龍宴 (已結業)

與同事們工作，大班人多到喜歡飲茶，因為可以飲多啲水又可以坐耐啲。今日來到龍宴上水分店，都要等10分鐘先有位，坐落同事就嗌肚餓呱呱叫，所以先點小食，我們點了鮑汁花生鳳爪，鹹菜豬肚和家鄕炒米粉（好耐冇食炒米粉，有幾好味尤其加了少少芹菜。欖菜蛋白炒飯，仲有同事心血來潮想食澳門水蟹粥，他們叫了蟹黃蟹粥，酒樓選了花蟹，鮮淮山浸唐生菜，午市11-2pm,小點16.8中點17.8大點19.8精點23.8特點25.8。

剛剛去完活動，諗住同朋友去上水搵間酒樓食個晏，點知咁好彩，黎左呢間劣評如潮嘅人氣酒樓。再睇埋其他食評，先發現受害者都幾多....我簡單講幾點1. 棉花雞嘅雞係生嘅，肉嘅顏色係透明2. 九成點心係凍嘅3. 好好語氣唔該D侍應幫忙睇睇未黎嘅點心係漏左定點，佢黑人問號我，無回應，走開4. 再黎一個貌似經理嘅物體經過，我地再而三問下: “唔好意思，我地第二次入單嘅炒飯仲未黎，可唔可以...(未講完)” ; 經理物體用不屑嘅語氣話: “我岩岩黎，乜都唔知，你地張電腦單有就有，無就無”佢講完我都唔知我聽左D乜(全枱黑人問號樣)5. 臨尾，我行左出去門口，見唔到廁所，問一問門口姐姐，“唔好意思，請問廁所喺邊”，換黎係無望我一眼，手指是但指住左另一餐廳方向(後來我再多望，終於發現廁所，而位置係佢手指指的反方向...)總結:食物唔掂服裝質素差對於點解間酒樓點解可以繼續生存表示無語

星期日與家人一同外出飲茶，久違的家庭日，一家人圍著圓枱坐，一邊吃一邊聊天，感覺真好。酒樓有個好處就是，每樣點心只有一點點，不怕只吃一款就飽了，可以試很多款，飲茶人愈多愈好，能試的種類就愈多。

當你留意得到其他食客的評價，你就可以想像一下 這一間酒樓有幾差！ 服務態度惡劣不在話下， 本人用膳後亦有肚屙的情況發生。 雖然沒有導致到腸胃炎餓了整晚以冇事。 大家進食時要小心小心！ 我自己相信好有可能是因為點心的處理方發。 有很多點心及飯餸來到臺時都已經冷了。 同步長講反映後 ，他完全沒有任何表示。 可想而知這間食肆平日收那麼多的惡劣惡評。本來我都不想開啟評論， 但我真的看不過眼要出聲。在香港有很多高質素服務良好的食肆。好的食肆需要表揚，而惡劣的食肆亦都要開醒作出負面評價， 才可讓大家知道別人的用膳經驗。

明明俾左張落單紙，俾個經理，緊住黎得個兩樣野，等左成半個鐘，都冇野到，叫部長過黎催單，佢夠膽死同我講，我地張單得兩樣野，低係我張單有多個兩樣野，一味只識「對吾住」，講完又唔同我解決個問題。

不知所謂，午市要搭枱啲枱 就叫佐啲不搭枱嘅飛，迫人搭枱。咁啲飛 搭唔搭枱有咩分別？叫到亂晒，不知所謂。係咪而家啲大陸風就係咁做野的？個支客仲要話唔搭枱有排排等㗎喎。係咪嬲嬲嬲！野食都還可以嘅⋯⋯屋邨茶樓囉

