龍島 (港鐵中環站)

龍島喺香港都開咗好多年，係屬於比較貴價嘅蛋糕店，以前細個食嘅時候會超開心，覺得個蛋糕好高級，到大個咗自己買，想食就可以食🤣今日同屋企人慶祝生日，就買咗個60%純黑朱古力伯爵茶慕絲蛋糕，不過比在我生日我話事嘅話，就一定係揀佢純朱古力蛋糕，超香濃嘅朱古力，甜而不漏，食到停唔到口😋今次第一次食呢個朱古力伯爵茶蛋糕，朱古力味唔會蓋過咗伯爵茶味，兩者嘅配合幾平衡，果然係老牌蛋糕店，不論咩味嘅蛋糕都好高質👍🏻…查看更多

買了朱古力軟心5吋蛋糕，切開時已覺好x硬，蛋糕点解會硬？內裡3層的所謂海綿蛋糕每層只有0.1cm厚，只有幾層又硬又實的mousse, 而外面的朱古力碎，已緊緊的痴住個所謂蛋糕，証明已放了好耐，成個蛋糕只是食cream n mousse, 家人只食了一口便整個掉垃圾桶。 龍島這老牌子淪落到出產垃圾蛋糕，令人失望，垃圾到一個点…查看更多

又有人生日喇 網上預訂咗蛋糕慶祝生日，之前食過一次好食再encore ，喜歡呢個配搭可以食到三款口味，滿足為食既我。甜度適中。份量恰到好處，每人分享一啲都試到三種口味。最好由淡味 木糠蛋糕 開始食到最濃味 朱古力蛋糕，香軟鬆綿。…查看更多

2022年咁快又到母親節，今年就揀咗係呢度買個蛋糕慶祝一下，孝敬一下偉大嘅母親👩🏻▪️茉莉香梨慕絲蛋糕 (6吋) $398外表係淡紫色雲石紋鏡面蛋糕，加上用白朱古力整嘅羽毛同灑上少許金箔，俾人有種簡約、高貴而優雅嘅感覺。蛋糕以茉莉花香慕絲夾著法國香梨果蓉，底層係海綿蛋糕及焦糖朱古力脆脆，慕絲口感綿密順滑，蛋糕味道清新、唔太甜唔漏，食後花茶香嘅餘韻會停留係口腔一陣，口感豐富，受到屋企人一致好評👍🏻👍🏻👍🏻…查看更多

一路都知呢間野嘅存在，但都冇乜機會試過佢啲Cake。嗰日個同事買咗一個俾我試吓，佢個賣相係真係幾好，上面仲有個細嘅macaron幾特別。不過最有趣嘅係佢個杯仔，係loveramics出既，可以留返黎自用🤣…查看更多

今日同事請食餅，係龍島既Petite Cake。個人認爲龍島一向走中檔路綫，比美心東海堂等高檔但係又比唔上其他名牌餅店如Cova，Robuchon等等，價錢就大概係中間。今次食呢件係栗子芒果蛋糕 Chestnut Mango Petite Cake。首先賣相勉强都叫ok啦，比美心東海堂等類似既長條蛋糕好少少，先到面頭既裝飾都有少少心思既，不過比上不足哈哈。面層用新鮮芒果，栗子蓉同忌廉作點綴，內層係三層原味海綿蛋糕夾著兩層新鮮芒果粒同忌廉。不過食落就唔多覺栗子蓉味道，鮮果係食到既，而忌廉都唔算膩，味道頗爲輕盈。總括而言，係及格既，不過如果要成正價$48一件就唔值得。勉强比個OK啦。…查看更多

龍島同Loveramics crossover, 食完件cake仲可以留返隻杯飲咖啡，真係開心☺️伯爵茶無花果慕絲底層係杏仁蛋白蛋糕，無花果醬+伯爵茶慕絲，面頭再放上伯爵茶忌廉，同朱古力粉果漾雙重芒果慕絲雲呢拿椰子慕絲，熱情果蓉，芒果忌廉同芒果粒北海道牛奶布丁北海道牛奶布丁加上忌廉，再加左塊🌸朱古力3款對我黎講都偏甜偏膩，食完都幾滯，話說隻杯出現左d問題，龍島都好樂意換過杯卑我，真係要讚下龍島服務態度👍🏼…查看更多

