齒留香

营业中

休息中

之前做哂廣告話燒味好好食，尤其叉燒堪稱全港第一，有日經過決定一試。入到去問收銀呀姐仲有無叉燒同燻蹄，佢可能以為我買好多，即刻笑住問我要幾多，但當知我只係要個雙併飯態度就即刻180度轉變。因為當時落住細雨，我又孭住個仔，落完單諗住係入面等外賣，當時鋪內客人大概只佔一半左右，但收銀呀姐粗聲粗氣咁叫我係門口等，話我會阻住啲客。。。咁好啦，出門口之前同個呀姐講多句想要多汁，點知佢好大反應答我”薑蓉要另外加錢架，汁就唔洗架。。。！”果一刻真係覺得好反感，加果幾蚊我絕對比得起，但係啲語氣係咪可以好啲？再講啲燒味，味道不過不失，雖然唔難食，但又未置於好似廣告所講咁誇張好食，自誇全港第一絕對受之有愧。不過值得一讚既係以外賣雙併$37既價錢黎講，啲燒味既份量唔算少，算係幾抵食。希望服務真係可以改善下，如果想食好野又有服務既其實真係大把選擇唔洗揀你地。

前一天因工作關係路過被門口招牌廣告吸引、今日再臨見時間尚早、一於試試棒吓場。自選燒味雙併套餐 ~ 燒鵝併燒肉燒鵝賣相似放咗大半日、相信係早上由中央工場制做、燒鵝和燒肉食得出用靚嘅原材料、入口味道偏清淡、感受得到老板用心想做好燒臘、不過相信品質控制在量產上出咗問題、真心講門口大大隻字寫住神級調味我個人食完唔係好識得欣賞、有點自吹自擂、理想同事實嘅出品上存在一段距離、不過青菜蘿蔔各有所好、老板喜歡自我感覺良好要尊重、亦都係進步嘅原動力。只係希望老闆可以多花些時間整理一下成個流程同品質控制。例湯蓮藕煲排骨湯～ 合格跟餐奶茶合格油菜快餐式一早大鑊一次過煮起、凍冰冰、無奈地食哂免浪費食物白飯合格香港地、租金、人工、原材料樣樣都貴，做老板嘅壓力一d都唔細。真心期待下次再幫櫬時會有改變。

見您賣咁多廣告，山長水遠黎見識吓，點知一去到唔使點排隊都知中伏，衞生環境好差，班師傅不停係舖頭門口食煙，成地煙頭，坐在門口位置半分鐘都呼吸困難，勁趕客，味道偏咸，名過於實，唯一可取係啲飯夠熱，真心無下次。

d燒肉食落粉粉的，無乜豬肉既質地，其實吾關乎豬既部位事，只係純綷講個肉本身，吾知道用d乜野黎醃，搞到d肉太鬆散，吾似豬肉，因為門口寫住神級調味，所以先買黎試下。不過燒肉醃到咁都誇張了，寧願吾醃正常返少少，因為自己燒bbq都可以食到肉有質地，點解燒完吾係梗左而係鬆到散呢，如果係柔軟，有質地，吾需要散，先會好食的，呢度我都吾覺似原本豬肉的質地。門口寫了神級調味，我都食到舊肉係咁，其實點樣落d乜野調味都無辦法改變肉質的。食物點樣都吾緊要了，但係員工態度是好重要的。其實切燒肉好快的吧，買了飛等了過幾分鐘然後再叫返你的號碼，得我一個人就不用浪費時間排自己的隊叫號碼吧！又沒有甚麼客人切東西，莫名其妙的搞到好似排隊咁，使吾使呀。慢都吾緊要的，但是禮貌都要了吧，不懂形容，都不明白很多人都要“排隊”買嗎？

話說呢一間翻啅了好多次的燒味店，今日終於記得幫佢寫個食評啦我朋友係可以連續食佢個叉燒飯幾日也不會厭倦的，而我每次都食燒鵝飯，皮又脆又香口，加上配埋酸梅醬，我每次都覺得又美味又罪惡，哈哈，愛情上可以0.5加0.5等於一，而呢個燒鵝飯配酸梅醬完全地perfect match，真心無誇張成分，你食過就會知道的，所以呢要食燒鵝又洗乜入深井丫，價錢也很公道。仲要值得一提佢個例湯，絕對不hea..沒有添加味精而且很濃味，感覺好健康

