龍城冰室

营业中

休息中

呢間銅鑼灣嘅良心食店都頗有人氣，今日忍唔住拜會一下，結果真係發現新大陸——價廉物美，包羅萬有——正啊！（更）認真mode呢其他都真係幾厲害，好少茶餐廳可以好似呢間咁多食物選項，由常餐到碟頭飯到湯飯到扒，咪玩啦師兄點解可以keep到咁多款式而且真心味道幾高質，so crazy！海鮮湯花甲泡飯🍲$63本來貪得意試下only，結果真係飲第一啖湯就覺得好驚艷（menu都有提你記得飲湯which真係應該飲😍）超濃超鮮甜嘅海鮮湯，而且花甲都幾多，至少10隻，其他配料又好豐富，有合掌瓜有木耳，仲有少少菇菌，同埋我冇咁鍾意但無可否認好重要嘅芫茜。飯都煮得啱啱好，浸住湯食到最尾都仲覺得軟硬度恰恰好，非常難得瑤柱福建炒飯🍛$60認真呢齋睇樣已經覺得好食啦係咪先。配料又係冇花冇假真係應有盡有咁滯，芡汁濃稠但混和啲飯依舊食到粒粒分明嘅米飯。整體真係好唔錯，食到地道港式料理熱好力克☕️熱檸茶🍋$6不過不失，冇咩特別。我杯熱檸茶嘅檸檬比咗四五塊，都幾大方btw環境都唔錯，坐得舒服冇人趕，不過七點左右開始多人唔好意思坐太耐

今晚去銅鑼灣睇戲，開場前先去吃點東西。龍城冰室係謝斐道，久違了，今晚舊地重臨，先醫肚，再睇戲。龍城冰室裝修簡潔，地方企理，環境舒適。入坐時剛好5點45分，下午茶至6點，晚市套餐則於5點30分開始。這個時間正好可以叫兩飛，一個下午茶餐和一個晚市套餐。看看餐牌，選擇多得驚人。休閒下午茶有36款，晚市鑊氣小菜套餐更有39款，真係花多眼亂，亦證明呢個廚房係實力派，可以做出那麼多菜式。先來個休閒下午茶餐煙三文魚牛角酥，加配特飲紅豆冰。牛角酥都幾大個，屬大碼牛角酥，外皮鬆脆，三文魚塊數量都算多，配沙律醬和生菜吃，味道不錯。特飲紅豆冰，紅豆夠多夠腍又大粒，都收貨。晚市鑊氣小菜套餐就選了男人的浪漫，即是支竹豆腐火腩煲，包明火例湯及白飯。明火例湯是章魚豬骨蓮藕湯，例湯夠老火，湯水清甜潤喉。主角支竹豆腐火腩煲，果然好夠鑊氣。火腩塊塊工整又大件，唔係碎料，而且份量都唔少，肉質同味道都很好；因為鑊氣夠，支竹和豆腐都熱辣辣又入味，水準之作。

事緣昨晚快10點就用Apps叫外賣、點餐後預計9:45可提取、我准時到，等左30分鐘入去問櫃檯職員、見我有蒸魚就話要等20分鐘，apps個預算時間唔係佢哋俾，我話dee 我已經等左30分鐘、佢就即刻話我講粗口、完全冇任何服務精神去跟下單。跟住再過5分鐘另外一個阿姐攞我嘅外賣出外又嘈你乜號碼、我係app叫根本冇佢嘅3位號碼、之前呢個阿姐已試過粗聲粗氣，我已經嬲、一手拿左就走、跟住肥妹櫃檯叫出來話先生你唔可以咁冇禮貌、（我有爆一兩句粗）仲話你咁可以報警、嗰刻冇諗起應該叫佢快d報、因為已過10點但仲有好多客在堂食中。我想話一間茶記做有蒸魚的單要50分鐘、點都應該同客講唔好意思我跟跟、但肥妹櫃檯（除非係太子女自己生意）、咁對話即係趕客、唔想做外賣唔想做app Order就唔好做、唔係就做好d。今次已唔係第一次咁嘅情況、以後叫外賣實唔再點呢間、幾好食都冇用。

