龍泉私房菜

营业中

休息中

太熱天食火鍋，主要冷氣夠涼，都不是問題，今餐聚點在官塘私房菜，都是為了方便官塘返工的幾個朋友，之前同事食過介紹的，感覺非常良好，所以今次在此寫下我人生中的第一篇食評開餐前侍應推薦了兩款餐前小食，椒鹽雞軟骨和脆皮豆腐，非常好味開始用餐來了個包魚麻辣雞煲，我吔以為來錯了，原來套餐之外送的，老板真是太令我吔開心了，麻辣適中，好味👍看圖可知，丰盛的海鮮材料，新鮮得來大大件，原來老板加多了海鮮的材料俾我吔，睇餐單根本冇咁多樣數的，多謝老板和多謝介紹的同事，太好味太抵了值得推薦還有幾款中式海鮮套餐，下次必試，地方場位也非常舒適，侍應服務好好

舊同事相聚約食飯，今次聚會點觀塘工廈龍泉私房菜，近地鐵不足兩分鐘的距離到达駱駝漆工廈，可謂臥虎藏龍，食物質素不輸外面的大牌訪酒樓，室內干淨豪裝，設有大廳和幾間廂房，聽說有12人可以包廂房，今次我吔一行只有半席，所以安排廳位，感覺都幾好，隔離臺的斯文過我吔，吾覺太嘈由2百多至6百多的海鮮套餐，按自己心中的價格訂位時選好套餐，今次我吔預訂咗龍蝦燕窩餐坐落一陣，貼心的侍應熱情問我吔須吾須飲品，套餐每人包一罐，我吔留住肚來食美食，選擇尾聲上飲品，上餸速度不足2分鐘上來一盆蟹肉扒翅，大大梳翅，湯底好鮮芝士龍蝦伊麵，芝士味好香濃，龍蝦新鮮爽口，伊麵拌芝士無得彈粉絲蒸元貝，大大隻，粉絲吸收了金蒜的香味，食落好滿足招牌三式蝦，做出三款口味的蝦，芝士蝦丸好好味原隻鮑魚扣山珍海味，份量好足，鮑魚夠淋，口感好，還有大大隻的花菇，海參，花膠蒸魚時間控制得非常好👍食得太開心了中間漏了三個餸沒影，芝麻雞，瑤柱扒菜心和炒飯也是水准之作，甜品杏仁燕窩熱的食完收尾再來凍的芒果布丁，滿足滿意又一餐，聚餐好選擇

食同事退休飯訂了15位，在舊式工廠大廈內，電梯也是舊式的很有工廠的味道，有房坐滿15人非常擠迫，說話有回音很吵！菜式一般，芝麻雞太入味好咸，最離譜係一味花雕蛋白蒸蟹，蟹不算大但份量很多價錢應該很貴，但蟹是水蟹我們剩下很多，有個呀姐問我們要不要帶走，我們說不要因為是水蟹，她竟說今天的蟹不太靚😡我以為私房菜係給你食最好的，怎麼不太靚也給我們食，而且每人收費要＄400真的不值。

同事食過呢間好味，今次帶埋我，一行五人，預早訂好枱，揀定個招牌套餐。雖然喺駱駝漆大廈，上到去一啲都唔覺得似私房菜嘅格局，反而似一間飯店，店內環境像一般酒樓形式，也有一些廂房。花膠海參燉螺頭~個湯好香好甜好夠味，足料花膠，有少少海參，也有一些雞腳，可是，一粒螺頭也找不到，有點失望。金銀蒜粉絲蒸元貝~好大隻，剛剛熟也爽口，蒜蓉粉絲蒸得好香。天下第一雞~雞皮滿是芝麻，非常香口，雞肉也很嫩滑呢！花雕蛋白蒸蟹~蛋白好滑充滿花雕味，蟹新鮮，肉質鮮甜，份量有兩至三隻。原隻鮑魚扣山珍海味~ 鮑魚用咗較深色的醬汁炆煮，幾特別，好有口感，冬菇超級大隻，花膠味道不錯，但略嫌炆得唔夠淋。招牌三式蝦~包括勁惹味豉油王蝦、邪惡金沙蝦及爽口彈牙芝士蝦丸，這個招牌菜全場最好食，啱曬重口味嘅我。清蒸游水海斑~條魚好新鮮，非一般蒸法，擺成游水嘅姿勢，個樣好生猛。瑤柱扒時蔬~ 大大條菜心，舖滿瑤柱，可惜個豆粉芡太濃，見到"一舊舊"汁。飄香炒飯~ 呢個飯炒得唔錯，一啲都唔油膩，飯粒粒好乾身，個味也調得好好。精美甜品~花形芒果布甸，口感較爽，唔係好似布甸。整體上每個菜都算不俗。