不是堂食，我只係外賣的。同收銀講要外賣义燒，想要瘦d，但他無回應，之後同師傅講，點知師傅話同收銀講就得，收銀即回應落左單加唔到，我即問他點解我同你講時你唔話我知，就算加唔到落單都可以話比師傅知，佢無出聲，直至我離開都無回應！態度勁惡劣，十問九唔應，擺明係唔想做生意，無下次！我相信個位收銀是老闆，因為我問佢無回應，就連其他在場的伙計都唔敢出聲，嫌我買得少唔想做生意可以大方出句聲，唔係得你一間燒味舖！

今日順道經過太子， 好耐之前試過一次5太差，（今次係第二次幫襯）突然醒起齒留香, 順便外賣叉燒同燒肉嚟食吓，點知今次叉燒差左很多不特止😏 叫了半肥瘦冇半肥瘦 , 食吓去又硬嘅，（跟本不是介紹中的咁好食） 至於服務態度簡直 一次比一次劣評🤨 櫃檯姐姐係無禮貌的， 櫃檯姐姐話賣晒燒肉，我話咁只買叉燒，佢嘅語氣態度加臉色就覺得我買得咁少，之後仲有問冇答， 只識收錢！當收飛時仲衰，收5切的態度一手搶住嚟收！（就算真係好食都冇用啦，(何況而家係唔好食嘅) 唔會再有下次幫襯😤 bad list左啦！

對於叉燒這回事既是童年回憶也是comfort food好的叉燒不但考功架也要講運氣吃過香港不少燒臘店各形式各門派也吃過今天有空就來拜訪這家牙擦店由將軍澳坐到太子大概半小時以茶記水準門口阿姐尚算有禮半斤叉燒索價五十大元比起九龍城的六十二元一斤貴了一大截回程在車上打開盒子偷看天吶心納悶一下心知不妙一塊一塊橢圓形像模型的樣子沒有筋位沒有半肥沒有燶邊咬一口非常乾柴索然無味用力咀嚼也絲毫沒有肉汁對於這盒東西我最後也痛心地丟棄了回看齒留香的蘋果動新聞介紹心中的無名火又再熊熊地燃燒

燒臘］太子附近有好幾間著名燒臘店，今天揀選了「齒留香」燒臘掛在明檔櫥窗內，讓人挪不動腳進店細細品味。明檔廚房可以清晰看見師傅的操作過程，一根根完整的燒肉在師傅完美的刀工下，被斬得大小均勻，因為表皮酥脆的緣故，在切的時候還能看到四處飛濺的脆皮屑。藏身於太子界限街食店眾多一段，*店面裝潢簡潔，明亮燈光襯托暖木色系列桌椅和黑鏡牆面，牆上掛一些簡單趣味的標語：全區最優質燒味店、馳名叉燒·我係No.1、再三回味燒味飯等.......今次點了肥叉燒肉飯，服務員送上個碟橙紅色瘦瘦的叉燒柴柴的肉質，真是嚇得我目定口呆！立即與服務員說係唔係油檔搞錯咗呀！你睇吓張單寫着肥叉燒肉飯喎，服務員仲問我係咪要換，如果啱食我就唔使指明要肥叉，唔該。我個人認為叉燒就是要帶點肥肉，燶燶地油油亮亮混合着蜜糖才好味，剛巧油檔師傅捧著一大盤剛燒起香噴噴叉燒經過，心諗會唔會用剛燒出來的，因為剛燒好的叉燒特別甘香鬆化，果然不負眾望，叉燒唔算好腍身，食落無渣又唔嚡口，也有肉汁燶邊位焦香，味道方面，外層蜜汁唔太甜，肉質略嫌鹹咗少少，適宜伴飯吃。脆皮燒肉醃得入味均勻以其肉松化、香脆，還有那股焦香，其口感富有層次感，佐酒送飯一流。堂食奉

