龍門冰室 (已結業)

好差，不會再光顧。店員態度差，送錯意粉，但無為意開始食咗兩啖，再送過嚟佢哋發現送錯咗，無問你介唔介意繼續食，又無打算幫你換返，連一句唔好意思送錯餐都無。跟餐係一沙律一湯，店員湯賣晒無講，我哋食完個沙律，佢又再放低兩個沙律就走，我哋問沙律已到，個店員竟然話個餐湯賣晒，依家幫你轉埋沙律，嘩，你幫我哋決定都講聲呀，而且我哋真係食唔落咁多沙律。。。個all day breakfast等咗好耐都無，追單，待應就話整緊，你等下好無？請問我可以話唔好咩？終於嚟到既All day breakfast個茄汁豆食落係酸既，應該變壞咗，同店員投訴，佢就咁拎走話轉頭俾過你，同樣一句sorry唔好意思都欠奉，而佢既轉頭係我哋食完走人都未轉到返嚟。。。Thanks依間店，我覺得食過人生其中一次最差既晚餐體驗，唔知其他人comment有幾好味抵食，但店員質素如此，我不會再光顧。

做得碼頭人，點會吾知龍門居勁多野食啦…今次去到見到間冰室價錢都係$42左右，仲要勁多選擇最後就入去試下先…入到去好光猛又乾淨，餐牌都完全吾似屋村樓下餐廳添，今次叫左一個扒餐和一個小食麻醬凍豆腐 $38…沒想到咁多，但麻醬味偏淡沙律醬味偏濃，問返原來係用小天使的芝麻醬，味道就見人見至，但我就鐘意麻醬重點，所以只要一半醬咁食就剛剛好加上紫菜有口感，吾錯。爵士西冷扒拼香草腸配黑椒汁和薯菜仲有餐湯和飲品$82…黎到sa sa聲 勁熱喎，加上黑椒汁即醬汁彈起，堅即叫即整。切落去牛肉吾太淋身，食落都有口感，上面的香草牛油溶左一齊食味道吾錯。以為腸得幾片，點知係一大條勁足料，香草味濃加少少辣黑椒味好味道。甜品要左木槺布甸 套餐加$8…味道正常吾差，都多餅乾碎。本來勁想食個蜜糖雞翼$38話仲要有6隻喎，但講真食吾晒只好下次再黎食過，而且這裡的待應超好，聽到人地趕時間就叫廚房快點…勁窩心

又黎傳統又好有懷舊感覺既龍門冰室撐枱腳，簡單既裝修懷舊既食物就係呢度既特式！首先上既餐湯羅宋湯，好足料味道好濃加入胡椒粉少少辣，好好飲！ 我地叫左雜扒鐵板餐配薯菜，因為冇晒煙肉，侍應比我地煙肉轉左炸帶子，煎蛋我地想轉其他，侍應都好好人比我地轉左炸魚聊，真係勁開心！ 雞扒大大塊，煎到外面少少脆裡面味道調得好味之餘又嬾滑，豬扒好入味，亦煎得岩岩好，厚薄適中，炸帶子同炸魚柳炸既時間控制得好好，金黃香脆外脆內熱，同一d腥味都冇，加埋伴碟薯條再配埋蒜蓉汁非常好味，份量又多！ 另外加左個薯條，配埋黑松露沙律醬好特別都幾好味！ 跟餐加左個木糠布甸，好滑同甜味岩岩好， 餐飲凍檸茶，茶味好香又好濃烈，甜度亦適中！ 呢度真係大件夾抵食， 款式又多選擇又多， 下次再黎一定要試下午茶先得，因為下午茶d野食真係好吸引！

