龍門一番川滬·紫砂燉湯 (已結業)

同事話沙田禾輋村開左間新既上海菜，建議Lunch 一齊去試下，原來係之前荃灣嗰間 @lungmunshanghai ！中午時段既午巿套餐都幾抵食，所以都好多人😅不過我地就食既野就無喺午餐入面，所以就單點喇！雞絲粉皮$60粉皮夠凍但唔會好硬，青瓜、雞絲配麻醬作為前菜真係好合適！上湯上籠包$48熱🔥辣辣，皮唔算好薄但反而比較理想因為有點咬口，入面湯汁滿滿味道較清爽，一口一隻啱啱好！帶子粒粒炒飯$88飯底粒粒分明，臘腸既油香滲透左入飯粒內，都幾香口！鱔糊粗炒$98鱔糊份量好多，上海麵炒到帶點脆口，鱔糊夾芽菜令人停不了口！荔枝多多$32乳酸系列可以解下油膩感，都幾舒服！四季春$20本身想要芝士奶蓋四季春，可惜午巿未有供應😭優惠資訊：1.松葉蟹肉蟹膏小籠包 4隻 價值$58（推廣期內 半價 $29）2.留言和訂座 即時有88折優惠，加免費成為會員(會員費價值$350）會員待遇包括1. 消費有9折優惠2. 優先訂座3. 定期贈送會員優惠4. 半價飲品(不包括生啤類）

一直都幾鍾意食上海野，但硬係覺得連鎖店全部一式一樣無咩特別，最近竟然比我發現左一間傳統得黎又幾有驚喜既餐廳，誠意同大家推薦🥳我地叫左👇🏻🧡 奶油娃娃菜 $78呢個擺盤好有心思，將娃娃菜平鋪係碟上面令到每條菜都沾滿奶油，creamy得黎又唔會太膩 👍🏻🧡 帶子粒粒炒飯 $88呢個炒飯個人認為非常出色，炒飯真係粒粒分明，炒得夠乾身，仲幾有咬口，火候控制得非常好，配合埋帶子同臘腸味道配合得好好，而且份量好多，應該有2-3人份量😝🧡 上湯小籠包 （4件）$42小籠包入面好多湯汁，皮薄餡靚，職員上菜既時候仲好細心提我地要小心熱，非常貼心🥰🧡 生煎鍋貼 （4件）$42呢個必叫！鍋貼每隻都煎到金黃色，夠熱夠脆，一咬開完全係爆汁（請見圖三），juicy得黎味道好好，值得encore😋😋😋🧡 蜂蜜分子茉香綠茶 $28因為比較少食上海菜既地方會有凍野飲，呢度選擇好多，大大杯，蜂蜜夠清甜，感覺好天然，清新解膩😗🧡 鮮果伯爵紅茶 $30呢個個人大推！水果份量多，而且earl grey同水果味道好夾，唔會太甜，飲落超級refreshing，甚至好飲過部份茶飲店😎🧡 豆沙鍋餅 $48呢個份量比想像中多，切開左有

話說喺沙田開咗一間新嘅上海菜，後期就去試吓，佢嘅上海菜真係幾有特色❤️最得意嘅就要講吓呢個天使魔鬼小籠包有黑白兩款，黑色係有黑蒜整，上面放咗海膽，二白色上面就有魚子。核酸好健康，食落去除咗小籠包入面嘅肉之外，仲會有一小舊黑蒜，感覺好新鮮椰子燉雞湯原隻雞擺上嚟，已經熬製到林晒，仲有好健康嘅嘢指，飲落去好清甜，配合埋雲吞，飲完成煲真係好飽肚💕涼拌茄子塔呢個係一個冷盤，好有心思地將茄子擺到好靚，上面嘅醬汁同茄子10分配合，係我最鍾意嘅菜式😍帶子炒飯炒飯炒得好有鑊氣，除咗帶子之外，仲有其他配菜，例如臘腸，菜粒，好友中西混合嘅感覺👍🏻👍🏻👍🏻職員服務態度好，整體環境乾淨衛生，會下次再嚟😍Shanghai Dumpling (Sha Tin)Shop 210A, 2/F, Wo Che Plaza, Wo Che Estate, 3 Tak Hau Street, Sha Tin

