龍璽酒家 (已結業)

好N年前去過ICC 睇sky100 , 果陣都唔知樓上有餐廳...上個禮拜老細贏咗錢，所以請成班同事一齊過海食晏...果日係閒日，餐廳唔係好爆場。見到好多都係附近返工啲人黎食..我哋果日食左6道菜，餐廳服務好好，啲職員好helpful, 仲介紹左幾款時令菜式海鮮俾我哋...我哋果日食左兩道海鮮，幾道小菜前菜：炸豆腐- 好香口，入面仲熱辣辣，我食果陣仲差啲熱襯個嘴豬手：唔係得舊骨，都好大舊肉，咬落去啲皮好彈牙，湯汁都好入味老虎斑： 啲肉唔會好鬆，夠新鮮... 臨走，職員仲叫我哋影下佢哋個景，然後po 社交媒體 仲有機會有現金卷...所以我哋成班同事係間餐廳係咁影相😆不過個景又真係幾靚嘅....

以往同男友都會每年去一次旅行， 但今年因為疫情關係。原本今年去雲南旅行睇風景..結果今年都要留港放假😩😩😩琴日我同男友都放假，成日留係屋企都悶悶地，所以我哋決定去一次本地遊... 首先朝頭早就去尖沙咀睇戲，之後就揸車去ICC 尼間餐廳食lunch ，因為男友話尼到個view 好正，所以帶我黎試試..我哋大概點半去到，餐廳都幾多附近office 返工嘅人食飯。我哋就坐左一個有景睇嘅枱.. 由於係落地大玻璃，所以個海景望落去一望無際又冇野遮擋住我哋睇景...男友仲好有興致咁開左支紅酒飲🍷😂😂想慢慢嘆個景前菜 - 豬手啲肉煮到好入味，補充骨膠原😋😋正！上湯菜- 份量好多，因為男友唔太鍾意食菜，所以我一個人食左大部分都已經差唔多飽😵😵😵我同男友大概食左2-3個鐘，但尼到職員冇趕我哋走仲會幫我哋加茶..服務唔錯臨埋單時，服務仲話佢哋餐廳做緊個活動話 影相 上載到社交平台 tag 佢哋 就可以有機會中獎，送現金卷..所以我哋臨走前都有影相同upload 上社交平台 😆 到時如果中獎，我哋都諗住同屋企人再黎食過嘆尼到個景..

母親節，諗住搵間食好d，就諗到去101樓---今次揀嘅係龍璽酒家。位置一流，位於九龍站，圓方有專lift直上101樓，尊貴感爆升👍一踏入，270度嘅落地玻璃，維港景一覽無遺，還要位於101層樓高，整個香港站於腳下，呢個感覺，一個字:好正。(單係食呢個景已足夠😍)原本打算食點心，但見點心種類未算太多，所以點選了個商務午餐。燉湯鮮甜。芋角炸得脆口不見油膩。龍蝦爽彈。豬髀夠腍但偏鹹。簡單來說，位置環境好，服務合格，每道菜式也是水準之上，但未見突出。午餐吃了700多元，個人覺得也頗貴。(其實同期也推出888之母親節套餐，這個其實抵食的，祇不過實在不想於午時享用。)

今年母親節正日打算係屋企食算 無咁多人所以下午帶媽媽去飲茶補番數上左尼呢間101樓既酒樓呀媽有潔癖所以要搵d抗疫措施既餐廳，之前睇飲食男女介紹佢會用蒸氣幫客人消毒衫先入場呀媽就批准左total 就叫左8樣野食 自己就最中意食個腸粉入面脆卜卜 仲係菇類尼 呀媽食素都話滿意埋單500蚊有找，咁既環境，服務，食物質素cp值好高呀！