在銅鑼灣返工返左咁耐，除左龍城開張既時候食過幾次，之後lunch 見到在門口排晒隊，所以每次都無揀食龍城冰室☺️☺️☺️（打工仔，得一個鐘lunch 時間）😅😅😅今日又突然行過，見到只有兩個人等外賣，又無人排隊，就決定今日食吓啦！（因為之前食幾次都唔差，所以可以再試）☺️☺️我就點左最基本既午餐蝦仁🍤豆角炒滑蛋呢個睇落好簡單，但我最怕就係蝦仁🍤唔新鮮或者重有雪藏味...！嚟到第一下梗係試吓隻蝦....我擔心兩件都無發生！可以大大啖食🤣🤣🤣仲要真係滑蛋唔係老蛋午餐set 豬扒腸仔飯呢個飯，多汁，送飯一流

一星期內幫襯左三次之前試過買外賣過乾炒牛河同焗豬扒飯,水準OK啦因為而家斷食夜晚唔食澱粉質嘅關係所以去咗鋸扒...雜扒餐係好茶餐廳嘅貨色，腸仔煙肉呢啲正常嘢雞扒豬扒同牛扒就好有梳打味,醃得好犀利。因為唔食澱粉質所以冇要佢個焗薯啲職員好好自動話俾多啲蔬菜雜扒餐跟湯包嘢飲個羅宋湯就非常之濃郁好正好夠味之後就一連兩日走咗去食咗佢個外賣下午茶就係炸雞脾同配沙律雞髀真係好大隻，鹹咗少少沙律係雜果沙律好味酸酸甜甜夠汁

同朋友兩個嚟到銅鑼灣行街，行到差唔多朋友話肚餓，我哋揀咗謝斐道呢間餐廳，因為經過過好多次都未有機會試，今次決定一試。餐廳環境佈置有用過心機，有啲傳統老香港嘅味道，但係又不失現代感。餐廳面積寬躺，坐落到幾舒服，好好彩兩個人派咗張大枱。覺得最正就係餐廳果晚市鑊氣小菜套餐，選擇嘅款式非常多，有39款小菜。每個餐除咗小菜之外，仲有湯、飯同埋飲品，一個人80幾蚊，如果叫兩個餐二人餐仲平啲。我哋揀咗一個小菜套餐，蜜椒薯仔牛柳粒，覺得值得推介。小菜溫度能夠保持得到，牛柳嘅肉質鮮嫩，保留到肉汁而且唔會好煙韌，賣相仲幾靚添五顏六色咁。朋友就點左吉列豬扒飯，係餐廳王牌來。豬扒嘅份量非常大，講真一個人細食啲都未必食得晒。湯方面就有中湯同羅宋湯，我哋點左中湯。除咗餐牌之外，仲有當日款式，不過由於未有圖片關係，我哋都冇選擇，尤其係餐牌嘅選擇已經夠晒多。

今天和朋友到銅鑼灣茶餐廳吃飯， 因為剛啱啱收工， 所以就去咗附近一間茶餐廳吃飯 。這裏嘅位置非常方便 ，啱曬我哋啱放工嘅朋友仔去食 ，地點都好就腳。想不到這間茶餐廳嘅選擇好多， 有韓式嘅鍋飯， 泡飯 ，豆腐鍋 ，睇到都流口水。 完全好有韓國嘅風味。慢慢打開餐牌 ，見到呢度嘅早餐都好多選擇 ，好豐富，有時間真的要來這裏試下這裏嘅早餐。呢度仲有好抵食嘅晚市小菜套餐， 有一人餐，二人餐 ，非常之貼心 ，可以適合唔同人數嘅朋友點餐 。小菜嘅選擇亦很多，又有老火湯，羅宋湯選擇，非常之豐盛嘅晚餐。我朋友叫了泡飯，石斑魚泡飯 ，賣相很吸引，材料也很豐富很新鮮。我點了即叫即做嘅豬扒焗飯 ，豬扒好似一塊面咁大，好香，肉質鮮嫩 。 吃過返尋味。

