龍城冰室

营业中

休息中

27號晚去龍城冰室叫左個XO醬豬扒炒公仔麵做宵夜，點知搭車番到屋企打開變左個魚香茄子炆米，都唔明得一樣野咁都可以搞錯，不知所謂😡仲要打番去幾次餐廳都係無人聽電話

自己一個食晚餐，再挑戰冰室，再次叫常餐加熱奶茶。先試熱奶茶，茶底濃，茶多奶少，稍有澀，係中等奶茶。 奶油豬，落牛油非常重手，會見到切半後牛油滲過2/3，再加少少煉奶，好味！不過可惜係凍左，雖然仲脆但都係少少可惜。炒蛋，好好味🤤 炒到岩岩好，非常嫩同滑，有少少奶香，濃厚蛋香，好好味。到瑞士雞翼撈公仔麵，等左大概十分鐘先上，公仔麵炒到彈下入味，雞翼煮得非常嫩同香，不過稍嫌唔夠入味（可能係因為我唔食皮既關係）。題外話，員工幾次黎收野真係收到我燥左🤣我只係食左奶油豬同炒蛋，撈公仔麵上都未上就想收我刀叉，收足四次，再有一位直接拎左我張新紙巾抹枱... 其實員工態度好好，但我當下就🤦🏽‍♀️總結而言，常餐01非常好食🤤 係真係會想回頭食，熱奶茶都ok，真係幾值得黎食！

做地盤既我對茶餐廳有一定既標準 因為再難食都食過龍城我絕對會推介常餐：沙爹牛肉麵龍城既沙牛唔係最真既沙爹 但係係最好食既個種沙爹香港無乜邊間用呢隻 要食呢種要認住深色沙爹汁奶油豬配炒蛋炒蛋啱啱好滑 唔太熟 perfect奶油豬有干底加牛油 仲有奶油 無「奶油」唔加分既😂茶走茶底濃滑 呢杯茶走我中意 唔太kip茶味 飲落口又夠滑 loveit總括 咁多間圍住龍城既翠華 龍城仲屹立不倒係有原因既

一個人去食lunch，差不多兩點，人潮散去不少，搵位都易一D。快快口口食完個常餐，就返去公司繼續工作。瑞士雞翼撈公仔麵 $48豬仔包脆口，牛油已搽好在包上，煉奶嘅分量都唔少，好彩唔係太甜，想食脆豬就親熱食，凍咗會變軟身，唔好晒咗個口感；3.6鮮奶炒滑蛋，炒蛋濕濕潤潤，都幾滑，小小鮮奶香味。雞翼撈麵上碟時唔係好靚仔，雞翼入味，公仔麵麵質一般，好彩汁夠多，瑞士汁甜味都可以，好似還有少少鹵水料味。熱咖啡都算滑，咖啡味還可以，雖然我只加奶冇加糖。

一個女仔，都會煩食咩晚餐架，好彩我好中意食常餐，當然去冰室就最好不過。經過龍城冰室，人未算多，就一支箭衝左入去我叫左火腿鮑魚絲通粉餐$46先試試湯底，ok ar！夠味火腿及鮑魚絲都正常3.6牛乳滑蛋真係滑同香又濕濕地，中意這種質地牛油豬仔包醬足夠，外脆內軟

早上8點半買早餐站在門外等，一直聽不到有人叫號碼，終是我問問，收銀員話我沒有認佢，我話我聽不到，她續說這個是你的號碼沒錯呀！問題係我根本聽不到，她沒有理會我，望了我幾眼，還說下次記得認人，因為佢坐係位度叫，沒有行出來，我又怎會聽到呢！其他在門外等候的人只有幾位，點解佢唔行出來叫呢，有幾位客人都要主動問佢，又要比呢位阿姐話幾句，點解幫襯你仲要受你氣呢！另外雖然味道唔錯，但打開看看之後實在太令人失望！不會有下次啦！