之前喺荃灣食過，原來沙田開咗新分店～卡位位置都坐得舒服，今日黎食lunch仲見有優惠🤩松葉蟹肉蟹膏小籠包可用半價，留言同訂座即時有88折，再加免費成為會員享受待遇👻🔸松子黃魚（HK$188）顏色好靚好有食慾，新鮮炸起熱辣辣，如果口感冇咁硬就更好🐟🔸四川擔擔麵（HK$58）可以同店員首先講係小辣，麵體偏淋，湯底甜甜地都唔錯🍜🔸上海小籠包（HK$42）皮嘅厚度適中，要小心夾起，好容易爆汁🤣🔸生煎鍋貼（HK$42）肉餡幾多肉，外皮少少脆，味道唔會太鹹～🔸芝士奶蓋白桃四季春（HK$28）諗唔到呢度竟然有台式特飲，芝士奶蓋都幾多，如果芝士味再勁啲就更好😊

小編由黃大仙街坊搖身一變成為左沙田友，搬完屋第一時間就梗係同大家分享下沙田美食啦!話說係新街坊就梗係去返間新店慶祝迎居入伙，呢晚就來到愈來愈多野食的禾輋廣場推介一間有水準川滬菜!龍門一番川滬·紫砂燉湯，龍門一番呢個大名由屯門到荃灣都聽過，可惜兩區分店已關店，今次在沙田重開可以話係小編的福氣，話佢係抵食親民多選擇上海菜一定無錯，本著「健康和創新」作經營理念，於健康食材注入革新元素同時保留上海菜精髓和風味，卡箱座位空間寬敞，樓底高亦有圓枱選擇方面一家人用餐。雞絲水晶粉皮 $60推介:⭐️⭐️⭐️⭐️⭐️先打卡後品嚐，粉皮滑溜，濃郁花生醬香味，雞絲及青瓜絲份量都令人滿意，加左少運許芝麻增加其香口感，值回票價。蝦子鍋塔豆腐 $78推介:⭐️⭐️⭐️⭐️⭐️店鋪推介品要一試，亦都無令人失望，由上檯食到尾段都能夠保持到其外脆內軟的口感!暖暖的內層豆腐豆香可口，上面的醬汁係整個味道的精髓來源，一客三至四人食十分推介過口癮。蟹粉小籠包 $68/4件推介:⭐️⭐️⭐️⭐️⭐️必點! 上檯熱辣辣夠湯汁又多，小籠包大大粒，建議小心熱湯咬開頂層，外皮厚薄適中，細心夾起張力能承托包內湯汁，外皮皺褶工整精美，加埋蟹粉汁混合鮮甜肉味，十分享受。

今日入沙田探舊同事，食晏時俾佢拉到樓下嘅＂龍門一番＂食飯。去到都好多人排隊等攞位。先來個上海經典菜栗子鵪鶉蛋煮外婆紅燒肉，燒肉同栗子炆得夠淋亦夠入味，鵪鶉蛋完整，蛋白幾彈口。食得上海菜，當然要叫籠魔鬼天使小籠包，皮薄餡靚，黑白分明，一籠兩款口味，咬落裡面都幾多汁，熱辣辣食真係唔錯！另外都叫咗份生煎包，包皮煎得啱啱夠火候，包底香脆，餡料夠多亦帶肉汁！至於小食方面，叫左蔥花家常薄餅同上海春卷。前者入口蒽花味香濃，薄餅脆口又有煙煙韌韌嘅口感，而後者就炸得金黃，熱辣辣脆卜卜，雖然係素食，但都非常好味，上枱仲預先切開，方便客人食用。最後叫個豆沙酥餅做甜品，外皮層次分明，餡料豆沙綿滑，香香甜甜，再配上一啖茶，真係好完美。宜家餐廳仲做緊超筍優惠，包括可以用半價$29就食到松葉蟹肉蟹膏小籠包，仲可以即時免費成為會員，仲有九折添！

係沙田影完櫻花同繡球花，見唔係咁遠就過黎試下。鍋貼鍋貼即叫即煎，新鮮熱辣，入邊肉汁可以說是爆開，個人鐘意加少少，豆瓣醬伴食，吃起來更加滿足小籠包當然是必點的，皮薄肉厚多汁大大件配上中式醋，不錯花雕泡浸醉雞好香酒味，雞肉好嫩滑雞味濃郁，令人非常開胃，作為前菜實在出色。四川擔擔麵擔擔面微辣，香口，配上大量肉碎，湯底香濃，麵質幼滑，好吸湯上海粗炒炒得乾身而且好夠味，鐘意佢夠多菜即時免費登記成為會員非酒精類飲品半價優惠 ，消費仲有9折即刻叫返杯，鮮果伯爵紅茶勁大杯，而且好多水果、茶底用上伯爵紅茶，夠香濃