就黎到母親節，驚正日食飯會訂唔到枱食飯。所以成家人就提早同老媽子提早慶祝母親節💕💕💕尼間餐廳之前有同客黎食過，覺得啲野食唔錯。所以今次做乖乖女帶呀媽黎食。雖然係提早慶祝，但都擔心冇位，所以都早左三日訂枱。唔知係咪因為有訂枱嘅關係，餐廳職員好好俾左張望海嘅枱俾我哋。當日個天仲好清好有陽光☀️，成個維港一眼望晒屋企人都好開心望住靚景食飯，當日仲影左張全家福先黎左個燒腩仔，個燒腩仔個皮夠脆，而且唔會太鹹，夠味。唔洗點醬都食得之後就黎左莧菜正正常常，份量適中。成餐飯都食左2，3個鐘，職員都好好冇趕人走。岩晒同屋企人慢慢食，傾吓傾。

一年一度嘅日子，梗係要食餐好嘅，今次去ICC 101樓嘅龍璽酒家，淨係聽個名都好有氣派😎入到去已經比個落地玻璃吸引住，喺高層俯瞰香港嘅景色真係好靚🤩。一坐低，服務員就拎左杯養生茶來，有紅棗杞子桂圓燕窩，飲落好香甜，開胃醒神👍🏼，跟住我哋就點餐。我哋叫咗個冰燒三層肉、炒菜心苗、炸蒜片炒牛柳粒、生拆海蝦西施泡飯。先來個牛柳粒，燒汁好入味，炸蒜片勁香脆，一粒牛配一塊蒜片，味道好夾🤩，之後來個冰燒三層肉，層皮好脆，肉同肥膏嘅比例就啱啱好，層層分明😍。菜心苗好爽嫩，一啲渣都冇，入口清甜😋。最後就要特別介紹個泡飯，呢個生拆海蝦西施泡飯，最大特色係佢有炸過嘅飯粒，即場喺你面前加落去熱辣辣嘅湯飯入邊，有滋滋聲嘅效果，口感非常特別，咁香脆嘅湯飯真係第一次食，而且蝦肉亦都好新鮮彈牙，強烈推介呢一項美食❤️期間服務都好殷勤，不時有職員主動過來斟茶，價錢亦比想像中抵食，性價比好高，非常值得推介👍🏼👍🏼👍🏼👍🏼

早兩日同媽咪出去超市入貨，既然出得尼緊係要用盡D時間，所以就去順便飲下茶呢度係101樓，望出去既風景都幾好GA 屈左係屋企咁多日睇下風景、海景都覺得開心，視野好開揚叫左幾款點心，好好彩野食都唔油，但都夠味！服務都值得一讚，職員都好helpful等疫情好D再來試下晚飯先！

今年生日午餐好特別，朋友帶我上Sky dining 101樓食長壽麵，餐廳環境高貴而不俗氣，點心賣相晶瑩通透精美可口，坐在半空中看著雲朵在飄，感覺自己在騰雲駕霧中希望會再次光臨好浪漫💕🌹☺️☺️

食物味度一般，燉響螺湯味道比較咸，菜式黎講係會比較特別，款式選擇也多，招呼就.....好一般，收咁嘅價錢咁嘅服務質素這真係有啲意外😅😂⋯⋯可以進步嘅，一坐底就落單的龍蝦泡飯竟然漏單，到最後仲叫我地差唔多時間要還枱，我問個泡飯去左邊？支吾以對，無諗過補番俾我地😂服務員的態度焦急無禮，趕收工咁款，點心黎的時候，問佢嗰個款嘅菜式叫咩名竟然答唔知，話自己好少喺度返工😂😂😂絕對驚喜不絕👏🏼👍🏼想知？自己睇返菜牌估吓啦🤪不會再黎啦⋯⋯多謝先

Dragon Seal is a very comfortable restaurant, suitable for business and family meals. It is located on Sky102 in ICC, Kowloon, with great views when the sky is clear. The dim sums are traditional Chinese and beautifully presented. The variety is good, and the taste is above average. The prices are reasonable. I recommend the beef buns and fried scallops, which are not commonly found in dim sum restaurants. 