突然之間好想食蛋糕但訂唔切🍰就去到龍島買咗佢地三個蛋糕仔試下😆估唔到幾有驚喜！食完仲會想encore添😍第一件係柚子軟芝士蛋糕🎂亦都係我覺得最好食嘅一款！因為淡淡嘅柚子香配埋入口即溶嘅濃芝士蛋糕，簡直係絕配！蛋糕入面仲有啲類似柚子餡料嘅醬，十分有驚喜，推介大家一試👍第二係 72%純黑巧克力蛋糕🍫呢件食落比較漏，因為朱古力味好濃而蛋糕都比較厚身，有飽肚感而唔會太甜😆不過食完已經飽咗一半lu~最後係一件比較清新嘅芒果千層蛋糕，賣相係三件之中最靚嘅～蛋糕都有酥脆感，略嫌芒果味唔係超級突出🥭…查看更多

無論係散水餅定叫tea食 龍島都可以係個good option 好多款選擇 而且包裝得好靚 顏色又鮮艷想食朱古力味 朋友想食木糠布甸又有 想食濃啲嘅朱古力 又或者甜啲嘅朱古力都有啲餅就$20-$50 不等 佢有啲款仲可以買第一件之後第二件半價咁都平左啲㗎 我最鍾意就係佢有一啲甜品係用杯裝嗰杯啦仲可以之後recycle用喺屋企裝下甜品啦裝下首飾啊都可以都幾得意可愛㗎就好似呢一款朱古力我本身仲以為佢成件都係朱古力點知外邊嗰層我食極都食唔到先知道原來佢係硬嘅可以recycle裝下其他嘢…查看更多

唔少朋友都知小弟一向喜歡食曲奇，亦有寫開曲奇系列嘅食評，最近就收到一份「鬼馬」嘅「港式茶餐廳風味曲奇禮盒」，將茶記特色融入啲曲奇當中，出品喺嚟自本地品牌「龍島」，搞到我都專登落番去佢哋嘅鋪頭了解多啲。「龍島」依家嘅產品越出越多元化，但今次主要去睇吓佢啲特色曲奇，原來共有兩個系列，最正斗喺兩款嘅包裝一紅一綠，均用上懷舊冰室嘅格仔磚圖案，極有心思。紅色嘅稱為「紅寶石」，口味包括：香甜杏霜、奶醬多、濃滑鴛鴦、避風塘炒蟹、沙嗲牛肉及楊洲炒飯，夠晒搞鬼，份量分16片（$108）及30片（$188），依家仲有買2送1添。另一款綠色嘅名為「綠寶石」，口味包括：菠蘿油、紅豆冰、凍檸茶、薑檸樂、鮮蝦雲吞及豉椒，同樣夠卓頭，，有亮點，份量都喺分16片（$108）及30片（$188），一樣有買2送1添。而我收到嘅喺「紅寶石」30片裝曲奇禮盒，打開內盒，再附有單張介紹6款「港式茶餐廳風味」曲奇，全部都獨立包裝袋好，最欣賞喺內盒設計，可以將每一片曲奇卡住，唔會晌拎嚟拎去時撞散啲曲奇，但相對就無咁環保啫。濃滑鴛鴦曲奇咁多款式，最易估到喺佢，因為喺鴛鴦色吖嘛！淺色嗰邊喺奶茶，深色嗰邊喺咖啡，入口幾鬆脆，但味道以奶茶嗰邊出啲，不過，話時話，個茶味就似伯爵茶多過奶茶喎。避風塘炒蟹曲奇咩叫「避風塘」呢？相信好多人都知，簡單嚟講就喺主要以大量炸蒜所做嘅菜式，所以，睇到啲曲奇表面都黐上唔少炸蒜，食落仲有少少辣味，當然，蟹肉欠奉啦，但鹹香惹味，感覺幾過癮。沙嗲牛肉曲奇比起塊避風塘炒蟹，呢塊沙嗲牛肉就堅啲喇，因為真喺有牛肉粒架。曲奇明顯混有牛肉乾粒粒，啲牛肉粒咬落口感煙煙韌韌咁，以及沙嗲味都頗突出，果然好搞嘢。楊洲炒飯曲奇但喺，如果講到搞嘢，小弟就投楊洲炒飯曲奇一票，因為細心啲睇，曲奇面真喺鋪咗啲脆米、蝦米（應該喺啲蝦殼碎而已）、「叉燒」粒，最抵死喺有埋青豆嘛，入口就當然無楊洲炒飯嘅味道啦，只喺口感豐富咗。香甜杏霜曲奇最正路，亦最平實嘅一款口味，香脆嘅曲奇帶有濃郁嘅杏仁香味，雖然味道唔錯，但始終相比起其他，就顯得無乜個性。奶醬多曲奇與其叫「奶醬多」，簡單叫「花生曲奇」貼切少少，因為奶嘅味道就唔太明顯，倒喺花生味較突出，而且，添咗花生碎，食落更有口感。老實講，雖然啲口味會有種「騎騎呢呢」嘅感覺，但食落又唔錯喎，唔會太古靈精怪咁，真喺有啲茶記風味，咁富本土特色，送俾朋友確喺幾過癮啫。…查看更多