🐲龍門鬥一番🐉我鍾意食小籠包就人人都知㗎啦但天使魔鬼小籠包就真係第一次見喇(⁎⁍̴̛ᴗ⁍̴̛⁎)雖則最愛都係最原汁原味嘅original version但係有新嘢又點可以唔試吓呢🤘🏻松葉蟹肉蟹膏小籠包4隻只係$58😨推廣期間低至半價😳先來天使魔鬼小籠包上湯小籠包各四件小籠包一定要趁熱食辣到條👅𠻹!!有少少蟹粉點綴令鮮味大大提升💯另外仲有上海菜不可少嘅金銀炒鱔糊自選四拼小吃水晶肉啦豬手鮑魚同埋雞絲粉皮( ´▽｀)甜品仲食咗擂沙湯圓𠻹煙煙韌韌係我最愛嘅口感💕另外我最享受嘅係品茗嘅part🍵如果你都鍾意飲茶一定會明水滾茶靚嘅感覺由加水洗茶葉再輕泡每一小壺嘅普洱又消濟又放鬆😌📍龍門一番 川滬·紫砂燉湯@lungmunshanghai 沙田德厚街3號禾輋邨禾輋廣場2樓210A號舖#hkfoodie #沙田美食 #上海菜#小籠包

今日黎開沙田影櫻花相，影完相就周圍行下，發現呢間上海菜餐廳，環境闊落，菜單都好多選擇下，我哋就行左入去食個晚餐。擔擔面 ， 好濃郁 既花生香味，比起平時其他餐廳多好多肉碎，超正，辣都可以自己選擇蟹粉小籠包 小籠包大大粒，一咬好多肉汁，熱辣辣好好味小籠包 4隻 仲做梗優惠價推廣期內 可用半價 享用，好抵食蟹粉扒豆苗碟菜既份量對得起個價錢，好大碟，豆苗鮮嫩加上滿滿既蟹粉汁，濃濃既蟹粉味鱔糊粗炒相比平時其他餐廳粗炒黎講，呢個食落唔會太油膩，味道又調得幾好，配菜份量都足夠呢餐晚餐都食得好滿足同滿意埋單時店員仲邀請我哋成為會員（免費）成為會員有好多著數1. 消費有9折優惠，抵食2. 優先訂座3. 定期贈送會員優惠4. 半價飲品(不包括生啤類黎梗我地朋友飯局又多個好選擇

之前記得荃灣有分店都bookmark 左想食，但係次次都花心食唔到，估唔到而家開正係禾輋呢啲細商場，即刻同男友大大來試下～上海小籠包 （4件）$42湯底幾好，肉唔hi，包皮唔算厚，正常水準蟹粉小籠包 （4件）$68呢個係男友大大話想食，個人唔太鍾意蟹粉，連個湯都有腥味，都係傳統小籠包好啲生煎鍋貼 （4隻）$42鍋貼底微脆，內餡同小籠包一樣都好食，只係外皮較厚❤️上海春卷 （3條）$48新鮮熱辣脆卜卜，雖然餡料全部都係素菜(木耳、椰菜絲etc)，但味道幾好，3條分開一半，即係有6條，份量十足帶子粒粒炒飯 $88佢用臘腸粒同帶子粒炒埋一齊夠哂味，熱辣辣炒起夠鑊氣，只係佢冷氣好勁，好快吹凍哂啲野😂雷沙湯丸 $48做得唔夠流心，皮唔夠薄，餡嘅味道就ok總結： 價錢唔算平，食物質素中等，勝在地點近我屋企，暫時未試小菜，如果口痕想食上海野都可考慮encore 地址：沙田德厚街3號禾輋邨禾輋廣場2樓210A號舖評分（5⭐️為最高）：環境：⭐️⭐️⭐️服務：⭐️⭐️⭐️⭐️食物：⭐️⭐️⭐️價錢：⭐️⭐️⭐️

✅龍門一番川滬·紫砂燉湯 之前係屯門都有試過佢哋既晚市小菜最近就見到佢哋係公司附近開左就試下佢哋既午市啦~🔆午市拉麵套餐 $48午市套餐有好幾款 有拉麵套餐 亦都有客飯，乾鍋同酸菜魚飯餐揀左個四川擔擔麵餐份量好大碗啊🤣 一個人食既午餐絕對夠飽啊！擔擔麵係用幼身既麵條 湯底亦都好濃郁花生醬味💕不過唯一不足就係午市套餐淨係得淨麵 就冇其他餸菜選擇！🔷追加小食 & 點心 $20冇其他餸配擔擔麵唔緊要！ 仲可以優惠價加配兩款小食同一款點心揀左麻醬腐皮卷同雞絲水晶粉皮粉皮好滑身仲好濃花生醬既香味而腐皮卷食落好似健康版既齋燒鵝 中間都有好多餡料！春卷一份有兩件 食落好脆口 而且入面係以齋既配菜為主🔆魔鬼天使小籠包 $58上海菜一定要點小籠包！呢個小籠包好特別 一款係白皮 一款係黑皮白皮既小籠包入面有帶子做餡料 上面仲有魚籽醬食落比較原汁原味 似原本既小籠包而黑皮既就係用左黑蒜肉做餡料淨係聞都好濃郁黑蒜味！ 食落果然超濃郁！😈而且每隻都勁多肉汁 勁飽滿😆 食既時候要小心 唔係就好容易辣親啦！🔆紅油抄手 $48另外都點左紅油抄手 呢到既抄手同坊間既唔同佢係用左扁既餃子 每隻都好飽滿！而