龍門居雖然比較遠，但餐廳、小食店卻很多元化，而且較便宜，很吸引這晚和朋友到一家在龍門居的冰室晚飯。外表是港式冰室。不過其實賣的食物是西式cafe的種類。裝飾也很有趣，想必店主是很喜歡marvel吧！餐廳的新菜式，價錢不貴，但黑松露落得不手軟黑松露味道挺濃郁，與芝士很配合外皮一層蜜糖凝結了，所以很夠蜜味。鐵板上菜，在西冷扒之上加了牛油，使整塊扒更香。香草腸有一點點黑椒味道，不錯。有很多汁可以選擇，我們選了芝士汁和魚柳。芝士汁和意粉的配搭使我們很驚喜！粒粒芝士融化於意粉之中，啖啖芝士，意粉很淋，很配合芝士汁，口感、味道也很好我們選了朱古力、雲呢拿雪糕，蜜糖朱古力醬，香蕉班戟，很足料的甜點朱古力雪糕配紅豆冰是我的初體驗，雪糕融化後變成朱古力味紅豆冰滿足的晚餐。

🗓28 Nov開完成日workshop夜晚重要趕返屋企開會快快手係樓下買個外賣 6點半未到食飯時間 間間都冇咩人 既然甘就試下平日好多排既龍門首先最欣賞係快 由落order 到比我一個字左右味道亦唔錯😃

損友說服要求去屯門站龍門居下午茶據說因為那碗仔翅碗翅的確不錯隨20多元下午茶送還有一自選小吃選擇土匪雞翅還有這間小餐廳出的 意大利芝士餅沒人考慮我的車錢不過這個龍鳳檸7卻有咸檸加檸檬塊，之後又陪我去屯門碼頭看海並讚美我的相靚女友選擇焗飯餐包一飲品40多塊豬排有骨落地咸檸滋潤也就算了，意思是車資來回40多元也就當訪友車費應用得用侍女推介芝士焗三文魚頭腩女友較好我点了蜜糖雞翅8隻38元最後我的至愛1 屯門碼頭長堤海岸2 下午茶配套3只土匪雞翼我要求的加辣重手土匪雞和3 久違的真咸檸冰凍檸七朋友帶動往屯門碼頭看海忽見小白鷺 心花怒放，好一個冰冷13度周日喜見下午昏眩，炎熱而雪白色的海鷺鳥來儀爽！加上餐附上的奶茶可以也就是美好一星期天。

黎左呢邊探朋友，唔知食咩好之下，見到有間茶餐廳，價錢又不貴，就入左黎。下午茶時段，都有好多選擇，對於有選擇困難証既我真係唔知點簡好叫左份粟米碎蛋沙律配三色西多士。粟米碎蛋沙律好好味，好新鮮，蛋黃好香，仲有夾住清甜既菠蘿粒。 三色西多士幾特別，有士多啤梨醬味/朱古力味，可以一試，如果唔仲意，又可以要反糖漿。 加十蚊仲可以加個面潻，好抵呀。 叫左份雪菜肉絲粉，有驚喜係，第一次食新鮮既雪菜，又幾好食好新鮮咁，不過就係咸左少少加埋米粉食剛好，不錯。 之後仲忍唔住口，叫左份椒鹽雞翼，有點土匪雞翼感覺，不過呢個係勁辣既，雖然辣，不過勁惹味，外脆香口，停不了口。 又多一間好味茶餐廳選擇

今晚本來一支公，比個同事拉左去食下龍門冰室，佢話佢食開呢間野唔錯，竟然玩即興去食，癲癲地咪陪下佢。見到呢度地方都算大，座位唔算話好迫，價錢亦合理既餐廳! 裝修睇落係四四正正，比較新潮，睇睇下原來仲有甜品MENU。冰室成日以為食黎食去都係個D，但見到都算有幾多唔同既野食，同埋平時夜晚都好少去冰室食揀左好耐，最後叫左個咖哩豬扒焗飯，師傅好用心煎塊豬扒，豬扒食落真係好香，再加埋薯仔同配埋好多既咖哩汁一齊拎去焗，更加好味開胃! 雖然重口味左少少，但都唔緊要啦另外再叫左個呢度出名好味既黑松露薯條，炸得岩岩好既粗薯條，再埋點上香噴噴既黑松露醬，比普通既茄汁薯條好味得多!再配埋簡單凍咸檸柒，就變成美味的晚餐!每樣食物都份量十足，唔洗驚食唔飽，抵我地有時間黎幫親佢!

