龍景軒

营业中

休息中

又是作陪客, 慶祝一位好友的舅父死裏逃生。年多前好友的舅父患上第三期肝癌，在肝臟巳有兩個直徑約八、九個cm 的腫瘤, 經兩個不同醫生診斷, 可做的東西巳不多- 只是等時間。好友打電話給我求助, 我介紹了一個在杏林圈中頗出名的友好肝癌專家, 經化療及手術後, 好友的舅父奇蹟地病情好轉了, 手術後過了半年, 癌症指數完全回復正常, 雖然不能說完全康復, 但相比之下實是巳可喜可賀。為報答這醫生續命之恩，好友與他舅父讌請我和友好醫生晚飯。醫生說: "試試龍景軒吧, 很多人說不錯!"。我心想酒店中的中菜部水準傳統都是非常一般....不過我的身份只是配角, 不方便給太多意見- 就龍景軒吧。六星級的酒店就給我們恰如其分的招呼。優美的海景不在話下, 地方亦見寬敞。招牌的龍景鮑翅真材實料。翅最少每碟二兩之上，鮑魚雖不是溏心也是上等貨。清蒸東星斑難得是火候掌握得剛好。魚是剛熟, 肉還是微微黏著骨。上湯豆苗的上湯是用雞加上火腿骨煲出來的，倍覺鮮味。瑤柱蛋白炒飯也一點都不馬虎, 起碼瑤柱份量十足, 飯亦炒得夠香及乾身。結賬不到六千元，實在是物有所值。好友的舅父說: "這樣好吃的東西, 我還想多吃幾年!" 醫生

以掹車邊為題，一來這頓飯本來是公司exterior event，我是得到特別邀請才有幸出席；另外由於人數太多，晚宴位置是於二樓宴會廳，大家也是掹車邊嘗到四季龍景軒之出品~　場地以紅色為主題顏色，若不是掛上公司banner，壓根兒就是完美的婚宴環境!由於人多，予人感覺不似四季平日的高雅憩靜，服務亦難以做到一貫的體貼入微，不過整體上場地、服務還算不錯的。講講食物吧：　焗釀大響螺-用上很大的一隻海螺殼，造型絕對是先聲奪人；雖然釀的不是山珍海鮮，主要就是豬肉，但焗得香口美味，滋味還是很不錯的!　鴻運乳豬全體-用上仍年幼的乳豬，皮細肉嫩，細滑程度不輸伴吃的麵包片，亦是美味的一味。　紅燒海皇金山勾翅-翅湯平衡得宜，勾翅質感飽滿夠挺身，湯底味道鮮美，成品合乎期望。　花菇翠綠鮮鮑甫-幾道葷菜後，來一碟青菜十分合宜；也因此，小棠菜與冬菇比鮮鮑更顯美味!　清蒸東星斑-用上靚貨海斑，火候控制一流，加上出色醬汁，水準之高令人難忘，是全晚我最欣賞的菜式。　脆皮龍崗雞-皮脆肉嫩，我尤其愛脆皮部份，稍嫌不夠喉呢!　瑤柱蛋白炒飯-個人不愛粉麵飯，雖然滋味不差，不用了~　上湯水餃稻庭麵-水餃用上爽口鮮蝦，味道甚好，但稻

上個星期想黎龍景軒飲茶,點知book唔到位,於是book咗今日1點鐘,我地準時到達,其實都唔係咁多人啫!被安排坐在細d的area,得几張枱,但好近個窗,望到九龍的海運大厦,枱好大,坐得好舒服!叫咗鐵觀音,都几淡,茶壺設計就好靚,不過倒水就成日倒瀉,都唔實用!今日我請飲茶,埋單$1000,試咗好多點心吔!有成9樣點心,再加個粉面,都唔知我地5個人點解可以食咁多野!1) 蝦蛟k啦!唔係好大隻,味道同細酒樓的差唔多.2) 帶子餃:其實同蝦餃的味道差唔多,但個樣大d,仲有d雜菌喺裏面.3) 瑤柱燒賣:爹地話好有肉味,覺得好味過普通酒樓嗰d4) 沙爹牛肉春巻:好特別,其實唔需要一人一條咁多,兩個人share一條就得.5) 义燒蘇:好新鮮,好多义燒,好味!6)　金菇燒鵝咸水角:好味喎!個皮好淋,軟熟,裏面d餸都好juicy７）梅菜义燒腸:都食唔到梅菜味,不過d义燒好多,而且唔肥,腸粉好薄.８）ｘｏ醬煎蘿蔔糕：我覺得最無特色的一款！９）鵝肝煎粉果：其實都好難食到ｄ鵝肝！１０）鼓汁斑片煎米粉：超唔值！唔好食！鼓汁加斑片真係浪費，食唔到斑片ｄ鮮味！個米粉雖然煎得好靚，同潮州煎面差唔多，但完全無味架．這道