今日同朋友黎龍城呢間茶餐廳食晚飯，我地叫左兩個不同既餐，分別係川辣蝦球雞煲同服務員推介的龍蝦牛柳，先上兩個餐湯，其羅宋湯，甜酸辣適中，非常開胃。而另外一個餐湯是忌廉湯，湯渣份量多，唔錯。川辣蝦球雞煲上枱時沙沙聲，大量雞件，配以洋蔥，蝦好彈牙，非常惹味，加白飯正。另外龍蝦牛柳鐵板餐，龍蝦大隻新鮮，而牛柳嫩滑多汁，好抵食，只係八十幾元。最後炸鮮魷作為小食，外脆內軟，面粉份量適中，唔會一舊舊，酸甜汁，帶出鮮味。

外遊返港最想食港式風味。下午與友人去颱風點心，晚上做完 Facial，一個人最好是茶餐廳。龍城在Open Rice 的評分最高，試了茶餐，公仔麵十分彈牙，豬排味道不錯，豬仔飽亦很脆。比較一般的茶餐室環境算是乾淨企理。

第二次幫襯，因為試過好食先再次幫襯。第一次係週末霄夜時段，所以坐無虛席，店員唔夠，所以黑囗黑面可以理解，而且食物都幾好食，今次未夠7點就到，可能係閒日又早,所以大把位，我以為可以隨便坐，門口收銀呀姐連續三聲喝住我問幾位🤫(駛唔駛呀），都無乜客，其他店員仍然黑口黑面，落單可以粒聲唔出，唔會覆一次，又唔會話好丶得等，總之行埋黎寫，寫完轉身走⋯最勁有個呀叔送餐黎，一掙批落我個頭後，完全無感覺咁，放低碟嘢就轉身走，點呀？講句唔好意思都得卦，真係今時今日咁嘅服務態度⋯

返工前食個快飯～ 最緊要快～ 來一個雞翼撈麵常餐吧 $48～不消幾分鐘先來了 3.6牛乳炒蛋 & 奶油脆豬～ 甚麼3.6 奶，其實飢詩食唔出 😆～ 淨係覺得唔嚡，有點水～ 蛋味微香～奶油豬係細碼～ 先食一件～ 外脆內軟 😌 另外一件 諗住食完個麵之後先食～ 誰知 食完麵，脆豬變成淋豬了 😆瑞士雞翼撈公仔麵～ 雖然飢詩覺得食全翼好麻煩， 不過就係全翼保存肉汁～ 令呢隻翼既入味又 Juicy 😍 肉質嫩滑， 瑞士汁甜甜的～ 有微微鹵水香料味～ 亦有很輕的麻油香～ 😚 美中不足 就是 麵質～ 雖然煮得時間剛剛好， 但不是出前一丁啊～ 麵味差一點 😆熱奶茶 茶味很濃🤩 少許澀 ～👍🏻飢 point : 7 /10

銅鑼灣 茶餐廳非常多， 但係在崇光附近的來來去去 都就是那麼幾間來過龍城很多次了， 第一次畀佢乾淨嘅門面吸引， 裏面 他為不算太擠迫， 新裝修下午茶和午餐賣相相當吸引， 我最愛他的星洲炒米和乾炒牛河， 色香味俱全， 如果散叫， 加一杯熱奶茶， 是六十元左右， 下午茶更加底40多元。下午lunch時間多數走來這一間，今日又叫了星洲炒米， 唔算太 辣， 但非常香， 而且小蝦仁也絕不欺場， 不是另外的衹有兩三粒，呢排如果在落銅鑼灣工作， 電燈著鬼抆腳走去呢一間食午餐

呢個早餐非常豐富，唔洗40蚊有禁多嘢食，真心抵，好少去茶餐廳食左快閃早餐都要特登去搵，因為我見朋友食過，比佢嘅賣相吸引到。唯一要講嘅，就係佢竟然係冇得揀雞排，得豬/牛/魚 。