阿媽生日，一家齊齊出動慶祝，好在早兩個星期前whatsApp預訂了朋友介紹的這間私房菜，我們提早了上去攞位，當時接待我吔的正是老板娘何太，年紀輕輕好友善非常感謝安排了一間獨立廂房俾我吔享用，真是太開眼界，工廈私房菜竟做得如此有聲有色，當晚廳位和廂房都坐滿了客，非常旺場，今晚的食點選用了龍蝦燕窩海鮮餐由門面至室內裝飾豪華氣派，看來老板經營這間私房菜一定心有成竹套餐價有二百多至六百多的價格，都以海鮮為主提，如果愛食海鮮的真是值得一食生拆蟹肉扒金山勾翅，好大塊的翅，份量好足，湯底鮮金銀蒜粉絲蒸元貝，大大隻，每人一隻好頂牙芝士龍蝦伊麵，那是我最期待，也是最令我滿足的其中之一，師傅好用心，功夫好獨特，濃香的芝士醬汁咗啖啖的龍蝦球芝麻雞，皮脆肉嫩，好香口招牌蝦三款吾同口味的蝦，蝦肉新鮮，盡顯其兵，好好味清蒸東星斑，好大條，冇得彈，火喉控制得啱啱好，肉質好滑原隻鮑魚扣山珍海味，份量十足，鮑魚夠淋，膠質好重瑤柱扒菜心，瑤柱味濃，菜心夠嫩飄香炒飯，飯粒分明，干而少油，夠鍋氣杏汁燕窩－－浓香的杏汁甜度適中，豐盛完美的一餐滿飽口福，有好的食物一定要分享，下次再聚龍泉

今日同倉大佬食生日飯，梗係要揾間又好又靚又平嘅地方同菜色朋友推薦下，介紹了觀塘龍泉私房菜，book咗間房，黎個全海鮮打邊爐！佢地嘅價錢係非常底食，海鮮亦非常大件又新鮮，我地叫嘅海鮮套餐，都係$270一位老闆好好人，佢不停upgrade 咗好多新鮮又唔同款式嘅海鮮俾我地好感激老闆配料係一般嘅。。。但其實對我來講，係非常足夠先來芝麻雞，雞好嫩滑，芝麻又多，好香口圖中嘅雞已經係冇咗一半因爲大家太肚餓。。。鍋底係豬骨湯底貝殼類嘅海鮮。。。有大蜆，有元貝新鮮魚。。。生蠔，聖子，全部都好大size 手切肥牛原隻鮑魚甜品係芒果布甸

又要收加壹服務費，又要收現金，但係又冇招呼，唔知仲以為一個禮拜開兩日，啲夥計好似當你透明，啲餸好鹹，蒸魚條魚又唔熟，甜品冇誠意，差唔多$400，真係好一般，環境可以，不過工業區，餐廳係工廠大廈，大家諗諗啦！

今晚新嘗試中式私房菜，位於觀塘地鐵站附近，好容易搵，上到去比我想象中寬闊，干淨得來還是新裝修的，廳位擺了幾張大圓臺，還有幾間廂房，對于私房菜來說都幾大型，現在的人講究食物質素之余還要有舒適的環境空間，我們一行12人可享有獨立廂房，私人空間盡情吹水，今次我吔由低食起選了套餐B第一道花旗參燉竹絲雞忘記拍了，金銀蒜粉絲蒸蝦，粉絲吸收了蝦的鮮味，蝦雖然不是很大隻，但蒸得啱啱好秘制蒙古骨香口惹味彩椒炒聖子大大隻好爽口客家黃酒炆鴨，色香味俱全，汁撈飯好味姜蔥炒蟹也同樣鮮味一流瑤柱扒菜心雖然一碟青菜但味道也不錯普通的一碟炒飯炒得干身夠鍋氣，完美的結局，芒果布丁，說明大廚的用心和對客人的尊重，2百零蚊食到以上菜色可說是色香味俱全，高質又抵食套餐有6款選擇，也可自由搭配，良朋相聚好選擇，下次必試招牌套餐老板娘推介

今晚 和家人去 龍泉私房菜吃晚餐 ，起初 想會有一顿豐富的晚餐 ，後來每一碟餸 上枱，可是到最後一碟 ，也令我們十分失望 ，給以前相比，實在太差了， 因為價錢不是平宜，感到不值， 所以我們決定這餐廳永不會 再選擇了

同事食飯，訂左兩圍抬，獨立一間房就算我地嘈少少都唔影響人，第一次黎食，味味菜都有驚喜，訂左D餐（招牌餐）淨係睇鮑魚既相，都感受到同平時食既有幾唔同，之後就上翅，睇相都睇到個質素，我真係用唔到文字去表達！之後又有蟶子食，蟶子大大隻，味道一般。三色蝦，個人始終鐘意食黃金蝦，特別提一提，蝦係唔痴殻嫁！隻雞太好食，好多芝麻，好脆，未影得切相 。。。蛋白蒸蟹，大概唔係一齊蒸，師父時間拿獵得恰到好處，好滑。炒飯有口感，一啲都唔濕，布甸如果唔要花奶，記得叫佢另上！約350/位，自備酒水，要同酒樓溝通好！