去過龍景軒兩次第一次,兩點十五分才入去,仲有得食,招呼一流,唔會因為阻住佢地收工就黑口黑面,食物仲保持到一貫水準!但係傳統點心就不及自創特色點心第二次係年初二,同我父母食開年飯,今次只點特色點心,龍太子蒸餃同鮑魚酥最好食,但係最估唔到係鮑汁雲腿雞咁好食!叫了全隻雞,上碟竟然係起曬骨,好似食麒麟魚咁,入口啖啖肉.鮑汁做獻,味道好有金華火腿味,但又唔肥同唔太咸,實在值得一試!

週日跟太太到這裡飲茶(其實已是中午十二點，但因以食點心為主，以及是當天第一餐，所以當是飲茶)，已預了所費不菲。點心如下︰煎蘿蔔糕- 味道跟平時的蘿蔔糕差不多，但有蘿蔔絲，煎得很香，外脆內軟。煎椰汁庶糖年糕- 亦是煎得很香，外脆內軟，口感有點像吃糯米糍，很香的椰汁庶糖味。煎泡菜鍋貼- 泡菜不太辣但很香口，有內汁，所以不乾身。蟹肉小籠包- 肉汁多到好像吃灌湯餃(是真正的灌湯餃，不是浸湯餃)，且賣相精緻，每個小籠包都有個小型手提籃，讓顧客直接提到碗中享用，免得在用筷子時弄穿外皮而灟出肉汁，很有心思。梅菜火鴨煎堆- 個煎堆皮一流，只是吃外皮已值回票價，梅菜的甜酸味可抵消鴨的肥膩，好味！Wasabi雞粒芋角- Wasabi 味不太濃，但已搶去不少芋頭味，可以一試。薑汁南瓜布甸- 必吃！不是一般吉士粉的布甸，而是真正吃到南瓜蓉，上面鋪上熟蛋白及酸薑，味道襯到絶。烏龍茶- 茶味很淡，下次會選其他茶葉。環境是新派裝修，不太西化但沒有傳統酒樓的感覺。餐具亦很摩登，有點西餐Fine Dining 的感覺。五星級酒店的服務，永遠有侍應在你附近(但又不會太近以致造成騷擾)。順帶一提，若沒有指明，點心的價錢都包

朋友結婚,同老公仔註冊一年後先在四季酒店擺酒. 相信係貪佢的名氣同招呼!地點係酒店的4/F, Harbour View Ballroom, 開咗27圍,d枱都几密,但個場好靚. 我7點半到達,等到9點先有得食,好肚餓吔! 個婚讌食到12點, 好耐吔! 其間新郎哥叫酒店停咗上菜等佢可以好好咁冧吓老婆仔, 我朋友冧到爆! 亦感動到個粧溶晒, 哈哈!講番嗰晚的菜式,1. 傳統的乳豬全體, 好肥, 伴食的麵皮硬咗d, 亦都凍咗, 可能因為司儀講開場白太耐……但因為太肚餓, 我還是將2片乳豬皮同2片乳豬肉全部食晒!2. 炸蟹鉗: 好味吔! 好彈牙!3. 蜜糖豆炒大蝦: 每人兩隻大蝦, 几條蜜糖豆同几片鮮百合, 都好爽口好味4. 珊瑚瑤柱: 好特別的一道菜, 其他地方會同冬瓜或者節瓜釀大元貝, 四季酒店用上湯煮熟的紅蘿蔔釀,好甜好味, 相信唔食紅蘿蔔的人都認唔出嗰d係紅蘿蔔, 而且顏色好靚! 讚!5. 蟹肉翅: 翅就少咗d, 但好多蟹肉, ok啦!6. 鮑片冬菇菜膽: 每樣得一小片….. 不過都好味! 同出面酒樓的差唔多7. 清蒸東星斑: 我食過咁多次酒席最值得讚的! 可能因為條魚本身已經好靚,