魔鬼天使小籠包🥢咬落口滿滿都是湯汁，有海膽、豬肉、墨魚汁、黑蒜肉好鬼正呀⋯⋯鑊仔生煎包🥢包底脆脆地，餡料好多肉汁，熱辣辣食好好味😋青梅花雕泡浸醉雞🥢好香酒味，雞肉又嫩滑，上海菜是必點的。紅油抄手🥢重點更係個汁醬，小小辣好惹味。四川擔擔麵🥢湯底好濃花生味，我好鐘意加左肉碎撈埋一齊食好好味😋上海粗炒🥢我由細到大都係咁鐘意食，佢地炒得夠乾身好正。高力豆沙配雪糕高力豆沙夠鬆軟豆沙餡唔太甜，整得幾出色，配埋雪糕好滿足呀⋯⋯鮮果伯爵紅茶🍹好多水果、茶味又夠香濃好好飲🤩黑糖珍珠奶茶🧋珍珠軟硬適中，有黑糖嘅甜好好飲。

今日晏晝比較得閒，於是約左同事出去食下野，唔想困係公司做Lunch咁悶。近近地去左禾輋商場，呢度都多選擇，見有間新裝修，地方寬敞舒適清潔既上海餐廳，於是決定去試吓。叫左兩個lunch set，一個上海粗炒加兩個小食醉蝦同雞絲粉皮，另一個左個小炒酸菜炒大腸加小食雲吞。味道唔錯，即叫即炒，熱辣辣。之後見有個推廣半價優惠，就叫多籠松葉蟹肉蟹膏小籠包 4隻（$29），皮簿多汁，一流。最後叫杯黑糖珍珠鮮奶或奶茶都係加$8，大大杯好抵飲。記得成為會員，因為消費有9折優惠。

沙田最近有櫻花睇所以我都趁放假入去湊湊熱鬧睇完櫻花行過城門河行到對面嘅沙田禾輋邨呢個屋邨商場都有好多食肆今日就試下呢間上海菜館 龍門一番 上海 · 紫砂燉湯 @lungmunshanghai#青梅蟲草花雕雞用左原隻雞脾肉肉質豐腴嫩滑淡淡嘅花雕嘅香味唔錯#手切牛肉包外表煎得幾香手切牛肉都較有口感#金銀炒鱔糊最喜歡嘅一道上海菜黃鱔好新鮮爽口醬汁味道有點濃幸好有芽菜緩和味道#脆米海鮮炒飯第一次食脆米原來係炸左嘅米口感都幾有趣有鮮蝦、帶子、魷魚等等做配料都幾豐富#松葉蟹小籠包最期待嘅松葉蟹小籠包師傅用上蟹肉同蟹膏做餡湯汁好鮮甜而最重要嘅係松葉蟹肉蟹膏小籠包係推廣期內只係半價 $29 就食到四粒咁小籠包 ！！！食客仲可以免費登記成為會員非酒精類飲品半價優惠消費仲有9折添住沙田嘅朋友唔好錯過啦😄龍門一番 川滬 · 紫砂燉湯沙田德厚街3號禾輋邨禾輋廣場2樓210A號舖

今日去沙田禾輋邨探人，原來由新城市廣場行天橋過去好近，途經過時光隊道好有歷史的瀝源邨。禾輋商場野食大把選擇，其中有呢間上海好吸引，2點開始就下午茶餐好抵食，有主食、兩款小食同飲品。先來個魔鬼天使小龍包，黑白分明，湯汁飽滿。套餐小食揀左麻醬雞絲粉皮同蒜香肉，粉皮開胃又彈牙。主食揀左一個擔擔麵，熱辣辣一大碗，面頭有好多肉碎，四川式擔擔湯都好香濃。另一個主食揀左個招牌麻辣干鍋，可以自己揀餸，揀辣度。揀左小辣蜆肉配花枝丸同娃娃菜，撈勻蔥花大蔥洋蔥，超惹味食唔停，送飯一流！