龍翔酒家 (已結業)

前排去左龙翔酒楼度食晚饭，八点前入座有特价片皮鸭食，七点十去到酒楼，啱啱好赶得切最后一只片皮鸭食。人唔算多等左几分钟就有位初初以为特价片皮鸭冇乜特别会好油腻，但结果出乎意料。片皮鸭即场系你面前切俾你，都几架势！片皮鸭啲皮都几脆，不过下面就太多肉。美中不足嘅系唔够热，冇得refill 青瓜 or 皮，不过三十几蚊算系咁啦。 两个人叫咗一个片皮鸭同一个煲仔菜，已经好够饱，仲食唔晒！推介比想食平片皮鸭嘅人食！…查看更多

侍应上菜方式奇怪，可能我地真系叫左成枱𩠌，不过佢都唔会奇怪地𩠌叠𩠌吧，第一次食饭会有咁奇特既方式，我地叫左片皮鸭，正常一个蒸笼装住包片皮鸭食既皮，一碟鸭皮，因为枱面冇位，佢竟然将碟皮摆上蒸笼上面，我问点食呀，不过佢好似系理所当然咁，唔知点解佢唔识帮我其他𩠌转细碟，经我地提醒下，佢帮我地转左细碟，不过一路陆续有其他𩠌黎既时候，侍应又再一次将碟皮摆上蒸笼上面，我真系好奇怪点解佢地会咁摆。不过除左呢样奇怪既举动，食物质素都算错!屋邨酒楼算好了!风味椒盐骨，好食，好香!…查看更多

今日系我生日, 由于系平日关系, 大家都要返工返学, 所以食晚餐庆祝. 当然拣我嘅最爱打边炉啦. 当初决定嚟龙翔时, 都担心过$98.00咁抵, 会唔会到时咩都话无架. 老公话反正未试过, 如果真系嘅咪无下次啰! 好! 几大就几大啦.七点去到, 得我哋一张枱打边炉. 仲好静静地. 粟米红萝卜猪骨锅--系啲猪骨碎咗啲, 但可以接受 手打鱼丸--成粒鲮鱼球咁大, 食两粒都饱了几成, 味道可以 手打牛丸--个样同味道似足山竹牛肉, OK啦 虾同鲩鱼片够新鲜, 但鲩鱼片有些少幼骨. 肥牛都唔错 黑椒牛丸--老公嫌唔够辣, 但我就觉得唔错. 千叶豆腐(冰豆腐)--吸收晒啲猪骨汤, 好正! 菜肉饺--几好 芝士肠--真系完全唔得, 都唔知佢喺边度入货. 从未食过咁难食嘅芝士肠. 大家都系咬一口便立即放下.任饮各式汽水及竹蔗水, 啤酒就另计.全包价大人$98.00, 一米至一点三米小童$68.00今时今日, 周围任食火锅都要OVER$100.00, 以$98.00来说, 呢间都算不错了. 起码入单后生料都好快到, 完全无漏单, 只系生鱼片无货, 不过都会通知我哋. 比较贵价嘅虾串入咗单三次, 三次都有比我哋. …查看更多

难得今天由大埔走去屯门揾朋友，星期日中午饮茶理应不容易揾位，但朋友话呢间一定有位，所以唔想等位的原因，所以我去饮茶！走进酒楼，其实都唔系冇乜人帮趁，都差不多full，但可能有搭台原因，所以较易揾位。坐底都剔点心时，其实都差不多两点，见到阿姐每台放上正十茶点心纸，所以等多一阵不如食下午茶吧鸡丝炒河，唔系特价下午茶，但都唔过三十元，炒得够火喉，而且唔系好油，赞！肠粉，皮厚，只可以说：饱肚！鸳鸯烧卖：真系适合我们两个人，两件烧卖，两件鱼肉，味道不错！棉花鸡：鱼肚放在底部，吸收晒上面的冬菇及鸡肉味，精华所在！牛筋：自己比较喜欢食林身一点的牛筋，所以这种不太喜欢！还有吃了炸云吞，够脆口，同行ＢＢ食得津津有味！…查看更多

此酒家平时出品ok,惟今次的牛腩办面真系咸到痺,我由1:50pm入单,等咗30分钟再同部长讲等咗好耐, then 2:48pm碟面至黎。个部长话牛腩要炆腍,我心想牛腩早就炆定,唔通我order至炆呀!算了，照等~点知碟面好咸，牛腩仲㶶㶶地，面又腍,好难食!!!!…查看更多