Needless to say the environment was great, with a magnificent view of the harbour.Waiters were helpful and attentive enough without being intrusive, except that the practice of heating pots of tea on a separate table meant we had to ask them to refill our tea sometimes as we drank a lot. At least they were flexible enough to answer to our request and leave a pot on the table.Not too many dim sum choices but all were delectable, except one personal comment is that they brush on a bit too much oil

星期一﹐與男友一起放假。難得的假期。早陣子安排了今天的午飯﹐是四季的龍景軒。安排了坐到窗邊的地方﹐幸好不太曬﹐也看到風景﹐像是怡人。是日下午﹐點了......要了普通的普洱茶。(不知什麼蝦蒸餃)(忘了名字...但蝦很大隻﹐good)....﹐鮑魚雞粒酥﹐燒賣﹐一碟叉燒及xo醬炒腸粉....甜品: 龍景奶皇酥及紅豆沙豆腐花。餐廳亦送了﹐一客少少的甜品。鮑魚雞粒酥﹐40多大元一粒﹐值得的。酥皮弄得很好。和鮑魚上的鮑魚汁味道也很配合。燒賣﹐ok叉燒﹐比平常吃到的好。xo醬炒腸粉﹐普通。奶皇酥: 內裡的奶皇有點乾﹐但也不太差。(不過﹐男友覺得﹐紅豆豆腐花比較好吃一點。)

29-Apr-2007朋友說四季的點心很好吃很有水準所以去試下, 六個人開了兩種茶, 鐵觀音和烏龍(已兩百大圓), 點了十種點心共十二個。叉燒包蝦餃燒賣是個人對店鋪點心的基本評分, 吃罷只是覺得好食而以, 賣相當然一流。要重點說一說兩款點心, 豉汁龍蝦腸粉及荷葉飯。豉汁龍蝦腸粉, 不倫不類, 豉汁-龍蝦-腸粉三種完全不相襯的食物放在一起, 簡直是…失敗之作。荷葉飯荷香僕鼻, 飯及配料亦是優質, 很好吃, 不過七十大圓一人份量真的有點貴, 我們吃了三份才夠。高級酒店當然服務及環境是滿分, 食物的質素可以有進步的空間, 連傳統的點心都尚未做得出色更諻論什麼創新之作, 其他點心不說了。

我好滿意佢哋既service, 雖然食物不是最出眾, 但服務一流。我相信係因為佢哋既經理教導有方﹗我記得曾經見過佢哋既經理上過報紙接受訪問﹐我相信佢對佢既員工應該教得好好!另外有兩個類似經理既物體就差D 啦﹐我諗佢哋都唔係真係經理﹐可能係AM 之類﹐態度就麻麻﹐UN 身UN 勢咁﹐不知所謂﹗我下午去飲茶﹐D 點心都幾好﹐最好味係個甜品﹐楊枝甘露好好味﹗

大年初一，通常都會幫襯酒店中菜廳，今年選了來龍景軒。裝修沒預期中懾人，向海的落地玻璃故然開陽，可惜樓底矮，天花Cyber feel，其餘Art Deco，有點格格不入。打開餐牌，點心選擇約二十款，當中不乏卓頭花臣之作。價錢由$48至$100不等。我們點了八款點心，沒一樣能令眾人滿意，唯一好少少係個鮑魚雞粒酥($40/件)，雖然個批味道又咸又甜，怪怪的，總算鮑魚夠淋，釀在類似雞批的撻上，創意十足。賣相是這裡另一強項，用來盛着小籠包的竹墊，是很有效防止小籠包穿窿的方法，但這裡的小籠包半滴湯汁也沒有，精心訂造的竹墊，又有何用武之地？侍應向我們推介的叉燒酥亦令人頗為失望，肥淋淋，酥皮亦未完全焗開。龍蝦腸粉($90)和豆苗餃，其實味道都不錯，但廚師卻在腸粉和餃皮的表面掃上了一層油，趕絕受不了肥膩的我和媽媽。最後，賣$200大洋的龍景軒炒飯也不見得好，飯炒得乾過頭，乾到啃喉龍。反而最好係奉送的甜點，笑口棗夠熱，紅豆糕清甜糼滑。上菜速度超慢，漏單、遊雲(個別侍應)，服務和食物都稱不上六星級。差唔多級數的酒店中菜廳，我prefer夏宮和金葉庭。