燒臘是香港人生活中不可缺少的東西，每天中午，不知有多少香港人是以一個燒味飯盒來解決午飯的。今天我也不例外來一個燒味飯吧！［燒臘］太子附近有好幾間著名燒臘店，今天揀選了「齒留香」燒臘掛在明檔櫥窗內，讓人挪不動腳進店細細品味。明檔廚房可以清晰看見師傅的操作過程，一根根完整的燒肉在師傅完美的刀工下，被斬得大小均勻，因為表皮酥脆的緣故，在切的時候還能看到四處飛濺的脆皮屑。藏身於太子界限街食店眾多一段，*店面裝潢簡潔，明亮燈光襯托暖木色系列桌椅和黑鏡牆面，牆上掛一些簡單趣味的粵語標語：全區最優質燒味店、馳名叉燒·我係No.1、再三回味燒味飯等.......今次點了肥叉燒肉飯，服務員送上個碟橙紅色瘦瘦的叉燒柴柴的肉質，真是嚇得我目定口呆！立即與服務員說係唔係油檔搞錯咗呀！你睇吓張單寫着肥叉燒肉飯喎，服務員仲問我係咪要換，如果啱食我就唔使指明要肥叉，唔該。我個人認為叉燒就是要帶點肥肉，燶燶地油油亮亮混合着蜜糖才好味，剛巧油檔師傅捧著一大盤剛燒起香噴噴叉燒經過，心諗會唔會用剛燒出來的，因為剛燒好的叉燒特別甘香鬆化，果然不負眾望，叉燒唔算好腍身，食落無渣又唔嚡口，也有肉汁燶邊位焦香，味道方面，外層蜜汁唔

今日打電話叫外賣自取，然後搵左工人姐姐幫手落去攞，攞左俾埋錢食埋落肚之後，間餐廳突然打嚟鬧我話我無去拎外賣！我話我寫左張紙話係外賣自取俾工人嚟攞，依家仲要已經食埋落肚點會無拎！但個職員繼續鬧我話我無攞到！仲要用勁差嘅語氣！簡直離晒大譜！自己做錯嘢就鬧食客！簡直無品！態度亦勁差！以後都咪使指擬再幫襯呢間咁嘅垃圾！！

太子呢間個收銀態度勁差，而且食物比起旺角正店那間價錢貴而且唔好食！完全同旺角那間的味道唔同，例湯也唔掂！茶記價錢水準差！所以我日後不會再食呢間！食都買旺角正店，好味好多

這店的元祖店是旺角塘尾道的一個小小燒腊檔, 毫不起眼.  很多時經過也無意幫襯.後來知道老細在太子開餐廳, 主打燒腊, 好評很多, 心裡不禁想會它一會.今天在附近購物, 正好謔試它的出品.下午三時到達, 門口已經看見鮮明的燒味掛在柜枱前.  於是長驅直入. 只見人客有兩三個, 阿姐指示入內, 原來內裡有一條窄巷般的空間, 有一排四人卡位.問阿姐有否下午茶餐, 她取起餐牌指示, 我其實心中已經篤定要試燒味, 於是要了叉雞湯河+熱咖啡. 43大元.五分鐘飲品和河粉都來了. 賣相不錯, 河粉還河粉, 餸還餸. 份量不多, 也算公道的.先試一口湯, 是比較鹹的, 鮮味不足. 河粉很爽滑, 不碎, 很好.叉燒是半肥瘦, 不韌, 香料味很濃, 甜到漏. 雞是半隻髀, 有骨的一邊, 所以肉不算多. 咖啡算是很濃, 但是平價貨色, 不過也沒期望. 總的來說, 是滿意的, 會回頭專程來吃嗎? 未必.

新開咗一段時間， 朋友介紹過 呢間誤差， 今日經過入去試下 。見到門口擺 乳豬， 叫咗個四寶飯 套餐。 好好味，但埋單唔算平。 以98蚊 一個四寶套餐飯呢計 ，如果有賣凍飲會好好多， 啲飯其實日本都唔夠飽， 得八成飽， 個餐湯味好濃 ，夠老火湯的味。 總計有80分， 我下次會再幫襯。

廣告誇啦啦,實際去食就小喇叭.話义燒香港最好,叫了一個义鵝飯,义燒又霉又鹹,明顯系疏打粉用得太多,燒鵝又乾又柴又無味,D菜冷冰冰,連叮叮都懶得做,D筷子及瓷羹又無抺乾,水淋淋,好唔衛生.以後不會再去這家店,總之一句,老細得把口,騙子一名,名大於實,請以後不要再打廣告說自己的义燒香港第一,羞家!