It is hard to find a decent birthday cake. Fortunately bought one there with discount The brithday chocolate plate is free , so great that no need to add extra money to buy itThis is Oreo favourite, the sponge cake layer is chocolate . Decorated with cute bear and bunny chocolate. In general the decoration chocolate never taste good. Out of my expectation, the chocolate added chunky crispy rice grained. Despite the chocolate is too sweet for me, it is much better than many cake shop …查看更多

今日收到朋友送黎既龍島曲奇一盒, 入面有成10款cookie, 味道有d都幾特別,例如芝士朱古力, 亞麻籽曲奇, 小紅莓曲奇咁, 曲奇餅食落好香脆, 好香牛油味, 只係個餅底已經做得唔錯, 而各款味道都幾好食, 特別係士多啤梨味, 酸酸地味道幾natural, 好夾個餅, 同埋其他莓類既曲奇都好味道, 感覺健康d, 其餘朱古力果d就不過不失, 最特別係芝士朱古力曲奇, 朱古力曲奇上面鋪滿左芝士粉, 食落咸咸地又有朱古力味, 都係唔錯既~ 同埋亞麻籽曲奇食落好香口, 好似芝麻味咁, 幾欣賞呢度既曲奇口味創新~~…查看更多

今日有同事派散水餅，我揀左呢件拿破崙榛子蛋糕，貪佢細細件夠精美。旦糕上層有好多榛子粒粒，非常香脆，但下層既拿破崙蛋糕口感麻麻，餅層唔夠層同有啲林林地，旦糕亦唔夠香同比較蓬鬆，好似食緊空氣咁，呢件旦糕要成三十幾蚊，好唔抵食！ …查看更多

I love the new mooncake revolution that breaks the traditional, first they launched snowy mooncakes then the custard filled ones, now they have chocolate mooncakes as well as icecream mooncakes.The Lucullus mooncake series range from traditional to just chocolates.I got the Classic Treasure chocolate mooncake gift box which has 14 pieces of chocolate in it with a big chocolate in the middle that represents the mooncake.The chocolates are great for sharing.Contents in the box:The chocolate mooncake:Ginger x Milk chocolate : CranpucchinoThe chocolates were enjoyable, especially the green tea truffle, Milk pistachio coffee and the dark truffle.Other items in this range:Traditional mooncakes and chocolate:…查看更多

最近，我公司老闆及老闆娘到中環出席投資講座，通常投資講座的紀念品都是原子筆，便條貼之類，今次大會相當慷慨，送上一盒龍島出品的千層酥及牛油曲奇！老闆娘拿了這盒餅返公司跟大家分享，我們有口福嘞！正當大家忙於工作之際，老闆娘叫大家停一停下手頭工作，一起來食點東西！ 還問我要不要影相？ 我二話不說便拿起手機即影！印象中，他們拿回來時還有個紙袋㗎！ 我多口一問，個紙袋呢？於是，老闆從櫃裡拿了紙袋出來讓我當背景影相！千層酥及牛油曲奇以一個印刷精美的鐵盒盛載，打開盒蓋，原來盒裡滿載千層酥及牛油曲奇！ 每件均有獨立包裝，共有兩層！份量豐足！:)我求其拿了兩件，分別是千層酥及蝴蝶酥！ 千層酥 - 每層薄如紙，口感超鬆化，餅碎四散到桌上！ 中間夾雜了看似花生的榛子醬，香甜軟滑，一咬便咇出來！蝴蝶酥 - 當我一剪開包裝袋，牛油香即時湧出來！甜度剛好，入口鬆脆！兩者比較的話，我會比較喜歡前者！…查看更多