龍津美食

营业中

休息中

晏晝約咗朋友，因為要等佢，所以就周圍行吓，又旺角中心行到呢度龍津美食，見到好多人買小食，所以忍唔住又想買呢度嘅魚蛋燒賣係最抵，因為買一送一！真係搵唔到第二間再咁平~ 因為都幾肚餓，所以對食嘅要求唔高！我叫咗燒賣，本身唔係好鍾意食呢度嘅魚蛋 燒賣一大兜！我通常食燒賣都唔好食辣，所以淨係叫佢大量落豉油~ 超興奮，真係一碗食到飽燒賣都幾好食，幾彈牙，唔會煮唔熟，亦都唔會林身~ 我知道好多事話好食嘅地方都係醬汁好食，龍津就係一般豉油，所以我對佢要求唔好咁高🤣 不過店舖係天橋底，又係轉角位，衛生就差左少少！但係佢都改建左，加多左屏風保護食物質素

我個人就好鍾意食雞蛋仔，行過啲小食店如果身邊有錢嘅話我應該就會買一個去食。有龍津係附近我就買咗個雞蛋仔嚟食係外賣啦當然， 唔通企入店裏麵食呢。一拎上手 ，都唔係熱辣辣嘅， 溫度只係屬於輕微暖暖哋咁樣， 雞蛋仔呢家嘢一定要熱食先好食啦 ，最大問題呢就係好似羽毛咁輕， 食落去呢有一啲都唔脆口，係淋bee bee嘅， 當然如果有啲人係鍾意食又凍凍哋又淋淋哋嘅雞蛋仔，呢件蛋仔對佢哋嚟講呢個就係上品啦， 但係個問題就在於我唔係鍾意食淋嘅雞蛋仔囉， 唔單止唔夠熱，唔夠脆，又淋嘅問題 ，仲有就係唔夠蛋香味， 我真係覺得呢個雞蛋仔唔好食。

係上堂前有啲肚餓，就搵間小食食下。呢間係周圍都有，好似都幾穩陣。魚蛋小小辣，都算彈口。燒賣林嘅，味道一般。叫咗格仔餅，味道好重椰味（唔知點解），花生醬味道淨啲，成個餅幾乾。雞蛋仔可以重番啲味，有啲簿。整體麻麻(･_･;

龍津嘅牛雜都係除咗燒賣魚蛋之外嘅必食之選 佢真係好入味 好似煮咗好耐咁 但係啲肉都唔會太韌 口感一流 我特別鍾意叫佢隔多啲白蘿蔔畀我 佢好似食食下可以幫你漱下個口咁 令到口即刻清新番

口痕有小小餓，行過買兩串燒賣食，食落還好，食食完無耐，反胃感來了，繼而好口渴，味精好勁，由其是佢啲豉油同個辣醬，要小小都口渴成咁，之後飲水飽，晚餐都無哂胃口食。

龍津 出名“平”，每次經過都是人頭湧湧，店內姐姐密密手地做個不停。今日經過沒有吃熱門的魚旦燒賣，反之叫了一碗腸粉HKd$5(四條)即蒸翻熱味道正常，這個價位沒什麽要求吧了。其後即到旁邊買一杯百香果綠茶加珍珠HKd$10十蚊大大杯，酸甜開胃，解渴一流

夜晚行到攰食宵夜是常識吧而龍津永遠是香港B級美食的表表姐！配上英語翻譯的大餐牌，吸引了不同地方的旅客前往購買試食👍🏻"＄10燒賣魚蛋小辣唔該"呢句必叫！十蚊有一大碗魚蛋同燒賣，在香港地已經算是窮人恩物。魚蛋同燒賣配上辣汁，異常的好味，非常推薦

依家係旺角食小食越來越貴！但食下燒賣魚蛋都唔平下！咁岩見到龍津$8一串仲買一送一！就決定食佢！唔想找$2 所以一口氣叫左$10燒賣！十蚊就有好多粒！抵食！燒賣質素都正常！有少少魚肉既香味！口應都幾好！加埋辣醬同豉油就無敵！

放工時間很肚餓，但又未到晚飯時間，所以只好找一點小食先醫醫肚。這間龍津小食店已吃了很多年了，燒賣魚蛋的價錢依舊非常吸引，$3/串！非常抵！所以忍不住叫了兩串，一串魚蛋，一串燒賣！魚蛋有點粉，但魚肉燒賣真的不錯！👍🏻又香又軟熟，配上他們的秘製辣汁，嘩！正！

大暑在街是會好易中暑熱到暈暈地，快靚正叫左個涷椰汁西米露飲！呢杯份量剛夠我飲，不是太冰涷，但都叫凍入口滑溜，帶椰香，不太濃也不太杰撻撻，幾清幾淡味西米細細粒，少許煙刄，有點口感飲完涼番d

成日都話如果屋企樓下有間龍津就好！咁多平小食就唔使成日心掛掛！最喜歡買佢既燒賣魚旦格仔餅。不過最近唔知係退步左定點，今次買既魚旦好多粉，又唔夠彈，係就係好多粒($10 有20粒)，不過魚旦既質素都好重要。上次食個燒賣仲有d唔知咩味唯一無變既係個醬就食左幾年都係呢個辣味，好上癮既味道。希望下次再食可以食返以前既質素啦！

我勁中意食呢到既魚蛋，貪佢勁平加好食ma今次同朋友share食一半燒賣加一半魚蛋，都係$18大大碗，$3一串有五粒，計反呢個最小有30粒先抵不過我地就冇禁無聊真係去數la。。。 呢到既魚蛋雖然細細粒但好爽口彈牙燒賣都好香，入面d肉好實，個燒賣皮都好滑一次可以滿足兩種口味 同朋友講笑感話$18可以當lunch已經勁飽，呢到仲有其他野食賣嫁，價錢都係普普通通la,所以我次次泥呢到都淨係食魚蛋燒賣~ 加埋佢既自家制醬汁就岩岩好la,仲要次次食都係熱辣辣既tim ar.....

經過人多車多的旺角不忘龍津咖喱魚旦，魚旦细细粒好易食，爽口兼彈牙，咖喱汁香濃入味，加上豉油汁同埋辣酱配合，令平平無奇既魚旦更加鲜味弹口，一句講晒每逢經過必食之選。

每當經過旺角，當然會被店鋪小食的叫賣吸引去光顧，今次係自己自首，想吃一串燒賣。當我正準備拿$10出來的時候，我看見$3一串，心裡一想，我是否看錯嗎！再看旁邊附近小食店也是賣$3，真是抵食。我買了一串燒賣，此牌子食店我是經常光顧的，喜愛其燒賣肉夠實淨，有少許魚肉味道，沒有全麵粉的怪味，入口夠爽，而且蒸得夠熱又夠熟透，因為有些食店蒸的燒賣是硬的。而且燒賣夠大粒，賣相又乾淨。

雞蛋仔陪住香港人長大，而家乜都貴~要搵間又平又好食既簡直係難過登天!!而今次介紹既係我每次出旺角都必食的雞蛋仔‼️因為真係抵食同好食首先吸引既係價錢 心諗咁平實冇好野,原來唔係!真係會有好野!無論星期一定星期七去都係唔會比你見到d雞蛋仔攤晒係到等人買因為真係好搶手，可以叫做即叫即整咁濟～每底都整得岩岩好，金黃色，唔會燶晒黑蚊蚊～而且仲係熱辣辣 皮脆 𥚃面係熱同軟綿綿 好香雞蛋味！果然真材實料真係外脆內軟 街頭小食中既極品同都只係賣緊$10/底,都咪話唔抵食