近都搵到一間好經濟嘅冰室 ,位於龍門居入面的龍門冰室， 知道佢哋都開咗一段時間 ， 非常易搵，有停車場，好適合揸車人士。黑松露意粉：聞到都已經好香嘅黑松露味，加上意粉生熟程度煮到/剛剛好，所有黑松露味都已經 滲透曬成個意粉。意粉餐前食沙律：勁多粟米同菠蘿， 只用好多沙律醬已經好滿足, 酸酸甜甜 ，非常開胃。鐵板厚西冷併香草腸配黑椒汁(跟飯)：牛扒夠厚，牛味夠，入面冇根，跟懷鐵板上熱辣辣，配上好惹味的黑椒汁，少少辣辣地，條腸好大條，配上新鮮西蘭花，車厘茄 唔會太油膩。龍鳳可樂:唔係好多地方可以飲到。總括嚟講，用呢個價錢食到咁嘅高質素，真心覺得好抵，尤其係個意粉， 因為真係好大碟，連我都食唔曬。

上開飯網見到呢間冰室咁多正評，今日就同老公專誠嚟試吓。晚餐時間，竟然得兩檯客，我都諗緊係咪伏店嚟，不過，專誠嚟到唯有入去試吓啦，如果唔係都唔知去邊度食好。我叫咗個常餐，因為我覺得作為一間冰室，連常餐都做唔好，咁就無咩嘢值得我嗌。老公本身想試吓個芝士汁焗雞扒意粉，點知阿姐話乜嘢芝士都無哂，咁咪嗌個蕃茄汁焗雞扒意粉囉⋯⋯常餐：火腿鮑片通粉，啲通粉淋到就嚟溶咁，個湯係無乜味，有種唔知自己食緊乜嘅感覺 + 醬占厚多士，要讚吓因為有厚多士比我揀 + 反蛋，都係一般嘅嘢，好難煮得難食 + 餐茶-熱檸茶，見住隻蜘蛛仔喺上面爬，想叫阿姐換，不過我遞出去果陣，蜘蛛比我浸死咗散叫： 蕃茄雞扒焗意粉，食客表示唔係好食又唔係難食，咁我界定為普通啦。 食品質素，唔係話難食到食唔到，不過一定唔係高質囉，似乎有啲食評寫到有啲誇張🤷🏻‍♀️衛生情況我覺得係差，見到廚房出菜，係成張單浸哂落啲湯度，每次上菜阿姐都要用「工具」撩返出嚟，平時食開果啲，廚房師傅都係將張單黐喺碗碟邊，成張浸，我真係第一次見。其次嘅就係果隻突然出現嘅蜘蛛🕷️。總結呢間冰室，真係唔值得你專登去食。

叫左個星級雜排鐵板餐 ，有牛，有雞，有三文魚，仲有腸仔，以為好好，全中伏，全部，係全部都好鹹，牛排完全人唔到口，好似食緊鹽咁 ，係薯條好少少，重要野要講三次，太鹹，太鹹同太鹹。

接完freelance係海麗走剛好dinner time就係附近搵好西見到有間新開既冰室 門口大排長龍應該都唔錯 就跟住排啦><排左十分鐘左右就入坐一打開份menu見到啲相好精美睇相都流哂口水每樣都好吸引而且價錢都好平民！點餐後野食都好快送上 同事點左個星級扒餐而我叫既係流心蛋奄列餐～～魚扒配意粉 汁選左芝士汁粉意爽口彈牙 芝士汁濃厚魚扒炸至金黃色 外脆內軟～～塊肉多汁又厚肉同事果份都好正 ！有牛排雞扒 三文魚 配厚切粗薯條同事都讚肉質新鮮 ～啖啖肉 yummy!飲品叫左椰汁紅豆冰同咸檸檬7up隻檸檬夠咸香！紅豆冰又夠香夠多豆！本身仲想食完正餐再試下佢地個甜品 可惜個肚已經好full 啦qwq 有機會下之要再入屯門食過～～