媽咪生日去食私房菜，因媽咪喜歡食海鮮，本來母親節請媽咪來食的，但訂位太遲了沒訂到位，所以今次提早了兩星期預訂了位，還好今次一家大小共14位能安排到房位，這間私房菜近官塘地鐵附近都幾易搵，室內干淨衛生，今晚我吔預訂了鮑參翅肚海鮮餐生拆蟹肉扒金山勾翅，一梳梳的翅份量好足，每人有一細碗翅，翅好滑芝麻炸雞皮脆香口，肉質香滑，俾到一隻半的份量，好好味金銀蒜粉絲蒸元貝今日改咗蒸聖子，那是媽咪的最愛，好大隻的聖子皇，超新鮮，每人一隻花雕蛋白蒸蟹，冇得彈，蟹殼好多膏，蛋白蒸得好滑，濃濃的花雕香味，媽咪超贊原隻鮑魚扣山珍海味，每人一隻細鮑魚仔之余仲有花膠海參冬菇，物超所值三式蝦，師傅的用心將蝦一式三味，中意食蝦的朋友千萬别錯過清蒸斑，時間啱好，新鮮肉質幾滑瑤柱扒菜心尾聲的一大碟炒飯也不過不失，干身够鍋氣，試食咗小小，二個字好飽甜品鯉魚芒果布丁，但似大菜糕，不過還好不是太甜，完美的一餐最緊要係媽咪食得開心太贊，有好的食物一定要分享

在朋友的推薦下得知這間私房菜，通過WhatsApp提早預訂咗位，本打算首次嘗試佢哋嘅皇牌鮑參翅肚餐嘅，但呢班朋友偏中意食火鍋，只好如願服從，出乎意料，比我想像中更好，地方環境干净衛生，材料新鮮份量十足，侍應服務都幾好。 外面很多食火鍋店都會有限時間交臺，但呢度無時間限制，相聚吹水之選，齊人開餐，濃郁的豬骨湯底絕配打邊爐，佢哋已經幫手搭配好海鮮材料，唔係自助火鍋，當初仲擔心吾夠食，但以佢呢種份量，已經滿足我地的肚量，三個字「好滿足」。期待下次來食鮑參翅肚海鮮餐

呢間私房菜由同事介紹去試下，一行八人，我地簡左“招牌套餐”，環境幾好，幾舒服。待應得一個食物就普普通通，不過不失但份量真係少得滯我地8個都係正常食量，幾個女仔朋友食完都話唔飽…………。講真呢個價錢唔算平，仲要學人加一😠但點解份量會預得咁差最尷尬係呢間野喺我介紹啲朋友去一齊食，真係好失望食完呢餐私房菜，我真係可以再食多一碗牛腩河呢間野無下次，一定唔會再試。（利申，不嬲都係齋睇食評，今次第一次留食評最主要係因為食得私房菜（由於已經準備好套餐菜式同份量），梗係想一大班朋友飲飽食醉，但結果咁差，所以一定要分享俾大家知

家人食飯聚會食呢間私房菜，老婆腸胃炎，食唔到野，10個人來，祇有9個人食。上到去，連碗筷都唔俾，又話食物都唔俾掂，都唔知咩服務態度？間嘢係以人頭計，9個人食9份，又唔會食多咗嘢，使唔到咁寸？好似呃咗佢咁，如果唔係唔舒服，上到就唔會唔食，食嘢食到一肚火！菜單：花旗參炖竹絲雞： 不錯蒜蓉海蝦：養的泰國蝦，唔甜、唔爽彩椒聖子皇：冇聖子味清蒸海斑：養斑，冇魚味秘制蒙古骨：即係燒汁烤豬肘骨，唔錯黃酒炆鴨：還可以薑葱炒蟹：凍的炒飯：冇味、唔乾身咁嘅餐廳，嘢食唔算出色，請我都唔會再上去食！

今次同事生日來試下中式私房菜，位于工業大廈，靠近地鐵站附近，比相象中好，室內環境，乾淨俐落，食物質素，水凖之作，聚在于我們同行13人可以有私人空間獨立房位，今晚我們預訂的是這里的招牌套餐，等齊腳已經是7點半通知起餸只需兩分鐘就來了一盆滿滿的翅，份量好足，能用筷子夾來食的翅，蒸元貝肉好大每人一隻，花雕蛋白蒸蟹，散發濃香的花雕之醇，配埋蛋白蟹超贊，原隻鮑魚扣山珍海味，鮑魚夠淋配至海參花膠花菇非常足料，招牌三式蝦三款吾同口味的蝦各有特色，整個套餐食完好回味好有滿足感