齊柏林熱狗店 (太安樓) (已結業)

第一次黎 叫左芝味熱狗同芝士大薯條 烘得香脆既麵包 同包一樣長度既法蘭克福腸 一大杯熱熔芝士 一啖入口既感覺 非常滿足✊🏽 芝士大薯條係厚切薯條🍟 毫不留手既茄汁同芝士 係有咬口既芝士 食到尾啲醬都厚厚地包住啲薯條 👍🏻👍🏻建議門市即食最好

🌭 美國洋蔥圈熱狗 HK$36熱狗就食得多，有洋蔥圈嘅真係第一次。 洋蔥圈好脆， 畀嘅唔係茄汁，而係燒烤汁。 熱狗腸嚟講佢唔算特別大條，但係加上洋蔥圈都夠食。.🍟 套餐加兩款小食或飲品 +HK$12淨係食熱狗唔夠皮，可以加錢要套餐。揀咗細薯條同汽水。 薯條除咗茄汁加埋蜜糖芥末醬。雖然食起來比較重味啲，表示個人就幾重口感，所以幾鍾意。😂

熱到個人有尐唔太思服，都唔想煮亦唔知食咩... 咁就諗住落太安買薯粉(今日呢個fail!) 但就發現有兩間新野 (另一間係石磨腸粉，請睇另一篇食評)!Zepperlin - 火炙芝士辣肉醬熱狗 $42見到已經唔多洗諗，試完呢個下次再試其他回來食都幾正，相信你頂得順天氣咁熱既話，係個到即食應該可以拉到絲XD肉醬黎講都有少少辣味，況且呢個組合無死既XD仲有呢，佢都係加12蚊就有兩款小食，我地都有諗過等緊既時候整兩個冰菠蘿爽下，不過最後無，下次會架啦！太安無同類型既，而且分店啫，應該會企得耐既! 好耶!

西灣河太安樓素有"小士林"美譽，為香港一大"掃街""搵食"熱點上周末新開張的連鎖 齊柏林熱狗店Zeppelin Hot Dog Shop 為港島東小食集中地帶蒞新口味!事先聲明，本分店為筆者朋友兄弟兩人合力創立，並為Zeppelin Hotdog連鎖一員今次特登由新界西遠征港島東，一試新鮮熱辣美式熱狗風味!店內熱狗包選用嘉頓麵包，鬆軟可口。店內"立食", 透明大玻璃目睹店員即製炸薯條煎香腸炒餡料，別有一番風味哎左兩個熱狗, 一個Aussie Dog 澳式風情, 一個田園風味澳式風情 主打 芝士，煙肉，波羅，千島醬配上德國紐倫堡腸 ，非常惹味，餡料配搭食起上來頗似夏威夷Pizza的口味至於田園風味 則有番茄，洋蔥，青瓜，千島&蛋黃醬配維也納腸，熱狗上鋪滿新鮮青瓜絲, 口感爽脆同時平衡各種餡料，我的favourite!另外還有各種小吃，芝士薯條，炸薯格等，今次熱氣生飛滋，下次再試!沿路還看到各種人龍小店例如雞蛋仔，珍珠奶茶，海南雞飯等，真係一站式食通街!

見新開張試下... 同埋見到啲套餐都係+12蚊! 買咗嗰芝士辣肉醬熱狗 然後加12蚊係可以加兩個小食 我揀左薯條同埋冰菠蘿 成嗰餐嗰餐好豐富! 講下食物,薯條係即炸,熱狗都係即做..等左大概4分鐘, 麵包係烘過所以都幾鬆軟同暖暖地 (唔似平時出面啲熱狗嗰包凍) 熱狗條腸都好大條好juicy 肉醬同芝士都係預期之中👌! 店主介紹左幾款熱狗 原來每款都用同款嘅腸! 感覺到食物有誠意 會再去試其他款!