苗柏風暴～唔知點解,系屋企望住落雨天打雷既感覺我好中意,一有暴風雨就會走到窗口望~望好耐。幸好早上是T3出去同家人飲下茶,14:00下午茶時間,閒日唔洗等位仲有好多位*三絲炒米$14.8,烚了米粉等配料後再略炒(蘸花生醬/甜醬)。*粟米魚餅$14.8,一邊煎得比較香脆,多粟米,魚肉無骨而且肉質不錯。*蘿蔔糕$14.8,臘味,蘿蔔與粉的比例正常,仲有粗蘿蔔絲,唔會只食到粉頭的味道。*蟹籽燒賣$18.8,豬肉夠嫩,唔會因為烹調時間過長,易令到肉質變得又乾又硬。*富貴黃金糕$6.8,點心來了,超香椰汁蛋香味,外皮比較乾身里面軟熟,唔會食到黏哂牙,整體好煙韌。

一年多來，斷斷續續，一向做事總是三分鐘熱度的我，竟然不知不覺也寫到了一百篇。回看過去吃過的林林總總的食物，仿佛是我在香港這這些年來的縮影，有酸，有甜，有苦，亦有辣。選擇龍宴以獻出我的第一百篇，這一餐飯，對我有別樣的意義，也預示了我人生中的一個重要節點：這是我在香港走過的第四年。從小爸媽對我都是放養的態度，我做的選擇，他們總是默默支持，很少干涉。即便是我錯了，他們也在後面幫我打點著。就如我四年前我選在來香港唸書一樣。歷經四個春夏秋冬，終於盼來了我的畢業典禮。說真的，出來探訪親戚，很少有一家人同時出現在香港的時刻。折騰了半天，終於結束了典禮。一行人到了上水，去龍宴也是臨時拍板的。六個人，全包宴，又免加一，最適合不過。天氣凍，各個都飢腸轆轆，除了飲品，食物那些很快就做好決定。可是等了很久，遲遲不見上菜，一問才知，原來根本就無落單！我們無話唔落單，係落住飲品先，這樣都可以搞錯，真的很無語。催促下菜品好快就來。首先是蔥油雞，雞的皮肉分離，雞皮顏色深黃，賣相略差。肉質倒是很軟，味道拿捏的不錯。燒味拼盤，肉身缺乏光澤，不算新鮮，味道就中規中矩。雙蔥鳳尾蝦，看似清脆，其實蝦仔得幾隻，非常普通的一道菜。

係上水飲茶，原來咁艱難，好多咁酒樓裝修，入村先有間，等位就緊，等到可入去，成張枱都坐滿人？！原來個阿姐攪錯左有位，仲要黑返我面叫我再等！一聲唔好意思都無，好在隔離有張枱剛走我地先有得坐，服務態度好差！有冇攪錯呀!真係有就係攪錯枱號。環境：陰暗地方細，好有壓迫咁，枱同枱間距離好近，坐得勁唔舒服。食物：奶皇包，太少奶黃餡，唔夠味。四寶雞扎:夠大件，燒賣:基本上，燒賣會係衰極有限既點心，哩間勁呀，可以整到咁淡而無味，點食呀。紅油抄手:凍冰冰，味道普通。鮮竹卷:好韌的鮮竹卷。不論態度、食物、環境、都好差，又中伏，之後睇返好多喊面，絕對深信其評價囉! 龍宴

由佢開業至今，因為唔同O既理由，我一共食過好幾次，多數都係飲茶如果要用二分法，問我呢度好唔好，我會話：差！無論晚市定係茶市，絕大部份O既樓面，見到你舉手都唔理你，話知你手拎住張點心咭O係空中舞龍有幾次，我自己拎埋張咭去搵佢地，樓面望到我，即刻迴避我O既眼神，調頭走.......我又唔係蛇妖.... 佢地會理我，就係落單O既時候 (當然亦要等佢地大發慈悲，記得要留意客人有無order)講到追單，我O係呢度追單O既經驗多過晒我O係其他地方O既經驗佢地落單，一係落錯，一係無落無一次例外！等左四個字都未有野食，又坐O係房，你最好預左無咩人會行入黎 (除左一個最近入職O既女人)，要自己行出去搵人問「我幾時有野食」然後要玩一次眼神對對踫，對到，你又夠guts行過去迫佢理你，咁你就可以追單有一次，我一個鐘入面追單追左4次，頭3次d人都話會幫你跟，跟黎跟去都無人話我知原來無入單，一直到第四個人講我知，我地都走囉，就取消未黎O既幾樣野仲有一樣係佢地先做到O既...O係第二度，你有飛，飛上有號碼，叫到O個個號碼你就知道到你入座，表示你可以入去食野O係呢度，你有張飛，飛上有號碼，叫到個號碼表示你要同佢地解釋