同朋友行街行到晚飯時間就望下附近有咩好食😋見到呢間冰室都裝修得幾靚幾新淨入面又有好多客人就覺得一定冇伏😎食完真係令我喜出望外🤩.因為幾個鐘前先食完下午茶我同朋友就決定散叫share黎食飽肚得黎又可以試到招牌菜.🌟招牌石鍋鮑魚蝦球石鍋飯 ($78)估唔到冰室都有鮑魚食 真係夠晒招積仲要有成3隻鮑魚　蝦球又大大粒、肉質爽脆🍤　用石鍋可以整到飯焦　而且炒飯嘅份量都幾多🍚啲飯炒得夠乾身粒粒分明好有鑊氣真係有驚喜🥰.🌟特厚花生醬西多士 ($27)呢個西多士好厚身 面同底都煎得勁靚🍞邪惡嘅金黃色正方形入面仲有花生醬🤤而且餐廳仲用左粗粒花生醬 食起上黎有多重口感加埋任落糖漿真係好好食🍯.🌟雜果賓治 ($26)平時雜果賓治都會溝好一杯🍹估唔到呢度分開上俾晒成罐七喜自己加落去 真係超值利賓納底加上粒粒生果 係冰室嘅經典特飲.🌟熱奶茶 (跟餐+$6)經典香濃茶味嘅奶茶 跟餐加少少錢就有☕.冰室嘅座位大部份都係卡位　所以坐得舒服得黎又夠晒私隱度觀塘、牛頭角同藍田都有分店住喺附近嘅朋友不妨去試下🤗

龍城冰室是香港其中一間有名的茶餐廳，今天行過銅鑼灣龍城冰室，就走入去試下。剛好是下午茶時段，所以有平靚正下午茶食。原來下午茶款式非常多，除了有各式多士、三文冶、面包，亦有炒粉面飯，而價錢由$28-55不等，包一杯飲品。由於我很肚餓的關係，叫了鮮茄焗豬排飯及凍檸檬茶。鮮茄焗豬排飯是港式茶餐廳的經典菜，以新鮮蕃茄它製成香濃醬汁、配上金黃「炒飯底」，非常好味的。鮮茄焗豬排飯不用10分鐘就放到我台前，而且熱力仍然感受到，望下去覺得非常足料，面層再撒上拉絲水牛芝士碎，番茄、菠蘿份量多而且多汁，豬扒有酥香，算是軟，加上濃郁的番茄醬汁，非常佩。另外亦配上炒飯底，吃出來的味道才夠豐富和層次。

晚飯時間黎左龍城冰室食小菜。呢度晚市小菜飯牌真係好抵，$83，有白飯、餐湯。小菜選擇有超多，我今日揀左鮑魚一品雞煲（$83），主餐牌要$103架！入面搵到2隻鮑魚，好入味！另外有啲冬菇、鮑魚片。雞件份量好多！味道係雞煲嘅味道，鹹鹹地，配飯一流。另外加左碟菜，蒜茸拍薑炒菜心（$43），勁大碟！蒜蓉超好食，啲菜好清甜，而且平衡番肉類，令呢餐更健康。呢度嘅選擇其實好多，有韓式、日式、港式選擇，下次有機會再試！

今日早收工就嚟到銅鑼灣食晚餐, 簡單D揀左食龍城冰室!! 👏🏻👏🏻. 晚餐set都幾多野揀~ 😍我地就叫左一個馬拉盞炒通菜($69). 🐽通菜炒得幾有鑊氣, 又唔會過油! 而且入面都有好多件牛肉同魷魚, 牛肉腍得嚟仲有小小咬口. 魷魚就真係比較靠馬拉盞嘅味啦! 🥳包左一個羅宋湯, 飲落都幾辣下, 但係幾好飲的.🥰.仲叫多左一個蒜蓉雞排跟薯菜($59). 👍🏻蒜蓉雞排好重口味下, 雞掛都香口juicy嘅. 跟嘅係焗薯, 食得健康D~

終於有翻堂食同gym做，今日準時收工就同男朋友飯個飯再做gym，之後再去行下街。呢度既咖哩之前食過夠香又夠辣，係gym附近有就決定黎食個快飯。叫左個咖哩羊架飯，咖哩一如既往甘香，濃郁同香辣，撈飯食真係一流！如果有胃口既，可以加個奶油脆豬黎配食，真心正！羊架好大件，煎得岩岩好，好易咬，冇一般茶餐廳食到既雪味，亦冇騷味！肥膏既位置係最香最正！另外叫左個堂餐，豬扒唔難咬，亦夠厚身，份量都有2大塊，非常佛心🤪🤪🤪配左炒蛋，好香滑，唔會過熟！配既脆豬煉奶俾得夠，唔會乾，用黎掂個咖哩真心夾！不過個湯麵就有小小太濃味，如果淡d會好好多！真心呢間餐廳選擇多，又唔會太貴，高CP值，值得再黎食！