之前食過觀塘既龍門冰室都唔錯，見屯門新開一於決定試試佢。估唔到下午兩點黎到仲有好多人排隊，好彩都唔算等得耐，大約15分鐘就入得喇。餐廳環境裝修型格，用黑色做主調，仲有iron man做裝飾。座位方面主要都係四人卡位，繁忙時間就要搭枱一人一邊喇。我地兩個人叫左一個主食三個小食一個甜品，不過可能因為新開張關係，好多餐牌內想叫既野都冇，例如本身想叫卡邦尼意粉，但侍應落左單轉個頭先番黎話冇，要夜晚先有，另外綠茶鮮奶亦一樣情況，侍應對餐牌的熟悉應加強培訓。野食方面係好食，我地叫左芝士汁焗雞排意粉，雞排煎得香脆冇雪藏雞味，意粉都唔會太淋。另外仲叫左檸蜜脆豬，蜜糖雞翼，黑松露薯條，每樣份量都好多，蜜糖雞翼焗得金黃香脆，咬落仲幾juice，檸蜜脆豬好香檸蜜味，酸酸甜甜咁鬆脆好味。黑松露薯條個醬做得幾香，但如果係灑上薯條上應該會更好。呢度ge價錢、環境同質素有機會都會再黎。最後我地食埋甜品木糠布丁就走喇，走果陣3點半到都仲有人排緊隊，好旺場。

搬黎龍門居咁耐都未試過冰室的食早餐點知一試就中伏我叫左個雪菜米線,點知好似食粥咁用筷子夾都夾唔到而且碗米線上好多泡泡唔知乜黎又不似洗潔精........而兩隻雙旦硬實到好似玩具><以後可以去少間

中午非常熱同同事去到龍門居食Lunch,一間經常有好多人排隊的冰室,今日卒之唔洗等就可以入到啦,之前聽朋友講呢到D雞中亦好正諗住試吓,我見有個餐係雞中亦配豬頸肉,諗都冇諗就要呢個餐因為太抵食.非常期待.點知個餐黎到有點失望,雞亦非常黑好像炭燒咁,之後食落口味道(窿)到苦,又硬又乾好難食,而且賣相有點求其好像亂放一樣,而我同事叫了一個芙蓉蛋,好像食緊一塊似橡筋的蛋pizza,內面D餸爆哂出黎,完全不似芙蓉蛋,賣相差,失望失望失望,可能是換了廚師嗎..........

成日都見排長龍, 就試下LA, 見到餐牌, 快餐好平, 假期都唔使40蚊, 所以叫左個炸帶子土匪雞翼飯。有2粒炸帶子, 都知係雪藏貨, 但炸得太死實, 帶子亦無咩鮮味。土匪雞翼有3隻, 我覺得幾惹味, 但朋友就話唔辣唔香, 可能佢食開譚仔果D LA, 咁我覺得家家做法唔同JE。唔知點解對面人兄食雞扒意, 佢勁多意粉, 但我地D意粉就少1/3。ANYWAY 夠平LAW

今晚練完長跑好肚餓，打算去附近龍門居食撈公仔麵，經朋友推介下就選擇咗龍門冰室 店內空間唔大，但比較骨子，地方乾淨企理 店內除咗一般麵餐，仲有焗飯焗意粉，鐵板餐，多款甜品，我今晚就點左芝士汁雞翼撈公仔麵加凍奶茶，問一來到梗係撈咗先啦，將啲芝士汁完全融入麵度，芝士汁雖然唔係好濃，但味道真係唔錯，亦唔會太膩，雞翼煎得香脆好味，麵身亦唔會煮得太淋，奶茶味道都唔錯，埋單都係44蚊，好抵食， 咁抵食又好味嘅餐廳我會繼續幫襯。

星期日既早上專登去左龍門冰室食早餐，九點幾唔會話好多人，等左五分鐘就入得嗌左個沙嗲牛麵 炒蛋加多士~沙嗲牛好香，小小辣，但麵亦都唔會太林，叫做有啲咬口炒蛋無出面得啲咁得陣奶味，另啲啲奶茶都唔錯

