龍寶酒家

营业中

休息中

今年中秋節只係可以幾個人一起食飯，所以就找了這間餐廳來一個團聚飯，這間餐廳的份量很大的，足夠我們的份量，而我比喜歡椒鹽鮑魚，因為又香又Q彈真的好有避風塘的味道，還有京都骨，肉香而帶甜酸，讓我們胃口打開還有蒸斑魚時間剛剛好又嫩滑又鮮味，今晚真的滿足哂大家的口福。

上到15樓要再行樓梯，同屋企人食飯，有老人家，要咁行，唔太方便。埸唔細，不過應該大家都抗疫疲勞，所以full晒。有幾個set 揀，見有個set 368有🦐同🦀, 幾筍咁就order呢個，之後侍應話有蝦同蟹嘅餐都無得供應，因為今晚海鮮只得魚同龍蝦，咁其實幾個set得返一個set係無蝦同蟹😏, 我地唔想煩咁就要咗嗰個餐 (半隻雞，魚腩煲，蝦多士同個湯），另外加咗個雜菜粉絲煲88蚊，同特價乳鴿3隻每隻18.8。《湯》係合掌瓜湯，好大煲，幾足料《乳鴿》嚟到個樣同隔離檯有啲唔同，無斬件上，我地問點解？侍應話特價係唔會斬件，我地啞咗🙄, 不過味道係ok嘅，熱辣辣，幾香囗。《魚腩煲》魚腩得4,5件，其他係豆腐，燒肉同冬菇，整體好鹹😑《雞》都幾滑幾香😙《蝦多士》一共六件，係厚多士，好香好脆😋，蝦都彈牙跟餐送咗個椰青同埋每人一個橙，椰青只俾咗支飲管我，無匙羹。overall野食係ok嘅，不過無得供應嘅野唔早講就有啲無奈，另外侍應好hea, 成日扮睇唔倒客人真係好扣分👎，想要茶，想要匙羹，想埋單叫極都無人應個個扮睇唔倒，其實而家飲食業唔係寒冬咩？有工開係咪要積極少少？

除左稻香每年推出1蚊雞優惠（由任叫到限叫，越黎越度縮），龍寶酒家晚市都有幾款優惠可選其一，包括$10雞，$18.8 乳鴿，$68老虎斑及$128 燒鵝！乳鴿 $18.8一隻真係好抵！脆皮，肉嫩，搣開隻脾會漏油。其他小菜中規中矩，四川口水雞 $48味道幾開胃，微辣，我呢碟雞胸肉多。茄子牛筋腩煲 $78有驚喜，份量幾大煲，牛筋腩夠淋唔痴牙，不過係有少少油。客家鯪魚煎釀豆腐 $68有啲失色，豆腐比較實。食過其中三間分店，乳鴿都係正既，但小菜就水準飄忽，好像每次都總有一個小菜唔掂呢。

之前有朋友食過呢間既長腳蟹宴話好食, 今晚嚟試食下, 雖然冇咗個長腳蟹餐, 我地就叫咗另一款餐再加隻長腳蟹, 平日呢到都好旺場, 可能又咁啱就到做冬日日出去食飯既關係呢條魚蒸得啱啱好, 又冇過龍有肉渣, 魚好滑同好嫩口呢碟小炒酸酸甜甜好開胃, 而且肉都好嫩口鮑魚仔都好新鮮, 爽口彈牙豉油雞肉質都好滑, 都不錯這款小菜其他酒樓都會有得食, 整體上都OK豆苗都幾好食, 但整體上偏咸龍蝦好新鮮, 肉質夠爽好味炸魷魚唔係間間都好食, 因為好多炸粉變相就冇咁好食, 但呢到就唔同, 炸粉比例適中, 好好味老火湯都不錯, 唔覺有味精馬拉糕都好好食今日既主角出場, 長腳蟹.....肉汁鮮又多汁, 蟹蓋開咗裡面都好多汁同膏, 超讚呀!小食都唔錯, 青瓜爽口新鮮*** 總結: 長腳蟹真係會食過翻尋味