今日同屋企人去飲茶. 兩日前訂位, 冇咩困難, 比想像中順利. 父親節同兩老去過國金軒, 聽講呢到雖然係酒店中菜廳但係價錢差唔幾, 所以嚟試一試.坐低先叫鐵觀音. 兩老飲開好嘢, 連佢地都話呢到d茶比佢地飲開嗰d仲好, 但我就唔覺有太大分別. 有d後悔冇試吓其它靚茶例如碧螺春, 橫掂一樣價錢. 茶放在小桌上, 用小爉燭熱住佢, 有人serve.叫點心, 選擇不多, 十幾廿款, 應該係定期轉換款式. 第一件亦都係我覺得最好食就係鮑魚雞粒酥, 原隻鮑魚, 有細雞蛋咁大, 上等鮑汁, 雞粒墊底, 放喺個好似蛋撻皮既底. 基本上好似食緊鮑魚酥咁. 另一件好好味既係春卷. 唔知點解叫辣根魚蝦春卷, 一d都唔辣. 但係d蝦好大隻, 差唔多有成3/4吋直徑, 皮薄餡靚. 其它好味嘢(基本上都冇咩唔好味)有帶子小籠包, 鮑汁麵扎, 檸汁三文魚酥, 龍蝦腸粉, 鮮蝦菜曲餃, 奶皇酥, 叉燒飽, 招牌抄飯, 杏汁撞鮮奶.最驚喜係, 唔知點解, 高級酒店都會送甜品, 真係大郷里出省, 小見世面.Service亦都出色, 做到你需要時佢立即出現, 你唔需要佢時佢又唔會喺你面前企定定眼望望.貴唔貴見仁見智, 去

表姐終於十二月十七日和男友拉埋天窗，擺酒地店選了四季酒店的4/F Ballroom，我和妹妹當晚充當receptionist，負責收禮和替賓客揾枱號。Reception由六點開始，一直到九時才入席，我都想不到看似簡單的任務原來如此tiring。4/F Ballroom面積不大，頂籠擺二十五位，枱與枱之間沒太多空位，感覺較迫狹。第一度菜是傳统的乳豬全體，水準一般，乳豬偏多肥膏，伴吃的麵皮又硬又乾。除乳豬水準偏低外，其餘的菜式普遍出色：- 炸蟹鉗彈牙鮮甜，外層香脆- 蜜豆炒大蝦十分彈牙，但蝦肉有點鞋口- 紅燒翅的獻味道唔錯，不會過份杰- 菜膽鵝掌，一般貨色，鵝掌不夠淋和入味- 帶子炒豆苗什俱水準，豆苗無渣唔油膩，帶子超甜- 蒸魚，OK啦- 炸子雞非常瘦，無肉，皮唔脆- 飽汁飯，味太濃，飯太濕- 鮮蝦雲吞，真材實料- 桂圓紅棗糖水，清甜滋潤，唔錯- petit four：笑口棗、糯米糍，賣相求奇，談不上酒店級Service非常好，侍應爽手，上菜速度快，態度好，無得彈。出面幫手帶位個啲都好好，笑容滿面，達到五星級水準！(價錢：包酒水，十人一圍，每圍約$14,000)

終於同屋企人去飲茶! 但係無想像中咁好!點心有佢自己既特色點心, 屋企人話好食!由於我食齋, 所以初頭叫左個菜粒炒飯, 點知黎到至知佢竟然放蔥炒........唉! 只好怪自己疏忽, 唔記得講多聲叫佢走蔥!所以後來再叫多碟炒麵之類! 今次講明走蔥, 所以ok!至於裝修, 亦無我想像中咁grand, 不過, service 就好好!

擁有尖沙咀至九龍西的無敵海景，是城中名人都常到的餐廳(某日我碰到關芝霖)。六星級酒店內的中式餐廳，服務及衛生當然是頂級的。就連最基本的茶，每一壺都會用火曖著。點心的味道清淡得來恰到好處，而且一點也不膩，比其他酒樓的味濃而又膩的好，頗合我的口味。個人推介豉汁龍蝦腸粉、原隻鮑魚雞粒酥、蟹肉小籠包、香芒楊枝甘露、瑪瑙桂花榚。店內設有非吸煙區，每張枱都有鮮百合作裝飾。以下有相片：http://www.fotop.net/fanshu/Lung_King_Heen