🎀熊大話要去武聯🥋搞裁判野，熊妹又咁岩放工無野做，就即興銅記食個快下午茶。📍食下午茶就當然去茶記喇。銅鑼灣茶記，熊妹一唸就唸到近排出名的《龍城冰室》。📍📋下午茶款式多，小食類🥡價錢$27-$40，粉麵飯類🥘價錢$44-$53，包一杯餐飲，幾🈴理。常餐，$46📍熊大睇完一輪餐牌，想食常餐有炒蛋，沙爹牛肉通個啲，但見下午茶餐牌無，舉手🙋‍♂️問侍應，店員以為佢想要兩款餸菜的湯麵🍜，推介佢茶餐no.14自選三拼粉麵餐，又傻更更點左，好彩熊妹醒目知熊大想食的係常餐，熊大就衝出去問店員係想要係常餐款唔係粉麵款，店員終於明白，即指係大餐牌薄📗的第2️⃣頁，哦，明哂！熊大終於點對的常餐，有炒蛋，一個奶油豬，一碗沙爹牛肉通粉。另有全隻滷水雞翼撈麵，午餐肉通粉揀。好少常餐會包奶油豬，多數都係一片牛油厚多士🍞，係抵的。煉奶份量唔少，連牛油咸味，豬仔包🥖脆脆，真係無得輸。炒蛋🥚滑滑，就咁食又得，加係奶油豬上面食又得。熊大又幾欣賞碗沙爹牛肉通粉🥣，指通粉煮得出奇的彈牙，唔似一般茶記一大早煮起一大煲浸淋哂。沙爹牛肉味濃，牛肉🐮嫩滑，成件事幾唔錯，熊大茶記必點凍咖啡🍸，咖啡味香，奶味🍼又重，唔算太甜，又唔會被冰溝稀變水

餐廳內好明亮，以米黃色磚場為主，櫃同枱都係用簡約CAFÉ FEEL。裝修有別於一般冰室，花左心思裝修，觀感舒服。黑松露什菌意粉 $66意粉份量好多，兩個人既量意粉軟硬適中，口感彈牙而且掛汁，食落好creamy聞落有幽幽嘅黑松露菌香, 黑松露醬汁味道濃郁, 配上爽口嘅什菌, 味道層次豐富, 點CAFÉ特飲-$20，超抵食。見佢有個流心芝士西多士好似幾吸引，就叫來試試。西多士厚度幾厚身，有塊大大嘅牛油係上面，加埋啲糖膠落去，熱到即刻溶個隻，搽下搽下好快可以食。內裏有好大pat芝士，湧住流出嚟咁濟，食落去咸咸地少少甜，堅正。黑松露忌廉湯好重料，好濃稠，有圖有真相，黑松露愛好者會勁like美式龍蝦海鮮大餐配燒汁有半隻龍蝦、魚排、帶子、青口、帆立貝~~熱新辣辣上，倒汁落去果下仲有滋滋聲~冒晒煙鐵板就是要這樣~~海鮮無雪味亦無電到肉身都霉，幾爽口最驚喜既係個薯蓉， 牛油味香， 薯蓉好滑溜，加上個醬， 口感好豐富冰室價錢，但有呢個味覺享受，抵食~~綜合水果茶百香果加上唔同嘅水果，令到個茶甜甜地又酸酸地，鐘意飲果茶既朋友碞晒 有淡淡的百香果及蘋果味一開始少少淡 放耐d飲會更濃味 杯水果茶真係好幾好飲，

平時態度差都忍佢，因為佢間嘢距離很近， 因為本人同朋友都係食素，但係附近素食館好遠，所以趕時間只能去這裏吃， 但係佢每次招待客人都係迫埋一堆，無論乜嘢時段一定要搭枱，食完趕住你走！落單態度差，問佢攞張餐紙都嫌麻煩同畀說話你聽。話說下午茶公仔麵雙併餐，因為素食者根本冇嘢好揀，只能夠揀炒蛋+雙蛋，其他肉食根本冇辦法叫，最初佢有落過單雙蛋+雙蛋，其實本人根本唔係好想食咁多蛋，但係冇嘢可以選擇，之後佢話唔得只能炒蛋+雙蛋唔可以一樣，咁我就無奈地叫炒蛋和雙蛋 ，之後同樣地落order，今日佢又話唔得，唔可以咁叫( 其實餐牌根本冇寫唔可以一樣或者唔可以炒蛋加雙蛋 )，佢話知你係唔係食素，總之佢大哂…… 唔係一般善男信女去頂得佢順，日間不論男女態度都極惡劣+串+黑面，見住佢對好多枱人都係咁嘅態度，佢要做你生意反而你要受佢氣，夜間偶爾一個半個阿姐態度會好啲，但係好多都做唔長。佢嘅食物質素根本除咗夠熱之外味道質素係唔得！試過下午茶餐加錢改出前一丁其實根本唔係出前一丁， 麵質一食就知！以後唔使再去