自從上一次食過佢哋下午茶覺得好抵食，晚餐又炒得好有鑊氣，於是佢就成為我哋日常生活晚飯早餐嘅選擇。今次我哋叫咗一$8.9嘅糯米飯，仲有臘腸雞肉煲仔飯，菜苗餃，南瓜蒸腸粉，同埋鹹水角。今次嘅鹹水角退步左，比較硬身，好似再炸左咁，比較遜色，而且真係好似細粒左。另外糯米飯，價錢便宜，而且都幾大份，底都幾深，不過味道就一般啦，冇咩臘腸味。南瓜蒸腸粉算係我今次最鍾意嘅點心，腸粉好滑，而且南瓜好熔，未試過嘅都值得一試。

今晚四個人食晚飯八點前入座。沒有乳鴿。乜沒有燒鵝。本人覺得受欺騙呀！新將期，期內都係想吸引顧客。想做旺個場呀！這樣罷明叫我地親戚朋友勿再來。我隔了半小時追單才告知無一再隔半小時追單又告知無二。如無唔係即時告知。焗你地叫雞啦！

之前吃過他們的早餐感覺好抵食 今次決定是佢哋嘅晚餐。大概8:00抵達已經有好多人，我地點左一蚊嘅鹽水雞，都有成半隻㗎。另外點左蒜香骨，帶子魚香茄子，黑朝洋蔥豬手，梅菜豬肉豆腐。雖然佢哋上菜好慢，差唔多食完一樣先到下一樣，但係勝在食物新鮮，而且真係煮得有鑊氣，香口。我自己好推薦帶子魚香茄子 帶子細細粒但係煮得好鮮味 而且份量都好多 80幾蚊都真係好抵食。一蚊鹽水雞，半隻來講真係好大份，絕對唔會因為價錢比一隻好細嘅雞。蒜香排骨有少少酸酸甜甜，香脆，我都好推薦

在觀塘廣場最近開咗一間龍寶酒家，同朋友上去試吓，隨意點幾味送酒小食，叫了乳鴿，炸桶，炸魷魚鬚，石班等，本來抱着隨意試吓，但出乎意料地發覺其食物色，香，味均有出色表現，乳鴿好多汁又鮮味，邪惡的酥炸桶和炸魷魚鬚就更加不逞多讓，各有特色，該酒家實為酒友食客聚飱吹水勝地。

之前係鴻星酒家 隔咗幾個月過到嚟已經重新裝修 原本以為食嘅嘢都係差唔多 但係點知道而家酒樓嘅價錢好抵食 可以講係觀塘最平嘅下午茶入到去位置非常大 以前不接待客人嘅房間都開放埋 入到去已經好多人 不過好好彩唔駛等位今次我哋叫咗六樣點心 當中包括左好新鮮嘅鵪鶉蛋燒賣 山菜牛肉腸粉非常有新意 淡淡都係牛肉 好足料！另外鹹水角稍嫌唔夠大，但係都係新鮮嘅熱食，可以一試。跟住我地點左一個$23嘅點心拼盤，入邊包括左兩個蝦餃，兩個牛肉燒賣，兩個燒賣，一個馬拉糕，真係好抵食，如果你一個人可能叫依款已經夠食了！

朋友放假我們就約近地鐵站上蓋官塘廣場樓上龍寶飲茶新開張半個月已經第二次來格局四正，但談不上高檔。但以官塘街坊價錢酒樓而言，格調則十分不俗。這裡茶錢有分搭檯同唔搭檯，都是貴$2我們選了不搭檯方面傾計這裡即叫即蒸，新鮮熱辣每人一個鳯爪排骨煲仔飯。鳳爪及排骨既份量多， 鳳爪完整一隻隻，排骨瘦肉多唔肥，有肉汁滲入飯好入味，飯一樣夠熱,乾身好爽蝦餃蝦夠爽口味道唔道...煎腸粉好香口....加少許醬汁更好味其貌不揚的蠔皇鮮竹卷竟然幾好味。特價點心拼盤一籠五款，有咸有甜，起碼有蝦餃兩粒亦有燒賣兩粒馬拉糕都蒸得鬆軟質素不錯，早茶只售$28.8其他點心都不錯，最重要一點是他們造的點心肥肉比例相當少，吃過的點心都不帶油膩口感下次飲茶首選這裡，因為真係幾好食，而且交通方便！