一直未有機會到訪ICC，趁生日與家人去體驗一下在ICC居高臨下吃點心。由於早一日才訂位，星期日又較多人訂枱，餐廳在約位時已說明我們的入座時間只能是11:30-1pm。由於當日多雲，望出窗外是甚麼都看不到的！😅點了多款點心如叉燒酥、大良鮮奶脆鋼卷、叉燒包、鮑魚酥、叉燒腸粉、燒汁和牛烤包、荔蓉芋盒、棗皇糕，以50-100元一碟點心（棗皇糕則是15元一件）的價錢來說，食物質素不算出眾，性價比不高，可能因為價格包含我們未能享受的靚景，以及較為舒適的環境（可惜也只有一個半小時去享受）。

在10月某天我拉大隊請屋企人飲早茶，既然我請飲茶就想特別一些，所以我選擇了龍璽酒家！龍璽酒家11點開始營業，我一早我已訂好了一張大枱，當入到酒家時，我們全被窗外景色吸引住，龍璽酒家擺設優雅，不失為一個舒適的地方，感覺悠然自在。我們點了多款點心，叉燒酥皮薄餡靚、小籠湯包湯汁十分香濃、黑金流沙包就一定要試，不是每間酒家都有 ，紅豆煎堆仔的豆沙蓉非常香甜、濃湯魚翅餃我就覺得頂呱呱👍🏻、鮑汁鳯爪就一定要點，因為價錢同其他酒家差不多，但味道一流。腸粉呢⋯⋯我就極力推介軟殻蟹脆腸粉，酥炸芥末蘿蔔糕非常惹味，蘿蔔絲酥餅我就最愛。。。。總括而言，所有點心都好好味，尤其酥炸的更為出色。人生總要有些時候享受一下！人生莫過於此

第一次生日晚餐食中菜.選了最貴嘅套餐($2380無記錯的話,因為有鮑魚/炒翅/燕窩).訂了七點半枱,被安排坐最邊邊嘅一張枱望住維港嘅景色.不過咁岩100樓有活動,有射燈耐不耐就射上嚟影響到望維港嘅景.員工態度大部分還好有禮貌, 但有時無記性餐具收左又唔俾番新嘅你用.食物大致還不錯, 例如會一開始俾個湯底你試左咸淡度先;味道熱力都保持到.上菜時間不一,有一兩道菜忽然好趕擺上枱 但前一道其實我地仲食緊.其中一個菜係雞湯白菜,就咁擺底左, 跟著問我地要唔要碗碟去分, 但當其時個下一地枱面淨係得啲餐具, 呢個問題會唔會好笑左啲? 我地夾住一條菜滴滴下甘擺入口係咪?大致嚟講, 服務可以再進步一點, 因為始終價錢貴,除左因為食物之外服務同個景色都包括埋,如果以今次嚟講, 我會覺得俾嘅錢有點兒不值

今天是我奶奶生日，諗住帶奶奶試下這裡出名我鮑魚燒賣，這裡飲茶分兩輪，11:30-13:00，時間已經趕，由入座已落order,一共點了九個點心，直到12:50才來得六個點心，再追問，才話我知鮑魚燒賣有意外出唔到，但點解我唔追，你唔講！但我們要一點就要交枱。幾好食都冇用啦, 食到一肚氣😡

今天帶尊貴的客戶一行五人到龍璽品嘗午餐，由於之前的推介，本來滿心期待，一進店，氣氛還好，食物可以的，雖然價格有點偏貴，但如果服務周全，理應很理想。。。可惜由於時間有點擔誤，這一餐午餐食得有點趕~由於怕沒位置，一早落了二千蚊訂金，同事由於照顧客戶，簽單時不留神，無發現，收單時，再提出，由於趕時間，要求盡快處理，收銀的態度不好，還好像是我同事不對，訂已收，本來就應該由他們處理，怎可能還要客提醒！？免費泊車更不知所謂，說是送四小時，結果不讓我們的司機停十分鐘，說因為我們司機不是一塊食，所以不能停泊一下，我們花幾千蚊食個飯，卻不能停泊，要司機駛開，差點令我們趕不及到碼頭。。。到時誰負責！？