影片
营业时间
今日营业
11:30 - 21:30
星期一至日
11:30 - 21:30
以上资料只供参考，请与餐厅确认详情
我本身2-3年前食过一次，印象本身真系麻麻哋～😬但系今日再试，我对齐栢林有所改观!😎我系会再去食嘅！首先，以前经过呢，我望入店面里面好似好污糟咁，唔太想帮衬～但系依家好似整洁咗好多～又见到有几个人排队买，咁就同朋友再试试佢啦！🙂我哋分别买咗火炙芝士辣肉酱热狗 & 田园风味热狗😃~ 卖相好正同埋足料！好好味！另外店员态度几好👍🏻小店嚟讲，质素真系不错！支持支持👍🏻👍🏻下次试埋d burger 先！😝
继续阅读
当日天气好 阳光又普照，就去踩单车，踩到中午时份开始觉得饿，但唔想食咁heavy，于是谂起Hotdog!! 哗我地嗌左一个餐 一个单点。🌭 澳式风情热狗 $40千岛酱好好味，配上菠萝，酸甜度适中食热狗除咗个酱汁，条肠都系重点，唔咸，系ok嘅下次再食，都应该会覆卓！🍔 经典牛肉汉堡 $58就咁睇上去好大个汉堡扒保持到啲肉汁，唔会干而佢使用嘅酱正正就系同热狗同一只千岛酱味道好夹🧃有汽柠檬茶、细薯条无咩特别评价，正正常常🤣
继续阅读
天气成日都热到热狗🐶咁样, 今日lunch就去食 Hot Dog🌭🌭@zeppelinhotdog 🌭 来个light lunchZeppelin 嘅热狗面包标榜日式汤种做法,采用纽西兰牛油,日本面粉,每日自家工场制造,面包相当松软,而店家既芝士系用原块芝士🧀烤热的,所以芝士味既浓又香 🔮招牌火焰芝士辣肉松酱热狗 $42 个芝士辣肉酱非常惹味, 肉酱上面舖满哂芝士,烤溶咗既芝士再加埋满满嘅惹味辣肉酱,第一啖咬落去,劲香口,好肉食焗酱意料粉咁,（拎定张纸巾,因为会食到成个咀角都系酱😅), 由于个肉酱辣辣地太好食,更加提升咗条粗荷兰肠既味道, 呢个Dog真系几出色！唔怪得系店家既Best Seller 啦！ 🔮澳式风情热狗 $38 呢个热狗既材料主要由,烟肉🥓,芝士,菠萝,千岛酱,纽纶堡肠,烟肉烤到脆脆放系面,加上劲多芝士.个人觉得食落去好似食紧夏威夷风情薄饼咁,可能因为有菠萝,所以食落去有小清新感 🔮美国洋葱圈热狗 $36即炸洋葱圈穿落条肠入面,卖相都几得意,一dog二食,而且个烧烤酱都几好味,不过source就有D少,建议可以叫多酱同多芝士粉,咁样会再好味d! 🔮香菇猪肉炸烧卖杯 $18/6粒 好似食紧粒包住烧卖皮嘅香菇贡丸咁,外面炸到脆扑扑,咬落又好弹牙,口感好得意,最正都系个汁,香辣咖喱汁,又有少少酸,虽然对我来讲已经好辣,但系又好想继续食,店家加推又加推,真心一定要试!👍🔮冰菠萝🍍🍍 ＆ 冻饮 跟餐加$15天气咁热,食完只dog再加番片冰菠萝做甜品,好正呀！
继续阅读
又系帮衬小店系列，收工又唔系太肚饿都系买快餐，又唔想食黎食去都系m记，听讲呢间齐柏林热狗店都好多好评，今日一于试下啦。餐牌同有少少改动同网上睇有d唔同，主要都系跟套餐小食果part问题不太大，改左1定要选1款饮品，之前系加12蚊可选2款小食或饮品，对于我外卖返去而屋企本身有野饮既人黎讲就2款小食抵d。火炙芝士辣肉酱热狗，由于外卖返去其实d野都冻晒，所以我摆落气炸锅轻轻整返热黎食，热食好食得多，热狗包外皮少脆入面都几松软，热狗肠好大条肉质几厚实，辣肉酱既辣度好轻微，唔食得辣既朋友都应该接受到，另外都加左d芥末酱黎调味，成个热狗既口感同味道非常丰富，真系好食，唯独系d芝士冻左难做到拉丝效果，始终唔系即食点都差d。细薯条，又估唔到个细薯条份量都唔少㖞，仲要用粗薯条，薯味好足，但外卖返黎焗到又淋又水，我都系用气炸锅去返炸佢，炸返脆就上碟，盐都系我自己加上去的本身无，酱料分开上，茄汁沟少少好似千岛酱咁既。饮品就要左zero可乐，呢个就唔多介绍啦。成个餐就57蚊，但食材用得好同份量都足，相对性价比都高，缺点系无得堂食所以外卖返去都要自己整返热食先好食。
继续阅读
今日又去咗帮亲黄色小店啦 呢间齐柏林热狗非常出名 而且劲多分店叫咗个芝士热狗入面嘅热溶芝士份量都几多 轻轻松松就做到拉丝嘅效果 加钱仲有洋葱圈 炸得非常香脆 简直系粮尾救星呀
继续阅读
您可能会有兴趣的...