今日到屯碼至工業區一帶開工，午餐決定在龍門居享用，因為呢度好多食肆，雖然新開間儲味棧好似好吸引，但價錢唔及呢間抵，所以我就在此享用午餐原來可樂係罐上，對於唔喜歡加冰的我真的不錯，呢個做法的好處係洗碗阿姐可以做少d，鋁罐可以拎去回收~~~我點咗午餐b，呢個餐幾好食，飯係熱上，諗起尋日果間真的差過呢間好遠~~~坐我對面的女生食A餐，本身我想食呢個餐，但見到芥末字眼有dd擔心會攻鼻，所以我決定食B餐~~~在龍門居的食肆能夠生存，除了龍門居的居民，附近有富健花園和龍逸邨等地方的居民光顧。飯後在停車場附近找到商場洗手間方便，因為呢度所有餐店係冇洗手間😂😂

下午茶時間又到！一向食開呢間冰室都覺得食物水準唔錯，同埋貪佢多野食，好多選擇唔怕食到悶咖哩汁撈丁配吉列豬排$40未食已經聞到好香嘅吉列豬排味，豬排炸到外皮好脆，咬落去仲有熱到有小小燙口，肉汁全部包曬係入面，每一個啖都外脆內軟！而且肉質好腍唔會好乾同柴皮咁，真係想連骨都食埋個麵一睇就知係超級多汁呀！每一條都被濃濃咖喱汁包住，呢個汁都唔可以睇小，又濃味又夠辣，辣得黎又會好想繼續食，太辣都有菜同蕃茄解辣中和下，岩曬鐘意食辣嘅人！泰式香茅豬排撈檬$42又係豬排，全部都係豬排～這裡的豬排真的不錯食喔！！香茅豬排少左d香茅味但轉左薑蔥味haha 但食落都唔錯，豬排都係好嫩滑外皮又有小小焦脆！撈檬個汁好正 酸酸甜甜咁，依家諗番都流緊口水呀～芝士焗西蘭花$35西蘭花好腍，而且芝士同白汁都夠多，每一粒都食到芝士，芝士迷表示好好味呀！既然係下午茶點可以冇甜品！？pancake好吸引咁，全部雪糕同配料都可以自選～不過冇曬我最愛嘅綠茶雪糕 可惜！班戟配雪糕$55pancake都幾厚，食落非常鬆軟呀～撈埋雪糕食仲正呀！！紅豆就麻麻啦 冇乜味同埋唔甜，下次可以試下其他水果配料應該會好d食完正餐食埋個甜品真係非常完

龍門居出左名多野食，唔單止消夜時候人多熱鬧，平日下午行左入去，見到咁多餐廳都無從入手！呢間冰室貌似幾多選擇，咩都有得食下咁，就決定係度食個tea啦～餐牌真係有好多選擇，中西都有仲要賣相都唔錯咁，好難揀呀！！我地叫左份公司三文治一齊share 仲有黑松露意粉同埋甜品！！本來想叫waffle架，但係未有得嗌住所以轉左pancake等左一陣間食物就來了望落唔錯咁 好香，等唔切要開動啦！跟意粉嘅餐湯同沙律，餐湯冇曬所以轉左碗仔翅俾我地沙律係用芝麻醬，一定好味啦意粉份量多，黑松露嘅味道都好重，配埋菇就岩岩好，又juicy又濃郁！唯獨意粉太腍啦，不過唔係正式西餐所以都ok啦公司三文治 大大份 激厚呀！兩邊都有烘底 脆卜卜咁 中間夾左炒蛋餐肉 火腿芝士 生菜同蕃茄厚到差d咬唔到 一大啖咬落去 第一下食到d滑蛋真係冇得輸 滑得黎仲好重蛋味食到最後覺得飽飽地但見到呢個pancake即刻有第二個胃咁食食食～雪糕配料同醬都可以自選架！pancake超鬆軟呀，一口pancake加一口雪糕真係超級無敵咁好味，好想自己獨食曬佢食到飽曬都仲食得落就個真係好好味啦小妹見識少 唔講唔知 原來黑牛係雪糕加可樂，既然未試過

