龍島

营业中

休息中

剛剛食晒前陣買的龍島朱古力（$188,12 pieces），給我個感覺就是，雖然都算好食（包裝亦幾靚），但實在唔似朱古力，更似牛奶糖……奶味很濃亦很甜，對我來講，其實都幾好味，不過叫做朱古力就唔夠班，畢竟實在唔便宜，我喜愛的Lindt同Leonidas都差唔多呢個價位。如果要是食甜奶糖，仲有更多平但好食的選擇呢。聽聞龍島是香港製造，這樣看來，在競爭激烈的香港朱古力行業，土生土長的龍島還需改進啊。或者轉作其他，不過價格就應當適度微調。

又是一篇朱古力食評。　龍島的包裝改進了，無論是朱古力或所用紙袋，都比以前更靚了!不過老實說，味道只是一般，吃來並不覺有64%的可可呀...本地薑的龍島，始終還是差一點。　不會推介這款朱古力給人，但為收到朋友的一份溫馨小心意，留個笑臉；不是在食評抵食度上，而是在標題上。公私分明嘛!

特意買了一個mini cake替墨魚同學踐行，白朱古力牌上的message是我們對她的祝福，希望她在NYC事事順利。在Sogo basement逛了一圈，始終都買番Lucullus，全因size夠細。墨魚同學鍾情黑朱古力，於是便揀了這名為Truffle Cake的蛋糕，Truffle Cake一向都偏rich，心想墨魚同學應該會喜歡，點知…龍島的Truffle Cake一點也不rich，簡直可用light來形容。朱古力海綿蛋糕中間夾着的只不過是奶味什重的朱古力忌簾，可可味極輕，頂層的朱古力漿一點也不柔滑，這蛋糕，絕對不適合朱古力迷食用，令人大大所望！

各人對tiramisu的要求都不同，不過朋友在這兒買的tiramisu，完全沒有酒味，對我來說已經不合格。加上質感唔夠濕，芝士味只吃出酸味，餅底又不倫不類要舖一層朱古力漿弄成超甜餅底。。。我敢說凱X甚至美X的出品也比這個好。。。

朋友們準備的生日蛋糕，芒果拿破崙﹗綜合各方意見，認為個皮太硬，太多蛋糕，朱古力味太重，完全蓋了芒果的味道。不過，大家的心意已值回一個笑臉，多謝。

臨急臨忙係SOGO為姨姨和舅母選購生日蛋糕，睇哂Lucullus，Antique和Italian Tomato的出品，最後也選擇了Lucullus的一磅半裝栗子蛋糕。此栗子蛋糕外形高貴清雅，栗子蓉像花瓣般散落在蛋糕面上，花心位置放了一棵gooseberry，粟子蛋糕嚟講，Lucullus算靚。這個蛋糕忌簾唔算多，裡面都是層層栗子蓉和海綿蛋糕，雖然個人認為啲栗子蓉甜咗啲，不過好彩啲cream同海綿蛋糕都唔甜，整體上口感都唔錯。一磅半裝栗子蛋糕原價$198，唔知點解有15% off，折後$168蚊，價錢算reasonable。

晚上外賣三件cake給爸媽吃, 買左:1. 紅豆綠茶mousse cake - 好creamy, D cream很香滑, 紅豆夠淋, 但如綠茶味再濃些紅豆再多些就更好.2. blueberry cheesecake - cheese 味唔太香濃, 係軟cheesecake, blueberry味又唔太香, 普通而已.3. choculate brownie - 很香濃既朱古力, 餅底既果仁brownie很有咬口, 正~~

食完d垃圾落肚,要搵d甜品填補下肚子既空虛,起初買左個green tea tiramisu cup $14.5,一食落口有浸異常既酸味,於是向店員問個究竟;店員亦十分稱職,立即拿雪櫃最後一杯green　tea tiramisu cup試試味道,然後再試試我果杯，確實我果杯真系變壞，於是換過杯普通tiramisu,不俗!cheese夠滑,杯底旦糕既酒很濃郁,期待下次再試佢既green tea cup!

我好鍾意食朱古力的,食過幾款啦,都幾好,最好味係軟心黑朱古力,好creamy,又唔,不過一粒要成十幾蚊,好貴, 不過咁好味都抵ge。唔食得甜ge人一定唔好食忌廉芝士味!

好好食ar,d 栗子蓉唔太甜,唔漏,又有好好好多,下面有吉士,cake & 撻皮。不過個撻皮唔脆lor,但我都feel好抵ar,$12.5 ja!好過哂美心,saint安娜& 山琦!

中秋節就到, o岩o岩就試左龍島o既迷你芝麻朱古力月餅. 呢個"月餅"真係好迷你, size 就同一粒中國象棋差唔多. 一層薄薄o既白朱古力外皮包住芝麻蓉同埋"蛋黃" (用粟米糖漿做o既黃心餡). 味道中規中矩, 不過賣相搭夠, 俾個笑佢

奉勸大家一句, 千祈千祈唔好食佢地個blueberry muffin呀!你雖然見到一粒粒o既blueberry o係面, 個蛋糕亦都係帶微微o既藍色, 但係就完全無blueberry味, 唔只咁, 仲係完全無味添呀!我食左一啖之後,仲以為自己失去左味覺添呀!

同朋友食左下午茶行街，行到約七點到龍島，心思思想試佢o既cake水準如何。不過好多cake如Tiramisu都冇啦，我地最後買左一件Red bean cheesecake食。陣味只可以同一個怪字來形容，食完都幾後悔．．．或者其他cake會好ｄ啦～

尋日lunch食到鬼咁飽，所以夜晚都唔想食飯，但行到Sogo又心血來潮想食件cake喎，就落左黎呢度睇下喇。估唔到有我至愛0既芒果拿破侖餅，仲只係$12，抵﹗又想食Tiramisu，Tiramisu Roll $10、Tiramisu Cup就$16…但好似Cup個樣吸引D，又唔洗食得咁論盡，所以貴少少都係要左Tiramisu Cup喇。兩件都係$28，平時買一件都差唔多啦﹗學Gourment KC哥哥話齋，真係一分錢一分貨，食落兩件都麻麻地。芒果拿破侖餅D酥皮厚到不得了，又唔係太脆；D芒果又酸，搞到D 吉士都酸酸地…唔好食﹗個Tiramisu Cup就勁多芝士，得少少蛋糕，比例唔好，太漏囉﹗所以雖然平，但唔好味就點都唔會再買囉﹗

同事山長水遠在這裡買來幾件cheese cut cake同榛子拿破崙，每樣都吃了一件。Cheese cut cake完全不是芝士餅那回事，似食芝士mosses多D，懷吃cheese cake 的mentality去吃，好鬼失望；相比之下榛子拿破崙就不太差，舖面的榛子粒已硬，可幸酥皮味道都OK。價錢一件10蚊，一件12蚊，唔太貴，但味道一般，真的是一分錢一分貨。