第一次發現龍宴。而吸引入場的厚原因是隻黑色皮的雞。竹絲雞原來可以白切探㗎！入座，落單。伙記都是第一次寫竹絲雞堂食。黎嘅時侯，有驚喜！因為淋上調過味嘅豉油，紫色洋蔥和生蒜。雖然淋上豉油，不鹹。味道剛好。雞肉質地似走地雞。有彈性，唔肥，連皮食都是爽的！希望能保持水準

我從未係open riec寫過食評，都引唔住要寫底情況，今日同媽媽去飲茶，由座底到落單d食物黎曬，感覺就中曬伏，好奇就上open rice睇下食評，誰知上黎一睇，d評價好差🙈同我感覺一樣，d人服務唔好，d野食上桌唔熱（佢重要溫馨提示：點心即叫即蒸，需時要等二十分鐘....oh no😱⋯⋯但上桌d野係得微暖😑）又唔好食，又平民點心但貴，款式唔多，又冇冷氣🙈😂飲茶飲到好似焗桑拿咁，成個酒樓既客都係咁話熱，我媽媽唔怕熱，座冇耐都啲曬汗🙈，所謂下午茶二個人叫左呢4樣野，4樣都係特價，加二個茶位，在加一，都要$150我應該冇下次了

屬幟哥旗下較經濟的食店，我未食過龍璽、龍皇，無得比較。但是次小菜晚飯算不錯。8:30後宵夜時段，不設訂檯，但平日多數不會爆滿。宵夜餐牌主打家常菜多數$48至68一碟，咕嚕肉、蓮藕爽肉、乳香骨、蟹肉粉絲煲都非常撚手。$28半隻蔥油淋雞亦好嫩滑。唯一不喜歡砂鍋龍躉頭腩，無鮮味。招呼方面又不覺得有什麼不週，（老婆哥哥是熟客，可能有關係）但某些待應對餐牌唔熟悉則是事實。以這個價錢，我覺得可以一試。

早上諗住放假，就同家人去飲下早茶。點知黑色衫既服務員態度很差。 我同婆婆去，叫佐個2位既飛，然後安排了去張 剩一張椅的檯 ，之後叫個服務員，她黑色衫個子不太高頭髮不長也扎頭髮的， 我同佢講我地要2個位的，之後她就話“兩個位咪兩個位囉”這讓的服務態度太差了吧… 炒米粉，味道很淡。菜芯，還好，是正常的味道。皮蛋瘦肉粥，皮蛋很少，也沒有蛋味。

領匯商場會出現嘅就係貴價食肆貴價酒樓首先，先講態度由於小女父親行完山再返黎飲茶咩住左個大背囊諗住叫侍應比多張櫈放袋，侍應唔比，仲話比左我地一陣間又會拎走之後唯有掛係櫈pan, 每次起身都要小心避免櫈向後跌 但最後都避唔到 再問另一個侍應先肯比多左櫈放至於食物，我叫左四人餐 $298炒飯尚可 有咬口春卷咪道適中 脆口呢個非常之油，雖然蝦好爽但都彌補唔到種油膩感正常嘅粉果呢碟味道淡 食完炒蝦可以食返呢個沖淡一下啲油仲有燒賣 唯一可讚嘅 啲肉唔會實的的，蝦亦夠爽 咁先係好食嘅燒賣