在佢食品變差後就沒有再去了。今次見已過了一段時間，而且開始多番人- 就試下。 （流心奄列豬扒意-芝士汁）流心奄列：ok。豬扒：有用香料調味，肉鬆粉多了點。 意粉：先用汁炒過，在上碟後也了dd芝士汁。“就算加上流心奄列內的芝士汁，意粉也很乾，可見其店的芝士汁是何等矝貴” 。（雜扒）其他的不說了。雞扒：完全沒有調味，有點酸，就算以咖喱汁配食，也食不下嚥。咖喱汁：偏咸，不夠香。

為食豬最鍾意周圍食嘢，冰室都算係香港最有代表嘅餐廳。去到冰室點少得食雪糕紅豆冰？雲呢拿味雪糕甜甜地，其實都幾清新。紅豆冰奶味又濃郁，紅豆又多，非常足料。熱杏霜都有得飲，朋友就比較鍾意飲杏霜，我本身唔係好鍾意杏霜嘅味道，所以都無飲。羅宋湯有啲辣味，蔬菜份量都幾豐富，味道叫做吸引。帶子雜菌意粉有幾粒大大粒嘅帶子，好彈牙處理得不錯，另外雜菌意粉有唔少冬菇，切細左之後都好有彈性。四式芝士意粉最多嘅就係唔同Cheese，每隻味都有點唔同，鹹鹹地都幾得意，不過配搭Pizza會更好味！

​ 冰室是香港比較傳統的餐廳，經過咁多年都開始沒落了。 有一些香港餐廳命名為冰室，裡面裝潢比較傳統。 食物方面就不像冰室了！ 芝士煙肉薯皮@$38 薯仔+薯仔皮好香，又整得夠稔，散發香味～ 加埋有煙肉，加埋肉味香味十足。 芝士味道都好凸出，單吃芝士就有點咸膩了。 碗仔翅大大碗，料亦夠多，口感爽的。 可惜有一點咸，不太合我口味。 窩夫@$48 原味、雲呢拿雪糕、藍莓、香蕉 算幾抵食，整的好香脆，雲尼拿味雪糕也不錯， 加埋藍莓香蕉又酸又甜唷！ 質感挺好的，我很喜歡。 龍門冰室 Lung Mun Cafe屯門龍門路43號龍門居第10座地下102號舖

龍門一向美食雲集今日為左慰勞一下工作到就累死的朋友一於嚟到佢工作的附近吃餐飽一向煮食開的朋友都知道黑松露一經烹調後雖然香味大增，但吃下去的味道會削弱此店即用了另一個方法令吃到完美的黑松露配薯條--利用黑松露做醬料（配以沙律醬）薯條炸得好通透好好味，而且吾係好油薯條的大小選擇得不錯，太粗吃下去太軟，太幼的話口感又欠缺口渴便點了杯消暑的黑牛朱古力雪很滑（很讚）和可樂很配合而且給予一整罐可樂，又夠汽又不怕是汽水機斟出來的糖水扮可樂意粉包了餐湯及沙律蘿宋湯落足料煲，味道很濃很多蔬菜而且很甜沙律的醬汁是大愛的芝麻醬車厘茄很甜沙律菜的選取也不錯，很甜一點也不苦普通芝士焗意粉吃得多，這煮法真的未試過所以芝士已和意粉混合輕輕焗過油膩感不會很重（這吃法比一般焗法更吃到芝士的味道）魚柳吾會太大塊，所以炸出來比一般的脆口，而且給予足夠份量（$46吃到很化算呢～）炒意粉的蒜蓉若不爆香至微脆會令其味道不夠突出帶子很大顆而且很多，肉質鮮甜爽口蒜蓉很香口，而且能夠平均混和意粉意粉不會太油膩，份量很足夠整體味道很讚很配合想不到冰室也有窩夫吃朱古力味道的窩夫脆脆的（外脆內軟的），朱古力味也很濃微微苦澀的朱古力味窩夫配上