因為黎龍門居探朋友，以為可以感受下傳說中嘅龍門夜市，點知太早，啲宵夜舖全部未開；唯有去龍門冰室食個tea🤤可能時間係老尷位，5點左右，食得個下午茶又食唔落晚餐嘅時間，所以唔算好多人,正！一睇個menu，正！好多選擇，有好多引人垂涎嘅野食之餘價錢又吸引，搞到樣樣都想食，最後點左麻醬凍烏冬+滷水雞肶， 味道好! 雞肶好入味! 可能都係做街坊生意，份量都唔少，落足本，完全性價比高！唔似得某啲連鎖茶餐廳，飲杯野都搶錢咁，而且侍應嘅感覺都好良好，又有笑容，因為我地有小朋友，上菜時都好小心又提醒我地小心熱等等。總之下次有機會的話一定會再嚟幫襯😆😆😆😆！

同男朋友星期六下晝去食，都有唔少人排隊等位，但唔算等好耐，好快就有位。店內裝修好靚係白色黑色瓷磚，仲有啲鐵皮畫裝飾，好特別😆 我地坐果個位咁岩望到廚房整野，全程就望入去見到好多哥哥好忙咁不停出食物🤣🤣🤣- 常餐嗌左碗五香肉丁公仔麵，好好味啊😍 啲肉好入味，公仔麵係我鍾意既口感👍🏻 果然係冰室茶餐廳先至食到正既茶餐🤤🤤🤤 常餐包埋炒蛋，超級滑同埋冇諗過會咁大份既蛋haha 仲要長長方方咁既形狀，好搞笑🤣 常餐仲包埋個包，我叫左奶醬多，平時我唔多鍾意食花生醬，次次食常餐都唔食包，會俾男朋友食曬成份多士。但今次我都食左半份奶醬多，因為真係好好味！個包烘得岩岩好，金黃色唔會窿得濟，脆脆地好正😋- 咖哩豬頸肉撈丁又係一碟好好味既午餐🤤🤤🤤 佢個豬頸肉勁juicy，仲有啲酸酸甜甜既醬好開胃！個咖哩汁更加係一流，雖然係唔辣，但食左一啖會想再繼續食！唔似得大集團大XX啲咖哩一係就冇味淡茂茂，一係就辣過頭勁重咖哩粉。側邊仲有少少生菜伴碟，咬一啖肉點滿咖哩汁，再黎一啖麵一啖菜，正啊！- 飲品唔記得左影飲品sosad 兩個野食都包左野飲，叫左杯凍檸茶同埋茶走。凍檸茶叫左小冰都係成杯冰，可能廚房真係太忙了，熟

一覺訓醒已經2點幾，係時候要食個下午茶，我地選擇左距離屋企附近有10分鐘路程既龍門冰室，抵食之餘仲可以欣賞下牆身掛滿左既Marvel同DC掛畫，餐廳絕對適合一切漫威迷超級英雄迷！我地分別嗌左Q版肉醬焗意粉+香茅豬扒同埋焗卡邦尼意粉+香脆魚柳。31蚊既價錢性價比一流肉醬係自家製既，所以味道偏酸甜無落咁多糖，食得特別開胃。而卡邦尼既煙肉亦預先煎香所以一食入口煙肉味出晒黎，美中不足既係魚柳略帶微黑，睇黎佢炸既時間太長而且魚肉唔夠厚實，只有薄薄一層。不過以呢個價錢有呢個質素，已經買少見少啦！

星期日到龍門居探親，在此先食早餐，門外多人等位及外賣，心想一定水準之作。四位等了5-10分鐘。餐牌選項多，落了單後，先上一杯熱零茶，等咗一陣，上厚多及炒蛋，炒蛋份量同味道係可以，厚多質感界乎多及包之間。之後就係蕃茄濃湯雙蛋豬潤通，十分失望的味道，湯完全唔濃亦唔熱，只是求其的在碗上加上茄醬...無味！太陽蛋層層疊的放在碗上，再加豬潤，賣相真的一般。份量足夠，但唔好食！食完後，吹單再上兩碗火腿通.都唔明點解咁耐！總括而言，唔明為何咁多like.或者是日主廚放假是也。