兩位小編最鍾意喺鬧市發掘平民抵食嘅茶記✌🏻 事關雞翼撈丁同埋沙嗲牛麵同樣係我哋嘅飛忽🧡 係時候輪到坐落香港各區有四間分店嘅「龍城冰室」！—————🤍 常餐- 瑞士雞翼撈公仔麵（配3.6牛乳炒蛋+腸仔+芝士火腿牛角酥/牛油多士）$53（凍飲+$3）好豐富嘅常餐💫炒蛋夠滑！一咬落去就食得出3.6 牛乳嘅純滑，加入牛奶去炒，咁炒蛋就唔又老又諧啦🤩 多士搽滿牛油，非常香脆🍞 瑞士汁煮得啱啱好，唔會太甜，份量就剛好可以撈勻成個公仔麵👌🏻 稍為遜色嘅地方就係個麵煮得太淋，唔夠爽口！最後點評雞翼，夠大隻，係雞全翼上！😋 雞肉亦都夠滑。整體而言，茶餐廳來講味道唔錯，不過因為最近加咗價，性價比就差少少啦🥲🤍是日午餐- 老干媽椰菜五花腩 $55（凍飲+$3）女小編最鍾意食重口味嘅餸菜，老干媽醬汁最啱我口味🥴 如圖成碟菜都好大份，五花腩都有好多片，好多肥腩位，正啊！不過我就稍嫌醬汁唔夠辣，如果可以再辣少少就更加惹味🥰 午市套餐有好多選擇，一定會啱日日想食唔同嘢嘅你🙌🏻

銅鑼灣嘅美食可謂數之不盡，今晚想簡單啲食個晚飯，嚟到「龍城冰室」（係龍「城」！）．可能係限聚令剛剛解封嘅關係，晚市未見有太多人，所以唔駛等位就入咗去。就咁睇餐牌都好多選擇，有普通快餐、晚餐同埋小菜等等，決定叫咗個二人晚市鑊氣小菜套餐。💚 招牌海鮮湯花甲雜菜煲雜菜份量都幾多，有西蘭花、芥蘭、菜心、通菜 等等，而且都算新鮮，普遍都好翠綠。花甲都唔少，幾鮮甜，隻隻開口同埋唔會有沙！反而重點係個湯，好濃海鮮同蝦乾味，送飯一流。💚 蜜椒薯仔牛柳粒好有鑊氣嘅一碟菜，薯仔同牛柳都炒得好香，份量都唔細碟，加埋蜜汁又係送飯必備既小菜！除此之外，晚市套餐都會有例湯／紅湯，同埋加配飲品，呢度嘅奶茶茶底都幾濃。整體嚟講喺銅鑼灣區都算係性價比唔錯嘅一間冰室！味道: 🌕🌕🌕🌗🌑服務: 🌕🌕🌕🌕🌑環境: 🌕🌕🌕🌗🌑價錢: 🌕🌕🌕🌗🌑－－－－－－－－－－－－📍龍城冰室銅鑼灣謝斐道500號維安商業大廈地舖－－－－－－－－－－－－

常餐癮起，食唔厭因為間間餐廳都唔同龍城常餐喺區內唔係特別平，但唔想食午餐，常餐是首選每個餐配芝士火腿牛角包，3.6牛乳炒蛋拼腸仔但都可以免費轉烘多士點了：仿鮑魚火腿絲通粉常餐（芝士火腿牛角包免費轉牛油烘多士，煎熟蛋）招牌沙嗲牛肉公仔麵（芝士火腿牛角包，炒蛋）賣相唔錯，份量亦足沙嗲牛麵，麵質爽，湯都係正常水準牛肉份量正常3.6牛乳炒蛋香滑有蛋汁芝士火腿牛角包有特色免費轉嘅牛油多士（後）烘得香脆，而且牛油溶咗喺包身，好香口